Abakingiwe Coronavirus bakuyemo agapfukamunwa(...)

Kwamamaza

agakiza

Abakingiwe Coronavirus bakuyemo agapfukamunwa ntibahane n’intera hari ikibazo?


Yanditswe na: Ubwanditsi     2021-03-15 21:12:10


Abakingiwe Coronavirus bakuyemo agapfukamunwa ntibahane n’intera hari ikibazo?

Abenshi bavuga ko niba umuntu akingiwe indwara aba atagomba kuyandura kuko urwo rukingo ruba rurimo ubudahangarwa buhangara iyo ndwara, ntayandure, ubwo atayanduye ntiyayanduza.

Ni gute abakingiwe Coronavirus bakomeza kwirinda kandi barakingiwe n’urukingo rwizewe?. Sobanukirwa byinshi kuri iki kibazo.

Ikigo cy’Amerika cyo kurwanya no kwirinda indwara (CDC) cyatangaje ko abantu bakingiwe byuzuye bashobora gusubira mu buzima busanzwe, bashimangira ko Abanyamerika bakingiwe neza bakuramo agapfukamunwa.

Uwakingiwe Covid-19 yakuramo agapfukamunwa aramutse ahuye n’undi wakingiwe

Abatewe inkingo zisabwa bashobora kujya gusura bagenzi babo na bo bakingiwe ndetse na bamwe batakingiwe, nk’uko amabwiriza mashya y’iki kigo abivuga. Ikigo CDC cyavuze ko bifatwa ko abantu bafite ubwirinzi bwa ngombwa iyo hashize ibyumweru bibiri bamaze guhabwa doze ya nyuma y’urukingo.

Kugeza ubu abaturage b’Amerika barenga miliyoni 30 bamaze gukingirwa Covid-19. Abategetsi bo mu rwego rw’ubuzima batangaje aya mabwiriza mashya ku wa mbere ubwo bari bari mu kiganiro cy’itsinda ryo mu biro bya Perezida bya White House rishinzwe guhangana n’iki cyorezo.

Ayo mabwiriza avuga ko Abanyamerika bakingiwe byuzuye bashobora gukora ibintu bitatu bibasubiza mu buzima busanzwe, aribyo; Guhurira mu nzu n’abandi bantu bakingiwe bisesuye batambaye udupfukamunwa kandi badahana intera, Guhurira mu nzu n’abantu batakingiwe bo mu rugo rumwe, mu gihe bari mu bafite ibyago biri hasi byo kwibasirwa bikomeye na coronavirus no Kureka gupimwa cyangwa kujya mu kato mu gihe bagize aho bahurira n’ufite Covid-19, keretse gusa ari uko bagaragaje ibimenyetso.

Andy Slavitt, umujyanama mukuru, yabwiye abanyamakuru ati:"Twatangiye gutanga ishusho y’uko isi isa mu gihe twerekeza mu kuva muri Covid-19". Uko abantu barushaho gukingirwa...urutonde rw’ibikorwa ruzakomeza kwiyongera".

Mu Rwanda abaturage bakomeje guhabwa urukingo rwa Covid-19

Amabwiriza mu biguhu hafi ya byose avuga ko,Abamaze gukingirwa baracyasabwa gukurikiza amabwiriza y’ibanze y’ubwirinzi, nko kwambara udupfukamunwa no guhana intera ahahurirwa n’abantu benshi ndetse no kwirinda kujya ahari abantu benshi n’ingendo.

Amabwiriza anasaba kwambara udupfukamunwa no guhana intera iyo bari kumwe n’abadakingiwe kandi bashobora kuba bafite ibyago biri hejuru byo kuzahazwa n’ingaruka zivuye kuri Covid-19.

Wakurikira kandi n’iyi nyigisho: Ingaruka mbi 6 ziterwa no gukoresha telefoni uri mu bwiherero.

Source: InyaRwanda.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?