agakiza agakiza

Ubuhamya bwa Matthew, umusore wari umutinganyi nyuma aza kwakira Yesu.

agakiza

Ubuhamya bwa Matthew, umusore wari umutinganyi nyuma aza kwakira Yesu.

byanditswe na: Ubwanditsi     kuwa: 6 September 2019,  10:58

agakiza

Matthew yiberaga mu buzima bw’ubutinganyi kuva mu gihe yari ingimbi kugeza abaye umusore. Ntiyashoboraga kuvugisha umuntu w’igitsina gore kuko yabangaga urunuka, nyamara ntacyo bari baramuhemukiye. Matthew yaje kubona imbaraga zimukura mucyahacy’ubutinganyi, yakira Yesu Kristo.

Mbere yo gukizwa, Matthew yaranzwe no gukora ibyaha by’urukozasoni, iyo abakristo bamuhuguraga ngo areke imyitwarire mibi yabahinduraga abasazi, akababwira ko nta bwenge bagira. Mu magambo ye, Matthew aradusobanurira uko byagenze ngo akizwe.

Mu gihe nari mfite imyaka 15 nacuruzaga ibiyobyabwenge: cocaine kugirango nibesheho muri macye nibwo buzima niberagamo. Nari mfite umukobwa witwa Sheryl namushyiraga cocaine akanyishyura hanyuma akayicuruza. Uyu mukobwa yaje kubwirizwa ubutumwa bwiza maze arakizwa, akimara gukizwa yaranyegereye ambwira ko atazongera gucuruza ibiyobyabwenge kuko yakurikiye Yesu, yakoze uko ashoboye ngo anyigishe nange nkizwe ndamuhakanira mubwira ko nta byaha nkora.

Icyo ngambiriye kuvuga cyane ni ukuntu nari mfite umusore w’incuti yanjye yitwa Matthew (twaritiranwaga) twari twarahuriye kuri internet turaganira duhuza urugwiro nyamara uyu musore yari umwe mu idini rirwanya Kristo (anti-Christ). Muri uwo mubano wacu, twatakazaga amafaranga menshi tuyagura ibiyobyabwenge, uko turushaho gukundana Matthew yanyigishije umuco w’ubutinganyi bishatse kuvuga ko twakoranaga imibonano mpuzabitsina twembi. Kubera kunywa ibiyobyabwenge ndetse no gutingana twageze aho duhinduka ibyihebe police ikajya ikunda kudufunga incuro nyinshi ariko ntacyo byabaga bitubwiye.

Wa mukobwa witwa Sheryl, twajyaga dufatanya mu gucuruza ibiyobyabwenge hanyuma we akaza gukizwa yakomeje kunkurinkirana amenya uko mbayeho aza no kumenya ko nsigaye nkora ubutinganyi, ntiyatereye iyo ahubwo yashatse abayobozi b’itorero rye abasaba ko bamfasha bakanyigisha ijambo ry’Imana kugeza mpindutse. Abayobozi bakuru baranyegereye baranyigisha ko ubutinganyi ari icyaha Imana yanga urunuka.

Nyamara njyewe sinari nziko hari icyo Bibiliya ivuga ku bijyanye n’ubutinganyi. Uko nagendaga nsenga ndetse nsoma Bibiliya, umwuka w’Imana yaransobanuriye. Nasomye Bibiliya yose: Isezerano rya kera n’Isezerano Rishya numva umutima wanjye utangiye kugenda uhinduka numva nkunze ubuzima bwo kuba mu Manana. Nasomye urwandiko Pawulo yandikiye abaroma ubwo Imana yari itewe umubabaro n’abantu yaremye bitewe n’uko bayimuye.

“Nicyo cyatumye Imana ibarekera kurarikira ibyonona, ndetse bigeza ubwo abagore babo bakoresha imibiri yabo uburyo bunyuranye n’ubwo yaremewe. Kandi n’abagabo ni uko, bareka kugirira abagore ibyo imibiri yabo yaremewe, bashyushywa no kurarikirana. Abagabo bagirirana n’abandi bagabo ibiteye isoni, bituma mu mibiri yabo bagarurirwa ingaruka mbi ikwiriye kuyoba kwabo” (Abaroma 1:26-27)

Nasomye iyi mirongo yombi nitonze mpita numva ko ibyo nibwira mu mutima ndetse n’ibyo nkora ari ibiteye isoni imbere y’Imana. Nahise mbona ko umubano mfitanye na Matthew ushingiye ku biteye isoni. Mu by’ukuri ibi byanditswe byera nibyo byahinduye umutima wanjye burundu kandi niryo tangiriro ryo gufata umwanzuro muzima bwanjye. Nakomeje gusoma mu rwandiko rwa mbere Pawulo yandikiye Abakorinto 6:7:11 nsanga ko abasambanyi, abatinganyi n’abandi banyabyaha bose ko batazajya mu ijuru, kandi ko Imana ibabarira abihannye by’ukuri.

Kuva uwo munsi nemeye Yesu Kristo nk’umwami n’umukiza w’ubugingo bwanjye hanyuma ndabatizwa. Ubu nguwe neza mu murimo w’Imana nabonye ko Imana yanshakiraga umurage mwiza mu bwami bwayo.

Matthew wari incuti yanjye yaje kumpamagara ngo dukore ibyaha mubwira neruye ko nakijijwe ko ntazongera gukora ibiteye isoni imbere y’Imana kandi ko namaze kubatizwa nuko aratangara cyane.

Mu gusoza ubuhamya bwe, Matthew aradukangurira kudatinya, kutarambirwa. Umukiza wacu, umubyeyi wacu udukunda iteka aduhora hafi nta cyaduhungabanya. Icyo mushaka cyose mujye mugisaba Imana mu izina rya Yesu.

Source: www.truthsaves.org

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo