agakiza agakiza

Igisubizo cy’umunaniro ku bakristo.

agakiza

Igisubizo cy’umunaniro ku bakristo.

byanditswe na: Ubwanditsi     kuwa: 27 July 2019,  12:16

agakiza

Mu isi dutuyemo hari byinshi dukenera kugirango tubeho. Dufata umwanya wo kubitekerezaho bihagije no kwibaza ingamba zafatwa kugirango bigerweho, inshuro nyinshi ubwonko,bukoresha imbaraga nyinshi ugasanga umuntu afashwe n’umunaniro, buri muntu rero agira uburyo bwihariye bwo kuruhuka

Abantu bamwe bamara amasaha 24 bareba televisiyo, bakora ibitandukanye ku mbuga nkoranyambaga, hari ababa bareba amashusho y’intambara, basoma inkuru zitandukanye, amashusho y’abagore n’abana babayeho mu bukene bukabije. Bimwe ni ibibazo bikomeye kubibonera ibisubizo

Nyuma y’ibyo bikorwa byose n’imiruho,abantu bafata imyanzuro itandukanye y’uburyo bafata ikiruhuko bitewe n’uko babyumva, bamwe bashobora guhitamo kwifashisha inama z’inzobere mu bijyanye n’ubuzima ibyo byose ari ukugirango babashe kumva baguwe neza.

Yesu nawe aziko umunaniro ubaho kandi hari inama yatanze, nawe yabinyuzemo aho intumwa ze zamusanze abona ko zinaniwe azishakira ikiruhuko arazibwira ati:“ muze mwenyine ahiherereye muruhuke, muruhuke, aho abantu batari muruhuke ho hato” Mariko 6:30-34”

Ntimwihebe rero Yesu ahora yiteguye kutwumva no kumva ibyo dukenye ( Matayo 11:28) yahamaye abarushye n’abaremerewe ngo bamusanage abaruhure. Ikintu cyambere dusabwa gukora ni ukwegera yesu mu gihe twahuye n’ibitunaniza tukamusaba ko yaturuhura.

Nitubikora dutyo umunaniro wari uturembeje Yesu azawudukiza aduhe umudendezo usesuye. Iyicara kuri ya ntebe iravuga iti: “ dore byose ndabihindura bishya.”(Ibyahishuwe 21:5, kwa Yesu hari umudendezo usesuye uko ni ukuri kandi awutangira ubuntu.

Abakristu twese tujya tugira umunaniro. Ariko buri wese muri twe afite amahirwe yo kuza kwa Yesu muri we niho tubonera ikiruhuko gisesuye, imitima yacu na roho bigahindurwa bishya.

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo