agakiza agakiza

Gukura mu buzima bw’umwuka

agakiza

Gukura mu buzima bw’umwuka

byanditswe na: Ubwanditsi     kuwa: 1 May 2019,  07:45

agakiza

ABAHEBURAYO 5.11 -14; 6.3
...Kandi nubwo mwari mukwiriye kuba abigisha ubu kuko mumaze igihe kirekire mwiga, dore musigaye mukwiriye kongera kwigishwa namwe iby’ishingiro rya mbere ry’ibyavuzwe n’Imana, kandi mwahindutse abakwiriye kuramizwa amata aho kugaburirwa ibyokurya bikomeye...

Burya iyo umwana yabonye umurera neza, mu buryo bw’umutima no mu buryo bw’umubiri, agahabwa ibyangombwa by’ibanze, akura neza;

Bimwe mu biranga umuntu ukiri umwana ni ukutiyitaho no kutagira isoni; Intumwa Pawulo ati’’ Nkiri umwana muto navugaga nk’umwana muto, ngatekereza nk’umwana muto nkibwira nk’umwana muto. Ariko maze gukura mva mu by’ubwana’’(1Abakolinto 13:11).

🏾 Dore icyo wakora kugira ngo ukure:

• Gusoma ijambo ry’Imana mu buryo buhoraho:Ntushobora kuba umukristo mwiza udasoma ijambo ry’Imana, dusabwa kuba maso rero,kuko ubu mukeba wo gusoma ijambo ry’Imana ni imbuga nkoranyambaga.

• Gusenga :Ntushobora kwiringira ko uzakura mu bukristo utagira igihe cyo gusenga ngo ushake ubwiza bw’Imana, Yesu yadutegetse gusengesha umwuka iteka mu buryo bwose bwo gusenga no kwinginga (Abefeso 6:18)

Dore bimwe mu bigaragaza ko umuntu akuze mu mwuka:

1. Gukora
Nk’uko mu buzima busanzwe,iyo umuntu yarezwe, akigishwa akagera ku kigero cy’ubukure, arashakishwa ngo ahabwe akazi, ni ko n’umuntu wakuze mu mwuka arangwa no gukora mu bwami bw’Imana.

2. Kubaho ubuzima busabana n’Imana kandi burimo igihe gihagije cyo gusenga
▪Umuntu abasha gupfukama amasaha 5 asenga isengesho ridacika, kandi akabasha kwiyiriza ubusa igihe gihagije kugira ngo abone imbaraga z’umutima kandi abe yuzuye ubwenge (Luka1:80).
Ukeneye rero gukura mu buryo bw’umwuka, kugira ngo udakomeza guteraganwa hirya no hino n’imyigishirize itandukanye, n’uburiganya bw’abantu, ijambo ry’Imana ribivuga neza ngo kugira ngo tudakomeza kuba abana duteraganwa n’umuraba, tujyanwa hirya no hino n’imiyaga yose y’imyigishirize, n’uburiganya bw’abantu n’ubwenge bubi, n’uburyo bwinshi bwo kutuyobya (Abefesof 4.14).

3. Ubunyangamugayo rero ni kimwe mu biranga umuntu ukuze, kandi umuntu mukuru nta wujya amubwiriza gukora, ni yo mpamvu ajya abasha no kugira ibyo yanga Kwizera ni ko kwatumye Mose ubwo yari amaze gukura, yanga kwitwa umuhungu w’umukobwa wa Farawo,(Abaheburayo 11:24)

Imana igushoboze kuba umusirikare mwiza wa kristo.
[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo