agakiza agakiza

Akamaro k’ifunguro rya mu gitondo ku mubiri w’umuntu.

agakiza

Akamaro k’ifunguro rya mu gitondo ku mubiri w’umuntu.

byanditswe na: Ubwanditsi     kuwa: 6 September 2019,  10:39

agakiza

Ifunguro rya mu gitondo ni inkingi ya mwamba yubaka umubiri w’umuntu, kuko niho umubiri ukura imbaraga ukoresha umunsi wose. Iri funguro kandi rifasha ubwonko gukora neza, kuzinduka ujya mu mirimo ushinzwe utabanje gufata ifunguro ni nko kugerageza gutwara imodoka idafite essence, bishatse kuvuga ko nta musaruro mwiza ubasha gutanga.

Ifunguro rya mu gitondo, ni byiza kurifata hagati mu masaha 2 umuntu akimara kubyuka. Iri funguro rifite umumaro ukomeye cyane kuko riha umubiri n’ubwonko imbaraga ziza gukoreshwa uwo munsi,bitewe n’uko mu gihe cy’ijoro umubiri n’ubwonko biba byatakaje imbaraga nyinshi.

Ifunguro rya mu gitondo kandi umubiri urikuramo imbaraga ku kigero cya 20-35% umubiri ukorsha ku munsi. Urumva rero ko ari ho hava imbaraga nyinshi ku rusha mu yandi mafunguro.

Uretse gutanga imbaraga, ifunguro rya mu gitondo riba ryuzuyemo intungamubiri zitandukanye z’ingenzi arizo: calicium, iron, vitamine B ndetse na proteyine zitandukanye umubiri ukenera. Imbuto n’imboga ni isoko nziza ya vitamine ndetse n’imyunyu ngugu.

Mu bushakashatsi bwakozwe na Tangney, inzobere mu bijyanye n’imirire myiza, yavuze ko ifunguro rya mu gitondo rigena isukari n’izindi ntungamubiri ubwonko bukenera kugira ngo bukore neza. Kurya mu gitondo bituma ubwonko bukora neza, gutekereza neza, kugabanya umunaniro ndetse bituma umuntu yiriranwa akanyamuneza. Ku bana bato ifunguro rya mu gitondo ribatera kwiriranwa imyitwarire myiza, ku banyeshuri bituma babasha gukurikira amanota meza.

Iyo uriye ifunguro rya mu gitondo uba ubwiye umubiri wawe ko hari ingufu zihagije z’umunsi wose. Iyo ubuze ifunguro rya mu gitondo ni nko kubwira umubiri ko ukeneye kubika aho gukoresha ingufu.

Abantu bakenera ingufu ku kigero gitandukanye bitewe n’ibyo bakora ndetse n’ikigero cy’ubuzima bagezemo, ubusanzwe abagabo nibo bakenera imbaraga nyinshi kurusha abagore. Abana bagikura bakenera imbaraga nyinshi, urugero abahungu bari mu kigero cy’imyaka 7-10 bashobora gukoresha kcals 1970 ku munsi mu gihe abakobwa bari muri iki kigero bakoresha kcals 1740 ku munsi. Ku bakuru abagabo bakoresha kcals 2500 ku munsi mu gihe abagore bakoresha 2000 kcals ku munsi wose.

Ubushakashatsi bwagaragaje ko kudafata ifunguro rya mu gitondo bishobora gutera umubyibuho ukabije kuko mumafunguro umuntu afata mu yandi masaha y’umunsi umubiri uba watangiye gutakaza imbaragaga zo gukoresha ibinure bityo biragenda bikaba byinshi mu mubiri.

Mu gihe bishoboka, ni ngombwa kugira akamenyero ko gufata ifunguro rya mu gitondo mu muryango kuko bibasha kugira ubuzima bwiza ndetse no kurama igihe kirekire.

Source: www.shakeupyourwokeup.com

HABA HARI ICYEMEZO UFASHE NYUMA Y'UBU BUTUMWA ?

Ibitekerezo( )

Tanga igitekerezo