agakiza agakiza

Insengero eshanu (5),zabayeho n’uburyo zagiye zisenyuka (Igice cya II)

agakiza

Insengero eshanu (5),zabayeho n’uburyo zagiye zisenyuka (Igice cya II)

byanditswe na: Ubwanditsi     kuwa: 8 May 2019,  05:55

agakiza

2SAMWELI 7.2
Bukeye umwami abwira umuhanuzi Natani ati “Dore ubu mba mu nzu yubakishijwe imyerezi, ariko isanduku y’Imana iba mu ihema.”

Iki kifuzo umwami Dawidi yagize cyo kubakira Imana inzu y’igiciro cyatumye Imana ihita imusezeranya imbabazi z’iteka,nuko Abafilisitiya baratsindwa ntibongera kurenga urugabano rw’Abisirayeli. Mu gihe cya Samweli cyose ukuboko k’Uwiteka kwibasiraga Abafilisitiya (2Samweli 7.15)

Nyuma yaho, hashize imyaka 480 Abisirayeli bavuye mu butayu ni bwo Salomo, umuhungu wa Dawidi, yatangiye kubaka inzu y’Uwiteka (2Ngoma 8.1), ari na rwo rusengero rwa kabiri( 2), rwabayeho:

Yari inzu iteye neza bihebuje, kuko igishahuro cyayo cyari izahabu, kandi, hamwe n’inzu ye y’ubwami, Salomo yazubatse igihe kingana n’imyaka makumyabiri (1Abami 9.10)

Nyuma y’ibi, n’ubwo Imana yari yaraburiye ubwoko bwa Isirayeli, ibasaba kutazibagirwa Imana nibamara kurya bagahaga , Numara kurya ugahaga, ukamara kūbaka amazu meza ukayabamo, inka zawe n’imikumbi yawe, n’ifeza zawe n’izahabu zawe n’ibyo ufite byose bikaba bigwiriye, uzirinde umutima wawe we kwishyira hejuru, ngo wibagirwe Uwiteka Imana yawe yagukuye mu gihugu cya Egiputa, mu nzu y’uburetwa (Gutegeka kwa kabiri 8.12-14),ariko baje kubirengaho baradamarara (1Abami 11.1).

Ariko kubera imbabazi Imana yasezeranije Dawidi n’urubyaro rwe, abami bose ba Isirayeli ntibishwe, ahubwo Imana yafashe icyemezo cyo kurimbura rwa rusengero rwiza cyane ikoresheje Abakaludaya
13 Kandi inkingi z’imiringa zari mu nzu y’Uwiteka n’ibitereko n’igikarabiro kidendeje cy’umuringa cyari mu nzu y’Uwiteka, Abakaludaya barabimenagura, bajyana imiringa yabyo i Babuloni, (2Abami 25.13).
Uru rusengero rwa 2 na rwo rero rwarimbuwe n’uko Abisirayeli barusengeragamo bararetse Uwiteka, kuko buri wese yari yifitiye akagirwamana ke ku ruhande (2Ngoma 25.14).

Urusengero rwa gatatu(3)

Nyuma y’imyaka 70, Zerubabeli yubatse urusengero rwa 3 rudasa n’urwa mbere, ahubwo rwari rwubakishijwe amabuye atwitswe, Nuko mu mwaka wa kabiri uhereye aho bagereye ku nzu y’Imana i Yerusalemu, mu kwezi kwa kabiri ni ho Zerubabeli mwene Sheyalutiyeli na Yeshuwa mwene Yosadaki batangiye gukora, bafatanije n’abandi batambyi n’Abalewi bene wabo, n’abavuye mu bunyage bakaza i Yerusalemu bose. Bategeka Abalewi bamaze imyaka makumyabiri n’abayishagije, ngo bahagarikire umurimo w’inzu y’Uwiteka. (Ezira 3.8).

Urusengero rwa kane(4)

Uru rwubatswe na Herode, kandi icyo yakoze ni ukuvugurura ruriya rwari rusanzwe kugira ngo rube rwiza, rube rugendanye n’igihe, Uru rusengero kandi ni na rwo Yesu yasanze aje ku isi (Matayo 24.24).

Mu bigaragara, insengero zose, hatitawe ku gaciro kazo, zagiye zisenywa n’icyaha;
bisobanuye ko, icyo Imana ishaka si ubutunzi bwinshi bwawe, ahubwo ni uko uyubaha, ukabaho ubuzima bunesha icyaha, ukirinda kuyibangikanya n’ibigirwamana (akazi, amafaranga, ubutunzi, ...).

Munyandiko ikurikira, tuzavuga ku rusengero rwa kane(4), n’icyatumye rusenyuka ndetse tuvuge no kurusengero rwa gatanu(5).

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo