agakiza agakiza

Umubabaro ujya uhinduka ibyishimo.

agakiza

Umubabaro ujya uhinduka ibyishimo.

byanditswe na: Ubwanditsi     kuwa: 7 August 2019,  07:02

agakiza

Umuntu yakwibaza impamvu Imana yemera ko umubabaro ubaho mu isi n’impamvu abantu b’inyanagamugayo bahura n’amakuba, imibabaro, akarengane n’ibyago, ni kibazo gikomereye buri wese. Abantu benshi utitaye ku muco wabo n’aho bavuka bavuga ko umuntu ataremewe kubabara, gupfa ndetse no kurenganywa. Ibi byose nibyo tugiye guhuza tukamenya ukuri.

Mu isi huzuyemo akarengane aho usanga abanyembaraga barenganya abanyantege nke. Abantu batizera Imana mu by’ukuri ntibajya bamenya impamvu akarengane kabaho.Kureka kwizera Imana sibyo byakemura ikibazo cy’akarenagane.
Ku bizera Imana tuzi ko kugirango umuntu agere ku byiza muri ubu buzima bwo mu isi, abanza guca mu buzima buruhije (umubabaro). Kuri twe kunyura mu mibabaro n’agahinda, tuzi neza ko bitaduca intege kuko muri byose tugomba guhora dushima Imana.

Niba twemera ko Imana ishobora byose kandi ko inzira zayo ziruta kure cyane izacu, bivuze ko Imana ariyo ifata umwanzuro w’ib’igumba kutubaho birenze ubwenge bwacu, Kandi ikabikora mu gihe ishatse.

Turebe inkuru ya Yobu

Uyu mugabo Imana yemeye ko ibyago bimugeraho kandi yari umuntu uboneye, inyangamugayo kandi yubahaga Imana. Yobu yahombye umutungo we wose, abana be bose ndetse umubiri we uramuhinduka arwara ibibembe biramubabaza cyane. Abantu baramwanga yemwe n’incuti ze zaramuhindutse. Umugore we yamuciye intege amubwirw ko kwizera Imana nta mumaro. Ese dushobora kwibaza kuri uwo mubabaro ungana utyo wabaye ku muntu w’umukiranutsi mu gihe cye?

Mbere y’uko agaeragezwa, byari byoroshye ku bandi bantu kumenya ko Yobu yahiriwe kandi ko ubuntu bw’Imana buri kuri we. Ariko mu gihe ibigarara byatandukanye n’ukuri, byari bikomereye abantu kumva ibiri kuba ndetse n’ukuntu yobu yabyitwaragamo. Bamwe batekerezaga ko Yobu Imana itakimukunda kandi ko yayicumuyeho bikaba byari ibihano biri kumugeraho. Na Yobu ubwe ntiyiyumvishaga ibiri kumubaho, yatekerezaga ko Itari mu ruhande rwe. Iyo ibibazo bigeze ku bantu akenshi duhita twanzura ko bakoze ibibi. Ariko siko biba bimeze
Yobu Imana yaramwishimiraga ari nayo mpamvu yemereye satani ngo amugerageze (Yobu 1:8-12).

N’ubwo Yobu yababaye kuri icyo kigero, yabyitwayemo neza . ntiyigeze atuka Imana nk’uko Satani yari abyiteguye, yakomeye k’ukuri no gukiranuka. N’ubwo Yobu bitari bimworoheye, ariko ibyo yanyuzemo byatumye Imana ihabwa icyubahiro kuko atayihakanye.

Bityo rero ntitukite kubitubaho. Ahubwo twite ku kwizera Imana niyo gisubizo cy’ibibazo byacu. Yobu yabaye intangarugero kuko yabashije kwihangana hanyuma Imana ikamugororera. (Yakobo 5:11)

Kuramya Imana by’ukuri ntibizanwa n’uko twahiriwe mu buzima. Dukeneye kuramya Imana kuko ari Imana, atari ukuyiramya kuko hari ibyo tuyitegerejeho.
Niba dukunda Imana kandi tukishimira muri yo mu gihe yaduhaye imigisha mu mirimo ymaboko yacu gusa, uyu mubano twaba dufitanye n’Imana wamara igihe gito, byasa nk’aho gukiranuka kwacu kwaba gushingiye ku mibereho myiza dufite.
Ku bw’ibyo rero tujye tuzirikana ko umunsi umwe ibyaha byose n’imibabaro bizarangira. Ubwo Imana izahindura byose bishya, tuzaba mu munezero udashira.

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo