agakiza agakiza

Ese waba usobanukiwe ukuri bibiliya ivuga ku cyaha?

agakiza

Ese waba usobanukiwe ukuri bibiliya ivuga ku cyaha?

byanditswe na: Ubwanditsi     kuwa: 6 June 2019,  09:24

agakiza

ABALEWI 5.17
Kandi nihagira umuntu ukora icyaha, agakora kimwe mu byo uwiteka yabuzanije, naho yaba agikoze atacyitumye aba agiweho n’urubanza, kandi azabaho gukiranirwa kwe.

Icyaha kibaho igihe umutima ushaka kugomera Imana n’abantu, ntabwo icyaha ari igikorwa cyangwa umwanzuro gusa ahubwo n’igihe umutima w’umuntu washatse kugomera Imana n’abantu, icyo gihe umuntu aba yakoze icyaha.

Icyaha cyatandukanije umuntu n’Imana kimujyana mu rupfu, icyaha kandi cyagize ingaruka mbi mu mpande zose z’ubuzima bw’umuntu, kubera icyaha kandi umuntu yagezweho no kubabara, kubabazwa, kugira intimba ndetse no kuvunika(Itangiriro 3:16-19).

Adam na Eva bamaze gukora icyaha, Imana ntiyahise ibareka, kubw’icyaha bayikoreye, ahubwo Imana yakomeje kubagaragariza urukundo, ndetse ibaremera n’imyambaro y’impu irayibambika, irabareka bakomeza ubuzima (Itangiriro 3:21-24).

Adam na Eva baje kubyara abana babahungu babiri, umukuru yitwaga Kayini, umuto akitwa Abeli, Kayini yari umuhinzi naho Abeli ari umwungeri, bagiye gutamba ituro Imana yita kuri Abeli ndetse n’ituro rye, ntiyita kuri Kayini n’ituro rye, ibyo byababaje Kayini kugeza naho yishe murumunawe Abeli, ibi tubisanga mu gitabo cy’itangiriro 4, ibi bisobanura ko icyaha cyose kigira ingaruka kuwagikoze ndetse zikagera no kubazamukomokaho, kuva isi yaremwa kugeza uyu munsi.

Imizi y’icyaha igera ahantu kure mu muntu, itaretse no mu mutima, kuko mu mutima w’umuntu ariho haturuka ibitekerezo bibi: kwica no gusambana no guheheta , kwiba no kubeshyera abandi n’ibitutsi( Matayo15.9).

Kuva ku batubanjirije kugeza uyu munsi, ubuzima bw’umuntu bugizwe n’amahitamo, amahitamo ni ikintu Imana yaremanye umuntu ibindi biremwa byose bitagira, kugira ngo umuntu akore icyaha aba yabihisemo, guhitamo ubuzima butarimo icyaha birashoboka, icyo bigusaba ni uguhitamo gukunda Imana ndetse no kuyubaha.

Nukundisha umutima wawe wose n’ubwenge bwawe bwose uzarama, kandi Imana izahindura umutima wawe ndetse uwo mugisha ugere no kubazagukomokaho, kuko ni isezerano Imana yasezeranye, nzabaha n’umutima mushya, mbashyiremo n’umwuka mushya, nzabakuramo umutima ukomeye nk’ibuye, mbashyiremo umutima woroshye(Ezekiyeli36:26), Imana isezanya abanyabyaha ibyago naho abakiranutsi ikabasezeranya ibyiza( Imigani 13:21) , kandi uwiteka Imana yishimira kugirira neza abakiranutsi(Gutegeka kwa kabiri30.19), ndetse nyuma y’amasezerano Yose, Imana isezeranya abakiranutsi ubugingo buhoraho.

[email protected]

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo