agakiza agakiza

Ingwate y’umwuka wera.

agakiza

Ingwate y’umwuka wera.

byanditswe na: Ubwanditsi     kuwa: 11 June 2019,  04:30

agakiza

IBYAKOZWE N’INTUMWA 1.4-8
4.Nuko abateraniriza hamwe, abategeka kutava i Yerusalemu ati “Ahubwo murindire ibyo Data yasezeranije, ibyo nababwiye:

5. kuko Yohana yabatirishaga amazi, ariko mwebweho mu minsi mike muzabatirishwa Umwuka Wera.”

6.Nuko bamaze guterana baramubaza bati “Mbese Mwami, iki ni cyo gihe wenda kugaruriramo ubwami mu Bisirayeli?”

7.Arabasubiza ati “Si ibyanyu kumenya iby’iminsi cyangwa ibihe Data yagennye, ni ubutware bwe wenyine.

8. Icyakora muzahabwa imbaraga Umwuka Wera nabamanukira, kandi muzaba abagabo bo kumpamya i Yerusalemu n’i Yudaya yose n’i Samariya, no kugeza ku mpera y’isi.

Isezerano ry’Umwuka Wera Kristo yasigiye abigishwa be ryasohoye bwa mbere ku munsi wa Pantekote, igihe bari hamwe bamaze iminsi icumi basenga, bahuje umutima, maze bahabwa kuvuga mu ndimi nshya (Ibyakozwe n’intumwa2.8);

Umwuka Wera ni yo ngwate abizera Kristo bahawe, ibahesha ibyiringiro by’uko bazaragwa ubugingo buhoraho (Abefeso 1.14);

Kuko bidashoboka ko ab’isi bamuhabwa(Yohana14.17), dore icyo usabwa kugira ngo ubatizwe mu Mwuka Wera:
 Kumva no gusoma ijambo ry’Imana,
 Ukizera Kristo nk’Umwami n’umukiza w’ubugingo bwawe,
 Ugasenga ubudasiba wirinda icyaha n’igisa na cyo,
 Ukawusaba,
 Ugategereza wihanganye, kandi ukora imirimo myiza yose.

Hanyuma ikimenyetso cy’uko wabatijwe mu Mwuka Wera, ni uko uvuga mu rurimi rushya, ugahabwa imbaraga zo guhamya, gutinyuka, gukora imirimo yose myiza no kunesha ibyaha;

Ariko ibyo ntibihagije nkuko ijambo ry’Imana ribivuga ngo ‘’ Nakunda ko mwese muvuga izindi ndimi, ariko ibirutaho ko muhanura. Uhanura aruta uvuga izindi ndimi, keretse azisobanuye kugira ngo Itorero ryunguke.Ariko none bene Data, ninza iwanyu mvuga indimi zitamenyekana nzabamarira iki, nintababwira ibyo mpishuriwe cyangwa ibyo mpawe kumenya, cyangwa guhanura cyangwa kwigisha? (1Abakorinto 14.5-6),ikindi ni uko ugomba gukomeza kuba maso, wirinda cyane kugira ngo uwusigasira, ukomeza kwera imbuto nziza, usenga ubudasiba, ukirinda gusubira inyuma (Abaheburayo10.38),

Kuko kwirinda ibibi, ukagira umwete wo kubana n’abantu bose amahoro n’uwo kwezwa (Abaheburayo12.14),ni cyo kizaguhesha ubugingo buhoraho;nta kindi rero cyabigushoboza uretse gusa kuba imbaraga z’Umwuka wera zuzuye muri wowe, zikaguha kwitwararika ku gato no ku kanini:

Ni yo mpamvu mu byo wifuza byose cyangwa ibyo uharanira byose, ugomba kubanza ugashaka Umwuka Wera, kuko ni uw’igiciro cyinshi, kandi kuwutunga biruta gutunga ikindi kintu icyo ari cyo cyose muri ubu buzima (Imigani 3.13);

Icyakora muzahabwa imbaraga, umwuka wera nabamanukira, kandi muzaba abagabo bo kumpamya i Yerusalemu n;i Yudaya yose n’i Samariya, no kugeza kumpera y’isi(Ibyakozwe n’intumwa 1.8)
[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo