agakiza agakiza

muzika

agakiza


Benshi muri iki gihe beremeza ko umuziki
nyarwanda ugenda uhindura isura yawo ,ahanini biturutse ku mpamvu
zinyuranye zirimo ukuba hariho ikoranabuhanga,abahanzi bafite ubushake
n’iibindi.Uko benshi rero barushaho kwitabira gukora umuziki,ni nako
ikibazo cyo kubona amahirwe yo kugaragaza impano zabo agenda aba make
kuko usanga amatorero atabatumira ahanini biturutse ku kutabamenya
kubera iki kibazo kandi bafite impano zikomeye zagira icyo zihindura.

Ni muri urwo rwego rero Radio Sana
98.0Mhz yatangije uburyo bushya bugiye kujya bufasha abahanzi nk’aba
bakeneye kujya bagaragaza impano zabo kugira ngo bipime ku munzani
bamenye uko bahagaze cyangwa se uko bakwitwara.Isange.com ubwo yasuraga
ahaberaga iki gitaramo kuri iki cyumweru tariki ya 4/5/2011 aha akaba
ari ku itorero Delivrance Church,yasanze abahanzi batari bake barimo
kuririmbira imbaga y’abantu basaga 500.

Nyuma yo kubona ko igitaramo cyaciye
ibintu ,twegereye umuhuzabikorwa wacyo akaba ari n’umunyamakuru kuri iyi
Radio Bwana Ndabarasa john maze adutangariza ko nka Radio Sana ,bifuza
gutanga umusanzu wabo mu kuzamura abahanzi bakizamuka,ibi bikaba ku
bufatanye bw’itorero Delivrance rifitanye umubano mwiza n’a Radio.

Umuyobozi wa Isange Corporation Peter Ntigurirwa ubwo yagezaga ijambo ku bari aho.

Yakomeje avuga ko ibi bitaramo kandi
biba no ku bufatanye bwa Isange Corporation isanzwe iteza imbere
abahanzi kandi inafite ubunararibonye mu biteramo nk’ibi.Yavuze kandi ko
bitazagarukira ku bahanzi bakizamuka gusa,ahubwo ko n’abahanzi bakuru
nabo bazajya batumirwa kugira ngo baririmbe bityo aba bahanzi bakizamuka
bagire ibyo babigiraho bityo hanabeho ubusabane hagati yabo.

Yasoje avuga ko bizeye umusaruro mu gihe gito kandi ko bashimira Imana ikomeza kubagurira gukora umurimo nk’uyu muri iki gihe.

Mu ijambo rye yagejeje ku bari
aho,umuyobozi wa Isange Corporation yavuze ko abahanzi bakizamuka
bagomba gufashwa ariko nabo bagashyiraho akabo bagana Isange Corporation
kugira ngo ibahe ubujyanama mu buhanzi bwabo.Yasabye ko amatorero nayo
akwiriye kujya afasha abahanzi abashyiriraho amahirwe nk’aya kugira ngo
batere imbere.

Ndabarasa John/ isange.com

 

Iyahoze ari chorale Rehoboth abenshi bari basanzwe bamenyereye
kundirimbo zabo zo hambere nka Imana ni byose, kumusaraba n’izindi ubu
ikaba ari Rehoboth Ministry ikaba ari imwe muri ministere zikomeye za
hano mugihugu cyacu.
Ubu Rehoboth ikaba iri mugikorwa kidasanzwe cyo
gutegura indirimbo z’amajwi ziri mururimi rw’igiswahili (zikaba arizo
ziganjemo) ndetse hakaba hanarimo n’izindi ndirimbo nkeya ziri mururimi
rw’icyongereza

 

Abaririmbyi ba Rehoboth muri studio.

nkuko twabitangarijwe na RUGALI Aimable(Administrateur) yatangaje ko
izo ndirimbo zose ari cumi n’imwe(11) kandi ko mukwezi kwa 11 rehoboth
ministry igiye kwerekeza mugihugu cya kenya aho batumiwe mugiterane
cy’ivugabutumwa. abatumiye iyi ministere bakaba baranayemereye ko mugihe
bazaba bageze muri iki gihugu cya kenya bazahita banabakorera izo
ndirimbo zirimo gukorwa za album ya 6 zose uko ari 11 murwego noneho
rw’amashusho.

mumpera z’uyu mwaka rehoboth ikaba irimo gutegurira abakunzi bayo
igiterane cyo kumurika iyo album izaba igizwe n’indirimbo z’amajwi(CD),
n’izigaragara(DVD).
Rugali kandi yakomeje adutangariza ko izo ndirimo
harimo indirimbo nshyashya imwe gusa, izindi zose ni indirimbo zisanzwe
zizwi bahinduye indimi gusa, izo ndirimbo zikaba kandi zaragiye
zitoranywa muziri kuri album ya 4 n’iya 5.

East Africano Sound niyo irimo kubakorera.

East Africano Sound iyi ikaba ari studio imaze kumenyekana
cyane kuko ari imwe muri studio zirimo gukorera cyane amatsinda
atandukanye aririmba ndetse n’abahanzi batandukanye.
ubu rehoboth
ministsy ikaba isigaye ikorera ku itorero ryitwa Amariba y’agakiza
rikaba riri mumujyi wa Kigali, hafi ya gare ya Kimironko.

NGOGA Gerard akaba ari umwe mubayobozi b’indirimbo nawe
yadutangarije ko bitewe n’uko iyi chorale yakomejwe kujya isabwa
ibihangano byayo mubihugu bitandukanye nka Kenya, Tanzaniya, Uganda
n’ahandi hatandukanye ku isi mundimi bumva niyo mpamvu bahisemo gukora
izi ndirimbo muri izi ndimi ebyiri usanga zihuriweho na benshi.

 

Abaririmbyi ba Rehoboth Ministry

Yasoje atangariza isange.com aho abakunzi ba rehoboth ministry
basanga indirimbo zabo zo kuri album ya 5 hakaba ari aha hakurikira:
-Blues coffee (mumujyi wa Kigali)
-Cosmetic shop
-Radio umucyo
-Aho basengera ku itorero Amariba y’agakiza.
-La colombe.

 

KWIZERA Emmanuel/ isange.com

Abaririmbyi bakorera umurimo w’Imana muri paruwase ya Gatenga-ADEPR barakangurirwa kwiteza imbere. Ubu butumwa babuhawe kuri uyu wa gatandatu tariki ya 28/4/2012 mu mahurwa yabereye muri ADEPR, paroisse ya GATENGA. aba baririmbyi bayoboye abandi bamaze gusobanurirwa amabwiriza abagenga banahawe amahugurwa k’uburyo bakiteza imbere mu buzima busanzwe ndetse n’imiryango yabo.

Nk’uko byagarutsweho n’umushumba w’itorero rya Gatenga Rev.Pst.Silas KINIHIRA nyuma yo kubibutsa amabwiriza agenga abaririmbyi, yakomeje abashishikariza gukurikirana neza ayo mahugurwa. Ibi yabivuze ngo kubera ko mu gihe cya vuba Charale izajya yerekana imihigo ishingiye ku nkingi zikurikira; iterambere, ubuzima, ivugabutumwa, imibereho myiza n’ubukungu. Aha yatanze urugero ko abaririmbyi bashobora kwishyira hamwe mu bushobozi bwabo buke kugira ngo biteze imbere. Uyu mushumba yatanze urugero ko bo nk’abakozi b’itorero bishyize hamwe aho buri mukozi atanga 10000 frws buri kwezi, ibi ngo bikaba bizatuma bafashanya kubaka ubushobozi.

Muri aya mahugurwa kandi hari hatumiwemo abakozi ba Association Mwana Ukundwa ( AMU), uyu akaba ari umuryango usanzwe ubundi ukorana kenshi n’amatorero ya gikristo haba mu gutanga amahugurwa k’uburyo abakristo n’amatorero bakoreramo bakiteza imbere ndetse no mubindi bikorwa bitandukanye.

Mu kiganiro yatanze MUKANKAKA Rose GAKWANDI, umuyobozi wa Association Mwana Ukundwa, yashishikarije abaririmbyi kubaka ubuzima bw’umwuka ariko kandi ko bagomba no gusubiza amaso inyuma bakanatekereza k’ubuzima busanzwe. Uyu muyobozi kandi yibutsaga abantu ko bagomba gukora ngo biteze imbere, ibi kandi ngo bizabarinda gushakira indamu mu murimo w’Imana. Uyu muyobozi yagize ati ‘’iyo wubatse ubuzima bw’Umwuka ukirengagiza iterambere bisa no kugendera ku kuguru kumwe kuko bishobora gutuma unanirwa vuba’’.

Ibi kandi ni nabyo byagarutweho na RUSINE Alexis, uyu akaba ari umwarimu mu Ishuri Rikuru ry’Ubuhinzi n’Ubworozi ( ISAE BUSOGO) usanzwe utanga amahurwa kubijyanye no kwiteza imbere, kwigisha imishinga, uyu mwalimu yari yatumiwe ngo atange amahugurwa k’uburyo umukristo yakiteza imbere ahereye kubyo afite. Alexis ashingiye ku gitabo yanditse ‘’IBANGA RY’UBUKIRE’’, nk’uko yabisobanuye ngo iterambere ry’umuntu rimuri mu biganza. Iki gitabo ngo akaba yaracyanditse agira ngo akangurire abakristo kubaka ubuzima bagatera imbere kandi bakanarwanya icyo yise ‘’imyuvire njyabukene’’ nko gutekereza ko aho umutindi yanitse ritava n’ibindi nk’ibyo biba bigamije guca abantu intege cyane cyane ba rubanda rugufi. Yakomeje yibutsa abo baririmbyi ko abukene bavugwa muri bibiliya ko bahirwa atari abo mu mifuko, yanibukije kandi ko muri ibyo byose bagomba kwiga gukoresha igihe neza. Ibi kandi ni nabyo umushumba yagarutseho agira ati ‘’ndabifuriza kwera mu mitima ariko ntimwere mu mifuko’’aha yashaka kuvuga kuba abakristo beza ariko bifashije.

Abitabiriye amahugurwa bishimiye amasomo meza bahawe banasaba ko hategurwa uburyo yakigishwa abaririmbyi bose kuko aha bari abayobozi gusa.

Tubibutse ko Paruwasi ya Gatenga ifite amakorari 18 akorera mu midugudu 6 (chapelles).
Murakoze

Abantu bensi ntibakunze gusobanukirwa gospel music icyo
aricyo.Kuba batabisobanukirwa neza bikomeza gutera urujijo kuri bo. Ibi
ahanini biterwa n’uko baba badasobanukiwe amateka y’indirimbo
ziririmbirwa Imana (Gospel music), aho byaturutse n’impamvu zitwa iri
zina. Ese impavu yaba ari iyihe? Ushobora no gusanga hari uko wabyumvaga
ku giti cyawe.

Ururbuga rwa interineti examiner.com ruvuga ko, Indirimbo za gospel
zibayeho, hashize imyaka isaga 2000, uhereye igihe intumwa za Yesu
zatangiriye kubwiriza ubutumwa bwiza, ari nako zinaririmba indirimbo zo
kuramya no guhimbaza Imana, zinavuga ibigwi n’ibitangaza Yesu yakoraga.
Ubusobanuro bw’indirimbo za gospel, bukaba bushobora gushingira kuri iyi
mimerere y’izi ntumwa. Gospel music, bishobora gusobanurwa
nk’uruhurirane rw’amagambo y’indirimbo avuga kuri Yesu, ukwizera
kw’abakirisito cyangwa se ubuzima bw’abakirisito.

Gospel Music ni indirimbo za gikristo ugereranije n’ubundi bwoko
bw’indirimbo; zishobora kuba indirimbo zanditswe, ariko zanditswe
n’abakirisito, mu rwego rwo kubwiriza abandi baririmbyi bo mu zindi
njyana ubukirisito. Habaho ubwoko bwinshi bw’indirimbo za Gospel, ariko
ubu bwoko bwose bukaba bufite aho bushingiye. Aha twavuga southern
gospel, black gospel, urban gospel, contemporary Christian music (CCM),
inspirational music, Christian pop music, umuziki wa gikristo wo mu
jyana ya Rock, Christian metal, Christian alternative music, Christian
hip-hop music, Christian R & B music, Celtic Christian music, modern
gospel music ndetse n’ubundi buryo bw’imiririmbire ariko bushingiye ku
myizerere ya gikirisitu. Ibi ngo uramutse ufashe indirimbo itari gospel
ukayigereranya n’iya gospel uhita ubona itandukaniro ako kanya.

Izi ndirimbo zaririmbiwe Imana zagiye zirushaho kumenyekana , uhereye
mu bihe by’ububyutse byagiye bitegurwa mu kinyejana cya 19, ibi bikaba
byaratangijwe na Dwight L. Moody. Gospel music zaje kwamamara
by’umwihariko nyuma y’intambara ya kabiri y’isi yose ndetse no muri za
muvoma zitiriwe Yesu (Jesus movement) zabayeho mu myaka ya za 1970, ubwo
umuziki wa gikristo mu njyana zigezweho wamamaraga. Uyu muziki wagiye
ugera n’aho winjira mu mico gakondo y’abantu ndetse byageze n’aho
utangira gukinwa no kuririmbwa n’abandi baririmbyi wasangaga batarajwe
ishinga n’ibya gikristo.

Indirimbo ziririmbirwa Imana, ngo akenshi usanga zigeza ku bintu
byinshi abaziririmba mu buryo bwo kubamenyekanisha no kubateza imbere.
Hari benshi bazwi kandi zagiriye umumaro mu buzima bwabo, aha twavuga
nka Amy Grant, Michael W. Smith, Steven Curtis Chapman,Jars of Clay, Chris Rice, Mercy Me, Stryper ndetse na the Jonas Brothers. Abandi bahanzi nka Diamond Rio, Randy Travis ndetse na Vince Gill , aba bose bakaba baragiye bashira ahagaragara ama Album atandukanye akubiyemo ubutumwa bwiza.

Gospel music, abandi bakunze kwita indirimbo zaririmbiwe Imana zimaze
kugera hirya no hino ku isi, binyujijwe mu bahanzi bagenda baba
ibyamamare hirya no hino ku isi muri iyi njyana. Uko bagenda
bazenguruka ibihugu bitandukanye hirya no hino ku isi , niko n’izi
ndirimbo zikomeza kumenyekana haba mu ndimi zitandukanye cyangwa njyana.
Ibi bitumwa ubutumwa bwiza bukomeza kwamamara, bityo umurimo w’Imana
ukarushaho gutera imbere. Uko waririmba izi ndirimbo uko ariko kose ,
bitewe n’impamvu iyo ariyo yose, ntihabura abafashirizwa muri icyo
gihangano, kabone n’ubwo ataba ari cyo wari ugambiriye. Ibi bikaba
bigaragaza uburyo Imana ihambaye. Ni muri urwo rwego munyandiko zacu
zitaha, tuzagenda tubagezaho uko babona gospel music kuri bo, duhereye
hanze y’u Rwanda.

Ntitwarangiza tutababwiye ko indirimbo ziririmbirwa Imana zandikwa
ndetse zikanaririmbwa kubera impamvu zitandukanye. Zishobora kuririmbwa
umuntu ashaka kuramya Imana ku giti cye, kuririmbira abandi mu
rusengero, itorero, kwishimisha cyangwa kwinezeza, tutaretse no kuba
zakwinjiriza amafaranga ndetse no kugufasha kuba icyamamare mu muziki.
Uko ugenda hirya no hino , uhasanga amazu atunganya izi ndirimbo, ari
nako hirya no hino mu mijyi hagenda humvikana amaradiyo ya gikirisito
muri leta zunze ubumwe z’Amerika cyane, acuranga izi ndirimbo. Kugeza
ubu injyana z’indirimbo zaririmbiwe Imana, zigenda zifashishwa mu ma
filimi , mu biganiro ku mateleviziyo, mu makwe, mubikorwa bya pilitiki,
festival, amasengero ndetse n’ahandi hantu hatandukanye hahurira abantu
benshi, hirya no hino ku isi.

Dushimirimana Onesphore/isange.com

Iyi ni imwe mu ma minisiteri akomeye akorera mu Rwanda cyane ikaba yaramenyekanye kubera agashami ko kuririmba, yewe ikaba ifite amalubumu atari make harimo izamajwi nimwe yamashusho. Ni kuri uyu wa kane saa cyenda z’umugoroba, mu cyumba cy’inama cya Hilltop Hotel, hateraniye abanyamuryango ba Alarme Ministries n’abatumirwa mu rwego rwo kumurika umusaruro wavuye mu bushakashatsi bakoze.

Mubari bitabiriye uyu muhango, aha twavuga intumwa nkuru ya Minisiteri y’ubutabera, intumwa yarihagarariye umushinga wa MAJ bisobanura mumagambo arambuye y’igifarangsa Maison d’Access a la Justice, n’intumwa yarihagarariye Societe Civile n’abandi bashyitsi batandukanye, ibyo bikaba byabaye mu rwego rwo kumurika ibyavuye mu bushakashatsi k’umushinga wa MAJ. Nkuko byagaragaye mu bushakashatsi bwakozwe hagaragajwe ibyiza bya MAJ yazaniye abaturage, imbogamizi Maj igifite, ndetse nicyo Alarme isaba Leta nk’umuryango utegamiye kuri Leta kandi mu ntego zawo harimo kuvuganira abaturage.

Muri iki gikorwa hakaba hahise hanatangwamo ibitekerezo ku cyakongerwa mu byavuye mu bushakashatsi, nkuko twabitangarijwe numwe mu bayoboye icyo gikorwa yatugaragarije ko nubwo Alarme Ministries ari umuryango wa Gikristo, ikaba izwi mu murimo wo kuririmba cyane ariko atari ibyo gusa biri mu ntego zayo, ahubwo harimo no kuvuganira wa muturage wo hasi cyane nawe akagira urundi rwego ageraho. Reka tubibutse ko ubu bushakashatsi butakozwe mu turere twose ahubwo bafashe uturere dutatu harimo: Bugesera, Gasabo na Kamonyi.

Patrick Kanyamibwa


Umuhanzi Theogene Uwiringiyimana
wamenyekaniye ku kazina ka "Bosebabireba"ni umuhanzi wazamutse neza
kandi mu gihe gito ahanini bitewe n’uburyo yaje afite inganzo ye
yihariye irimo amagambo afasha abantu batari bake ndetse n’uburyo ijyana
akora iba ituma abantu babasha kubyina.Mu gihe kirenga imyaka 5 amaze
akora ubu buhanzi,Theogene aratangaza ko amaze kubona abakunzi batari
bake haba hano mu Rwanda,muri aka karere ndetse no mu bihugu bya kure.

 

Yakomeje atangaza ko kugeza ubu yasohoye
Album ya karindwi ikubiyemo ubutumwa budasanzwe ndetse buherekejwe
n’injyana zifite umwimerere udasanzwe kandi zikoze mu buryo bukoranye
ikoranabuhanga rigezweho.Yasoje atangaza ko yizeye ko ubuhanzi bwe agiye
kubwongeramo ingufu zidasanzwe cyane ko izi ndirimbo nshya azanye mu
minsi mike zizaba zimaze kugera ku bakunzi be kandi bakazikunda kuruta
izazibanjirije.

source:isange.com

Nk’uko tubikesha urubuga
rwa wikipedia.org, iyo ushatse kumenya ubusobanuro bw’ijambo umuziki ,
abantu batandukanye babisobanura bagendeye ku muco wabo, amaranga
mutima cyangwa se ibyiyumviro bya buri wese, gusa na none usanga
bahuriza ku busobanuro bw’uko umuziki ari igihangano gikoze mu buryo
bw’urunyuranyurane rw’amajwi yubatse injyana runaka igiye mu mujyo
wuzuzanya kandi unogeye amatwi, aha rero tukaba twahahera tukibaza ngo
“Ni uwuhe muziki ukwiye gucurangirwa Imana.

 Iyo usomye ijambo ry’Imanamuri zaburi y’ 150, tuhasanga amagambo agira ati “Ni mushimire Imana ahera hayo,Muyishimire mu isanzure ry’Imbaraga zayo. Muyishimire iby’imbaraga yakoze ,muyishime nk’uko bikwiye gukomera kwayo kwinshi. Muyishimishe ijwi ry’impanda muyishimishe neberu n’inanga. Muyishimishe ishako n’imbyino, Muyishimishe ibifite imirya n’imyironge. Muyishimishe ibyuma bivuza amajwi mato. Muyishimishe ibyuma birenga. Ibihumeka byose bishime uwiteka. Haleluya”
 
Iri jambo ry’Imana urasanga ridahura cyane n’imyumvire ya bamwe mu basenga Imana kuri iyi si ,kuko hari aho uzasanga hari abaririmbyi cyangwa abayoboke b’amadini bavuga ngo uyu muziki ufite ijwi rirenga bityo bati ni akavuyo cyangwa urusaku imbere y’Imana kandi Imana ni iyo kubahwa, abandi nabo bati nta mpamvu yo kuririmbira Imana nk’umuntu uri mugahinda, gutyo gutyo rukabura gica, ariko nk’uko twabivuze haruguru abantu benshi bavuga umuziki ndetse bakawukunda bagendeye ku muco wabo, akaba ari nayo mpamvu uvuye mu gihugu kimwe ukajya mu kindi ushobora gusanga indirimbo bakoresha zitandukanye cyane n’izo mukoresha.
Umuntu rero akaba yavuga ngo ijambo ry’Imana ritanga uburenganzira busesuye bwo gukoresha amajyi yose mu gucurangira Imana ,si byiza rero na gato gucira mugezi wawe urubanza ko indirimbo akoresha ahimbaza Imana,cyangwa ko Imana itazumva ubitewe n’amaranga mutima yawe, ahubwo hakagombye kureba niba iyo ndirimbo yangije umuco wanyu cyangwa se indangagaciro z’umuntu wubaha Imana cyangwa uyihimbaza.
Ikindi kandi twakwibuka ko Imana yacu atari Imana y’abafite umuco runaka gusa ahubwo ni Imana y’abatuye isi yose no mu ijuru, ntago ireba nk’abantu cyangwa ngo itekereze nkabo, wakoresha injyana yose mu muziki mu gihe uyihimbaza ariko ukabikora koko uyihimbaza bitandukanye no kubikora kugirango wizanire umunezero wawe bwite, cyangwa ngo ubangamire umuco wawe.
UMUSEKE.COM

Umuhanzi Iyakamye Honoré nyuma yo kwiga muzika mu gihugu cy’u Bwongereza, ubu yatangije mu Rwanda ikigo yise G M F ari cyo “Gospel Music Fabric” kigamije kwigisha abantu ibya muzika no gutunganya indirimbo muri studiyo ibarizwa i Remera mu Mujyi wa Kigali.

Mu kiganiro gito twagiranye Iyakaremye yagize ati “Nagiye kwiga muzika mu gihugu cy’u Bwongereza mu mwaka wa 2004, ngaruka mu Rwanda muri 2010, nsanga ibintu byarahindutse ngira igitekerezo cyo gutangiza ishuri rya muzika no gushinga studio none nageze ku ntego yanjye”.

Ikigo (campany) cya GMF gikorera i Remera hafi y’aho bita kuri “Control technique” muri icyo kigo harimo abanyeshuri 5 biga gucuranga piano na 14 biga gucurangisha Gitari. Iyakaremye avuga ko ikigo cye nubwo yacyitiriye ibintu by’Imana (Gospel), ariko muri iryo shuri azajya yakira abantu bose adashingiye ku idini.
Iyakaremye agiye gushinga studio mu gihe mu Rwanda hari ikibazo cy’uko bamwe mu bahanzi bavuga ko bahimba indirimbo, ariko ntizimenyekane. Iyakaremye avuga ko iyo umuhanzi aje abagana ataramenyekana bamugira inama y’icyo yakora kugira ngo ibihangano bye birusheho kumenyekana cyane yegera itangazamakuru.

Bamwe mu bahanzi batangiye gutunganya indirimbo muri studio ya GMF ni: Colombe, Enock na John. Honoray Iyakaremye buretse kuba atunganya umuziki akaba ari n’umuhanzi ku giti cye ufite indirimbo zakunzwe nka « Falala » hamwe na « Ibisubizo », ndetse akaba ari umucuranzi mwiza wa Piano.

Kuri uyu wa Gatanu tariki ya 9 Kanama, ishuri ryigisha umuziki riherereye mu Kiyovu i Kigali “Oakdale Kigali Music School”, ryasuwe n’itsinda ry’abacuranzi ba muziki riturutse mu Budage ariryo Crescendo International, abagize iri tsinda,mugihe bazamara mu Rwanda, bakaba bazatanga ubumenyi butandukanye ku gucuranga muri iri shuri.

Iri shuri ryigwamo n’abafite guhera ku myaka itanu kuzamura, rigamije kwigisha umuziki mu buryo bwa gihanga kuko biga gucuranga cyangwa kuririmba banasoma amanota. Ryigisha gucuranga ingoma, gitari, piyano, imyirongi, kuririmbisha amajwi n’ibindi hifashishijwe porogaramu zo muri Amerika, Afurika y’Epfo no mu Bwongereza.

Umwe mu baturutse mu Budage Marie Elisabeth Hehuchen Hecker w’imyaka 25 watangiye kwiga umuziki afite imyaka itanu uvuga ko akunda umuziki ujyanye n’umuco wo muri Afurika, ngo ubwo yazaga mu Rwanda ku nshuro ye ya mbere dore ko iyi ari iya kabiri, yashimishijwe n’uko yasanze mu Rwanda hari ishuri ryigisha umuziki. Ibi ngo byabaye imbarutso yo gushishikariza bagenzi be bigana mu Budage kuza mu Rwanda bakihera amaso aho iterambere ryo kuwiga rigeze muri Afurika, aho yasanze mu Rwanda byitabirwa n’abana ndetse n’abakuze nk’uko yabitangaje.


Binezeza umwana iyo ari kumwe n’umwarimu we bacuranga bose basoma muzika yanditse.

Umuyobozi wa Oakdale Kigali Music School imaze imyaka 12 ikora Nsabayesu Aimable, avuga ko kuba Abanyarwanda benshi batarabonye amahirwe yo kwiga umuziki aricyo cyatumye hashyirwaho iri shuri rigamije kuzamura umuziki Nyarwanda.

Aimable Nsabayesu

“Dukeneye kwigisha Abanyarwanda duhereye ku bana kugeza ku bantu bakuru mu rwego rwo gukomeza kuzamura abakiri bato kugira ngo bazamuke barawugize umwuga wabo ku babyifuza kuko umuziki ari ikintu giteza imbere Igihugu. Aba banyamahanga iyo baje akenshi badusigira inkunga y’ibikoresho, bakanadusigira ubumenyi bw’ibyo bazi kuko akenshi baba basanzwe bigisha umuziki mu Bihugu byabo.” Nsabayesu akomeza atangaza ko banifuza kwagura iri shuri no kubona Abanyarwanda bitabira umuziki wifashishwa cyane ku Isi.

Mu bamaze kwiga muri iri shuri, kuri ubu harimo abatunganya indirimbo(Producers), abakoze amatsinda kuri ubu baririmbana, abahanzi ku giti cyabo n’abacuranzi baryizemo.

Inkuru dukesha isange.com

Umuhanzi Uwimana Aime uhanga indirimbo zihimbaza Imana, avuga ko yatangiye gucukumbura injyana zitibandwaho n’abandi bahanzi bo mu Rwanda, aho yatangiye gukora indirimbo kuri izo njyana ashingiye ku bice (ahantu) bitandukanye bigize igihugu.

Uyu muhanzi uvuga ko yibanda ku njyana zituje zirimo Slow, Country, Zouk na Salsa, n’ubwo ngo Slow ariyo imukoraho cyane, ntiyibagiwe injyana zo hirya no hino mu Rwanda dore ko yifuza gukora ibishoboka byose ngo azizamure.

Aime ati “Ndimo kugerageza gucukumbura ndeba injyana zititabwaho zishobora kubyazwa umusaruro ariko z’iwacu. Ukareba nko Burengerazuba ahahoze ari mu Umutara, mu Majyaruguru ahahoze ari muri Ruhengeri, mu Burengerazuba ku Nkombo ahahoze ari i Cyangugu, n’ahandi, kugira ngo byose bihurizwe hamwe bihimbaze Imana”.

Amie uzwi ku ndirimbo nka Muririmbire Uwiteka, Une Lettre d’Amour, Ngwino mukiza twibanire, Iminsi yose, Urwibutso, Inkovu z’urukundo, n’izindi, aherute no gushyira hanze album y’indirimo zo mu gitabo kizwi nk’igitabo cy’indirimbo zo gushimisha Imana n’indirimbo z’agakiza aho yakoranye n’abahanzi baririmbira Imana batandukanye barimo Simon Kabera, Alex Dusabe, Gaby Irene Kamanzi, Liliane Kabaganza, Patrick Nyamitari, Tonzi, Guy Badibanga, Dominic Nick, Queen Gaga, Patient Bizimana n’abandi.

Uwimana zufite umugore n’umwana, yatangiye gukora umuziki mu 1994 amaze kwakira Kristu nk’umwami n’umukiza we, aho yakundaga kuririmba ariko akabura aho abihera n’ubwo ngo kugeza magingo aya ataragera aho yifuza kugera.

inkuru ya Kwizera Emmanuel igihe.com

Mu kiganiro twagiranye na Micomyiza Sylvain uyobora iyi korali ibarizwa mu ishuli rikuru ry’imali n’amabanki (SFB) riherereye i Gikondo mu mujyi wa Kigali, ari kumwe na Tuyishimire Reverien umwe mu bagize komite icyuye igihe, badutangarije ko uyu ari wo muzingo (album) wabo wa mbere bagiye gukorera amashusho ndetse ukaba ari na wo wonyine bafite kugeza ubu, bakaba bateganya no gusohora n’izindi ndirimbo mu minsi iri imbere bitewe n’uko ubushobozi buzagenda buboneka.

Perezida yakomeje atubwira ho gato ku mateka y’iyi korali, akaba yaradutangarije ko imaze imyaka igera kuri 6 ivutse. Iyi korali yabayeho kuva mu wa 2007, itangijwe n’abantu 18. Yagiye yaguka buhoro buhoro, bitewe n’abanyeshuri bandi bagendaga biyongera muri SFB baje kwiga. Abayinjiyemo bandi ku bw’ubutumwa bwiza bwari mu ndirimbo zabo bo bari basanzwe bahiga. Ubu korali igeze ku baririmbyi bagera kuri 85.

‘HARI IZINA RIFITE IMBARAGA’ ni ryo zina rya album bagiye gukorera amashusho. Impamvu bahisemo gukorana na producer Dusabimana Apollo ngo ni uko basanze afite ubunararibonye mu gukora amashusho by’umwihariko, muri uwo mwuga we akaba akunze gukorana n’ama korali cyane.

Intego nyamukuru y’iyi korali ibinyujije mu ndirimbo, ngo ni ivugabutumwa ryagutse n’isanamitima.

Dusoza ikiganiro twagiranye mu gihe bari bashoje igikorwa cyo gufata amashusho kuri uyu wa gatandatu ushize, badutangarije ko igikorwa cyabo cyagenze neza. Perezida yashimiye itangazamakuru, by’umwihariko agakiza.org ashimira studio yitwa Gate Music ari na yo yabakoreye amajwi (audio), akomeza anashimira buri wese witanze akagira uruhare mu ifatwa ry’amashusho, akaba yaranatangaje ko bigenze neza DVD yaba yanageze hanze nibura ku wa 15 Ukuboza 2013.

Ijambo yashorejeho ryari ugushimira Imana yo ibabashisha kugera ku bikorwa binyuranye.

Janvier Kwizera

Rift valley gospel awards igarukanye ibihembo bidasanzwe! Intego nyamukuru y’iyi awards, ni uguhemba umuhanzi ku giti cye ndetse na producers babifitemo impano baturuka cyane cyane mu gace ka Rift Valley. Umuhango wo gukora urutonde rw’aba bahanzi wabaye muri Kanama uyu mwaka, wiswe “Rift Valley Tours.”

RVGA irimo abahanzi benshi b’ibyamamare, barimo nka Emmy Kosgei , Faith Kosgei, Mr T n’abandi. Gutora byatangiye, bikazasozwa ku wa 5 Ukuboza. Gukoresha SMS ni ukwandika code y’uwo utoye ukohereza kuri 22230.

Dore urutonde rw’abahatanira RVGA:

AUDIO PRODUCER OF THE YEAR

D0. BRERSAW
D2. ASEMBO
D3. JESSE BANDA
D4.BWENIEVE
D5. HOCKEY
D6. HONESTY RECORDS
D7. MIK MXC MPRODUCTION

FEMALE ARTIST

B0. EVELYNE WANJIRU
B2. EMMY KOSGEI
B3. FAITH KOSGEI
B4. MERCY GICHOHI
B5.JECINTAH OMONDI
B6. EUNIQUE WANJIKU
B7. MAGGY SAUREY
B8. MARYANN TUTUMA
B9. SHEILA MARK
B10. CHARITY TAJEU

GROUP OF THE YEAR

SO. SYMPHONY
S2.WALAWI
S3.NICHOLAS HERMONYS
S4.CAMP DAVID
S5.PUNCH MINISTERS
S6.REJUVINATOR
S7.CUBANOTICS
S8.VIGIRANT THE BAND
S9.0ASIS FAMILY

MALE ARTIST

A0. MR T
A2. DANIEL OLE TONINIO
A3. OLE WILLY
A4. BAMDOGO
A5. OCHIPRAIZE
A6.ALLAN ARON
A7. KAPUTA
A8. YODEL
A9. OMURWA
A10. OVERCOMER
A11. JML
A12. PST JOEL KIMETO
A13. PST DICKSON THUO

MOST PROMISING ARTIST OF THE YEAR

U0. DANNY C
U2. CHARLES MUCHENDU
U3. WILSON NAYIOMA
U.4. MERCY SIANTO
U5. EDDAH NKOYO
U6. BRENDAH CHEROTICH
U7. PRAISE MAKENA
U8. MERCY ONJURE
U9. FLOZZI
U10. SAM MANGA
U11. DIDI KIMER
U12. EMOX
U13. FELISTUS MARITIT
U14. DEVADD

GOSPEL RADIO OF THE YEAR

Y0. TOP TEN COUNT DOWN

Y2. MISISIMKO-RADIO YA MWANANCHI

Y3. ENKESHA OSINKOLIO-NOSIM FM

Y4. KAS ILOSU-KASS FM

Y5. TAFRIJA ZA WAUMINI-RADIO AMANI
Y6. SUNDAY MIX-MAYIAN FM
Y7. SUNDAY MIX-MAYIAN FM
Y8. GENESIS SHOW-HERO RADIO
Y9. SABATH MIX-CHAMGE FM
Y10. KARONET NEMIE-CHAMGE FM

ALBUM OF THE YEAR

TO. MOSHI BILA MOTO -BY OLE WILLY
T2. WAWEZA -BY EVELYNE WANJIKU
T3. USIFE MOYO-BY JECINTA KIBUKU MAARA
T4. WOLOLO-BY EMMY KOSGEI
T5. KIBOIBOI RANI -BY FAITH KOSGEI
T6. SIGIRIETI-BY PST JOEL KIMETO
T7. HITHO-BY ALLAN ARON

NEW ARTIST OF THE YEAR

CO. BELINDA CHEROTICH
C2. K TWISTER
C3. IMAX
C4. MAANEEZY
C5. L-JAY MAASAI
C6. SAM MANGA
C7. EDDAH NKOYO
C8. MERCY ONJURE
C9. ZAE DE KIM
C10. ELIGIT
C11. FLOZI
C12. FELISTUS MALATIT
C13. PRAISE MAKENA
C14. DIDI KIMER
C15. STEPHEN LEKEN

KIKUYU SONG OF THE YEAR

MO. NYAMBARARIA-BY JECINTA KIBUKU
M2. NDIMUTORANIA-BY GRACE K
M3. NGWARIRIA MOTHE -BY SAMMY EMINENT
M4. NIWIKITE MAGEGANIA- BY SAMMY IRUNGU
M5. NDATHIMA -BY PST MINE WANJIRU
M6. MADU MADU- BY MARION MWANGI
M7. ANIRIRA KAYU-BY FRANCIS G NGANGA

DANCE CREW OF THE YEAR

RO. GOSPEL WARRIOR
R2. JASPER
R3. Y4C
R4. DISCIPLES
R5. REVOLUTIONERS
R6. ALTERKINGS
R7. CODE 07
R8. HAPPY DANCERS
R9. CHRISTIAN DIOR
R10. GAZZA

SONG WRITER OF THE YEAR

V0-Everlyne wanjiru
V2-Pst joel kimeto
V3-Maryanne Tutuma
V4-Dr Guuya
V5-Ole willy
V6-Emmy kosgei
V7- Allan Aron
V8-Daniel ole Toninio
V9-Sammy Eminent
V10-Faith kosgei
V11-Pst Dickson Thuo

Nk’uko bitangazwa na Egide umwe mu bayobozi b’Alarm Ministries yadutangarije ko nk’uko bisanzwe buri mwaka bateguraga igitaramo cyo gusoza umwaka bashima Imana ibyo iba yarabakoye, banayereka umwaka ugiye gutangira.

Iki gitaramo cyabaye kuri kino Cyumweru tariki ya 29/12/2013, kuri Restoration Church Kimisagara, cyagaragayemo ikintu gishya kitari gisanzwe, aho Alarm Ministries barebye ibikorwa Producer Myma yaba yarakoze aho bavuga ko ari umwe mu Rwanda waharaniye izamuka rya Muzika ya Gospel, bakamushimira bamuhemba.

Batanze ubuhamya bavuga uburyo yafashije amakorali arenga 100 n’abahanzi batandukanye hano mu Rwanda. Mu makorali yaba yarafashije mu buryo bwo kubatunganyiriza umuziki harimo Alarm Ministries, Rehoboth Ministries, Baraka Choir, Hoziana Choir ndetse n’andi.

Bwana Egine akaba yadutangarije ko ibi babiteguye mu rwego rwo guha agaciro ibikorwa bya Producer Myma, no kumuha icyubahiro akwiye nk’umwe mu bantu bitanze mu murimo w’Imana. Tugerageje kubaza Myma uburyo yakiriye iki gikorwa cyamukorewe, yagize ati “Ku bwanjye ndishimye ku bwa Alarm Ministries, ku bw’ igikorwa bateguye, kandi Ndashima Imana yambashije kugera mu nzozi zanjye nari mfite kuko nifuzaga iterambere ry’umuziki wa Gospel, ubu nkaba mbona umuziki wa Gospel mu Rwanda ugeze kure.”

Myma ni we muntu ba mbere wavumbuye uburyo bwo gucuranga no kuririmba hifashishijwe Disquette iriho instrument zacuranze mbere, abandi bakaririrmba amajwi yonyine, iki akaba ari igikorwa cyatangiriweho hano mu Rwanda ndetse no muri East Africa, aho yacurangiye amakorali menshi atandukanye n’abahanzi batandukanye ba hano muri aka karere ndetse agenda yigisha abacuranzi benshi mu kubasha gucuranga disquette.

Alarm Ministries yatumiye Apostle Appolinaire Habonimana guturuka mu gihugu cy’u Burundi, umwe mu bahanzi bakomeye hano muri East Africa ndetse, akaba ari na we washyikirije Producer Myma iki gikombe, hakaba hari ndetse n’abandi bahanzi batandukanye ndetse n’amakorali atandukanye ya hano mu Rwanda.

Alarm Ministries bakomeje bavuga kandi ko atari igikombe gusa bamuha, kuko bamuhaye n’ibahasha irimo amafaranga y’ishimwe ndetse bamufashe no gukora Promotion y’ibikorwa bye byose. Reka dusoze iyi nkuru tubabwira ko kwinjira muri iki giterane byari ubuntu.

Umuhanzi Niyonsaba Elissa uzwi cyane ku ndirimbo “Nkwiye kubabarira” kuri ubu amaze gushyira ku mugaragaro indirimbo yise “ Ni Yesu wanyikundiye”.Ubusanzwe uyu muhanzi akorera umurimo w’Imana muri CEP KIST-KHI akaba amaze gushyira ku mugaragaro indirimbo zigera kuri 4, arizo: Ubwoba nibushire, Iyo atabaYesu, Nkwiye kubabarira na Ni Yesu wanyikundiye.

Mu kiganiro twagiranye n’uyu muhanzi yadutangarije ko mu murimo w’Imana harimo impano zitandukanye iye ikaba ari iyo kuririmba. Uyu muhanzi yadutangarijeko intego ye ari ukwamamaza ubutumwa bwiza bwa Yesu Kristo abinyujije mumpano yo kuririmba Imana yamuhaye.

Yagize ati “Abantu bakeneye ubutumwa bwiza bwa Yesu Kristo cyane cyane urubyiruko, muri iyi minsi urubyiruko rwinshi rwamaze kuba imbata z’ibiyobyabwenge, ubusambanyi n’ibikorwa by’urugomo bitandukanye, birakwiye ko rero tubabwiriza ubutumwa bwiza bwa Yesu Kristo binyuze mu mpano zitandukanye Imana yaduhaye bityo bakava mu mubare w’abarimbuka bakajya mu mu mubare w’abateguriwe ubwami bw’ijuru.”

Twamubajije impamvu nyamukuru imutera guhimba adutangariza ko ari ugukiza isi binyuze mu bihangano bye, yagize ati “Ntandonke y’amafaranga ngamije ikingenzi ni uko abantu bumva ubutumwa bwiza bukubiye mu bihangano byanjye bikabatera guhembuka abandi bakakira Yesu Kristo nk’umwami n’umukiza, nta nyungu yindi ngamije kuko nziko nzagororerwa ibirenze inyungu zo mu isi.

”Iyi ndirimbo ni Yesu wanyikundiye ikozwe mu njyana ya zulu imaze gukundwa n’abatari bake, Twamubajije impamvu nyamukuru yamuteye guhimba iyi ndirimbo Ni Yesu wanyikundiye adutangarizako Yesu ari we nshuti nya nshuti kuruta ababyeyi, abavandimwe n’inshuti ati “Kuba narayise Ni Yesu wanyikundiye ni uko Yesu yankunze ntakiguzi ntanze kandi akaba angaragariza urukundo mu buzima bwanjye bwa buri munsi, Niyo ababyeyi bakwanga, abavandimwe n’inshuti bakakureka,Yesu we akugumaho kuko ni inshuti y’ibihe byose.”

NIYONSABA Elissa yadutangarije ko hari n’izindi ndirimbo yitegura gushyira ku mugaragaro mu minsi iri imbere uko Imana izajya imushoboza, yagize ati “Hamwe no gusenga,nizeye ko nzabigeraho.
By JYAMUBANDI Deo

Bimenyerewe ko iyo umuntu avuze umuramyi abantu benshi bahita biyumvisha umuririmbyi uririmba indirimbo zo kuramya Imana. Si kenshi uzumva umudiyakoni, Umukirisitu usanzwe cyangwa umucuranzi yivuga akongeraho ko ari umuramyi.

Umubare munini w’abakirisitu bumva ko abaramyi ari abaririmbi, ariko si byo kuko kuramya ari ubuzima atari igikorwa cy’umwanya muto, ahubwo kuririmba bikaba ari bimwe mu bikorwa byinshi umuntu yakwifashisha aramya Imana.


J. Pierre uramya Imana akoresheje guitar ye

Jean Pierre Havugimana ni umuramyi wahise mo gukoresha impano yahawe n’Imana yo gucuranga gitari akusitike (Guitare acoustique), acuranga indirimbo zaririmbiwe Imana ariko hatari mo amagambo. Hakoreshejwe umuziki gusa.

Agakiza.org tuganira na J. Pierre yadutangarije ko yatangiye gucuranga gitari kuva muri 1998 acurangira iwabo mu rugo mu Karere ka Nyamasheke mu Ntara y’Uburengerazuba, hanyuma aza gukomeza kubikunda kugeza n’ubu. Abarizwa muri Zion Tample Gatenga.

J. Pierre acuranga mu buryo bwa live

J.Pierre ni umugabo w’imyaka 32 ufite umugore n’umwana, atuye mu mujyi wa Kigali mu Karere ka Kicukiro, mu murenge wa Niboye, akaba ari naho atunganyiriza umuziki we, muri studio ye iri mu rugo.

Yagize ati: “Nahisemo gukoresha ubu buryo kubera ko umuziki ari amajwi aryoshye mu matwi, kandi nabyo biraryoshye. Abaririmbyi bakoresha amajwi yabo n’ay’inanga. Ariko niba hari abakora umuziki baramya Imana mu majwi yabo gusa, biranashoboka ko umuntu yakoresha umuziki gusa nawe akaramya Imana, kandi iyo nshurangisha intoki (Finger style) ibyo nkora biba biva mu mutima, nkumva nguwe neza ndetse umutima wanjye ukuzura mo ibyishimo n’umunezero wo kuramya Imana.


Umuramyi J. Pierre

Yakomeje agira ati: "Mu guhitamo indirimbo ncuranga ngendera ku mpamvu nyinshi, hari mo kuba nabisabwe na nyiri indirimbo, cyangwa se indirimbo ziri gufasha abantu mu bihe bitandukanye, n’izimfasha nanjye ubwanjye, by’umwihariko nkaba mfite gahunda yo gukora izi ndirimbo tumenyereye zikoreshwa mu gitabo cy’indirimbo (Cantique).

Ubu buryo si njyewe wabutangije, bwatangijwe na Dawidi kuko ibyo mwumva bitangwa n’intoki biba biva mu mu mutima.

Ndateganya kwagura impano yanjye, mu buryo bunini cyane, ndifuza camera nzajya nkoresha mu kubikora mu buryo buri rayivu (Live) kuko ari bwo bunezeza kandi ni uburyo bugezweho, ndatekereza kandi ko impano mfite ntazayigumana njyenyine nzagerageza no kwigisha abandi."

Umuntu wese akwiye gukoresha itaranto yahawe kuko Imana izatubaza icyo twakoresheje impano yaduhaye. Ikintu cyose wakorera guhesha Imana icyubahiro kitanyuranyije n’ijambo ry’Imana, ni ukuramya Imana.

Ni kuri iki cyumweru tariki 17 ukuboza 2017, muri serena hotel ubwo hatangwaga ibihembo by’abafite aho bahuriye n’umuziki w’indirimbo zihimbaza Imana bitwaye neza

Ni ibirori byari byitabiriwe n’abatari bacye biganjemo urubyiruko cyane ko ruri no mu gihe cy’ibiruhuko

Muri ibi birori hatangiwemo ibihembo bitandukanye ku bahanzi, amakorari ndetse n’abandi bafite aho bahuriye n’umuziki mu kuramya no guhimbaza Imana

Aha rero ni naho umuhanzi Israel MBONYI yaje kwegukana igihembo cyo kuba umuhanzi w’umwaka ndetse aza no gutwara ikinndi gihembo cyo kuba ari umuhanzi uzi kwandika indirimbo neza

Israel Mbonyi yatuye abahanzi bose ibihembo yahawe avuga ko ari ibishoboka yabigabana nabo kuko bose bakora neza umurimo w’Imana isumba byose bagahembura imitima ya benshi

[email protected]

Sandrine KAMIKAZI ni umwe mu bahanzikazi bafite ibihangano bishimishije cyane kubera ubutumwa bwihariye n’uburyo biteguyemo, akaba akorera umurimo w’Imana mu gihugu cy’Uburundi.

Iyi ndrimbo yagiye hanze mu mpera z’umwaka ushize mu kwezi k’ Ukuboza, kuri ubu ikaba imaze kurebwa n’abantu ibihumbi 224,605.

Umva , unarebe indirimbo “REKA KURIRA” yakunzwe cyane ya KAMIKAZIN Sandrine

Sandrine KAMIKAZI si umuhanzi gusa ahubwo ni n’umuvugabutumwa mwiza ukunze gutambutsa ijambo ry’Imana mu dukino dusekeje tujya gusa nka komedi (comedy) ibi bigatuma bikurikiramwa n’abataribakeya .

Reba imwe muri video y’ivugabutumwambarankuru imaze kurebwa n’abantu benshi kuri Youtube kubera ubutumwa ifite n’uburyo iteguyemo .

Umuramyi Vedaste Niyondora Christian uririmba indirindo zo kuramya no guhimbaza Imana aratangaza ko ahugiye mu gikorwa gikomeye cyo gukora umuzingo wa mbere w’indirimbo z’amajwi zizasohoka mu mpera z’uyu mwaka.
Ibi Vedaste yabitangaje mu kiganiro yagiranye na IBYISHIMO.Com dukesha iyi nkuru kuwa 15 Kanama 2018.

Uyu muririmbyi wamenyekanye mu ndirimbo zitandukanye nka Uzi Gukunda yakunzwe n’abanyarwanda batari bake yavuze ko nyuma y’igihe kirekire aririmba ariko afatanya n’abandi muri korali, ngo ubu icyo ahugiyeho ni ugukora umuzingo w’indirimbo wa mbere noneho adafatanyije na Korari.

UMVA UZI GUKUNDA YA VEDASTE

Uyu muramyi avuga ko icyamuzanye muri muzika ihimbaza Imana ngo ni ukubwiriza inkuru nziza y’agakiza, abaguye bakagarukira Imana kabone n’ubwo yaba umuntu umwe uhindutse kubw’ubutumwa Imana yamunyujijemo, ngo byamunezeza cyane.

Yagize ati: “ Intego nkuru numva mfite ni uko nabona umuntu n’iyo yaba umwe wakijijwe kubera ubutumwa bunyuramo buva ku Mana. Hanyuma ikindi ni uko nabona umuntu ni yo yaba umwe wari ucitse intege ariko akaba yakomeye muri uru rugendo kubera ubutumwa bwanyuzemo, ni yo ntego numva mfite naho ubundi ibitari ibyo numva nshobora kuba naba natandukiriye.”

Yakomeje atangaza ko mu gihe gito amaze aririmba ku giti cye, amaze gushyira hanze indirimbo 3 z’amajwi zirimo Uzi gukunda, Ubikora ute na Uri Uwera kandi ngo ibikorwa byo gukora izindi ndirimbo bikomeje ku buryo ahamya ko mu mpera z’uyu mwaka azashyira ahagaragara umuzingo w’indirimbo z’amajwi.
IZINDI NDIRIMBO VEDASTE YAMAZE GUSHYIRA AHAGARAGARA

UBIKORA UTE

URI UWERA
Mu butumwa yageneye abahanzi baririmba indirimbo zo guhimbaza Imana ngo ni uko intambwe yose Imana ibateje yajya iba iyo kuyihesha icyubahiro aho guhirimbanira inyungu zabo bwite.

Ibi abishingira ku kuba hari abahanzi baharanira kubaka izina ryabo ngo bamenyekane kuruta kugaragaza Imana ku bantu batarayimenya, cyangwa se bamara kugera aho bifuzaga bagahusha intego bahamagariwe gukora bigatuma bamwe banabivamo kubw’inyungu runaka.

Vedaste yavuze ko icyiza ari uko bakomeza kuzirikana ubugingo bwabo n’ubw’abo Imana yabatumyeho aho gukurikira inyungu kuko ibindi izabibaha ku buntu bwayo.

Mu mpera z’uku kwezi ngo arateganya gushyira hanze indi ndirimbo kuri ubu irimo kunonosorwa mu nzu itunganya umuziki mu mujyi wa Kigali.
Uyu muramyi yakunze kugaragara cyane atera indirimbo zitandukanye nka Gologota ya Korali Besalel yo mu itorero rya ADEPR MURAMBI Paruwasi ya Nyanza-Kicukiro ari na ho asanzwe ateranira.

Uretse gukora indirimbo, uyu muramyi ngo aranitegura gushyira ahagaragara igitabo yanditse akacyita “Bapfa kurera” na cyo kiri hafi kurangira gukosorwa.

Umuramyi Vedaste N. Christian yatangiye kuririmba akiri muto nyuma aza gukomereza umuhamagaro we muri korari Besalel ariko ubu amaze igihe gito atangiye kuririmba wenyine, nubwo akiririmba no muri korari.

ZIMWE MU NDIRIMBO ZAKUNZWE CYANE VEDASTE YAKUNZE KUGARAGARA MO

UBUZIMA BUSHYA ALL STARS

GOLGOTHA BY BESALEL CHOIR

Kuri iki cyumweru taliki ya 19/ 08 umukirigitanangakazi Niyifasha Esther muri studio za Magic Fm yakirigise umurya w’inanga ahimbaza Imana, bikora abantu benshi ku mutima, byumwihariko n’ abakunzi b’umurya w’inanga.

Ishako, Umwironge,Nebelu n’inanga ni ibikoresho bya gakondo byifashishwaga kera mu gihe habaga habaye ibirori bikomeye abantu bishimiye ibyo Uwiteka yabakoreye.

Bibiliya itubwira uburyo abagore babyiniye Imana ubwo bamaraga kwambuka inyanja itukura, Imana ibakijije ingaba za Egiputa.

" Kandi Miriyamu umuhanuzikazi mushiki wa Aroni, ajyana ishako, abagore bose barasohoka bamukurikira bafite amashako babyina. 21Miriyamu akabikiriza ati “Muririmbire Uwiteka kuko yanesheje bitangaje, Ifarashi n’uwo ihetse yabiroshye mu nyanja.” (Kuva 15:20-21)

"Mwa bakiranutsi mwe, Mwishimire Uwiteka, Gushima gukwiriye abatunganye. Mushimishe Uwiteka inanga, Mumuririmbirire ishimwe kuri nebelu y’imirya cumi. Mumuririmbire indirimbo nshya, Mucurangishe inanga ubwenge, Muyivugishe ijwi rirenga. Kuko ijambo ry’Uwiteka ritunganye, Imirimo ye yose ayikorana umurava. Akunda gukiranuka n’imanza zitabera, Isi yuzuye imbabazi z’Uwiteka. " (Zaburi 33: 1-5)

Esther Niyibikora ni uwa kabiri mu gihugu mu bahanzikazi bacuranga bakoresheje inanga. akaba ari umuvandimwe wa Deo Munyakazi nawe wamenyakanye cyane mu ruhando mpuzamahanga kubera gucuranga inanga

Umva indirimbo "Irahari" by Esther Niyibikora

Umva indirimbo nshyashya ya Musaza wa Esther. "Izabikora" by Munyakazi Deo

Ku ubwitabire buri hejuru, umuziki n’amajwi by’umwimerere (Live), Urubyiniro rugezweho ruriho amatara agenzweho (Stage) ni bimwe mu byagaragaye mu giterane cyateguwe na Chorale Bethfague y’i Rubavu, aho bafashe ku mugaragaro amashusho y’indirimbo zabo ziri ku muzingo wa gatatu (Album Vol 3) bise Irashoboye ( Imana).

Ni igiterane cyabaye ku gicamunsi cyo kuri iki cyumweru tariki ya 19 Kanama 2018 mu itorero rya ADEPR kuri Paruwasi Gisenyi, cyitabirwa n’abakozi b’Imana batandukanye barimo na Chorale Bethlehem isanzwe ikorera umurimo w’Imana kuri uyu mudugudu.


Bethfague ku ruhimbi bahimbaza Imana.

Banyuzagamo bagahindura imyenda yo kuririmbana

Mu kiganiro agakiza.org twagiranye na Bwana Mugabo Pascal umuyobozi wa Chorale Bethfague yadutangarije ko igiterane cyagenze neza nk’uko babyifuzaga, yongeraho ko mubyamushimishije harimo n’ubwitabire buri hejuru bw’abaje mu iki giterane.

Yagize ati: “Dutegura iki giterane twatumiye abantu nk’uko bisanzwe, ariko byadukoze ku mutima kubona abo twatumiye baraje ndetse tubona imibare tutari twiteze kuko urusengero twakoreyemo byagaragaye ko rwabaye ruto”.


Pascal Mugabo Perezida wa korari Bethfague

Chorale bethfage yatangiye umurimo w’Imana mu mwaka wa 1997, kuri ubu igizwe n’abaririmbyi basaga ijana. Iyi Album yitwa Irashoboye igizwe n’indirimbo cumi n’imwe (11) ikaba ije nyuma y’izindi zakunzwe cyane muri iki gihugu ndetse no mu gihugu cy’abaturanyi cya Congo (DRC) by’umwihariko mu mujyi wa Goma, dore ko Chorale Bethfage imaze kuhakorera ibiterane bitandukanye.

Umva Imwe mu ndirimbo za korari Bethfague yitwa Telephone to Jesus

Igikorwa cyo gushyira umuzingo w’indirimbo z’amashusho giteganyijwe kuwa 09 Nzeri 2018, iki gikorwa kizabera kuri ADEPR umudugudu wa Kami.

Iki gikorwa cyo gukora Alubumu y’indirimbo zigaragara gikurikiye, ikindi chorale Rwankuba yariyarakoze cyo gushyira hanze Album ebyiri ziri mu buryo bw’amajwi ari zo Mbashimire Gitare yagiye hanze mu 1998 n’Inzira z’Imana yasohotse muri 2014.
Indirimbo ziri kuri iyi alubumu igiye gushyirwa ahagaragara ni: Yemwe bagenzi, Umugoroba w’isi, Tunganirimana, Mbese witeguye kwambuka, Inzira z’Imana, Ibihe turimo,Ibyiringiro, Hariho umugabo, Dufite izina ryiza na Buhungiro.

Kalisa Thacisse ni umuyobozi wa Chorale Rwankuba, yatangaje ko iyi alubumu izamurikwa mu gitaramo cyatumiwemo amakorali atandukanye arimo korali Iriba ibarizwa kuri ADEPR Kicukiro Shell na Nshobozwa n’umwami yo ku mudugudu wa Kami.
Yagize ati “Muri iki gitaramo tuzaba dushyira hanze alubumu yacu ya mbere y’amashusho twatumiye amakorali arimo Iriba ya Kicukiro Shell na korali Nshobozwa n’Umwami yo ku mudugudu wa Kami.”

Chorale Rwankuba yatangiye umurimo w’Imana mu 1981. Ubwo yari ifite abaririmbyi 77, mu 1985 yigabanyijemo kabiri, Rwankuba A na B yaje kuvamo Korali Kinyinya. Ubu chorale Rwankuba igizwe n’abaririmbyi 65.


Chorale Rwankuba imwe mu makorali yatangije ivugabutumwa mu ndirimbo mu itorero ry’akarere Ka Gasabo..


Chorale Rwankuba igiye gushyira hanze Album y’indirimbo z’amashusho


Charale Nshobozwa n’Umwami yo ku mudugudu wa Kami nayo yaratumiwe


Chorale Iriba yo ku mudugudu ADEPR Kicukiro Shell nayo izaza gushyigikira Chorale Rwankuba

Umuhanzi Deo Munyakazi uririmba indirimbo zo guhimbaza Imana mu buryo bwa gakondo anakoresha ibikoresho gakondo yashyize ahagaragara indirimbo nshya yise «Italanto» igamije gushishikariza abantu gukoresha neza impano bafite.

Ubutumwa buri muri iyi ndirimbo ngo bushingiye ku gitekerezo kiboneka muri Matayo 25:14 ahavuga iby’umutunzi wagiye mu ma mahanga agasigira abagaragu be italanto ngo bazazikoreshe neza.

Deo yavuze ko igitekerezo cyo guhimba iyi ndirimbo cyamujemo nyuma yo gusoma iri somo agasanga hari abantu bahawe italanto bakazicukurira bakazitaba aho kuzikoresha icyo baziherewe.

Iyi ndirimbo ngo igamije kwibutsa abantu ko bakwiye kuzikoresha kuko ari byo bizahindura isi n’imibereho y’abayituye.

Umva indirimbo"Itaranto By Deo Munyakazi ( Official Song 2018 )