agakiza
agakiza

Imirongo 5 yo muri Bibiliya yafasha abaruhijwe

Kwamamaza

agakiza

Imirongo 5 yo muri Bibiliya yafasha abaruhijwe n’ubusore! - Tyler O’neil

byanditswe na: Ubwanditsi     2019-02-15 07:16:00

agakiza

Mu matorero yibanda ku mumaro wo gushaka ndetse no mu muco wibanda ku byiza by’imibonano mpuzabitsina, Abakristo bakiri ingaragu bahura n’ibibazo byo kwisuzugura (kumva badashyitse) kandi bagahorana icyuho. Nyamara Bibiliya itanga ibisubizo byo kubakomeza.

Kuri uyu wa kabiri, June Hunt uyobora umuryango w’ivugabutumwa Hope For The Heart ministries (Ibyiringiro by’umutima) yaravuze ati "Hari abantu benshi bashyingirwa kugira ngo bagire agaciro, kuko bumva kuba ingaragu nta gaciro bibahesha. Ndetse no mu itorero, ingaragu nyinshi "zibarira mu cyiciro cya kabiri."

Imirongo 5 ikurikira, n’ibitekerezo by’abayobozi b’amatorero bigukomeze wowe uhangayikishijwe n’uko ukiri ingaragu.

1. "Na we arababaza ati ‘Mama ni nde, na bene data ni ba nde?’ Abararanganyamo amaso, abari bicaye impande zose bamugose arababwira ati ‘Dore mama na bene Data: umuntu wese ukora ibyo Imana ishaka ni we mwene Data, ni we mushiki wanjye, ni we mama.’” Mariko 3:33-35

Yesu ntiyigeze ashaka, kandi mu Befeso 5 intumwa Pawulo yanditse ko itorero ari umugeni wa Kristo. Yesu aha ikaze abigishwa be mu rukundo nk’urw’abashakanye, ndetse nk’urwa kivandimwe.

2. Abaheburayo 4:15 "Kuko tudafite umutambyi mukuru utabasha kubabarana natwe mu ntege nke zacu, ahubwo yageragejwe uburyo bwose nkatwe, keretse yuko atigeze akora icyaha."

Pawulo yasobanuye ko Yesu Kristo, Umukiza w’abari mu isi utigeze gukora icyaha yagerajwe uburyo bwose nk’uko urimo kugeragezwa.

3. 1 Abakorinto 7:8-9 "Abatararongorana kandi n’abapfakazi, ndababwira yuko icyiza kuri bo ari uko bagumya kumera nkanjye. Ariko niba badashobora kwirinda barongorane, kuko ibyiza ari ukurongorana kuruta gushyuha."

4. Yeremiya 31:3 "Nagukunze urukundo ruhoraho, ni cyo cyatumye ngukuruza ineza nkakwiyegereza."

5. 1 Abakorinto 13:4-7 "Urukundo rurihangana rukagira neza, urukundo ntirugira ishyari, urukundo ntirwirarira, ntirwihimbaza, ntirukora ibiteye isoni, ntirushaka ibyarwo, ntiruhutiraho, ntirutekereza ikibi ku bantu, ntirwishimira gukiranirwa kw’abandi ahubwo rwishimira ukuri, rubabarira byose, rwizera byose, rwiringira byose, rwihanganira byose."

Mu gitabo cye yise “Ubugaragu bufite intego,” John Fischer yaravuze ati "Niba tugamije kurongorana tuba duhisemo nabi, kuko bituma urukundo rwacu rugarukira ku wo twashakanye gusa." Yakomeje agira ati “Aho kwibanda ku gushakisha uwo umutima wabo ukunda, Abakristo bakagombye kwibanda ku gukunda abandi, ibyo kurongorana bikaza nyuma. Kurongorana si ryo herezo ry’ubuzima… ni ukuba umugaragu w’urukundo.”

Ibitekerezo( 3 3 3 )

agakiza

Bwenge

12-09-2013    10:19

Blogue Ndayikundaga, ariko twitondere inyigisho ziki gihe.
Biblia ivuga ko ko bazigisha ibijyanye nirari ryabo (What do you think is behind this story? ), muri ibi bihugu byateye imbere mbona akenshi abantu bayoborwa nubwenge kuruta uko basaba umwuka wera ngo abayobore, simpanya ko izi nyigisho, zavuye mu mwanya wo gusenga ahubwo zavuye , muri analyse zabantu bashaka gukomeza koreka isi, badashyigikira gushaka, kandi bible yarambwiye ngo si byiza ko aba wenyine. Basore namwe bakobwa mbagire Inama nziza, mushake byemewe n’Imana ndetse n’amategeko, naho mutabikoze gutyo, ibishukobibageraho vuba, niho usanga bamwe iyo bananiwe kwihangana, bajya mu busambanyi, mubutinganyi nibindi byaha bibibishamikiraho. umwuka atuyobore nibwo tutazkora ibyo Kamere irarikira.

agakiza

yesu ashimwe

12-09-2013    14:57

Imana idutabare kandi iduhe ubwenge ntibyoroshye twabajije pasteur wa oantekote wo muri ibibihugu tuvugako byateye imbere tuti ikibazo cyubusambanyi bugaragara mwitorero mukivugaho iki? cyane cyane mugihugu atuyemo atubwirako imibonano mpuzabitsina ari umwe mumico yabo ntacyo babikoraho. cyane ko mwalimu wacuwe yatubwiye mwishuli ko kutabikora ari ihohoterwa!! ubwose uwo yanditse yakwandika ibiki? Yesu aturengere.

agakiza

Sage

18-09-2013    03:35

Ibitejerezo byanyu biraakenewe kuri iyi nkuru

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?