agakiza agakiza

Mu kumvira Imana, habamo inyungu nyinshi

agakiza

Mu kumvira Imana, habamo inyungu nyinshi

byanditswe na: Ubwanditsi     kuwa: 5 July 2019,  10:33

agakiza

IMIGANI 8:32-36
32.Nuko rero bana banjye nimunyumvire,Kuko hahirwa abakomeza inzira zanjye.
33.Mwumve ibyo mbahugura mugire ubwenge,Ntimubwange.
34.Hahirwa umuntu unyumvira,akaba maso mu marembo yanjye iminsi yose,Agategerereza ku nkomo z’imiryango yanjye.
35.Kuko umbonye wese aba abonye ubugingo, kandi azahabwa umugisha n’Uwiteka,
36.Ariko uncumuraho aba yononnye ubugingo bwe,Abanyanga bose baba bakunze urupfu.”

Uyu ni Yesu Kristo wavugiye mu ijwi n’inyandiko by’Umwami Salomo:
Iri jambo nawe rigutere guharanira gushaka Imana ku giti cyawe no kuyumvira muri byose, kuko uyibonye wese aba abonye ubugingo, ariko uyicumuyeho asubira inyuma, akaba abwononnye;

Dore rero zimwe mu ntambwe umukristo atera iyo ajya gusubira inyuma:

Kudasoma ijambo ry’Imana ari wenyine;
Guhunga umuntu ukijijwe neza, agahora aharanira kubana n’abanyantege nke; Kugenzura intege nke z’uwakijijwe neza, akaba ari zo agira urwitwazo rwo kudakiranukira Imana;
Kwihesha amahoro aho kumenekera imbere y’Imana ngo yihane ku bw’ijambo ryayo yumva.

Nyamara ijambo ry’Imana rivuga ko abanga Imana baba bakunze urupfu, kandi ko kubaha no kubana n’Imana atari Imana ubwayo bigirira umumaro, ahubwo ko inyungu ari iza nyir’ukubikora (Yobu 35.8).

Cyakora kumvira Imana kwawe ntibiryohera kamere yawe y’umubiri kandi ntibishimisha Satani, ariko binezeza Imana (Imigani 23.15)

Sawuli na we yumvise ijambo Imana imutumyeho ntiyariha agaciro ahubwo akora byinshi byayibabaje, bituma imuca ku ngoma n’ubwo mbere yari yaramuhaye amasezerano meza;

Nawe rero ntukite ku rutoto rw’abantu ngo bigutere gusuzugura Imana nk’uko byagendekeye Sawuli (1Samweli 15.24), ahubwo uyisabire imbaraga zo kuyumvira muri byose kugeza ubwo kristo azaza gutwara itorero.

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo