agakiza agakiza

Imana isohoza ibyo yavuze, komeza kuyizera.

agakiza

Imana isohoza ibyo yavuze, komeza kuyizera.

byanditswe na: Ubwanditsi     kuwa: 3 July 2019,  05:22

agakiza

GUTEGEKA KWA KABIRI11.24-25
Ahantu hose muzakandagira hazaba ahanyu, urugabano rwanyu ruzahera ku butayu rugeze kuri Lebanoni, kandi ruzahera ku ruzi Ufurate rugeze ku Nyanja y’iburengerazuba.

Ntihazagira umuntu ubasha kubahagarara imbere, Uwiteka Imana yanyu izateza ubwoba igihugu muzakandagiramo cyose, ngo babatinye uko yababwiye.

Imana yakuye Abisirayeli mu butayu, ibemereye kuzabageza mu gihugu cy’i Kanani, kandi burya Imana ivuga ibintu izi neza ko izabikora, ariko ntibwira umuntu ibyo azabanza kunyuramo;ni yo mpamvu itabwiye Abisirayeli iby’inyanja itukura, ibyo kuzenguruka mu butayu, kwambuka Yorodani, inkike z’i Yeriko, iby’ Abanaki n’ibindi (Gutegeka kwa Kabiri 8.2), kuko rimwe na rimwe ibikubwiye na bwo ntiwatinyuka guca iyo nzira.

Icyo rero twahawe n’Umwuka kumenya, ni uko inzira yo gusohora kw’ibyo Imana yavuze irimo n’inzitane z’ibigeragezo (Zaburi 105.19),

Kandi tuzirikana ko Imana itagirwa yo n’ibyo yakoze, ahubwo ko n’igihe itarakora ibyo tuyishakaho iba ikiri Imana ishobora byose;kuko n’ubwo ibyawe yaba itarabikora, uyu munsi hari abandi bahamya ko irimo kubibakorera, kuko ari igihe cyabo (Habakuki 2.3)

Cyakora iyo umuntu yatakaje kwizera ntaba agifite n’amaso areba ibyo Imana yakoze, kuko , imbaraga zihesha umuntu kunesha ibyo agezemo ziba mu kwibuka ibyo Imana yamukoreye.

Nuko rero ukomeze uhangane n’iby’urimo, urwana na byo uyu munsi, uzirikana imbaraga z’Imana zakuneshereje ibyahise, naho iby’ejo hazaza byo, kuko nta n’ibyo uzi, ntibiguhangayikishe ahubwo ubiragize Uwiteka (Matayo 6.34).

Wikoreze Uwiteka urugendo rwawe rwose, abe ariwe wiringira azarusohoza.

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo