agakiza agakiza

Urufatiro rw’ubugingo bushya muri kristo Yesu

agakiza

Urufatiro rw’ubugingo bushya muri kristo Yesu

byanditswe na: Ubwanditsi     kuwa: 15 May 2019,  05:13

agakiza


YOHANA 8.31-36

31.Nuko Yesu abwira Abayuda bamwemeye ati “Nimuguma mu ijambo ryanjye muzaba abigishwa banjye nyakuri,
32. Namwe muzamenya ukuri kandi ukuri ni ko kuzababātūra.”

33 .Baramusubiza bati “Ko turi urubyaro rwa Aburahamu, akaba ari ntabwo twigeze na hato kuba imbata z’umuntu wese, none uvugiye iki ngo tuzabātūrwa?”
34. Yesu arabasubiza ati “Ni ukuri, ni ukuri, ndababwira yuko umuntu wese ukora ibyaha ari imbata y’ibyaha.
35. Imbata ntiba mu rugo iteka, ahubwo mwene nyirarwo ni we urugumamo iteka.
36. Nuko Umwana nababātūra, muzaba mubātūwe by’ukuri.

Satani yahoze aba mu ijuru, azi ubwiza bwaho, azi ibyiza biriyo, ntiyifuza ko hari umuntu wabona ubugingo niyo mpamvu iteka akora ibishoboka byose kugira ngo nibura bamwe bahitanwe n’ikinyoma aho kumenya ukuri.

Ibi abikora mu gihe yereka umuntu ko ibye birangiye, ko asebye, ko apfuye, ko nta mbabazi ategereje; bigatuma yiheba, akigunga, ndetse rimwe na rimwe akaniyahura!

Nyamara abantu bibagirwa ko Imana yaremye isi n’ijuru ifite ikintu kimwe yihariye: Ishobora byose , nkuko yabyivugiye mu ijambo ryayo iti“Dore ndi Uwiteka Imana y’ibifite imibiri byose. Mbese hariho ikinanira?’’ (Yeremiya 32.27)

Uko ni ko kuri, kandi kubyizera ni yo ntwaro ikomeye iruta izindi zose, kuko ni yo ibashisha umukristo gutsinda urugamba urwo ari rwo rwose yahura na rwo (Yos 1.7,9).

Icyo umukristo rero akwiye kumenya, ni uko Satani afite amayeri menshi yo gukwirakwiza ikinyoma no kwiyegereza abantu ahereye ku busa busa ,Mukomoka kuri so Satani, kandi ibyo so ararikira ni byo namwe mushaka gukora. Uwo yahereye kera kose ari umwicanyi, kandi ntiyahagaze mu by’ukuri kuko ukuri kutari muri we. Navuga ibinyoma, aravuga ibye ubwe kuko ari umunyabinyoma, kandi ni se w’ibinyoma (Yohana8.44).

Ni yo mpamvu Kristo agusaba kuba maso ukaguma mu ijambo rye, kuko ni bwo uzaba umwigishwa we nyakuri:

Burya kuba umwigishwa mwiza hari ibyo bisaba kwitondera, muri ibyo harimo:

 Gukunda no kumvira umwigisha
 Gukurikiza gahunda zose usabwa n’umwigisha
 Gukora ibizamini byose mu gihe cyabyo;
 Gukora ikizamini gisoza ibindi kugira ngo wimurwe.

Kandi nk’uko iyo mwarimu abishatse, mu gihe abona ko abanyeshuri barangaye, abaha umukoro utunguranye kugira ngo bahuguke, ni ko n’Imana ijya ibigenza;

Nuko rero, nawe umenye ko uri umwe muri bagenzi bawe b’abanyeshuri mu isi, kandi ko ikizamini kitaremerera buri wese kimwe kubera kavukire zacu zinyuranye;

Iri shuri rero urimo, niwitwara neza, uzarirangiza neza maze kwambara umwambaro w’ubutsinzi ,bibere ku bicu, intebe yawe y’akazi iteguye mu ijuru;

Ni yo mpamvu ugomba gukomeza kuzirikana ko ijuru riharanirwa , Uhereye ku gihe cya Yohana umubatiza ukageza none, ubwami bwo mu ijuru buratwaranirwa, intwarane zibugishamo imbaraga. (Matayo 11.12), kandi ko rizatahwa n’umuntu wese wamenye ukuri: 6Yesu aramubwira ati “Ni jye nzira n’ukuri n’ubugingo: nta wujya kwa Data ntamujyanye.(Yohana 14.6).

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo