Umwuka Wera niwo wubatse itorero/ Rev. Karangwa John

Iki kigisho cy’umwuka wera kigishijwe tariki ya 19/5/2018 ubwo abayoboke n’abayobozi batandukanye b’Itorero rya ADEPR ururembo rw’umujyi wa kigali, bari mugiterane, cyo kwizihiza umunsi mukuru wa Pantekote, cyabereye muri stade ya ULK.

Abakirisito ba ADEPR ururembo rw’umujyi wa Kigali bahuriye hamwe kugirango basenge Imana ihembure Umwuka Wera mu mitima yabo.

*Ibyakozwe n’Intumwa 1:8 Icyakora muzahabwa imbaraga... Aya ni amagambo Yesu yavuze asezera abigishwa be. Uhereye ku murongo wa 6 abigishwa bari bari kumubaza niba ari cyo gihe yenda kugaruriramo ubwami , ni uko kuwa 7 arabasubiza ati ibyo si ibyanyu kubimenya... Yesu ntabwo umunsi na we awuzi ariko ababwira iby’ Umwuka wera.

Rev. Karangwa John, umuvugizi wungirije ushinzwe ubuzima bw’Itorero yavuzeko Umwuka Wera ari wo wubatse itorero:

Muzahabwa imbaraga: Izi mbaraga ntabwo ari iz’umubiri nkizo tubona ntabwo zipfa kubonwa n’amaso. Ntabwo ziva mu guterura cyangwa kurya byinshi,oya ahubwo izi mbaraga ni imbaraga zidasanzwe. Izi mbaraga zirukana abadayimoni, izi mbaraga nizo zasenye Yeriko...
Izi mbaraga nizo Eliya yuzuye igihe abahanuzi b’ibigirwamana bari bagwiriye muri Isirayeli.

Umwuka wera: Niwo unihira iminiho itorero,niwo uriyobora. Ni umwuka w’Imana Yera. Izi mbaraga z’umwuka wera ntabwo zigaragara.

Muzaba abagabo no guhamya: Iyo wahawe imbaraga z’Umwuka wera uhamya kugira neza kw’Imana. Bibiliya ivuga abagabo bahamije. Iyo usomye Daniyeli 3:16 ubona abagabo batatu(Saduraka, Meshaki n’Abedenego) bahamije bamaze kuwuhabwa banga kuramya ibigirwamana bemera guhamya no mu gihe kigoye. Umuntu wawuhawe ahamya Imana ibihe byose. Eliya yarahamije ahuye na Ahabu kubwo Umwuka wera wari umurimo, bahuye na Eliya aramubwira ati" ni wowe n’inzu ya so mwateje ibyago kubwo guta Imana" iyo umuntu afite umwuka w’Imana arahamya.

Yohana nawe yarahamije mu gihe cy’akarengane nuko arababwira ati Uwo nakozeho ntabwo namwihakana mukore ibyo mushaka byose.

Petero nawe yarahamije, iyo usomye mu gitabo cy’Ibyakozwe n’Intumwa urabibona. Ati Yesu uwo mwishe mu kamubamba.

Yakomeje avugako Umwuka wera ari umuyobozi:

Yohana 16:13 :Uwo mwuka w’ukuri naza azabayobora mu kuri kose...." niwe uha itorero icyerekezo. Umwuka wera niwe wenda ku bya Data, ku byenda kubaho akabitubwira..

Niwe uduha icyerekezo cy’ubugingo n’itorero. Yohana 14:20 Uwo mwuka wera ab’isi ntabwo bawuhabwa" Hari abavuga ngo abantu bahabwa uyu mwuka bakayoba. Umuntu uyobera mu mwuka aruta cyane kure uyobera mu mubiri. Nahura n’uwayobeye mu mwuka wera aho guhura n’umunyamubiri. Ipfa kuba ariyo ivuze niyo bakwicaza, bakagukubita inkonji...

Imbaraga z’umwuka wera zirahishwe ariko ziri mu bantu b’Imana. Iyo umuntu adafite umwuka wera yigira umunyabwenge cyane. Uzahure n’umunyamwuka ntugahure n’umunyamubiri. Iyo ufite umwuka wera arakuyobora. Nubwo abantu bari kwishushanya, imbaraga z’Umwuka wera zo zirihagije ziri hejuru y’izindi zose. Imbaraga z’Umwuka wera zirahamya.

Umwuka wera urashakwa. Iyo umuntu yabaye mu bihe by’Umwuka wera niyo agize intege nke yibuka ko yigeze kuwugira naho utarawigize agirango ni ibintu bisanzwe.
Abantu basigaye barigize ngo ba Smart ngo barajijutse. ariko Daniyeli yabaye smart mu buryo bw’Umwuka wera nubwo yari Minisitiri w’Intebe mu gihugu kitari icye.
Abantu birirwa bavuga ngo kera. kubwo kutemerera Umwuka wera bigize nyirandabizi ! Umwuka wera se azaza ate abantu baririmbira, bakabwiririza ku byaha? Ariko we iyo yaje yemeza ibyaha abantu bakihana. Iyo wageze mu itorero ry’Umwaka wera urabyumva.

Mwuka w’Imana arafuha. Birakwiriye ko tugira ibihe by’Umwuka w’Imana ukatuyobora.

Ibyakozwe n’intumwa 2:48 “Petero we aravuga ngo nimwihane mubatizwe muhabwe Umwuka Wera kuko ari isezerano ryacu n’abana bacu.”
Mbifurije ko twaba abapantekote muri iki gihe buzuye Umwuka w’Imana.

[email protected]