Advertisements

agakiza

Advertisements

agakiza

Rev. Billy Graham yibukije abakristo ibyo bakwiye kwitaho mu gihe(...)

agakiza

Rev. Billy Graham yibukije abakristo ibyo bakwiye kwitaho mu gihe bagitegereje kujya mu ijuru

byanditswe na: Ubwanditsi     2016-09-29 09:54:04

agakiza

Umukambwe w’umuvugabutumwa mpuzamahanga Rev. Billy Graham ukomoka mu gihugu cya Leta zunze ubumwe za Amerika, yakebuye abakristo ku nshingano yabo bakiri mu isi n’ibyo bakwiye kwitaho mu gihe bagitegereje ko Kristo atwara itorero. Yavuze ko abahindukira bizera Kristo nk’Umwami n’umukiza wabo bakwiye gukura mu mwuka bakazirikana gukora icyo Imana ibahamagarira mbere y’uko bajya mu ijuru.

Christian Post yanditse ko ibi Billy Graham yabivuze ubwo yasubizaga ikibazo yari abajijwe n’umunyeshuri umwe uheruka kwakira agakiza wamubajije icyo asabwa nk’umuntu umaze kwegurira ubuzima bwe Kristo. Ikibazo uyu mwana yabajije Billy Graham cyagiraga kiti ‘’ Ndi umunyeshuri mu mashuri yisumbuye, nafashe icyemezo cyo guha Yesu ubuzima bwanjye mu mpeshyi ishize. Ndabizi ko ibyo bisobanuye ko nzajya mu ijuru nimpfa kuko mpindutse umwana w’Imana, ariko se n’iki nsabwa gukora muri iki gihe ngitegereje kujya mu ijuru?’’


Rev. Billy Graham

Graham yabanje kubwira uyu munyeshuri ko ikibanze akwiye kwitaho ari ukwikomeza ku Mana, agakura mu buryo bw’Umwuka kuko ari cyo Imana imushakaho. Ati’’ Urabona, Bibiliya igaragaza ko iyo uje kwa Yesu, uba umeze nk’umwana ukivuka, uba uri umwana mu Mwuka, kandi hari ibyo umwana akenera birimo ibyo kurya, rero dukeneye kurya ijambo ry’Imana, Bibiliya.’’

Graham yakomeje agira ati ‘’uziko umwana akenera kwiga kuvuga, natwe dukeneye kwiga gusenga, nk’uko umwana akenera abamwitaho bakanamurinda ibyamuhungabanya niko n’umwana uvutse aba akeneye abamubanjirije mu nzira y’agakiza bakamurera ngo akure.’’

Yakomeje asubiza uyu mwana ko mbere y’ibindi byose akeneye kubanza kwitabwaho agakura kugera ku rugero rushyitse, agasengana n’abandi, agasangira nabo ijambo ry’Imana. Ati ‘’Imana ishaka ko umera nka Yesu uko kwizera kwawe kuzagenda gukura.’’ Bibiliya iravuga ngo Mwegere Imana na yo izabegera’’ Yakobo 4:8

Nyuma y’ibi uyu mwana yabwiwe ko ari bwo yabasha kugir ikindi akora nko kuba yabwiriza abandi, kuko nabyo ari inshingano nkuru Imana iaba umukristo wese.
Iyi si nincuro ya mbere Billy Graham w’imyaka 97 akomoza ku gukangurira abakristo gukura mu Mwuka, kuko akunze kumvikana yihanangiriza abakristo kwaguka no kugwiza imbaraga muri ibi bihe avuga ko bigoye. Ni kenshi Graham kuvuga ko iyo yitegereje impinduka za hato na hato z’ibihe isi igenda icamo agira impungenge z’ab’urungano rw’abakiri bato.

Iyi akaba ari yo mpamvu kenshi asaba abakristo kwaguka bagakura ariko nanone bakashakisha uko babwiriza abandi ubutumwa bwiza, kuko ibihe isi irimo bigaragara ko ari ibya nyuma, Yesu ari bugufi kugaruka.

Innocent Kubwimana/Agakiza.org

Ibitekerezo( 6 6 6 6 6 6 )

agakiza

mahoro clementine

21-10-2016    02:33

ndishimye cyaneee kuko nibyiza kodukura mumwuka koko isi yarashaje tugeze mubihe
byanyuma

agakiza

U.P BLESSED

1-03-2017    13:06

Ndishimye cyane pe twese Imana idufashe duhabwe ubwo buntu,kd isi yose ikeneye agakiza sitwe rda gusa.

agakiza

Pastor Constantin TUYIZERE

15-03-2017    07:50

Icyampa abakristo twese tukumva kandi tugashaka gukura mu mwuka. Urugamba turiho rurakomeye kandi abakristo b’"akazuyazi" ntacyo bamariye Imana. Ibyahish. 3:15-16. Kandi nta nicyo batwaye Satani. Intumwa Pawulo yabwiye abefeso ibyo abifuzaho n’ibyo abasabira agira ati "...ngo abahe nk’uko ubutunzi bw’ubwiza bwe buri gukomezwa cyane mu mitima yanyu ku bw’umwuka we, kandi ngo Kristo ahore mu mitima yanyu ku bwo kwizera, kugira ngo ubwo mu maze gushorera imizi mu rukundo mu kaba mushikamye muriwe muhambwe imbaraga zo kumenyerahamwe n’abera bose ubugari n’uburebure bw’umurambararo, n’uburebure bw’igihagararo, n’ubureburebw’ikijyepfo bwarwo ubwaribwo, ..." Efeso 3: 14-19

agakiza

######

17-07-2017    10:27

Ndafashijwe n’aya magambo Imana imuhe umugisha

agakiza

######

18-09-2017    13:55

Amen arakoze ,Mwenedata bill gramm kumpanuro atugejejeho.

agakiza

Iradukunda Gilbert

21-01-2018    06:51

Ndishimye cyane kubwubutumwa bwumusaza wanjye nkunda cane ndestse nshimira nururubuga rudusakazaho ubutumwa babu transilatinze Imana ikomeze ibahe ihishurirwa ryinshi cyane in deed nibwo bwanjye bwambere kurukoreha ariko ndafashijwe kubwubutumwa bwiza

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?