Advertisements

agakiza

Advertisements

agakiza

Ngwino tuganire ku ruhare rw’umugabo mu kubaka(...)

Kwamamaza

agakiza

Ngwino tuganire ku ruhare rw’umugabo mu kubaka umuryango uzira amakimbirane

byanditswe na: Ubwanditsi     2019-03-12 07:57:32

agakiza

Umuryango w’ivugabutumwa Seek and Save Humanity Ministries (SSHM) wateguriye abagabo amahugurwa yihariye afite insanganyamatsiko igira iti: “Ni uruhe ruhare rw’umugabo mu kubaka umuryango uzira amakimbirane?”

Uyu muryango usanzwe utegura amahuriro, ibiterane n’amahugurwa y’ibyiciro bitandukanye hibandwa cyane cyane ku bubatse ingo (abagabo n’abagore mu bihe bitandukanye), urubyiruko, abana b’abashumba ndetse n’ibikorwa by’isanamitima.

Aya mahugurwa azaba tariki ya 16 Werurwe 2019, atumiwemo abagabo babarizwa mu matorero atandukanye, ndetse n’abadasanzwe bafite aho basengera. Buri wese mu batumiwe afite umuryango, bityo insanganyamatsiko y’umunsi ntiheza, kugira ngo buri wese agire uruhare mu kubaka umuryango we bwite, bityo n’umuryango nyarwanda uzaba wubakitse rwose.


Nk’uko bitangazwa na Pastor Desire Habyarimana uyobora SSHM, impamvu nyamukuru yo guhugura abubatse ingo ni uko umuryango uramutse wubatse neza, imibare y’urubyiruko rukoresha ibiyobyabwenge yagabanuka, imibare y’ingo zisenyuka ikagabanuka ndetse n’ibibazo byugarije umuryango bikabonerwa umuti.

Pastor Desire akomeza yemeza ko ibi bibazo byose bikwiriye gushakirwa umuti binyuze mu matorero kuko umubare munini w’Abanyarwanda bafite amadini n’amatorero babarizwamo, bityo uyu ukaba umuyoboro mwiza wo gukemuriramo ibibazo nk’ibi byugarije benshi. Pastor Desire unavuga ko SSHM itegamiye ku idini runaka yagize ati: “Buri wese mu bayoboye amadini n’amatorero abigizemo uruhare, byazana impinduka nziza, ibibazo bikagabanuka.”


Aya mahugurwa azabera kuri Solace Ministries ku Kacyiru (inyuma ya Hotel Umubano) ku wa gatandatu tariki ya 16 Werurwe 2019, saa tatu, kandi kwinjira ni ubuntu.

Abazigisha muri aya mahugurwa ni impuguke mu gukemura amakimbirane cyane cyane yo mu miryango, harimo nka Pastor Senga Emmanuel ubarizwa muri Eglise Vivante ku Kimihurura n’abandi.

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?