Advertisements

agakiza

Advertisements

agakiza

Umuririmbyi wa Korali Bethlehem wishwe(...)

Kwamamaza

agakiza

Umuririmbyi wa Korali Bethlehem wishwe urw’agashinyaguro yashyinguwe

byanditswe na: Ubwanditsi     2017-02-22 09:01:53

agakiza

Nibogora Lydie wari umuririmbyi wa Korali Bethlehem ibarizwa muri ADEPR Gisenyi yashyinguwe i Bujumbura kuri uyu wa 22 Gashyantare 2017.

Uyu muririmbyi yari atuye mu Mujyi wa Bujumbura ahitwa mu Ijabe, yishwe urw’agashinyaguro n’abantu bataramenyekana kuwa 17 Gashyantare 2017. IGIHE yahawe amakuru ko Nibogora yiciwe mu Kanyosha muri Komine Muha, abamwishe ngo babanje kumuzirika amaguru naho amaboko bayabohera inyuma barangije bajugunya umurambo ku muhanda.

Umuyobozi wa Korali Bethlehem, Muhire Innocent yabwiye IGIHE ko uyu muririmbyi yishwe ubwo yari yagiye ku kazi aho yakoraga mu kigo gikwirakwiza amazi mu Burundi. Ngo bahawe amakuru ko Nibogora Lydie yagiye ku kazi mu gitondo cyo kuwa Gatanu nyuma haza ivatiri iramujyana ariko ntiyamugarura.

Iyi modoka imaze gutwara Nibogora Lydie ngo abo yakoranaga na bo batangiye kumushakisha babonye atinze kugaruka kugeza ubwo bahamagaye umugabo we ngo abafashe kumenya icyabaye kuri uyu muririmbyi.

Yagize ati “Iyo modoka ngo yaje iramujyana ariko nta muntu uzi aho yamujyanye, n’abamujyanye ntawe ubazi. Kuva icyo gihe baramushakishije, bagiye gushakira mu miryango yari akunze[Nibogora Lydie] gusura ntibamubona.”

Yongeyeho ko mu gitondo cyo kuri uyu wa Gatandatu tariki ya 18 Gashyantare 2017 nibwo umuryango wa nyakwigendera wamenyeshejwe ko umurambo wa Nibogora watoraguwe hirya gato y’Umujyi wa Bujumbura.

Abaririmbyi ba Korali Bethlehem ntibagiye i Burundi kumushyingura “kubera ibibazo by’umutekano”. Umuyobozi wa Korali Bethlehem, Muhire Innocent yabwiye IGIHE ko bifatanyije n’umuryango mu masengesho.

Ati ‘Icyo twakora ni ukumusengera, yakoze ibikorwa byiza kuri iyi si, yafashije byinshi korali yacu, yaduteye inkunga ikomeye mu myaka twamaranye na we […] Kubera ibibazo by’umutekano muzi ntabwo byakoroha kujya hariya hantu.”


Nibogora Lydie yari atuye mu Mujyi wa Bujumbura ahitwa mu Ijabe, ngo yari amaze imyaka igera ku icumi aririmba muri Korali Bethlehem kuko yayinjiyemo mu mwaka wa 2007. Ngo yari umuririmbyi akaba n’umwe mu baterankunga bakomeye b’iyi korali.

Nibogora Lydie asize umugabo n’abana babiri b’abahungu. Yaherukaga mu Rwanda mu mpera z’umwaka wa 2016 ndetse icyo gihe yitabiriye bimwe mu bitaramo Korali Bethlehem yakoze.

source:igihe.com

Ibitekerezo( 5 5 5 5 5 )

agakiza

ntbaziyaremye cyriaque

23-02-2017    12:50

ayiweeeee Imana imwakire mubayo

agakiza

Gasigwa Alexis

24-02-2017    02:56

Ababyeyi baturaze urubanza rwabananiye; Ariko Imana Yaturaze ubugingo! IMANA Imwakire mubayo amenye neza ibyo yari ahishiwe!

agakiza

NSEKANABO Theoneste

5-03-2017    16:09

IMANA niyo imenya umuntu kubaho kwe n,iherezo rye.kuko turiho kubw,ubuntu bw,IMANA.Gusa IMANA ibahe umugisha .

agakiza

######

25-04-2017    09:30

yooh! imana izamwakire mu bayo

agakiza

SAYIDI PENTEKOTE

18-09-2017    08:31

Urupfu ni rubi ariko kubagororotsi n’irembo rija mw’ijuru abasigaye mwihangane

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?