agakiza
agakiza

Ubuhamya: Ericka yahanutse ku igorofa(...)

Kwamamaza

agakiza

Ubuhamya: Ericka yahanutse ku igorofa ntiyapfa.

byanditswe na: Ubwanditsi     2019-09-26 10:44:03

agakiza

Ericka ni umukobwa ufite imyaka 12, kubw’impanuka yahanutse ku igorofa rya 2 ubwo yari arimo gukora isuku. Ababyeyi be bashya ubwoba, Nyamara ku bw’imbaraga z’Imana yaramurinze ntiyapfa.

Imana yakoze imirimo irenze ubwenge bwa muntu nk’uko bivugwa na mama wa Ericka:

Umunsi umwe, nari ntwaye imodoka nerekeje kwa mama wanjye kuzana Ericka umukobwa wanjye kuko yakundaga kumfasha muri byose mu rugo. Maze kumufata twafashe urugendo twerekeza ku kibanza twubakaga mo inzu muri iyo minsi njyewe n’umugabo wanjye Eric.

Twimukira aho twari tumaze kubaka byari isezerano Imana yari yaraduhaye nk’umuryango itubwira ko izahaturindira kandi koko yatangiye kutwereka ibimenyetso ubwo inzu yacu yari ifashwe n’inkongi y’umuriro hanyuma ku bw’urukundo rwa Yesu ntiyakongoka.

Hari umugoroba umwe ntazibagirwa, icyo gihe hari mu kwezi kwa mbere, njyewe, Eric na Ericka twari turi ku igorofa rya kabiri (second floor) turimo gukora amasuku nk’ibisanzwe. Ericka yahisemo gukubura mugihe Eric we yayoraga imyanda. Mu gihe nari nshishikaye noza ibikoresho ngiye kumva numva ikintu kikubise hasi. Mu by’ukuri numvise nkutse umutima kuvuga biranananira mpindukiye mbona Ericka umukobwa wanjye aryamye hasi yahanutse kuri iryo gorofa, yari ameze nk’uwataye ubwenge.

Twagerageje uko dushoboye ngo turebe ukuntu twamubyutsa ariko tukabona nta kigenda, kera kabaye tubona abumbuye amaso ariko akanura cyane bidasanzwe, njyewe ibitekerezo byanjye byambwiraga ko ari ibimenyetso byo guhahamuka! ijosi rye ntabwo ryari rifashe ryajyaga aho urijyanye nk’iry’uruhinja. Hamwe n’ubwoba bwinshi, sinashoboraga kuvuga ariko naragiye mvana Erica mu biganza bya Eric nuko ndamuterura ndamwiyegamiza ndangije mushyira mu modoka.

Mu rugendo rwo kwerekeza ku bitaro rwari rumeze nk’aho rutarangira,twagenze ibirometero 20. Eric yagerageje guhamagara umuntu waduherekeza ariko ntiyamubonye kuko byari bimaze kugera mu gicuku cyane.

Tugeze ku bitaro, muganga yatangiye kubaza Ericka ibibazo bitandukanye agamije kureba niba ubwonko bwe bumeze neza kandi ko azi ibiri hafi ye. Ibyo yabazwaga byose, Ericka yarasubizaga ngo: yego “nyakubahwa”. Nyuma y’igihe gito Ericka yabwiye papa we ko agomba kuririmba agira ati: “Yesu arankunda” Eric agitangira kuririmba nahise ndira cyane.

Hashize umwanya muto Ericka atangira kuruka, kandi agaragaza ibimenyetso byo guta ubwenge. Hanyuma atangira kuva amaraso mu mazuru, abaganga bahita baza bamujyana kumwitaho. Ariko hagati aho twari twahamagaye abanyamasengesho bo ku itorero ryacu tubabwira ibyatubayeho ngo badusengere.

Hamwe n’amasengesho menshi Imana yaratwumvise idukiriza umwana, Ericka bamunyujije mu byuma ngo barebe ko umutwe ari muzima kandi ko ubwonko bwe butangiritse, basanga ameze neza, nuko turataha”

Mu gusoza ubuhamya bwe maman Ericka arakangurira abantu kwizera Imana kuko ishobora gukora cyane ibyo abantu batabasha gukora, iyo hataba amaboko akomeye y’Imana, Ericka yari kuvunika cyangwa se akahasiga ubuzima, ashimwe Yesu.

Source: truthsaves.org

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?