agakiza agakiza

Umumaro wo gusenga amasengesho menshi, ubudasiba kandi mu buryo bwose bwo gusenga no kwinginga.

agakiza

Umumaro wo gusenga amasengesho menshi, ubudasiba kandi mu buryo bwose bwo gusenga no kwinginga.

byanditswe na: Ubwanditsi     kuwa: 24 May 2019,  06:43

agakiza

YEREMIYA 33.3
Ijambo ry’Uwiteka ryaje kuri Yeremiya ubwa kabiri, agikingiraniwe mu gikari cy’inzu y’imbohe riti:"Ntabaza ndagutabara,nkwereke ibikomeye biruhije utamenya’’

Biragukwiriyeb ko umenya ko gusenga ari itegeko ry’Imana;amasengesho menshi, ni ya yandi usenga ubudasiba: mu masengesho havamo ibisubizo, ariko ni na yo arinda ibisubizo;

Yesu yategetse abigishwa be, gusenga kugira ngo batajya mu moshya(Luka 22.40), Intumwa Pawulo na yo yungamo iti “Musenge ubudasiba!"(1Abatesalonike 5:17).

Uwaje gusenga aba afite icyamuzanye, naho uwaje guterana gusa, aba yaje kuko yabuze ahandi ajya cyangwa akabikorera akamenyero, cyangwa ubunyedini;

Ikindi ni uko uwaje gusenga ataba azanywe no kureba umuntu runaka, ahubwo aba azanywe no kwivomera ndetse no gufasha abandi;

Dore ibice bitatu(3), bidakwiye kubura mu isengesho.

1. Kuramya Imana: Isengesho ryiza ni iribanza kuvuga Imana, uyirata, uvuga ubwiza n’imbaraga byayo; iki gice kivuga gusa ku Mana;Kandi burya uko uvuga Imana ni ko ikubera

2. Kwisuzuma,ukihana;
3. Gusaba cyangwa gutabaza: aha ni ho utangira kubwira Imana ibyawe byose.

Dore inzitizi ugomba kubanza gukuraho mbere yo gusenga:

 Gusaba nabi, nkuko ijambo ry’Imana, rivuga ko dusaba nabi, ntiduhabwe kuko dusaba dushaka kubyayisha irari ryacu ribi(Yakobo 4.3);
 Gusengana icyaha (Yesaya 59.2);
 Kwimika ibigirwamana (Ezekiyeli 14.3); ugasenga, ukanaraguza;
 Kutizera, ugasengana imitima ibiri (Yakobo 1.4-7);Ugomba gusenga udashidikanya ku mbaraga z’Imana.
 Kutababarira (Matayo 5.6);
 Ubwumvikane buke hagati y’abashakanye;

Muri ririya jambo, Yeremiya yageze mu ngorane, arituriza, maze Imana ibibonye iramusanga imusaba kuyitabaza. Nawe ntugasenge hanyuma ngo ugere aho wituriza, wibwira ngo Imana irabizi; uhubwo ujye uhora uyitabaza ushyizeho umwete ku manywa na nijoro (Yesaya 62.6);

Dore icyo amasengesho menshi azakumarira:

▪Azakwimura, agukure mu gihugu cy’ibidashoboka, agushyira mu cy’ibishoboka;

Bityo rero, injira mu bihe byo gusenga amasengesho y’uburyo bwose bwo gusenga, no kwinginga, ndetse no kuba maso, musabire abera bose (Abefeso6.18).

Maze ntegekera kwiyiriza ubusa aho ngaho kuri uwo mugezi Ahava, kugira ngo twicishe bugufi imbere y’Imana yacu, ngo tuyiyoboze inzira idutunganiye twebwe n’abana bacu bato n’ibintu byacu byose, kuko nagize isoni zo gusaba umwami umutwe w’ingabo z’abasirikare n’iz’abagendera ku mafarashi, ngo badutabare ku babisha bacu bari mu nzira, kuko twari twavuganye n’umwami tuti “Amaboko y’Imana yacu ari ku bayishaka bose ngo abagirire neza, ariko imbaraga zayo n’uburakari bwayo birwanye abayireka bose.” Nuko twiyiriza ubusa, dusaba Imana yacu tuyinginga yemera kutwumvira.
Maze ntegekera kwiyiriza ubusa aho ngaho kuri uwo mugezi Ahava, kugira ngo twicishe bugufi imbere y’Imana yacu, ngo tuyiyoboze inzira idutunganiye twebwe n’abana bacu bato n’ibintu byacu byose ... (EZIRA 8.21-23)

Dusenge, kuko burya hari igihe dusenga amasengesho adafite gahunda, atabasha kotsa igitutu abadayimoni (Mariko 9.29);

Ugomba kumenya ko iki kirere kirimo abadayimoni bashinzwe gutangira amasengesho asenganywe intege nke (Daniyeli 10.13);

Umenye kandi ko amasengesho asenganywe umwete azanira umuntu igikundiro ku Mana: burya icyo umuntu atindanye na cyo, asa na cyo (Kuva 34.29):

Iyo umuntu atindanye n’Imana asa na yo, kimwe n’uko iyo umuntu atindanye n’isi asa na yo (1Abakorinto15.33)

Burya amasengesho menshi yimura umuntu mu isi y’ahagaragara, akamutuza ahatagaragara; atuma utera isi umugongo (Zaburi 1.1);

Burya kandi ikintu kiranga ubucuti, ni uko abantu begendana bakanavugana kenshi(Imig 8.17-18); kwegera Imana kwa Mose byatumye ayibera umujyanama (Kuva 32.11);

Nanone Bibiliya itwereka ko Imana na yo igira amarangamutima, kuko ikunda abayikunda, kandi ikagira inkoramutima yumva vuba (Kuva 33.17);

Nuko rero nawe wishakire igikundiro ku Mana, kuko uyegera ntajya avogerwa n’ibibonetse byose, ahubwo agira amavuta muri we, umuriro w’Umwuka Wera ukamugurumanamo;

Ikindi ni uko amasengesho abikika, kuko mu ijuru haba inzabya z’izahabu zibikwamo imibavu ariyo masengesho y’abera (Ibyahishuwe5.8),ndetse azakugirira umumaro ukurikira:

Azakuzanira ububyutse, azongera ubucuti bwawe n’Imana, uzayatwerera abandi (Yakobo5.16),azarema ibitariho bibeho, ....

Nuko rero, wirinde umujura kuko amasengesho menshi ari ubutunzi butagira akagero: Satani yakoze ibihendo by’isi n’amaganya kugira ngo agukamuremo ibihe byo gusenga; wirinde umujura kuko atazanywa n’ikindi uretse kwiba, kwica ndetse no kurimbura (Yoh 10.10).

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo