agakiza agakiza

Ubuhamya bwa Lisa, umukobwa wumvise ijwi ry’Imana nyuma yo kuba mu bwigunge igihe kirekire.

agakiza

Ubuhamya bwa Lisa, umukobwa wumvise ijwi ry’Imana nyuma yo kuba mu bwigunge igihe kirekire.

byanditswe na: Ubwanditsi     kuwa: 29 August 2019,  04:04

agakiza

Lisa yakuriye mu buzima bwo kwigunga n’ubwo yari afite ababyeyi bombi, ntibamwitagaho yahoraga yifuza gukundwa nk’abandi bana yabonaga kuri televisiyo nyamara ntibishoboke, umunsi umwe yaje guhura n’Imana yakira agakiza abona umunezero..

Mu magambo ye Lisa aradusangiza uko byamugendekeye:

Nakuze mba mu bwigunge kuburyo ntabashaga kumva impamvu yabyo. Nifuzaga ko papa yanterura, mama akampobera. Aho kubikora ahubwo barandakariraga, iyo narwaraga ntibanyitagaho nkumva binteye ubwoba. Nahoraga nifuza kunezerwa nk’abandi bana nabonaga kuri televisiyo, ariko ntibyashobokaga nigumiraga mu bwihebe.

Abo mu muryango wanjye nabonaga bajya gusenga, ariko Imana bayivugaga ku munwa gusa ntibakore imirimo iranga abakijijwe. Ndibuka umunsi umwe bantumye gushaka inkwi ndi umwana muto ngeze mu nzira mpura n’imbwa ziranyirukankana zimoka zishaka kundya, nyura mu bihuru ngera aho numva ayo makuba arenze ubwenge bwanjye, nibwo numvise ijwi rituje rimbwira riti: “nyura muri iyi nzira”, rirongera riti: “nyura muri iyi nzira” nuko nyinyuramo nk’uko nabibwiwe mbona ngeze mu rugo iwacu ariko ntawe nabibwiye ko numvise ijwi ahubwo nabitse ibanga.

Kwiheba byaje kwiyongera ubwo mama wanjye yapfaga. Yapfuye kuwa gatanu bamushyingura ku wambere. Kandi ku wa kabiri nagombaga gukora ikizamini. Ku ishuri ntabwo bari bazi ko twagize ibyago. Nabibwiye incuti yanjye twiganaga abifata nk’umukino ntiyabyitaho arampunga yumva ko mbeshya. Nta n’umwe wansuye nibura ngo amenye uko merewe. Muri icyo gihe nari nsigaranye na papa wenyine ariko yatangiye kuntoteza avuga ko mbyibushye nk’ingurube, ko ndi umunebwe muri macye ko ntacyo maze.

Nyuma naje gushaka umugabo tubyarana abana, muri urwo rugo naho naratotejwe bitavugwa kugeza igihe umubabaro wandenze zimwe mu ngingo z’umubiri wanjye zirahinamirana (paralyse). Abaganga bashinzwe kugorora ingingo bagerageje kumfasha ariko sinabashije gukira. Ibintu byatangiye guhinduka mu gihe incuti yanjye yansabye ko tujyana kwiga inyigisho za Bibiliya. Aho hantu batwigishije ko buri wese Imana imukunda. Sinari mbisobanukiwe, nyamara uko nakomezaga kumva bavuga inkuru za Yesu, niko yarushagaho kunyiyereka we ubwe ku buryo butangaje, rimwe na rimwe mu buryo bw’ibitangaza.

Ijoro rimwe ubwo nari ndimo gusenga nuzuye umubabaro mwinshi numvise ijwi rigira riti: “nje kugukiza kandi tugiye kugendana”, twatangiye urugendo ntangira kumva ndimo gukira ngenda neza, nakomeje kurira ariko amarira y’ibyishimo kuko ntari njyenyine. Ubu ndasenga, ngasoma Bibiliya cyangwa ngatega amatwi umuntu ubwiriza ijambo ry’Imana, nishimiye kuba icyaremwe gishya, kandi umwuka wera aranyobora. Ibikomeye n’ibiteye ubwoba nanyuzemo,amarira n’ubwigunge Yesu yabihinduye ibyishimo. Yesu yambereye incuti nziza, muri macye Imana ni urukundo. Amen!

Source: truthsaves.org

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo