agakiza
agakiza

Dufatanye gusengera aba Hausa bo muri(...)

agakiza

Dufatanye gusengera aba Hausa bo muri Niger

byanditswe na: Ubwanditsi     2019-09-26 10:54:54

agakiza

Mu rwego rwo kwifatanya n’abantu benshi batuye mu bihugu bitandukanye ku isi mu gusengera amoko ataragerwaho n’ubutumwa bwiza, tugiye gusengera abahausa bo muri Niger.

Igihugu cya Niger gifite abaturage 10.956.000 ururimi ruhurirwaho na benshi rwitwa Hausa, ibijyanye n’iyobokamana, Isilamu niyo ifite abayoboke benshi ku kigero cya 94% mu gihe Abakristu ari 2%

Amateka y’abantu batuye igihugu cya Niger

Abaturage b’igihugu cya Niger babarizwa mu moko atandukanye,buri bwoko bufite ururimi rwihariye ndetse n’uburyo bw’imibereho bwite. Muri ayo moko harimo Hausa, ubwoko bufite umubare mwinshi muri Afurika y’i Burengerazuba aho usanga umubare munini w’ubu bwoko ari abayoboke b’idini ya Isilamu.

Abahausa bakomoka mu gace kitwa: “Hausaland” kuva mu mwaka 1960, Hausaland yigabanyijemo Leta ebyiri zigenga ziyobowe n’ubutegetsi bw’ubufaransa n’ubwongereza. Nyuma y’umwaka w’1960, imwe yahindutse “Repubulika yunze ubumwe ya Nigeriya” naho indi yahindutse “Repubulika ya Niger” mu gihe Igifaransa ari ururimi rukoreshwa mu buyobozi, Hausa ni ururimi rukoreshwa mu bucuruzi.

Bamwe babitekereza nabi aho usanga bavuga ko umutwe wa Boko Haram ukomoka mu bwoko bwitwa Hausa kuko ijambo ubwaryo rikomoka mu rurimi rwitwa Hausa. Ariko Boko Haram ikomoka mu bundi bwoko bwitwa Kanuri na Fulani.

Ubuzima bw’ abaturage

Abahausa bibanda cyane ku buhinzi,ubworozi n’ubucuruzi. Amasoko ni umurage w’umuryango mugari wa Hausa, ahanini niho ubukungu bwabo bushingiye. Abagabo n’incuti zabo bahurira mu mudugudu bakungurana ibitekerezo ku mibanire yabo, mu gihe abakobwa n’abagore bakiri bato kandi bazi kwambara neza, usanga bagendagenda kugirango babarebe.

Benshi mu bahausa baba mu cyaro aho bakorera ubuhinzi n’ ubworozi. Abagabo nibo baba ari abayobozi b’umuryango.

Mu bijyanye n’urushako, incuti za bugufi, ababyara (cousins) nibo bashakana. Muri macye iyo umuntu ajya gushaka areba mwenewabo ukomoka mu muryango wa se. abakobwa, akenshi bashaka abagabo bari mu kigero kiri hagati y’imyaka 12 na 14 y’amavuko. Ikibabaje, 50% by’abagore batandukana n’abagabo, ariko kuko mu muryango mugari wabo habamo agahato ko gushaka no kubyara abana, abenshi muri aba bagore barongera bagashaka abandi bagabo. Muri Niger kuba umugore yarashatse bimuha agaciro kenshi mu mu muryango mugari.

Abayoboke b’idini ya Isilamu muri Niger bagira umuco wo gukunda abashyitsi, ibi bikaba ishema ku gihugu cyabo. Mu rurimi rwabo, ijambo “bako” rikoreshwa mu gusobanura umushyitsi.

Ibyo bizera

Muri iki gihe, benshi mu ba Hausa ni abayoyoboke b’idini ya Islam ku kigero cya 94%, abakristo ni bacye cyane ni 2%

Ibyifuzo byo gusengera
Gusenga kugirango ijambo ry’Imana rigere mu bahausa bo mu gihugu cya Niger.
Gusenga Imana ngo yohereze abakozi bayo bajye kuba hagati y’abahausa babasangize urukundo rwa Kristo.
Gusaba Imana gukomeza no kurinda umubare muto w’ abahausa b’abaisilamu bahisemo gukurikira Yesu.
Gusenga kugirango umuco gakondo w’abaislamu worohereze kandi ufungure imiryango indirimbo zo kuramya no guhimbaza Imana zihabwe umwanya muri Niger
Gusaba umwuka wera gukingura imitima y’abahausa bakakira ijambo ry’Imana.

Source:Joshua project.net.

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?