agakiza agakiza

Wari uziko kudasinzira neza byangiza ubuzima?

agakiza

Wari uziko kudasinzira neza byangiza ubuzima?

byanditswe na: Ubwanditsi     kuwa: 6 September 2019,  10:27

agakiza

Igihe turimo biragoye kuruhuka bihagije cyane cyane nijoro, bitewe n’inshingano nyinshi abantu baba bafite: kwiga nijoro, akazi k’ijoro, ubucuruzi, kuzinduka kare cyane, urusaku rwinshi hamwe Na hamwe, telefone, internete, radio, televiziyo n’ibindi. Ibi byose bibangamira imikorere y’umubiri.

Kugirango umuntu yumve ko aruhutse neza, bisaba gusinzira nibura amasaha 7 kugeza 9. Iyo bitabaye ibyo umubiri uhura n’ingorane zitandukanye.

Iyo utasinziriye bihagije bigabanya kuremwa kw’imvubura ya insuline.
Kudasinzira bihagije cyangwa se kuruhuka neza byangiza kuremwa kw’imvubura ya insuline ishinzwe kugenzura isukari mu mubiri bigabanukaho 30%

Kudasinzira uko bikwiye byangiza ubwonko: iyo umuntu adasinzira neza ngo aruhuke, bituma imisemburo ngengamubiri itera guhangayika, bituma kandi ubwonko butabasha kwibuka neza.

Kudasinzira uko bikwiye bigabanya ubwirinzi bw’umubiri (immunity): gusinzira gacye bica intege ubwirinzi bw’umubiri bushinzwe kurwanya virusi zitera indwara akenshi zizanwa n’ubokonje bwinshi. Urugero: grippe.

Iyo umuntu atabashije gusinzira neza bibangamira urwungano ngogozi: gusinzira neza bifasha ingano y’imisemburo igenzura gusonza no guhaga ariyo leptin na ghrelin. Leptin ibwira ubwonko ko wariye bihagije naho ghrelin izamura appetit. Iyo utasinziriye neza, ubwonko bwawe bugabanya leptin bukazamura ghrelin ariho ushobora gusanga umuntu arya incuro nyinshi mu ijoro bikaba byamugiraho ingaruka z’umubyibuho ukabije.

Kudasinzira bihagije akenshi bitera indwara z’umutima: gusinzira neza bifasha umutima ndetse n’imitsi itwara amaraso kugubwa neza bigatuma umuvuduko w’amaraso uba ku kigero gikwiriye. niyo mpamvu abantu badasinzira bihagije bakunze kwibasirwa n’indwara z’umutima.

Kudasinzira neza bitera agahinda gakabije (depression): ibibazo by’imitekerereze nk’agahinda biba bifitanye isano no kudasinzira neza. Ibi bibazo kandi bishobora gutuma umuntu yiyahura bityo akahatakariza ubuzima bwe.

Dore zimwe mu nama zagufasha gusinzira uko bikwiye:
Uburyo bwiza bwagufasha kurwanya inkomyi y’ibitotsi byiza ni ugufata igihe gihagije cyo kuruhuka kingana n’amasaha 7-9 ku bantu bakuru bafite kuva ku myaka 18 kugeza 64.
Kwirinda kunywa café nimugoroba
Kuryama ku gihe kimwe buri joro udahinduranya amasaha
Kubyukira ku masaha amwe ahoraho
Mbere yo kuryama ni byiza kumara isaha ukora uturimo ukunda, urugero: gusoma, koga n’ibindi
Kwirinda gufata amafunguro akomeye mbere yo kuryama kuko binaniza igifu.
Kwirinda gukoresha ibikoresho bya electronique nka telephone cyangwa televiziyo. uryamye.

Ni byiza rero gusinzira tukizigura hagamijwe kurwanya ibibazo by’ubuzima.

Source: www.health.com
Pour une mailleur santé 13-14

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo