agakiza agakiza

Ese kuba umukire ni icyaha?

agakiza

Ese kuba umukire ni icyaha?

byanditswe na: Ubwanditsi     kuwa: 7 August 2019,  07:49

agakiza

Kugira ubutunzi si icyaha, ariko inshuro nyinshi ubutunzi buhamagara amoshya . Gutunga no gutunganirwa si bibi ahubwo ikibazo gishobora kuvuka mu buryo iyo mitungo ikoreshwa.

Bibiriya ivuga ku mu kene kandi ikagaragaza ko bitakagombye kudutera urujijo. Mu gihe Imana yoherezaga umwana wayo mu isi, ntiyamushyize mu nzu nziza. Yesu yavukiye mu muryango woroheje kandi ibye byarabayobeye bagwa mu rujijo (Mariko 6:3)

Bibiliya kandi itanga ingero z’abantu bari abakire bahawe umugisha n’Imana harimo Abrahamu, Yakobo na Salomo, aba bose bakoresheje neza ubutunzi bwabo neza bubaha Imana.

Abifuza kuba abatunzi bagwa mu moshya no mu mutego, no mu irari ryinshi ry’ubupfu ryangiza rikaroha abantu mu bibahenebereza bikabarimbuza (1Timoteyo 6:9) ku murongo wa cumi hakomeza kuvuga ko gukunda impiya ari umuzi w’ibibi byose. Uyu murongo wa 10 bamwe bawuvuga nabi bagahamya ngo: “impiya ni umuzi w’ibibi byose nyamara Bibiliya iravuga ngo: “gukunda impiya ni umuzi w’ibibi byose” bivuze ko iyo twibanze ku butunzi bw’isi gusa, buduhindukira ikigirwamana bigatuma bitadushobokera kunezeza Imana. (Abaroma 8:8)

Imana itanga ubutunzi ku bantu bayo mu isi uko ishaka. Abakristo b’abatunzi badafata ubutunzi bwabo nk’ikigirwmana abo bagirira neza benshi. Bakora ibikorwa by ‘urukundo, batanga umusanzu wabo mu gufasha imfubyi n’abapfakazi (Yakobo 1:27) ikindi bafasha amatorero yabo bakoresheje ubutunzi. (Malaki:3:10)

Zakayo yari umutunzi, ariko inyungu ze yazibonaga mu buryo budakwiye yambuye abantu. Ariko igihe yahuraga na Yesu, yamuhinduriye ubuzima. Uko guhinduka kwe kwamuhinduriye imibereho ye yose. Harimo n’uburyo bwo gukoresha amafaranga, Zakayo yabwiye Yesu ati: kimwe cya kabiri cy’umutungo wanjye ndagiha abakene kandi abo nambuye ndabakubira kabiri. (Luka 19: 8) Mu Gushaka agakiza ka Yesu, Zakayo yahinduye intego y’ubuzima bwe. Kuri we ntibyari icyaha kuba umukire, ahubwo byari kuba icyaha kuri we iyo akomeza kwambura abantu cyangwa gukoresha ubutunzi mu ntego yo kwikunda. Imana yaduhaye ubutunzi ngo tubukoreshe neza dufasha abandi.

Imana ishaka ko twishimira ubutunzi yaduhaye, ariko ntituburutishe Uwiteka ngo usange twabihinduye ibigirwamana. Kuko ibyo dufite byose hano mu isi tubigereranya n’intizanyo bityo tujye dusaba Imana idushoboze gukoresha ubutunzi bwacu uko ishaka.(Zaburi 50:9-12)

Source: How to Manage Your Money: An In-Depth Bible Study On Personal Finances by Larry Burkett

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo