agakiza agakiza

Uburyo bwiza bwo gukemura amakimbirane hagati y’umubyeyi n’abana.

agakiza

Uburyo bwiza bwo gukemura amakimbirane hagati y’umubyeyi n’abana.

byanditswe na: Ubwanditsi     kuwa: 16 August 2019,  05:55

agakiza

Umubano mwiza mu muryango ni ubutunzi budakunze kuboneka. Bisaba umwanya n’imbaraga nyinshi, urukundo no kubabarira, ubuhanga no kwihangana kugirango wubake umubano mwiza mu bana bawe.

Rimwe na rimwe mu muryango haboneka ibibazo bigakomeretsa umubano bigatuma hatabaho kwizerana. Iyo bene izi nzitizi zije kwangiza umubano, mugomba kwibuka kuzishakira umuti. Birakwiriye gukora uko ushoboye kugirango ugarure icyizere n’urukundo mu rugo rwawe.

Ni iki wakora mugihe abana bagutakarije icyizere?

Hari igihe gishobora kugera abana bawe bakagutakariza icyizere. Wenda wishe amasezerano wagiranye nabo cyangwa se wababaniye nabi. Iyo watsinzwe ntubashe kugirirwa icyizere. Fata iya mbere mu kubikemura no gusaba imbabazi. Fata igihe cyo kubaka umubano mwiza mu bana bawe. Babaze niba hari ibyo wabasezeranyije ukaba utarabikoze hanyuma ukore icyo ugomba gukora kugira ngo wuzuze amasezerano yanyu.

Ni iki wakora mu gihe abana batakubaha?

Ibyanditswe byera bitwigisha ko guca bugufi bibanziriza icyubahiro. Abana bagomba kubaha ababyeyi. Ariko se nk’umubyeyi, wigisha abana bawe kubaha? Banza urebe imyitwarire yawe niba ari urugero rwiza ku bana bawe. Fasha abana bawe kumva icyo Bibiliya ivuga ku bijyanye no kubaha

Wakora iki mu gihe batakaje umushyikirano?

Niba abana bawe bagaragaza ko badashaka kuganira nawe, gerageza umenye mu by’ukuri ikibibatera. Unarebe ikintu mwakorera hamwe n’abana kigatuma banezerwa,ushingiye ku byo uzi bakunda mu buzima bwabo.

Ni ngombwa ko nk’umubyeyi utera intambwe yo kunoza umubano hagati yawe n’abana. Nubagaragariza imyitwarire myiza bazagufatira ho urugero nabo bige gukora neza, ni byiza rero kubakorera ibintu bibanezeza. Bahe ubushobozi bwo kuvumbura ibintu by’ingirakamaro bibazanira umunezero, kandi ufate umwanya wo kwishimana nabo mu byo uzi bakunda gukora, jya ukunda kubabaza ibibazo kandi ubatege amatwi wumve ibitekerezo byabo n’ibyifuzo byabo ibyo ubona ari ngombwa ubishakire ibisubizo.
Source: www.christiantoday

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo