agakiza
agakiza

Umunezero w’umugore, urufunguzo rw’urugo(...)

Kwamamaza

agakiza

Umunezero w’umugore, urufunguzo rw’urugo rutekanye.

byanditswe na: Ubwanditsi     2019-09-30 14:24:45

agakiza

Ubusanzwe umugore niwe mugenzuzi w’ibikorerwa murugo byose, ari nayo mpamvu, umunezero we ugira ipinduka nziza zikomeyemeye ku byishimo by’umuryango wose kurusha umugabo.

Ubushakashatsi bwerekeranye n’imibanire mu ngo,bwagaragaje ko umunezero w’umugore ufite akamaro ntagereranywa mu kubungabunga no gushyigikira imitekerereze myiza y’abana mu muryango mu kigero cy’ubwangavu n’ubugimbi.
Mu bushakashatsi bujyanye n’imibanire mu ngo buyobowe na Harry Benson ndetse na Professor Steve McKay wo muri Kaminuza ya Lincoln, basanze ingo 13,000 zihamya ko umugore ariwe uzana amahoro n’umutekano mu bana kuva bakivuka kugeza bubatse ingo zabo.

Iyo umubyeyi yeretse umwana we umunezero uri ku jigero cyo hejuru mu gihe cy’amezi 9 y’ubukure bituma azamuka neza agakurana imyumvire myiza kandi ubwonko buba bufungutse.

Muri ubu bushakashatsi babajije uburyo ababyeyi bagaragariza abana babo ibyishimo n’uburyo bicarana baganira. Basanze umwana waganirijwe n’ababyeyi be kuva afite amezi 9 kugeza yujuje imyaka 14, ariwe ugira ubuzima bwiza mu gihe umwana utarabonye umunezero w’abyeyi muri iki kigero usanga ibibazo byo mu mutwe ariwe bibarizwaho.

Mu gikorwa cyo kugaragariza abana umunezero, ku mugore byikuba incuro 2 kuruta uko umugabo yabikora. Ibi bizanira umuryango imibereho myiza.

Bwana Benson yavuze ijambo ryamamaye hose ati: “umugore wishimye, ubuzima bwishimye”kandi ibi ni ukuri.

Benson yakomeje avuga ko urufunguzo rw’umuryango wishimye ari uko umugabo akunda umugore by’ukuri hanyuma urukundo rwose umugore ahawe arusangiza abana ndetse agashyiraho n’uburyo bwe karemano yavukanye.

Uburinganire bushishishikariza abashakanye (umugore n’umugabo) gufatanya kurera ku kigero kingana ariko kugeza ubu abagabo ntabwo abagabo babikora ahubwo usanga abagore ari bo baharirwa inshingano.

Abagabo bagomba kwuzuzanya n’abagore babo mu kwita ku bana, ikindi kandi abagabo bakwiye gufata mu mitwe yabo ko kubaha abagore babo no guca bugufi ntabwo bisobanura guta agaciro ahubwo ni ukubaka icyizere cy’umuryango uzira amakimbirane.

Source: www.christiantoday.com

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?