agakiza agakiza

Ubutumwa

agakiza

Iki n’igihe cyawe cyo guhabwa umugisha!

...Nari nshonje mukamfungurira, nari mfite inyota mumpa icyo nywa, nari umushyitsi murancumbikira, nari nambaye ubusa muranyambika, nari ndwaye muransura, nari mu nzu y’imbohe muza kundeba. ...‘Ndababwira ukuri yuko ubwo mwabikoreye umwe muri bene Data aba boroheje bari hanyuma y’abandi, ari jye mwabikoreye.’(Matayo 25:35-40)

Mwenedata tunejejwe no kukwifuriza amahoro y’Imana, kuba warahisemo kujya ukurikira ijambo ry’Imana n’ibindi dutambutsa kuri uru rubuga Agakiza.org Imana iguhe umugisha.

Ukwezi kwa 11 twaguhariye ibikorwa by’impuhwe tukaba tugamije gusura abarwayi ku bitaro nk’uko ijambo ry’ Imana ribidusaba kandi bikaba biri mu ntego zacu nk’ Umuryango w’ Agakiza.

Nk’Umufatanyabikorwa wacu muri iyi myaka 7 tumaze dukora uyu murimo, twifuje kugusaba ubufasha ukurikije umugisha ufite muri iyi minsi n’ aho ugejeje gusobanukirwa umurimo wo kwita kubabaye. Twese dufatanyirije hamwe twakorera Imana ibitari bike.

Tuzabagezaho uko igikorwa cyagenze. Imana ikomeze kubaha umugisha.

Aho mwanyuza ubufasha bwanyu:
00041069521023 BK (Seek and Save Humanity Ministries)
0788422984 (Mobile Money)
0728422984( Tigo Cash)
Abari hanze bakoresha western union.

Tunejejwe no kukwifuriza amahoro y’Imana, kuba warahisemo kujya ukurikira ijambo ry’Imana n’ibindi dutambutsa kuri uru rubuga Imana iguhe umugisha.
Nkuko twari twabibagejejeho ubushize twifuje kubibutsa ko dufite isabukuru y’imyaka itanu taliki ya 29/11/2015 ikazabera kuri Salle ya FourSquare Kimironko saa munani. Iyi sabukuru ikazahuza abakunzi b’agakiza.org hamwe n’abandi bose bifuza kumva ubutumwa bwiza mu giterane cyiswe imbaraga z’ubutumwa bwiza, Abaroma 1:16.

Kubwo iyo mpamvu twifuza kubasaba inkunga yo gutegura iki giterane nk’umufatanyabikorwa wacu tumaranye igihe kandi no gukomeza gushyigikira website www.agakiza.org

Nkuko mubizi dukorera ivugabutumwa kuri uru rubuga nta rwunguko urwo ari rwo rwose tugamije keretse kuzana abantu kuri Yesu.

Uru rubuga nta dini cyangwa itorero rushamikiyeho, dufasha amatorero ya Gikristo gukangukira gushyira mu bikorwa inshingano nkuru Yesu yadusigiye yo kujyana ubutumwa bwiza kugera ku mpera y’isi. Matayo 28:18-20. Abantu badukurikira buri gihe basaga ibihumbi mirongo icyenda ( 90,000) biyongera buri gihe.

Mwese muraritswe!! Mudufashe kumenyesha abandi.

Murakoze.


UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu tariki ya 28/12/2018, turasoma muri Yohana 1.43-51

43.Bukeye bwaho Yesu ashaka kujya i Galilaya. Abona Filipo aramubwira ati “Nkurikira.”
44.Filipo uwo yari uw’i Betsayida, umudugudu w’iwabo wa Andereya na Petero.
45.Filipo abona Natanayeli aramubwira ati “Uwo Mose yanditse mu mategeko, n’abahanuzi bakamwandika twamubonye. Ni Yesu mwene Yosefu w’i Nazareti.”

46.Natanayeli aramubaza ati “Mbese i Nazareti hari icyiza cyahaturuka?” Filipo aramusubiza ati “Ngwino urebe.”
47.Yesu abona Natanayeli aza aho ari amuvugaho ati “Dore Umwisirayeli nyakuri, udafite uburiganya.”
48.Natanayeli aramubaza ati “Wamenyeye he?” Yesu aramusubiza ati “Filipo ataraguhamagara, ubwo wari munsi y’umutini nakubonye.”
49.Natanayeli aramusubiza ati “Rabi, uri Umwana w’Imana koko. Ni wowe Mwami w’Abisirayeli.”
50.Yesu aramusubiza ati “Mbese wijejwe n’uko nkubwiye yuko nakubonye uri munsi y’umutini? Uzabona ibiruta ibyo.”
51. Kandi arongera aramubwira ati “Ni ukuri, ni ukuri, ndababwira yuko muzabona ijuru rikingutse, abamarayika b’Imana bazamuka bavuye ku Mwana w’umuntu, bakamumanukiraho

Ikibazo kidufasha kurushaho gusobanukirwa:

1.Ibyo nsomye birambwira ibya nde, kandi biranyigisha iki?

2.Ibyo nsomye biranyigisha iki?ku Mana data wa twese?,Kuri Yesu Kristo? ku Mwuka Wera?
Ubusobanuro bw’umusomyi:

Nkurikira (43): Ibyo Filipo yasobanukiwe kuri Yesu yumvise atabyihererana, ni ko kujya kubibwira Natanayeli.
Yesu yasaga n’abandi bantu bose bari mu gihugu yari arimo. Icyo yari atandukaniyeho n’abandi ni icyo abamukurikiye bamubonyemo (45). Icyo ni cyo nawe usabwa guhamiriza abataramumenya. Mbese i Nazareti hari icyiza cyahaturuka ? (46). Kumva ko Mesiya yaturuka i Nazareti byatunguye Natanayeli cyane.
Nazareti wari umujyi usuzugurwa cyane n’Abayuda, kuko icyicaro cy’ingabo z’Abaroma zarindaga umujyi ari ho cyabaga, ndetse imico y’abantu baho no kubahiriza idini byaranengwaga cyane.
Natanayeli yahuye na Yesu kandi ahinduka intumwa ye. Hari benshi bameze nkawe bakunda guhinyura tugomba kugeza kuri Yesu. Muzabona ijuru rikingutse... (51): Aya magambo aratwibutsa inzozi za Yakobo (ltang.28.12 ): Yesu ni we wagombaga kuba urwego hagati y’ijuru n’isi. Ese kuba muri Yesu wumva byaraguhuje n’ijuru koko? Indir.84 Agakiza.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa mbere taliki ya 7Mutarama 2018, turasoma muri Mariko 2.23-3.1-6

2.23. Nuko ubwo yari i Yerusalemu mu minsi mikuru ya Pasika, abantu benshi babonye ibimenyetso akora bizera izina rye.

3.1 Hariho umuntu wo mu Bafarisayo witwaga Nikodemo, umutware wo mu Bayuda.
2. Uwo yasanze Yesu nijoro aramubwira ati “Mwigisha, tuzi yuko uri umwigisha wavuye ku Mana, kuko ari nta wubasha gukora ibimenyetso ujya ukora, keretse Imana iri kumwe na we.”
3. Yesu aramusubiza ati “Ni ukuri, ni ukuri, ndakubwira yuko umuntu utabyawe ubwa kabiri, atabasha kubona ubwami bw’Imana.”
4. Nikodemo aramubaza ati “Mbese umuntu yabasha ate kubyarwa akuze? Yakongera agasubira mu nda ya nyina akabyarwa?”
5. Yesu aramusubiza ati “Ni ukuri, ni ukuri, ndakubwira yuko umuntu utabyawe n’amazi n’Umwuka atabasha kwinjira mu bwami bw’Imana.
6. Ikibyarwa n’umubiri na cyo ni umubiri, n’ikibyarwa n’Umwuka na cyo ni umwuka
Ibibazo bidufasha kurushaho gusobanukirwa ni icya 2 n’icya3.

2. Ibyo nsomye biranyigisha iki
- ku Mana Data wa twese?
- kuri Yesu Kristo?
- ku mwuka wera?

3. Mbese mu byo nsomye harimo:
- Urugero rwiza nakurikiza?
- Urugero rubi nakwirinda?

Isabato yabayeho kubw’abantu, abantu si bo babayeho kubw’isabato (27): Isabato wari umunsi w’ikiruhuko washyizweho n’Imana ku nyungu z’abantu, kugira ngo basubizwemo intege nshya mu Mwuka, mu bwenge no mu mubiri (Kuva 34.21).
Kuri Yesu, uyu munsi ntiwari ukwiye kubera abantu umutwaro, ahubwo ukwiriye kugirira abantu umumaro bakaruhuka imitwaro, abarwayi bagakira, abihebye bakabona ihumure.

Yashatse kubasobanurira agaciro umuntu arusha umunsi no kubasobanurira ko ari we mwami ugenga ibihe n’imyaka. Gusa bo bakomeje gutsimbarara ku myumvire yabo ya kera, dore ko bibwiraga ko kubaha uwo munsi ari byo bibagira abakiranutsi.

Uwo mwanya abafarisayo barasohoka bigira inama n’abaherode ngo babone uko bazamwica (6): Ubusanzwe aba bantu ntibumvikanaga. Urwango banga Yesu rwarabahuje, maze barema agaco k’abagambanyi, bagamije kwikiza uwo batabona ibintu kimwe. Bene abo birengagiza nkana ko ijambo ry’Imana ribuza umuntu kwica mugenzi we cyangwa kumugirira indi nabi yose (Kuva 20.13-16).

GUSENGA: Sengera abayobozi bajya bitwaza imihango y’itorero, bagakumira imigisha Imana ishaka gusuka ku bayoboke babo.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kabiri, taliki ya 8 Mutarama 2018, turasoma muri Mariko 3.7-19

7. Maze Yesu n’abigishwa be barahava bajya ku nyanja, abantu benshi baramukurikira bavuye i Galilaya, n’abandi benshi b’i Yudaya
8.n’i Yerusalemu, na Idumaya no hakurya ya Yorodani, n’ab’ahahereranye n’i Tiro n’i Sidoni, bumvise ibyo yakoze baza aho ari
9.Abwira abigishwa be kugumisha ubwato butoya hafi, ngo abantu batamubyiga
10.Kuko yakijije benshi, ni cyo cyatumye abari bafite ibyago bose bamugwira ngo bamukoreho.
11.Abadayimoni na bo bamubonye bamwikubita imbere, barataka cyane bati"Uri Umwana w’Imana."
12.Arabihanangiriza cyane ngo batamwamamaza.
13.Bukeye azamuka umusozi, ahamagara abo ashaka baza aho ari.
14.Atoranyamo cumi na babiri bo kubana na we, ngo abone uko ajya abatuma kubwiriza abantu ubutumwa
15.abaha ubutware bwo kwirukana abadayimoni.
16.Nuko atoranya abo cumi na babiri, Simoni amwita Petero
17.na Yakobo mwene Zebedayo na Yohana mwene se wa Yakobo na bo abita Bowanerige, risobanurwa ngo"Abana b’inkuba",
18. na Andereya na Filipo, na Barutolomayo na Matayo, na Toma na Yakobo mwene Alufayo, na Tadayo na Simoni Zeloti
19.naYuda Isikariyota ari we wamugambaniye.

Ibibazo bidufasha kurushaho gusobanukirwa:Ikibazo cya 2 n’icya3
2.Ibyo nsomye biranyigisha iki?

- ku Mana Data wa twese?
- kuri Yesu kristo?
- ku mwuka wera?

3.Mbese mu byo nsomye harimo:
- Urugero rwiza nakurikiza?
- Urugero rubi nakwirinda?

Abantu benshi baramukurikira (7): abumvise ibitangaza Yesu yakoze, baturutse impande zitandukanye maze baramukurikira. Atitaye ku bugambanyi bw’abanyedini, yavuze ubutumwa kandi yirukana abadayimoni. Gutinda cyane kw’igiti mu ruzi ntikugihindura ingona. No kuvuga ko Yesu ari umwana w’Imana, ntikwahindura abadayimoni abarokore. Abo Yesu akeneye si abamuvuga cyane, ni abafite imitima imenetse (Zab. 51.19). Atoranyamo cumi na babiri ngo babane na we ajye abatuma kubwiriza abantu ubutumwa (14): Intumwa ni ukuvuga uguhagarariye mu buryo bwemewe. Umubare 12 ufitanye isano n’imiryango 12 ya Isirayeli (Mat. 19.28); bigaragaza ugukomeza uruhererekane hagati y’isezerano rya kera n’irishya rishingiye ku butumwa bwa Yesu no kuza kwa Mesiya. Bari bahagarariye imiryango ya Isirayeli mu mugambi w’Imana w’agakiza. Bagombaga kubana na Yesu ngo bamwigireho, nyuma bakazakomeza umurimo we bamaze guhabwa Umwuka Wera. Ko nawe uri umwe mu bahamagariwe gukomeza uwo murimo, ujya wemera kumvira Umwuka Wera?
Indirimbo ya 22 Agakiza.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatatu, taliki ya 9 Mutarama 2018, turasoma muri Mariko 3.20-35.

20kuko umuntu wese ukora ibibi yanga umucyo, kandi ntaza mu mucyo ngo ibyo akora bitamenyekana,
21ariko ukora iby’ukuri ni we uza mu mucyo, ngo ibyo akora bigaragare ko byakorewe mu Mana. Yohana yongera guhamya Yesu
22Hanyuma y’ibyo Yesu ajyana n’abigishwa be mu gihugu cy’i Yudaya, atindanayo na bo abatiza abantu.
23Ariko Yohana we yabatirizaga muri Ayinoni bugufi bw’i Salimu, kuko aho hari amazi menshi. Abantu barazaga bakabatizwa,
24 kuko Yohana yari atarashyirwa mu nzu y’imbohe.
25Abigishwa ba Yohana bajya impaka n’Umuyuda ku byo kwiyeza.
26Basanga Yohana baramubwira bati “Mwigisha, uwari kumwe nawe hakurya ya Yorodani, uwo wahamyaga dore na we arabatiza, n’abantu bose baramusanga.”
27Yohana arabasubiza ati “Nta cyo umuntu yashobora kwiha ubwe, keretse yagihawe kivuye mu ijuru.
28 Namwe murambere abagabo yuko navuze nti ‘Si jye Kristo, ahubwo natumwe kumubanziriza.’
29Uwo umugeni asanga ni we mukwe, kandi umuranga iyo ahagaze iruhande rw’umukwe amwumva anezezwa n’ijwi rye. None uwo munezero wanjye mwinshi cyane urasohoye.
30Uwo akwiriye gukuzwa, naho jye nkwiriye kwicisha bugufi.”
31Uwavuye mu ijuru ni we usumba byose, naho uwo mu isi we ni uw’isi nyine, kandi n’ibyo avuga ni iby’isi. Uwavuye mu ijuru ni we usumba byose,
32kandi ibyo yabonye n’ibyo yumvise ni byo ahamya, nyamara nta wemera ibyo ahamya.
33Uwemera ibyo ahamya, aba yemeye n’uko n’Imana ari inyakuri.
34Uwatumwe n’Imana avuga amagambo yayo, kuko Imana idatanga Umwuka imugeze.
35 Se akunda Umwana we kandi yamweguriye byose,

Ibibazo bidufasha kurushaho gusobanukirwa: Ikibazo cya 2, n’icya 6

2. Ibyo nsomye biranyigisha iki
- ku MANA Data wa tvvese?
- kuri Yesu Kristo?
- ku Mwuka Wera?

6. Mbese mu byo nsomye harimo:
- ijambo RIMBURIRA?

UBUSOBANURO BW’UMUSOMYI

Ariko umuntu wese utuka Umwuka Wera ntabwo azababarirwa rwose…(29): Yesu yaravuze neza ko kwitirira satani ibitangaza byakozwe na Kristo, ari cyo cyaha cyitwa gutuka Umwuka Wera (22-28). Ni byo koko, hari abazaza bakora ibitangaza mu izina rye bamwiyitirira, kugira ngo bayobye intore z’Imana niba bishoboka (Mat.24.23-28, 7.22-23). Icyo usabwa ni ukubigenzuza ijambo ry’Imana, byakuyobera, ukareka Imana ikaba ari yo izaca urubanza, hato utirahuriraho umuriro wo gukora icyaha kitababarirwa. Umuntu wese ukora ibyo Imana ishaka ni we mwene data ni we mushiki wanjye, ni we mama (35): Iyi mvugo ya Yesu irerekana agaciro aha umuryango mugari w’Imana akawurutisha ibyo abantu bizirikaho by’amasano bafitanye na bene wabo. Mbese ujya uha agaciro isano ufitanye na bene So mu gakiza bigatuma ubakunda ukabagirira neza, musangira ibyishimo n’imibabaro?

Gusenga: Mwami Yesu, ndagushimira ko agakiza wampaye katumye unshyira mu muryango w’abo wita bene So. Indirimbo 16 mu Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 10, Ukwezi kwa gatanu, turasoma mu Abaroma 3:1-8.

1. Nuko Abayuda barusha abandi iki? Cyangwa se gukebwa kumaze iki?
2. Abayuda babarusha mu buryo bwose. Irya mbere ni uko babikijwe ibyavuzwe n’Imana. 3. Mbese ye, niba bamwe muri bo batizeye, kutizera kwabo kwahindura ubusa gukiranuka kw’Imana?
4 .Ntibishoboka! Ahubwo Imana iboneke ko ari inyangamugayo, nubwo umuntu wese yaba umubeshyi nk’uko byanditswe ngo “Mu magambo yawe uboneke ko ukiranuka, Kugira ngo utsinde nucirwa urubanza.”
5. Ariko se niba gukiranirwa kwacu guhamya gukiranuka kw’Imana tuvuge iki? Mbese Imana irakiranirwa kuko ihanisha umujinya? (Ibyo mbivuze nk’umuntu.)
6. Ntibishoboka! Iyo biba bityo Imana yazacira ite abari mu isi ho iteka?
7. Niba ibinyoma byanjye bituma ukuri kw’Imana kurushaho kumenyekana bikayihesha icyubahiro, ni iki gituma nanjye ncirwa urubanza nk’umunyabyaha?
8. Kandi ni iki kitubuza gukorera ibibi kugira ngo ibyiza bibeho? (Nk’uko batubeshyera kandi bamwe bagahamya yuko ari ko twigisha). Abagira batyo bazatsindwa n’urubanza rubakwiriye.

Ibibazo bidufasha gusobanukirwa umusomyi

1. Ibyo nsomye birambwira ibya nde, kandi biranyigisha iki?
2. Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?

Ubusobanuro bw’umusomyi

Irya mbere nuko babikijwe ibyavuzwe n’Imana (2): Abisirayeli bari bafite umwihariko wo kuba ishyanga ryonyine ryari rifite ijambo ry’Imana yaremye ijuru n’isi. Ijambo ry’Imana bumviye mu kanwa k’abahanuzi ni ryo ryari itegeko nshinga rigenga imibereho yabo ya buri munsi. Ibi byatumaga bagira isumbwe ku yandi mahanga, kuko muri ibyo byanditswe harimo n’amasezerano avuga ku Mukiza. Byaba bibabaje uramutse uri umusomyi wa Bibiliya, ukaba utari uzi ko kubika ijambo ry’Imana muri wowe bituma Imana ikureba mu buryo budasanzwe, kuko ubitse muri wowe ubwiru bw’Imana. Icyo gusa ugomba kwirinda, ni icyaha cy’ubwibone, kuko bukomoka kuri Satani. Kutizera kwabo kwahindura ubusa gukiranuka kw’Imana (3): Nubwo bamwe mu Bisirayeli binangiye imitima, ntabwo byabujije Imana gusohoza ibyo yari yarasezeranije abakurambere babo. Imana yabasezeranije Umukiza mu gihe gikwiriye irabisohoza. Imana ni iyo kwizerwa, kandi ntihinduka, ihora yiteguye iteka gusohoza ibyo yasezeranije.

[email protected]

Lorem ipsum dolor sit amet, consectetur adipiscing elit. Sed fermentum nulla eget ligula rhoncus sed adipiscing arcu placerat. Nam accumsan felis non nibh egestas faucibus vel eget metus. Cum sociis natoque penatibus et magnis dis parturient montes, nascetur ridiculus mus. Nulla nulla dui, dictum eu interdum et, egestas sit amet odio. Praesent fermentum eros quis felis congue non rutrum lorem pretium. Pellentesque nisi diam, egestas a pharetra et, accumsan vulputate leo. Vivamus aliquam pharetra purus, at varius eros mattis vel. Vestibulum egestas arcu aliquam tellus auctor nec varius erat laoreet. Curabitur et arcu in nibh auctor vehicula. Maecenas at odio non nisl sodales sollicitudin. Mauris porta ipsum eget dolor luctus vitae ornare ligula sodales. Morbi ut erat id risus aliquam blandit. Ut euismod aliquet venenatis. Etiam bibendum neque sed odio rhoncus nec malesuada tellus blandit. Nam sem lectus, sagittis quis molestie eu, ornare vel nisi. Vestibulum ante ipsum primis in faucibus orci luctus et ultrices posuere cubilia Curae;

In massa dolor, tincidunt euismod porta at, aliquam vitae orci. Curabitur faucibus porttitor varius. Quisque ante purus, fermentum at porttitor vitae, tempor quis augue. In eget libero nisi. Phasellus sit amet augue augue, quis laoreet massa. Vivamus dictum, erat ut gravida sodales, sem enim ullamcorper mauris, in adipiscing purus dui vitae ipsum. Mauris et blandit risus. Nam justo arcu, pulvinar ut commodo sed, imperdiet nec turpis. Nullam non nisl vel nibh scelerisque porttitor non quis nisl. Aliquam non diam urna, id tristique libero. Pellentesque odio leo, condimentum eget interdum accumsan, fermentum at risus. Ut porta ipsum blandit purus consequat ac ultrices tellus blandit. Etiam iaculis tempor lorem, id mattis quam varius at.

Ut faucibus, mi et bibendum consectetur, metus urna tristique neque, facilisis pharetra nibh sem sed metus. Nulla dui lorem, sagittis ut dictum sit amet, mattis non velit. Curabitur dapibus ultrices venenatis. Mauris quam orci, tempor et iaculis ut, mattis a nibh. Quisque faucibus blandit congue. Proin arcu felis, imperdiet eu fringilla sit amet, rutrum eget lacus. Nunc pellentesque fringilla mauris, quis consectetur ipsum cursus vitae. Aliquam vel sapien ac ligula porttitor accumsan non tincidunt arcu. Proin tristique condimentum tortor at hendrerit. Fusce ante magna, rutrum in pharetra ut, consequat a ipsum. Lorem ipsum dolor sit amet, consectetur adipiscing elit. Nulla iaculis, dui et lacinia molestie, lorem nunc adipiscing odio, a congue augue ante sed tellus. Quisque magna massa, bibendum et fringilla a, dapibus faucibus risus. Praesent justo tellus, lobortis id venenatis in, lacinia at neque. Etiam eget sem ipsum. Sed rhoncus tincidunt volutpat.

Phasellus sodales ullamcorper dolor, eget vehicula est molestie ac. Morbi eget lacus quis justo eleifend venenatis. Vestibulum congue purus quis turpis sollicitudin fermentum. Proin facilisis adipiscing cursus. Pellentesque iaculis auctor vestibulum. Praesent vel odio augue, non lacinia augue. Duis suscipit mauris eget orci porta vitae tincidunt lectus feugiat. Aliquam facilisis, enim quis molestie aliquet, tellus sem suscipit arcu, sed consequat dui erat nec magna. Sed malesuada, odio eget vehicula ullamcorper, lectus tortor dictum justo, sollicitudin posuere lacus ipsum vel ipsum. Nam turpis arcu, mollis id sodales id, interdum in est. Nam in velit ac urna tristique tincidunt in at nunc. Duis ac odio orci, a condimentum odio. In hac habitasse platea dictumst. Vivamus purus nisl, consequat ac lacinia ut, accumsan a nisl.

Morbi neque tellus, tincidunt sit amet fringilla eget, interdum eu arcu. Vestibulum quam metus, porta at placerat vitae, luctus sit amet ipsum. Sed eget urna vel sem vulputate placerat. Phasellus vitae lacus nisi. Vivamus iaculis arcu vitae lectus semper ultrices. Praesent tristique est suscipit elit varius id dignissim turpis suscipit. Suspendisse nec massa ac dolor hendrerit scelerisque. Sed quam orci, sodales sit amet semper vel, bibendum et lacus. Integer quis lectus ac urna imperdiet pellentesque placerat sed augue. Donec rhoncus, massa et commodo pellentesque, leo odio lacinia neque, at porta est velit vulputate libero.

In commodo vulputate ligula, a ultrices sapien tristique elementum. Vestibulum et mauris sem. Etiam est magna, rhoncus in euismod at, consectetur a nisl. Donec blandit lobortis arcu, varius aliquam ante hendrerit vitae. Nam ut leo orci. Morbi in dignissim tortor. In erat libero, lobortis nec adipiscing ac, lacinia sit amet quam.

Phasellus sem purus, euismod at imperdiet at, vestibulum mattis velit. Sed ligula nibh, semper in dignissim a, eleifend et ante. Maecenas id rhoncus odio. Cras ac mauris arcu, eget dictum lectus. Curabitur ornare imperdiet luctus. Vivamus rutrum fringilla dolor eget pulvinar. In nec augue dolor. Sed volutpat molestie fermentum. Cras mollis ornare turpis sit amet tincidunt.

Mauris sagittis placerat purus ac pharetra. Phasellus cursus nunc in odio mollis blandit. Mauris varius lobortis turpis, adipiscing ultrices mauris condimentum sed. Praesent tortor dolor, hendrerit at facilisis nec, accumsan a nisl. Nam sapien quam, pellentesque non consectetur interdum, convallis accumsan diam. Quisque varius posuere ligula, in interdum nisl tincidunt at. Vivamus auctor, quam at vehicula posuere, nulla nisi bibendum ipsum, mollis imperdiet nisl est sit amet odio. Donec vitae nisi vel dolor ullamcorper congue quis eu ligula. Nam felis enim, placerat at pulvinar at, pulvinar consequat odio. Integer ut leo felis, sed laoreet ipsum. Suspendisse non nibh mi, ac fringilla augue. Aliquam erat volutpat. Class aptent taciti sociosqu ad litora torquent per conubia nostra, per inceptos himenaeos

Iyo umuntu agize ikibazo, agerageza gushaka ubutabazi mu buryo butandukanye. Bamwe bajya mu bapfumu, abandi bakitabaza abakomeye ngo babafashe, abandi bakaba bazi ko imiryango yabo yabatabara ariko si byose bagutabaramo, hari ibikorwa n’ Imana gusa.

Iyi nyigisho igamije kugukangurira kwiringira ijuru n’ imbaraga zaryo kuko Biblia itubwiye ko ijuru ritabara. Niba hari ibyo abantu bagutabaramo si byose kuko nta waguha amahoro yo mu mutima, nta waguha agakiza, nta n’uwagukiza icyaha usibye Yesu Kristo gusa.

Ijuru rishobora kugutabara mu bugingo, kandi ryagutabara no mu buzima busanzwe, kuko Ibyahishuwe 3:7 Havuga ngo ufite urufunguzo rwa Dawidi ukinga ntihagire ukingura, ukingura ntihagire ukinga…. Nakubwira ko Yesu ari we ufite ijambo rya nyuma kuri wowe umwiringire azagutabara mu bibazo byawe.

Iyo ubajije umuntu impamvu ari mu bibazo bimugoye cyane arakubwira ngo ni uko atize, cyagwa ngo atagira umufasha, n’ibindi… ariko hari abo ijuru ryatabaye ari ntacyo rihereyeho ; ntirihera kuri ibyo wowe wibwira, ijuru riratabara bikazandikwa mu mateka (Kubara 21:14) ; ibyo byandikwa mu gitabo cy’ intambara z’ Uwiteka…amateka y’ isi afite ibitabo biyavuga ariko Imana nayo iratabara bikandikwa mu bitabo kuko Imana irwanira abantu bayo ikabatabara.

Dore ingero z’abo ijuru ryatabaye :

Ijuru ryatabaye Mose ageze ku Nyanja itukura ingabo z’ Abanyegiputa zimuturutse inyuma imbere ye hari inyanja, iruhande hari imisozi. Abantu bacika intege Mose nawe atakira Imana iramubaza ngo ni iki gitumye untakira ? Bwira Abisirayeri bakomeze bagende (Kuva 14:10-16) kuko Abanyegiputa mubonye mutazongera kubabona ukundi. Imana igabanya inyanja barambuka bageze hakurya bararirimba ngo ifarasi n’uwihetse yabiroshye mu nyanja.

Ijuru ryatabaye Yosuwa ageze I Yeriko atazi icyo gukora haza umugaba w’ ingabo z’ Imana aramubwira ngo nje kubera umugaba ingabo z’ Imana. Yosuwa aca bugufi Imana isenya Yeriko byandikwa mu mateka.

Ijuru ryatabaye Gideoni rimusanze asekura ingano yihishe riramubwira ngo wamunyambaraga we, haguruka ukize Abisirayeri. Atangira yisuzugura ariko ijuru ryakoresheje abantu 300 batsinda bidasubirwaho ku bw’ Uwiteka na Gideoni.

Rimwe Sauli ntiyamenye ko ijuru ari ryo ritabara abonye abanzi bamuteye ajya kuraguza ku mupfumu ; kuko atubashye Imana iyo ntambara niyo yaguyemo.

Dawidi yamaze igihe kinini ahigwa na Sauli ariko Dawidi yari azi ko ijuru ariryo ritabara araritegereza kugeza ubwo azatabarwa n’ubwo yagiye abona uburyo bwinshi bwo kumwica ariko yaravugaga ngo Imana yamushyizeho izi igihe izamukuriraho, kandi igihe kigeze aratabarwa aravuga ngo Uwiteka yambereye umwungeri ntacyo nakennye (Zaburi 23).

Mu gitabo cy’Abaheburayo 11 huzuye abo ijuru ryatabaye kandi si aho gusa Biblia yose yuzuye abo ijuru ryatabaye ; nawe iringire ijuru kuko riratabara.

Ese ufite ikibazo kimeze gute ? Ntacyo ijuru rinanirwa kandi uzatabarwa ariko wige gutegereza ijuru kandi wiringire Imana ijuru riratabara. Abaheburayo 11 havuga abantu batabawe mu buryo bukomeye kandi twubatse ku rufatiro rw’ intumwa n’ abahanuzi. Imana ntiyishimira ibibazo byacu ahubwo yishimira kubana natwe mu bibazo kuko Yesu yababajwe no kugeragezwa abasha gutabara abageragezwa bose kuko azi intimba icyo aricyo, amen !

Mwari kumwe na Pastor Desire Habyarimana ubakunda akabifuriza amahoro y’ Imana, ushaka gukomeza gufashwa wasura agakiza.org.

Inkuru y’ihumure: Ijuru riratabara…

…………..Abacamanza5:20

Iyo umuntu agize ikibazo, agerageza gushaka ubutabazi mu buryo butandukanye. Bamwe bajya mu bapfumu, abandi bakitabaza abakomeye ngo babafashe, abandi bakaba bazi ko imiryango yabo yabatabara ariko si byose bagutabaramo, hari ibikorwa n’ Imana gusa.

Iyi nyigisho igamije kugukangurira kwiringira ijuru n’ imbaraga zaryo kuko Biblia itubwiye ko ijuru ritabara. Niba hari ibyo abantu bagutabaramo si byose kuko nta waguha amahoro yo mu mutima, nta waguha agakiza, nta n’uwagukiza icyaha usibye Yesu Kristo gusa.

Ijuru rishobora kugutabara mu bugingo, kandi ryagutabara no mu buzima busanzwe, kuko Ibyahishuwe 3:7 Havuga ngo ufite urufunguzo rwa Dawidi ukinga ntihagire ukingura, ukingura ntihagire ukinga…. Nakubwira ko Yesu ari we ufite ijambo rya nyuma kuri wowe umwiringire azagutabara mu bibazo byawe.

Iyo ubajije umuntu impamvu ari mu bibazo bimugoye cyane arakubwira ngo ni uko atize, cyagwa ngo atagira umufasha, n’ibindi… ariko hari abo ijuru ryatabaye ari ntacyo rihereyeho; ntirihera kuri ibyo wowe wibwira, ijuru riratabara bikazandikwa mu mateka (Kubara 21:14); ibyo byandikwa mu gitabo cy’ intambara z’ Uwiteka…amateka y’ isi afite ibitabo biyavuga ariko Imana nayo iratabara bikandikwa mu bitabo kuko Imana irwanira abantu bayo ikabatabara.

Dore ingero z’abo ijuru ryatabaye:

Ijuru ryatabaye Mose ageze ku Nyanja itukura ingabo z’ Abanyegiputa zimuturutse inyuma imbere ye hari inyanja, iruhande hari imisozi. Abantu bacika intege Mose nawe atakira Imana iramubaza ngo ni iki gitumye untakira? Bwira Abisirayeri bakomeze bagende (Kuva 14:10-16) kuko Abanyegiputa mubonye mutazongera kubabona ukundi. Imana igabanya inyanja barambuka bageze hakurya bararirimba ngo ifarasi n’uwihetse yabiroshye mu nyanja.

Ijuru ryatabaye Yosuwa ageze I Yeriko atazi icyo gukora haza umugaba w’ ingabo z’ Imana aramubwira ngo nje kubera umugaba ingabo z’ Imana. Yosuwa aca bugufi Imana isenya Yeriko byandikwa mu mateka.

Ijuru ryatabaye Gideoni rimusanze asekura ingano yihishe riramubwira ngo wamunyambaraga we, haguruka ukize Abisirayeri. Atangira yisuzugura ariko ijuru ryakoresheje abantu 300 batsinda bidasubirwaho ku bw’ Uwiteka na Gideoni.

Rimwe Sauli ntiyamenye ko ijuru ari ryo ritabara abonye abanzi bamuteye ajya kuraguza ku mupfumu; kuko atubashye Imana iyo ntambara niyo yaguyemo.

Dawidi yamaze igihe kinini ahigwa na Sauli ariko Dawidi yari azi ko ijuru ariryo ritabara araritegereza kugeza ubwo azatabarwa n’ubwo yagiye abona uburyo bwinshi bwo kumwica ariko yaravugaga ngo Imana yamushyizeho izi igihe izamukuriraho, kandi igihe kigeze aratabarwa aravuga ngo Uwiteka yambereye umwungeri ntacyo nakennye (Zaburi 23).

Mu gitabo cy’Abaheburayo 11 huzuye abo ijuru ryatabaye kandi si aho gusa Biblia yose yuzuye abo ijuru ryatabaye; nawe iringire ijuru kuko riratabara.

Ese ufite ikibazo kimeze gute? Ntacyo ijuru rinanirwa kandi uzatabarwa ariko wige gutegereza ijuru kandi wiringire Imana ijuru riratabara. Abaheburayo 11 havuga abantu batabawe mu buryo bukomeye kandi twubatse ku rufatiro rw’ intumwa n’ abahanuzi. Imana ntiyishimira ibibazo byacu ahubwo yishimira kubana natwe mu bibazo kuko Yesu yababajwe no kugeragezwa abasha gutabara abageragezwa bose kuko azi intimba icyo aricyo, amen!

Mwari kumwe na Pastor Desire Habyarimana ubakunda akabifuriza amahoro y’ Imana, ushaka gukomeza gufashwa wasura agakiza.org.

Sinatamba igitambo cyoswa ntagitanzeho ibyanjye- 1 Ngoma 21:24

Abantu benshi bakorera Imana. Ibi ni byiza ariko iyo urebye hari ijambo dukwiye gusobanukirwa cyane, ni uko imigisha yose Imana yayikubiye mu gutanga kuko gutanga bizana umugisha kuruta guhabwa, abantu bakunda guhabwa ariko gutanga biragoye ariko Imana yaduhaye urugero aho yatanze umwana wayo imufite ari umwe(Yohana 3:16).

Mbere y’uko utanga ibyawe ngo ufashe abakene, utere inkunga umurimo w’ Imana, Imana irashaka ko ari wowe witanga mbere(Abaroma 12:1-2). Ndabinginga ngo mutange imibiri yanyu ibe ibitambo bizima bishimwa n’ Imana. Umuntu yatanze ubugingo bwe biramworohera gutanga n’ibintu bye ariko birakomeye kubwira umuntu atariha Imana ngo umubwire gutanga ubutunzi bwe ngo afashe abakene, imfubyi kuko aho ubutunzi bw’ umuntu buri niho n’ umutima uba.

Tugiye kwiga kwitanga ugatanga n’ ibyawe kandi ukumva ko witanze koko. Gukorera Imana mbere ya byose ni inyungu zacu kuko icyo ubiba nicyo uzasarura kuko ikitanyeganyeje umutima wawe n’uw’ Imana ntikizawunyeganyeza. Imana n’ ijyya kugusubiza niko bizamera abantu ntibahabwa imigisha ingana biterwa nibyo wabibye.

Imana tuyiha umwanya usagutse, ariko yari ikwiye gufata uwa mbere niyo idusabye ku byacu ni 1/10 ariko nacyo kikatunanira gutanga kugeza ubwo ivuze ngo basi nimungerageze murebe ko ntabaha umugisha(Malaki 3:10) idufitiye imigisha myinshi ariko yabuze abayikundisha umutima wose, ngo ibahe umugisha.

Abatanze bigomwe bakagira umugisha:

Aburahamu yamenye Imana arayikurikira ava mu byaha hashize iminsi Imana imuha ihishurirwa amenya ko kugenda yubaka ibicaniro ari byo bizamuhesha umugisha, undi munsi asurwa n’ abagabo 3 ahishurirwa ko ari Imana imusuye iri mu butatu abo bagabo ababagira inka yose atanga mu butunzi bwe Imana irabireba ihita imusezeranya umwana, hashize iminsi imusaba gutamba Isaka kugira ngo irebe ko ayikunda yemeye kumutanga iravuga ngo noneho menye ko unkunda imwereka intama yo gucungura Isaka, kandi imuha amasezerano akomeye yo kuba sekuruza w’amahanga kugeza uyu munsi twitwa urubyaro rwa Aburahamu kuko yamenye gutanga.

Icyatumye igitambo cya Kayini kitemerwa ni uko atatekereje ngo ahe agaciro ibyo agiye gukora uwabanje kubitekerezaho Imana yaramwemeye Kayini ahita agira ishyari aramwica n’ubu niko bimeze ishyari riracyari mu bantu ariko nawe wakwemerwa uramutse utekekereje ibyo ugiye gukora.

Imana yakijije Maria abadaimoni 7 undi munsi yibutse aho yamukuye amusukaho amavuta ahenda. Utekereje neza icyo Yesu yakoze mu buzima bwawe wayituriki? Ariko abantu baribagiwe ineza y’ Imana Yuda yarakajwe n’ayo mavuta kuyasuka kuri Yesu ngo apfuye ubusa kandi yari kugurishwa agafasha abakene, Yesu ati abakene muzahorana nabo, n’ubu umwuka wa Yuda urahari ubuza abantu gukorera Imana ubereka ko ibyo batanze bipfuye ubusa ariko gutanga bizana umugisha kuruta guhabwa.

Numvise ubuhamya bw’ umuntu w’umukire wagiye mu rusengero Pastor atangaza ko bafite icyifuzo cy’amafaranga ibihumbi magana atatu ahita avuga ngo ubwo bambonye buriya bazi ko ari njye urayatanga, ahita atanga amafaranga 3 ngo abahime. Ariko icyamutangaje ni uko babonye ibihumbi Magana atatu bashakaga hamwe n’amafaranga 3 amwe yatanze atangazwa n’uko abonetse atari we uyatanze. Gukorera Imana n’ umugisha kuri wowe kandi utabikoze abandi babikora ariko wowe ntuzunguke. Imana iguhe umugisha ko ugiye kwitanga wowe ubwawe nibyo utunze bikaba ibyo umucunguzi. Ukundishe Imana umutima wawe wose n’ ubwenge n’ imbaraga zawe zose ikindi ukunde mugenzi wawe nk’uko wikunda.

Mwari kumwe na Pastor Desire ubakunda akabifuriza amahoro y’ Imana ushaka gukomeza gufashwa, sura www.agakiza.org

“Maze Ishobora byose izakubera umutunzi, n’ ifeza y’ igiciro cyinshi” -Yobu 22:25-30

Imana ni byose kuri twe byaba iby’ Umwuka cyangwa ibyo mu buzima busanzwe ariko kenshi tuyizerera ibisanzwe byo mu buzima busanzwe ariko ni Imana irimo byose.

Rimwe Yesu yatanze imigati abantu barahurura ariko uwo munsi ntiyayibaha ababwira ko ariwe mutsima w’ ubugingo birababaza bahera ubwo bamuva inyuma byumvikana ko bari bamuzi uruhande rumwe ariko badashaka kumenya ko ariwe mutsima w’ ubugingo.

Iyo tuvuze Yesu tuba tuvuze kamere ye, imbaraga ze, ubutware bwe, kuko ariwe byose kuri twe ariko abantu barashaka amahoro, amafaranga, ubutunzi ariko ubitanga bataramushaka niwe ukwiye kubanza ibindi bigakurikira. Kandi muri we byose birimo; Abaroma 8:32 havuga hati: “Iyaduhaye Kristo izamuduhana n’ ibindi byose”.

Kubwo kudahishurirwa ibiri muri Kristo Yesu, Abakristo benshi bameze nk’ umuntu wakwicara ku gasozi ka Zahabu ariko akazicwa n’ ubukene n’ inzara kuko atazi ko zihari, tumeze nk’ umuntu baha telefone n’ agatabo kamuyobora uko ayikoresha ariko kuko atazi gusoma, telefone ikamupfira ubusa. Iyo urangije kwiga baguha Diplome bakakubwira ko izaguha byose uzifuza mu buzima iramutse ikoreshejwe neza ariko ugiye ukayibika mu kabati wakena ukamera nk’utigeze yiga. Bimeze na none nk’uwaguha sheki ukayibika mu nzu ntujye kuri banki yagupfira ubusa.

Ubundi n’abakorera satani arababesha kuko nta mugisha n’umwe afite nibyo ashukisha abantu nibyo yiba kuko azanwa no kwiba no kwica no kurimbura (Yohana 10:10) ariko ntabera hose icyarimwe, kandi ntamenya icyo dutekereza ahubwo aduteramo ibitekerezo bye tukagira ngo ni ibyacu ariko Yesu yaramutsinze natwe turi abatsinzi no kurutaho.

Kumenya Imana ko ariyo ifite byose bizakurinda kuyivaho wiruka inyuma y’ ibigukura kuri yo. Hari uwamenye umutungo wari mu myenda ya Yesu maze aravuga ngo n’ubwo nakora ku myambaro ye gusa nakira ahita akira uburwayi yari amaranye imyaka 18.

2. Icyo gihe uzishimira Ishobora byose uzayisaba nayo izakumva; hari abantu bari mu by’ Imana batabyishimiye kuko amaso yabo ahora ku bindi no ku bantu ariko Imana uyigire iya 1 mu buzima bwawe izakunezeza. Icyo gihe uzayisaba nayo izakumva kuko ni umubyeyi w’ imbabazi, uzahigura imihigo yawe, icyo wagambiriye kizakubera uko wagishakaga, umucyo uzarasa mu nzira zawe. Iyo umucyo utarakurasira wumva ukijijwe ariko imiryango ikinze ariko icyo gihe imiryango yose izakinguka uko umucyo wakurasiye umwijima w’ ibibazo wakuweho.

Biragoye ko utsinda amaganya ariko ikigutera kuganya kitarakurwaho ariko Imana ifite imibereho yawe mu kuboko ishobora kugukiza amateka mabi. Iyo usomye, Imana yahaga imigisha yo mwuka abera ba kera ariko n’ ubuzima busanzwe, no mu gihe cy’ intumwa biblia ihamya ko nta mukene wababagamo n’ ukennye yahabwaga icyo akenye(Ibyakozwe n’ intumwa 4:37).

Nuhura n’ ibikugusha uzabona ikikubyutsa, kuko abanzi bazagutera baturutse mu nzira imwe bahunge baciye mu nzira ndwi, kuko Uwiteka iyo agushyigikiye bituma n’ abanzi bawe buzura nawe.

Icyo gihe izarokora n’ uwuriho igicumuro, Abaroma 8:1 Abari muri Kristo Yesu nta teka bazacirwaho, nyuma y’ urupfu hari urubanza ku muntu wese utaremeye kwakira Yesu nk’ umwami n’ umukiza.

Nkwifurije guhishurirwa ubutunzi buri mu Mana kuko byose birimo. Mwari kumwe na Pastor Desire Habyarimana ubakunda akabifuriza umugisha w’ Imana ushaka gukomeza gufashwa wasura website yacu www.agakiza.org hari ibyiza byinshi.

«N’icyo uvuze ndagikora, kuko wangiriyeho umugisha nkakumenya izina» - Kuva 33:17

Igikomeye mu buzima bw’ ubukristo ni ukwinjira mu kubaho kw’ Imana iyo winjiye muri ubwo bwiza imirimo itangira gukoreka, imisozi y’ ibigeragezo igasenyuka, abadaimoni barahunga, ibyo twabonaga bidashoboka bigashoboka. Iyo hatariho kubaho kw’ Imana haba hari kubaho kw’ ibibazo ukumva uraremerewe kandi ntacyo wakwerekana, amaganya akaza, ibyishimo bikabura, ukumva ikirere gifunze, wasenga ukumva ntibigenda. Ibi rero na Yesu byamubayeho ari Getsemani, ahagarika umutima abira ibyuya bivanze n’ amaraso (Luka 22:39-46).

Mose yagiye gushaka mu kubaho kw’ Imana kuko Abisirayeri bari bacumuye ku Mana, nuko ibwira Mose iti: « Ngendeye hagati yanyu isaha imwe nabica», ariko kuko Mose yari azi umumaro wo kuhaba kw’ Imana ndetse n’ icyo kwakoze muri Egiputa, abwira Imana ko batahaguruka batajyanye nayo. Abisirayeri bari ubwoko butagonda ijosi; nawe tekereza uwabonye ibyo bitangaza byose yarangiza akicurira ikimasa akagisenga ngo nicyo cyamukuye muri Egiputa (Ese twe twabonye ibitangaza bike?)

Natwe twabonye Imana ikora ibitangaza, iturokora impfu nyinshi, itubeshaho mu buryo bukomeye, iduha umugisha ariko dutangiye kwicurira utundi tumana; umuntu akumva abeshejweho n’ ubwenge bwe, n’ imbaraga ze n’ icyubahiro afite, cyangwa ubutunzi afite, ibyo bigatuma yimura Imana akimika ibyo Imana yamuhaye, ndetse akagera aho akibagirwa Imana kandi burya icyo umuntu akunda kuruta uko akunda Imana kiba ari ikigirwamana.

Abantu bagiye bimura kuhaba kw’ Imana bigeze ubwo abantu basubiye mu byaha bikomeye kandi baba mu nzu y’ Imana; kwica, kwiba, kuroga, gusambana, urugomo, ubugambanyi n’ ibindi byinshi bihari. Urugero: Mu Rwanda muri Mata 1994 abakristo bari 90% ariko amahano agwirira igihugu kuko n’ubwo abakristo ku izina bari bagwiriye ariko nta kuhaba kw’ Imana kwari guhari kuko abo bose iyo baba batunze Imana muri bo ibyabaye ntibyari kuba. Tugarure kuhaba kw’ Imana, tukugaruze kwihana bityo ibihe byo guhembuka bibone uko biza bivuye ku Mana(Ibyakozwe n’ Intumwa 3:19)

Iyo kuhaba kw’ Imana guhari uraryama ukizigura, ntiwikanga ikibi, ntiwicwa n’ amaganya, icyo usabye cyose wizera ko ugihawe kuko uyigiriraho umugisha ikakumenya izina, izakubwira ngo witinya nuca mu mazi ntazakurengera nunyura mu muriro ntuzashya(Yesaya 43:1-3).

Umuntu yakoreye umwami, bigeze igihe cyo guhembwa abwira umwami ati “Igihembo nshaka ni uko wamenya izina, aho wakoreye inama ukampamagara nkaba iruhande rwawe»; Umwami arabimwemerera. Iyo yabaga yakoresheje inama yaramuhagaraga abaturage babonye ko aziranye na nyakubahwa bamuzanira inka ngo azabavugire ku mwami akira kuruta abemeye ibihembo by’ibwami. Icyo tubuze ni ukuhaba kw’ Imana gusa ibindi bizakorwa nayo.

Ibibazo ufite bikomeye ni uko nta kuhaba kw’ Imana kuba mu rugo rwawe, mu kazi kawe, ubuzima bwawe bwa buri munsi ntibugaragaza Imana, niyo usenga usengera ibishira gusa wabuze Imana mu bibaho byose; hindura amasengesho wiyunge nayo kugira ngo ugire amahoro umucyo ukurasire, ibyiza bitangire bikuzeho , amen!

Mwari kumwe na Pastor Desire Habyarimana ubakunda akabifuriza amahoro y’Imana wifuza gukomeza gufashwa wadusura www.agakiza.org

Zaburi 30:5b Ahari kurira ko ararira umuntu nijoro ariko mu gitondo impundu zikavuga.

1. Umuntu yatangiriye kurira muri Edeni ; kuva icyo gihe umubabaro, umuruho biba biratangiye kuko ubwiza bw’ Imana bwari buvuye ku muntu.

- Iyo Umwana avutse kugira ngo bamenye ko ari muzima nuko arira kandi iyo arize bose baraseka bakishima kuko ari muzima ; ariko nkeka ko arizwa n’uko yari ari ahantu heza, none akaba aje mu muruho w’ isi.

- Abantu barira bo barizwa n’ iki ? Imibabaro n’ imiruho byo mu isi nibyo bituriza. Burya kubyara birariza no kutabyara nabyo birariza, kutiga birariza ariko no kwiga cyane binaniza umutwe, gusonza birariza ariko no guhaga kugeza ubwo bazagukura ku biryo bitewe n’ uburwayi ufite nabyo n’ amarira, gukira ntubirye byose birimo amarira.

Abakene bifuza kuba abakire ariko n’ abakire nabo bararira kuruta abakene. Imigabane yose y’ isi yuzuye amarira. Abanyafurika bifuza kujya i Burayi no muri America ariko n’abaho birirwa biyahura bashobewe !

Kuki Imana nziza yemera ko turira kandi turi abana bayo ?( ndavuga abakijijwe) si uko itwanga iba igira ngo itwigishe kuko nitumara kubivamo tuzigisha abandi ko Imana ari umutabazi : burya utarashonje ntiwamenya abashonji, utaravuzwe wavuga abandi, utarakennye wasuzugira abakene, niyo mpamvu ari ngombwa kubinyuramo kandi ukibirimo birumvikana ko bikuriza. Paulo yaravuze ati "nigishijwe guhaga no gusonza kuba muri byinshi no muri bike ariko muri byose nshobozwa na Kristo umpa imbaraga."

- Burya umuntu yibagirwa vuba : iyo ushonje 2 ushobora kwemeza abantu ko kuva uvuka utararya kandi iyo uhaze ushobora kwemeza abantu ko utigeze usonza. Umuntu wese yibagirwa vuba. Kera utarabona akazi wumvaga ari ikibazo ariko umaze kukabona kakakubana kenshi nabyo birariza.

2. Umumaro wo kurira : Imana ihindura ayo marira umuti wo gusiga ku maso ugahumuka ukayibona ukundi gushya. Kandi Imana ikunda gushimwa. Burya abantu bose bashima Imana ni ababa banyuze mu marira hanyuma bakabona Imana ibatabara bakayishima. Birumvikana ko uwayibonye imutabara adasa n’uwapfuye kuza mu iteraniro bisanzwe.

- Ibyo wita bibi kuri wowe bizavamo ibyiza utangare. Yosefu akiri kwa Potifari ntiyari azi ko azatabarwa ariko amarira ye Imana yarayahinduye. Ibyari kurira bivamo guseka mu gihugu cyose.

- Ikindi gituma Imana yemera ko turira ni uko iba ishaka kudukuramo kamere. Biblia ivuga ngo mu byaha niho Mama yambyariye : Twaremanywe gukiranirwa ; birumvikana ko kugira ngo utandukane n’ibyo byose bigusaba kwemera kubabara ariko ugatandukana na kemere. Kugira ngo uhinduke uve ku ngeso runaka biravuna.

- Urugero : Umwana utinya amazi iyo bamwoza ararira akabona kujya mucyo bamwogerezemo ari nko kujya mu rupfu, ariko umugambi nyina aba afite aba agira ngo amukize umwanda, amusige, amuhe amata, amuryamishe hanyuma akure neza, ariko umwana we siko abibona. uko Yesu abona ibintu siko tubibona ariko humura nyuma yo gutunganywa tuzavamo duseka dufite agaciro kuko twihanganiye ibitugerageza.

Bwira Satani uti "ubu ndi kurira ariko igitondo kiraje nzaririmba kandi ntibizahora bitya." Burya byose bifite impamvu ku mwana w’ Imana ntakiba Imana itagifitemo inyungu. Umuti w’ ibigeragezo ni ukubisuzugura ukabifata nk’ ibitariho. Menya ko ibiryo by’ ikigeragezo ari amaganya iyo wiganyiriye uba ukigaburiye kikabyibuha kikarushaho kukwica ariko ushimye Imana uba ugiciye intege Satani nawe agahunga. Kurira kwawe bifite iherezo Humura ! Hamwe n’ ibitugerageza azaducira akanzu kugira ngo tubone uko dukomeza gusenga.

Dukwiye kwiga guca intege ibicantege. Yobu yaciye intege Satani Imana imushumbusha kabiri ibyo yari yarabuze kurira bihinduka guseka. Dawidi niko byamugendekeye ijoro ryo kurira yarimazemo igihe ariko amaze kugera ku bwami yasanze Imana yaramubereye umwungeri muri icyo gihe cyose. Humura ibyiza birahari mu Mana gusa igikwiye kukuriza kuruta ibindi n’uko waba utari muzima mu bugingo ; ariko niba uri amahoro mu mutima wawe humura kurira kwakurarira ariko igitondo kiraje impundu zivuge. Amen !

Mwari kumwe na Pastor Desire ubakunda akabifuriza umugisha w’ Imana.

Nshuti zanjye dufatanyije umurimo w’ Imana.

Njyewe n’ Umuryango wanjye tunejejwe no kubifuriza Noheli nziza n’ Umwaka mushya muhire wa 2013. Turabashimira ubwitange n’ umurava mwagaragaje mukudushyigikira muri uyu murimo utoroshye wo kuzana abantu kuri Yesu no gusenya ubwami bw’umwijima twubaka ubwami bw’ Imana.

Tubifurije ibihe byiza muri izi mpera z’ Umwaka mwitegura no gutangira undi ibyo mutabashije kugeraho Imana izabahe kubibona byose muri 2013.

Kandi hamwe n’amasengesho yanyu n’ inama nziza zubaka nk’izo musanzwe mutugira no gutanga ubutunzi bwanyu turabizeza ko tuzakorana umwete n’ umurava kugirango twuzuze inshingano yacu yo kuzana benshi kuri Yesu. Na none turacyishimiye gukomeza gufatanya namwe umurimo w’ Imana kuri uru rubuga www.agakiza.org. Imana ikomeze kubuzuza ubuntu bwayo.

Turabakunda tubifurije ibyiza buri gihe. Umuryango wa Pastor Habyarimana Desire.

Kuva kuri uyu wa Gatandatu tariki 29 Ukuboza kugeza kuri iki Cyumweru, kuri Paroisse ya Kicukiro Shell y’itorero rya ADEPR haberaga igiterane kigamije kumurika ku mugaragaro urubuga rw’ivugabutumwa www.agakiza.org.

Nk’uko byasobanuwe na Pasiteri Désire Habyarimana washinze akaba anayobora uru rubuga, agakiza.org rwashinzwe nyuma yo kubona ko ikoranabuhanga rya internet rikoreshwa muri byinshi byiza n’ibibi, ariko ko rishobora kuba umuyoboro wo gutambutsa ubutumwa busana imitima.

Pasiteri Désire yasobanuye ko bashaka kwifashisha uru rubuga mu gukora ibikorwa bindi bitandukanye, birimo gukangurira urubyiruko kurwanya ibiyobyabwenge, gufasha abakene n’ibindi, byose bijyana n’ijambo ry’Imana.

Mu ijambo rye, Pasiteri Tom Rwagasana, Umuvugizi wungirije ushinzwe ubuzima mu itorero rya ADEPR, yishimiye igikorwa cyo gushinga uru rubuga rwa internet avuga ko ari bumwe mu buryo bwo gukora umurimo w’Imana habwirizwa ubutumwa bwiza.

Yasabye abakora itsinda ry’abakora kuri uru rubuga kwirinda gushyiraho inyandiko z’ibihuha by’ubuhanuzi bw’ibinyoma, gukiniraho politiki n’ibindi bitajyanye n’umurimo wo kwigisha abantu ubutumwa bw’Imana, ahubwo ko hakwiye kuba ahantu abantu baruhukira imitima.

N’ubwo urubuga www.agakiza.org rwashyizwe ku mugaragaro kuri iki Cyumeru, rwatangiye gukora mu ntangiriro z’umwaka wa 2011, kuri ubu rukaba rusurwa n’abantu barenga 15,000 buri munsi, ndetse hari benshi bakurikiranye inyigisho z’ijambo ry’Imana kuri uru rubuga bemeye kwihana ibyaha baranasengerwa, abandi batanga ibyifuzo birakemuka nk’uko byatangajwe na Pasiteri Désire Habyarimana.

Urubuga Agakiza.org rugizwe n’inyandiko zitandukanye zirimo izikoze mu buryo bw’inkuru zisanzwe zivuga ibyabereye hirya no hino bifite aho bihuriye n’ubuzima bwa gikirisito, inyigisho zanditse, inyigisho z’ibijyanye n’ubuzima, inama ku bashakanye, n’izindi. Kuri uru rubuga kandi hariho indirimbo z’Imana zitandukanye ndetse n’urubuga rw’ibyifuzo bisengerwa n’itsinda ry’abagize agakiza.org.

Muri iki giterane kandi, abagize urubuga agakiza.org baboneyeho umwanya wo kwerekana ibikenewe mu bushobozi kugira ngo uru rubuga rikomeze gukora, dore ko rudakora ubucuruzi ahubwo rubeshwaho n’inkunga. Amafaranga angana na miliyoni 48.000.000frw niyo akenewe nk’inkunga kugira ngo uru rubuga rukomeze gutera imbere, akazifashishwa mu kubona ibikoresho ndetse no kuvugurura imikorere y’uru rubuga mu rwego rwo gukomeza kugera kuri benshi mu buryo bunoze.

Korali Jehovayire igizwe n’abanyeshuri bo muri Kaminuza Yigenga ya Kigali(ULK) n’umuhanzi Frère Manu ni bamwe mu bataramiye abari muri iki giterane kitabiriwe n’abantu batandukanye barimo abayobozi bakuru mu itorero rya ADEPR no mu nzego za Leta.

Inkuru mumafoto:





Muri iki gihe ; ntabwo ari ahantu henshi wabona ishuri wiga utazishyura amafaranga y’ishuri. Iyo usomye bibiriya mw’isezerano rishya, usanga twebwe abakristo twitwa abigishwa « Yohana 8 ; 31 ». Umwarimu wacu ni Yesu « Yesaya 48, 17 ».

Uwo Mwalimu niwe udutegurira inyigisho ya buri munsi . Inyigisho yose iba iteguye neza, ifite : umutwe (chapitre), ingingo, ibyiciro (section), n’uduce (paragraphe) . Afite n’ibikoresho yigishirizaho (matériel didactique) bituma umunyeshuri yumva neza amasomo.

Umunyeshuri ntabwo ashobora kubwira umwarimu ngo ibi uri kunyigisha simbishaka cyangwa se ngo amutegeke guhindura isomo yateguye kumwigisha. Intego y’umwarimu wacu, ni ukugira ngo dukizwe imyanda ya kamere. Mu baroma 8 : 8 hatubwira ko abari mu butware bwa kamere badashobora gushimisha Imana.

Twifashishije urugero : uri mwishuri, Mwalimu ashaka kuguha isomo ryitwa « kwihangana » ibyo yifashisha nk’ibikoresho akeneye mu cyimbo cy’ ingwa n’urubaho ni umukozi wo mu rugo, umugore wawe, umugabo wawe, umukoresha wawe ku kazi cyangwa umuturanyi.

Mwalimu atanga isomo rye, akwigisha kwitwara neza mu gihe abo tuvuze haruguru bakora ibitagushimisha cyangwa se ibihabanye n’ibyo ushaka. Mwarimu rero ntareba ibyo abo bakoze « action » ahubwo areba uko wowe wabyakiriye « réaction » nk’umunyeshuri uri kwiga isomo ryitwa « kwihangana ».

None se ubundi wowe urakajwe n’uko bitagenze neza, n’uwaguteye kurakara ariwe gikoresho mwarimu yifashishije mu isomo rye (materiel didactique), ninde ufite uburwayi ? Uwaguteye kurakara ni igikoresho. Uwo guhinduka ni wowe ni jyewe.

Iri somo kugira ngo ryumvikane neza, bisaba ko umunyeshuli abanza kwemera ko afite uburwayi bwo kutihangana ; bwo kurakara, bwo gutukana, n’ibindi bijyana n umujinya. Benshi baribeshya bakibwira ko guhora babyihana aribyo bizabakiza kandi ntibikizwa no guhora ubyihana ahubwo bikizwa no kwemera uko uri, ukareka gutunga agatoki ababigutera, ahubwo ukabyemera, ugasaba Imana kugutabara.

Iyo ubashije kugera aho, Mwalimu aranezerwa kuko abona ko wumvise inyigisho. Ni wowe ari kwigisha ; ni wowe munyeshuli we ; Iyo twiga duhindura imyumvire y ibintu ; tugahindura n imyifatire.

Ikintu cyica abantu akenshi iyo bari mw’ishuri n’ uko badashaka kuryiga bonyine ; bashaka kwicarana nabandi ku ntebe yabo. Aha rero hajya habaho kuhatinda kubera gutinda gusobanukirwa ko ishuri wiga ari iryawe wenyine . Ushobora gusibira kenshi mw’ ishuli rimwe kugeza igihe uzemerera mwalimu ko wamenye ko wowe udashaka guhinduka ahubwo ushaka ko abaguteza ibibazo aribo babanza guhinduka.

Umuntu umwe yigeze kumbaza ati ; iyo wirebye mu ndorerwamwo ugasanga hari utwanda tukuriho, ya ndorerwamo urayimena cyangwa urihanagura ? None se iyo urakara urtyo, Ni uwo mukozi wawe ufite ikibazo cyangwa se ni wowe warakaye uburakari nk’ubw’ ingwe ? Genda wirebe mu ndorerwamo uko usa.

Mbahaye ubuhamya bw’ibyambayeho nkarakara, nkunda amavuta y’inka cyane. Noneho nza gufata icyemezo cyo kuzajya nyahisha umukozi kuko yayaryaga cyane akancura. Iteka ngiye kuyarunga mu biryo nasangaga yagabanutse. Rimwe byananiye guceceka mubwiza uburakari bwinshi icyo ntekereza. Umwana muto wari uri iruhande rwanjye aranseka cyane ; uko aseka nkarushaho kubarakarira bose. Sinzi ukuntu uwo mwana nawe atakubiswe muri ako kanya. Kubera iki ? Amavuta y’ inka arashira umuntu akabona andi. Igihe cyarageze menya icyo ndi kwigishwa.

Muri iryo somo nakuyemwo ibintu bitanu :

 Ubusambo,
 Uburakari
 Kuvuga nabi
 Kurwana
 Gusakuza

Nawe wamfasha ubwo hari ibindi ntamenye mwalimu yari kunyigisha no kunkosora. Ikinshimisha muri ibyo byose nuko iriba ry’ amaraso Mwalimu wacu (Yesu) yadufukuriye i gologota ritarakama. Iryo riba ryoza ririya co ryose mubonye aho haruguru.

Ndashimira Imana kuri iryo somo nahawe nta mafaranga yo kwishyura nsabwe ; namenye uburwayi bwanjye ; ubu sinkiyahisha ; nyashyira ahabona tugasangira kandi nkabona nawe yishimye. Asigaye ayarya adatinya, atabanje kwiba.

Byakubera byiza nawe ukurikiranye umwigisha, burya hari ibyo ashaka kugukiza. Ubwo se buriya busambo nari kuzabujyana mw’ijuru ? ariko narakize. Nawe, wirinde gutunga intoki ahubwo wemerere umwigisha agutabare kuko usibye biriya bikoresho biri kugufasha guhabwa isomo, nawe ntiworohewe muri kamere. Shaka uko watanga igisubizo cyiza, umwarimu aguhe impamyabumenyi y’ikirenga, Imana iguhe umugisha.

Nzohabonayo Felicite.

Wa mwigisha wacu (YESU) twaganiriyeho mu cyumweru gishize , aratwigisha kandi akadutegurira n’ ameza ariho ibyokurya n’amazi yo kunywa. Yesaya 30 :20-21 haravuga ngo : « Kandi nubwo Uwiteka akugaburiria ibyokurya by’amakuba n’amazi y’agahimano, abakwigisha ntibazongera guhishwa ahubwo amaso yawe azajya areba abakwigisha, kandi nimujya kunyura i buryo cyangwa i bumoso, amatwi yawe azajya yumva ijambo rigutururtse inyuma rivuga riti « Iyi niyo nzira mube ariyo mukomeza. »

I. IBYO KURYA BY’ AMAKUBA N’AMAZI Y’ AGAHIMANO.

Hari ubutumwa butabera bwiza amatwi yacu kuko butatworohereza. Ariko kandi iyo witegereje ubuzima bwacu bwa buri munsi usanga nta wumara kabiri atarahura n’ikintu kitamushimisha.

Nta wundi muti uvura kamere Yesu yadutunganyirije usibye kutugaburira ibyokurya bibishye n’amazi asharira kugirango iyo kamere ikunde ipfe. Kamere ntizajya mw ijuru. Kamere iradutinza gusa ikaduhisha ubuzima bwo mu mwuka bwiza bw’umutuzo.

Abagalatiya 5: 24, bibiriya itubwira kubamba Kamere.
iti: “ Aba Kristo Yesu babambanye kamere, n’iruba, n’irari ryayo.” Yesu siwe ubamba kamere cyangwa uyica. Niwowe wemera kurya no kunywa ibyo yaguteguriye. Dutanze nk’urugero,hari umuti uvura marariya urura cyane witwa “quinine” . Iyo umuntu yawufashe neza nk’uko muganga yabimutegetse, akira neza. Ariko iyo awufashe nabi cyangwa ntuwunywe, ntakira marariya.

Dawidi yigishijwe isomo ryitwa « KWANGWA UZIRA UBUSA » Uyu Dawidi yariye ibyokurya bibishye, anywa n’amazi arura bivuye ku Mana kuva akiri muto. Dusomye mu gitabo cya1 samweli 25 : 1…tubona ukuntu Sauli yamuhagurukiye kugeza igihe amuhunga akajya mu butayu bw’ iParani. Hano ikintu twakuramo n’uko hari igihe kubwo kutumva ibyo uri kwigishwa uhunga ntugume mw’ishuli, ugakomeza kugira ibibazo bitagira igisubizo. Ndatekereza ko hejuru y’amasengesho ya Dawidi, ahari yumvaga nawe mu mutima atishimiye Sauli, akajya yumva nta rukundo amufitiye.

ABAKWIGISHA NTIBAZONGERA GUHISHWA.

Sauli yabonetse nk’umwigisha ariko hamwe n’ ibyo Dawidi yabonye n’undi mwigisha witwaga Nabali. Uyu Nabali yaje agaragaza neza icyo Dawidi yari ari kwiga. Bibiriya itwereka uko Dawidi yatumyeho Nabali ngo abahe ibyo kurya akoresheje amagambo meza cyane noneho Nabali akamusubiza ati : Dawidi n’iki ? Kandi mwene Isayi n’iki ?

Utwo tugambo tubiri tutaryoheye amatwi duhagurutsa umugabo witwa Dawidi, yumva yasuzuguwe n’abe bose, afata abagabo b’intwari magana ane yitegura gutera Nabali. Ibya Dawidi, abantu bari bazi ko ari umuntu mwiza cyane w’umukiranutsi ajya ahagaragara.
ati : « Umuntu wese niyambare inkota ye. », nawe abajya imbere yambaye iye nk ‘umugaba w’ingabo zigiye kurwana n’ikigoryi Nabali. Mbega umuruho w’ ubusa !

Tekereza nawe imbaraga utakaza uri gutekereza ku gasuzuguro wabonye bariya cyangwa aba bagusuzuguye. Ikibabaje n’uko muri iyo ntambara yo kurwanya Nabali utayibamo wenyine. Umuryango wawe, inshuti zawe, abakwegereye bose ubaha kuri ibyo byokurya nayo mazi bibishye. Ariko byajya kubiha, bikaba ari wowe bisharirira.

II. KUNYURA I BURYO CYANGWA I BUMOSO.

Dawidi akimara kwumva amagambo ya Nabali ntiyapfukamye ngo asenge nkuko yajyaga abikora. Yahise yifatira ingamba zo kwihorera. Aho yari anyuze iburyo cyangwa i bumoso.

Nigeze mpura n’umugore ambwira ko yafashe icyemezo cyo kumara ibyumweru bibiri arakariye umugabo murugo atamuvugisha kugira ngo amwumvishe kuko hari ibintu batumvikanagaho. Muri icyo cyemezo cye murumva ko hari byinshi yigometsemo.Ubwo nawe yari afashe indi nzira.

Uko niko tumeze. Twihutira gufata ibyemezo kubyo tugezemo, tugashakira igisubizo muri twe ubwacu, ku bavandimwe, ku inshuti n’ahandi. Icyerekana rero ko ari isomo ry’Imana nuko usanga muri uko gukikira tunyura mu nzira twiciriye, hose nti tuhabona igisubizo cy’ikibazo dufite.

III. AMTWI YAWE AZAJYA YUMVA IJAMBO RIGUTURUTSE INYUMA RIVUGA RITI : IYI NIYO NZIRA ABE ARIYO MUKOMEZA.

Iryo jwi rituruka inyuma ni iry Umwuka Wera w’ Imana. Aho ubona ari nta nzira cyangwa ibisubizo. Niho ugomba gukomeza kunyura usenga kuko niho igisubizo kiri.

Aho uri kwanga guca niho hari umuti wawe. Tekereza neza ikikubuza kuhanyura. Urasanga ari kwanga kubabara, kutubaha Imana, n’ibindi….Yesu ari gusenga cyane, Imana yamubwiye ko Inzira ari ukujya ku musaraba.

Akagezi keriti kamaze gukama Eliya ntiyabwiwe guhungira ku mutunzi ufite byose. Yabwiwe kujya kumupfakazi utari azi ko aramuka we n’umwana we. Ku mupfakazi harasuzuguritse. Eliya yarahageze, agira umugisha hamwe n’uwo muryango wamwakiriye.

Ntabwo Imana ifite umugambi wo kutubabaza ahubwo n’uko hari imyanda myinshi iba mu muntu kandi ikaba igomba kumuvamo kugirango yere azabane n’Imana. Isafuriya n’igikoresho cyo mu rugo gifasha guteka ibyo kurya. Iyo bagiye kuyikoresha irozwa, bakayikuba. Iyo ishiririza bwo n’ibindi. Iyaba yashoboraga kuvuga, yabwira uyikuba iti urambabaza. Kandi nubwo yabivuga, nyirukuyoza ntiyayireka kuko ashaka kuyikoresha isa neza.
Nawe uri igikoresho cy’Imana igomba kukwoza, ikagukuba kugirango uyikorerere usa neza.

Igisubizo cyawe, si ukubyanga, si uguhunga, si ukujya iburyo cyangwa i bumoso, ahubwo ni ukubaza Imana mu masengesho uti hano uri kunyereka iki? N’uwuhe mwanda uri kunkiza? amatwi yanyu azokwumva ijambo ribaturutse inyuma rivuga rit’iyi niyo nzira abe ariyo mukomeza.”

Emera kwigishwa, ni Umwigisha mwiza ushaka ko uzajya mw’ijuru usa neza.

Bibiriya iravuga ngo: “kuko Imana Itaduhamagariye kwanduzwa , ahubwo yaduhamagariye kwezwa. Nicyo gituma uwirengagiza ibyo ataba ari umuntu yanze, ahubwo aba yanze Imana iha mwebwe Umwuka wayo Wera.”(Abitessalonike 4 : 7 – 8).

ARIKW’ IYO TWIMENYE UKO TURI, NTIDUTSINDWA N’URUBANZA ( Bibiriya y’ikirundi.) 1 ab’Ikorinto 11: 31
ARIKO TWAKWISUZUMA NTITWAGIBWAHO N’URUBANZA. ( Bibiriya y’ikinyarwanda.) 1 ab’Ikorinto 11: 31

Mu mutima w’umuntu habamwo imyanda myinshi kandi y’ubwoko bwinshi twagereranya n’ikimoteri cyangwa na “immondices”.
Turasoma Abagalatiya 5: 19 - 21 Dore imirimo ya kamere iragaragara ni iyi: gusambana no gukora ibiteye isoni n’iby’isoni nke, no gusenga ibishushanyo no kuroga no kwangana no gutongana n’ishyari n’umujinya n’amahane no kwitandukanya no kwirema ibice no kugomanwa no gusinda n’ibiganiro bibi n’ibindi bisa bityo…

Umwanditsi w’Igitabo “L’HOMME SPIRITUEL” Watchman Nee agabanya iyo myanda mo ibice 5. Iyo myanda yose iba muri Kamere

Igice cya 1: IBYANGIZA UMUBIRI ( Gusambana, gukora ibiteye isoni n’ibyisoni nke)

Igice cya 2: GUKORANA N’IMYUKA MIBI (gusenga ibishushanyo no kuroga)

Igice cya 3: IBYO MU MARASO ( kwangana, gutongana,ishyari, umujinya n’amahane.)

Igice cya 4: KWIREMA IBICE (Kwitandukanya, kwirema ibice no kugomanwa)

Igice cya 5: UBUSAMBO ( Gusinda, ibiganiro bibi n’ibindi.)
Noneho ubu tugiye kureba igice cya mbere, ibindi bizakurikiraho nyuma.

I. Gusambana, gukora ibiteye isoni n’iby’isoni nke.

Nubwo abana b’Imana bafite kamere y’Imana, ariko na kamere y’ icyaha nayo ibana nabo ( 1 Yohana 1 : 8 . « Nituvuga yuko ari nta cyaha dufite tuba twishutse, ukuri kuba kutari muri twe. »

Kamere tuvuga ntishimisha Imana nicyo gituma hahoraho intambara hagati yizo kamere zombi ( kamere y’Imana na kamere y’icyaha.). Kugira ngo umukritso agende anesha agomba kumenya ko muri we harimo kamere ebyiri zidasa. Kubihakana cyangwa kutabyitaho bimutera kudakura mu buryo bwo mu mwuka.

Natangajwe cyane no kubona intumwa Pawulo atangirira kwigisha kuri izi nyigisho z’umwanda wo Gusambana, gukora ibiteye isoni n’iby’isoni nke. Ushobora kwibaza uti umukristo ufite umugabo cyangwa umugore, umukozi w’Imana, cyangwa umuntu wese wubaha Imana mbese yagira iyo kamere.?

Arayifite koko ! Inzandiko za Pawulo nka zose zihugura abantu bihannye. Imana iyo yigisha umuntu kuri iyi kamere, ibimwigishiriza mw’ibanga.

Nk’ urugero, hari ubwo ugira ibitekerezo byo kwifuza uwo mudahuje igitsina, ukumva uramukunze kandi utabyemerewe. Ibi biba muri wowe ubwa mbere. Iyo ugifite amavuta y’Imana biraba ukabihisha, cyangwa ugasenga ariko bikanga bikakunanira.

Hano Imana iba iri kukwereka umwanda. Ufatiye aho, ukabwira Imana uti ntabara kuri uru ruhande, nabonye aho ndwaye, uhita ubibera maso, ukajya ubicyaha,utabanje kwandagara. Bikomeje cyane; wumva bikurushije imbaraga, ufata igihe cyo kwiyiriza ubusa, ukabirega imbere y’Imana.Imana iragufasha igakamura imbaraga zabyo muri wowe. Uwo mwanda rero ufite aho uva. Reka turebe aho bituruka.

1. GUTEGA AMATWI IBIGANIRO BY’UBUSAMBANYI.

Satani azi ibiganiro binezeza umuntu. Ushobora kwibwira uti ko atari jye uri kubivuga nta kibazo, ugatega amatwi nka kuriya utegera amatwi ijambo ry’Imana ugaburirwa mu mwuka, kuriya niko n’ibiganiro bibi bigaburira kamere.

Iyo usinziriye n’ijoro urota usambana « les maris ou femmes de nuits », cyangwa se ugasanga umubiri hari uko wabaye kandi ari ntacyo wakoze. Suzuma urebe niba bidaturuka ku biganiro bibi wagaburiye kamere yawe.

2. KUREBA

Hari twa films dusanzwe cyane duca ku ma télévisions tw ‘ abantu basomana, cyangwa se mu nzira uri kugenda ukabona abaramukanya basomana. Ya kamere yabuze uyisoma irahaguruka, ikifuza. Hano mvuze bito nawe urahita wibonera byinshi tureba buri munsi (Hari inyambaro, ingendo , imvugo byabandi tureba n’ibindi…).

Umunsi Umwami Dawidi abona muka Uriya, hari ibyahindutse mu mubiri we. Buriya Imana yari iri kumubwira Iti Dawidi! Ba maso ! urinde amaso yawe : icyaha kiri ku rugi. Gusa bigaragara ko Dawidi atumviye agwa mu cyaha. Ndakwibutsa ko ibyo kurya bya kamere ari imyanda. Ntirya ibyejejwe biri muri bibiliya.

3. GUHUMURIRWA

Umusore yagendanye n’umukobwa muri taxi. Uwo mukobwa yari yisize aga « parfum » gahumura neza. Umusore bimunanira kujya aho yari agiye, akurikira wa mukobwa abonye asohotse taxi. Yahagarara, agahagarara, yakinjira mu iduka akamukurikira. Nyuma byaje kugaragara ko yari akurikiranye iyo mpumuro ya « parfum » uwo mukobwa yari yisize.

4.GUKORAKORA (TOUCHER)

Iyo umuntu akoze kuwundi cyane iyo badahuje igitsina, hari uruhererekane rw’amakuru rubaho hagati y’abo bantu bombi bikaba byagira uwo bibangamira muri bo cyangwa bombi. Abakiranutsi benshi baguye mu mutego wo kwifuza abo badahuje igitsina bari kubasengera. Hari igihe amukoraho uri kumusengera, rimwe , kabiri, ejo ugasanga byarahindutse muri we asigaye amwifuza mu buryo bubi bw’ibyaha.

o IKIBAZO

Kuki tujya twumva ngo umukiranutsi runaka yaguye mu cyaha cy’ubusambanyi ? Ese ntaba yari akijijwe ? Ese ntaba asenga ?

o IGISUBIZO

Yego aba yarihannye, kandi aba asenga, ariko nkuko twabivuze hari imyanda iba muri twe.

Uzi n’ibindi ? Ntabwo turi abamalayika, dufite kamere, nta muntu n’umwe utayifite, gusa niba bitari byajya ahagaragara, si uko hari icyo turusha abo byagaragayeho. Iyo niyo mpamvu ijambo ry’Imana ridushishikariza gusengerana, Ntihakagire uwo ducira urubanza, ahubwo tumusengere.

Imana ishaka kukugaragaza, wabikora nawe abantu bakabimenya kugira ngo nawe umenye ko umuntu wese ari umunyantege nke, tubeshejweho n’ubuntu bwayo gusa. ARIKW’ IYO TWIMENYE UKO TURI, NTIDUTSINDWA N’URUBANZA. YESU ARADUTABARA

Ikimoteri cyo muri kamere (igice cya kabiri) GUKORANA N’IMYUKA MIBI (gusenga ibigirwamana, uburozi)

Impamvu y’ uru rukurikirane rw’inyigisho za kamere, n’ukugira ngo umukristo yimenye, amenye ibiba muri we,ntatekereze ko ahari ibi ari ibintu biba mu bandi noneho we akaba ari muzima.

Yaba umuzungu, yaba umwirabure, umuntu kw’isi yose agizwe n’ibice bitatu :

1° Umwuka 2° Kamere 3° Umubiri

Adamu amaze gukora icyaha, twese yaturaze kamere y’icyaha. Muri iki gice cya kabiri, turarebera hamwe uwo mwanda wo gukorana n’imyuka mibi.

I. IBYABAYE

Hari umubyeyi w’umukristo ukunda Imana cyane kandi akayikorera. Umukobwa we muto yatahanye amafranga yo kwishyura inzu babagamo. Bukeye barayashaka barayabura. Batangira kwibaza ko yaba yatwawe n’urundi rubyiruko rwari rwagorobereje muri urwo rugo. Kuko bari bayakeneye cyane, ayo mafranga yababaje umuryango wose. Nibwo rero uwo mukobwa na basaza be bagize inama yo kujya ku mupfumu mu Buyenzi ( Bujumbura – Burundi) kugira ngo abahishurire uwayatwaye.

Umupfumu yababwiye ko ari umukobwa wari utuye hirya yabo gato wayatwaye. Ubwo baraje n’urusaku rwinshi ari nk’igitero kuza kuyaka ya ncuti yabo.

Mu masaha atarenga abiri abaturanyi babo bose bahise baza kuri urwo rugo basakuza cyane bavuga ngo “ABAKIZWA BARARAGUZA”, ( abarokore baraguza.) Urusaku ruba rwinshi muri ako gace. Si uwo mubyeyi wabo wari wagiye kuraguza, ahubwo ni abana be badakijijwe babikoze. Uwo mubyeyi yarababaye cyane, yirirwa yihishe abaturanyi , afite n’umujinya mwinshi kubona Imana yemera ko urwo rusaku rwose ruhuruza abantu ku rugo rwe. Ubwo rero byarahindutse, abaturanyi bamubonye bakaryana inzara, ngo dore “UMukizwa araguza.”(Kirundi)

Uwo mubyeyi yabaye aho atumva ibiri kumubaho, nyuma nibwo yigiriye inama yo kuganira n’umukozi w’Imana kugira ngo amwereke ukuntu abana bakora amakosa, akitirirwa ababyeyi. Umukozi w’Imana aramubaza ati : None se, ubwo abana bawe bajyaga inama yo kujya kubaza umupfumu uwabibye niho wari uri? Ati yego.

None se, wowe wabagiriye iyihe nama? Ati nababwiye ko ibyo bashaka gukora Imana itabyemera.Umukozi w’Imana ati: “None wowe wari ukomeje mu mutima wawe kubagira iyo nama yo kubireka ? Ati : “Oya kuko numvaga nanjye nshaka kumenya uwaduteje akaga kangana gutyo ariko simbivuge neza ngo babone aho mpagaze.

Yarakomeje ati umunsi baza bavuga ko bamenye uwayibye, numvise nduhutse mu mutima ko azahita ayishyura. Umukozi w’Imana yahise amwereka ko muri we afite imizi yo kuraguza. Si abana be gusa bari bakeneye kwigishwa, nuwo mubyeyi Imana yashakaga kumwereka ko muri we harimo kamere yo gushaka kumenya, ndetse kamere yo kubaza ibihishwe kandi abibaza abapfumu.

Haciye iminsi ya mafranga bayabonye inyuma y’akabati aho imbeba zari zayakururiye zimaze kuryaho inoti imwe. II. IYO KAMERE YAVUYE HE?

Uretse ko twayirazwe na Adamu, ba sogokuru bacu muzi ko baterekeraga, bakaraguza, bakabandwa, bakica indasago bakazica n abana babo n’ibindi byinshi bigikorwa n’ubu.

Uru ruhande ni runini mu nyigisho, ariko wibuke ko ntawavutse akijijwe.Ushobora kuba warabyihanye ni byiza, ariko ubibere maso bishobora kuza mu bundi buryo. Imyuka mibi ifatira kubyo uba waragendeyemo uzi cyangwa utibuka harimo kunywa ibiyobyabwenge n’ibindi. Hakenewe amasengesho ku giti cy’umuntu no kwegera abakozi b’Imana bakakuganiriza, bakagusengera.

III. KURAGUZA MU BY’UMWUKA

Hari abantu batumva ko ijambo ry’Imana bumva cyangwa basoma rihagije. Abo,usanga bahora bashakisha abahanuzi. Bahora bashaka kumenya uko ibyabo bizagenda. Ni wa mwanda wo gukorana n’imyuka, wiyambika umwambaro wo gushaka iby’Imana ariko harimwo inzara yo kudahaga ibiciye mw’Ijambo ry’Imana.

Satani iyo azi ko ukunda ubuhanuzi, agutera guhora uzerera ushakisha ubuhanuzi akaba aribyo uhugiramo. Abantu bameze gutyo basigaye bahari ari benshi cyane, kandi ibyo bituma umuntu atinda kwishakira no kumenya Imana.

Bibiliya iduha urugero rwa bene data bi Beroya mu Byakozwe n’intumwa 17: 11. “Ariko abo bo bari beza kuruta abi Tesalonike, kuko bakiranye ijambo ry’Imana n’umutima ukunze, bashaka mu byanditswe uko bukeye, kugira ngo bamenye yuko ibyo bababwiye ari iby’ukuri koko”.

Abo bantu iyo bamaraga kwakira ibyo babwiwe, bafataga bibiliya nabo bakareba ko ibyo abandi bari kuvuga ari ukuri. Nuko rero, ngo “iyo twimenye uko turi, ntidutsindwa n’urubanza” (1 ab’Ikorinto 11: 31)

Waba ubonye haricyo ijambo ry’Imana rikubwiye, rikamera nk’itabaza rimuritse aho utarebaga? Ihane kandi usenge uti: “ Mana Data, umbabarire, unkize imirimo ya kamere kandi umpe kwimenya kurushaho kugira ngo nkire imyanda yose tuzabane mw’ijuru, Amen.”

Ikimoteri cyo muri kamere : igice cya 3:
ibyo mu maraso ( urwango, intonganya, ishari, uburakari, ….)

Ni iki gituma ubona agatotsi kari mu jisho rya mwene So, ariko ntiwite ku mugogo uri mu jisho ryawe? ( Matayo 7:3)

Umwanditsi Roy HESSION w’igitabo LE CHEMIN DU CALVAIRE aragira ati: “agatotsi kari mu jisho rya mugenzi wawe, ni ikosa uba umubonaho. Gashobora kuba ari imyifatire mibi cyangwa ikintu runaka aba yagukoreye kitagushimisha.»

Arakomeza ati : « agatotsi kari mu jisho rya mugenzi wawe kaguhagurukiriza umujinya, kunegura, urwango, gutinya, n’ibindi”
Umujinya ni umugogo; kunegura n’umugogo; gutongana ni umugogo, kutababarira ni umugogo. Ibyo byose byica icyerekezo cyacu ntidushobore kugera ku gihagararo cya Kristo. Noneho se, iyo turi kuvuga ukuntu uwo muntu twabonyeho agatotsi atugoye, aturemerera, natwe dufite uwo mugogo mu jisho ryacu cyangwa se mu mutima ni nde mpumyi ? ni nde muzima?

Imana yemera ko ubana n’umuntu utakworohereza na gato. Ashobora kuba ari umufasha wawe, umugabo wawe, umwana wawe, umukoresha wawe, umukozi, umubanyi cyangwa uwo muva inda imwe.

Ikibazo ntigihagaze kubyo agukorera; Ikibazo kiri ku buryo witwara imbere y’ibyabaye cyangwa se ku myifatire yawe, ukuntu uhangana nabyo.. ,Kuberako imyanda iba muri kamere, ihita ijya ahagaragara, wowe ukanga kwemera ko nawe ufite umugogo ahubwo ukirwanirira mu buryo ubu cyangwa buriya kugirango uwo muntu ahinduke, ariko bikanga bikananirana.

I. UBUHAMYA

Mu myaka ishize nari mfite umukozi mu rugo . Iteka ndi ku kazi , ntekereje ko nintaha nza gusanga atarakubura mu nzu, atari buhishirize kw’isaha ku buryo abana baza gucyererwa gusubira kw’ishuri, nahitaga mpinduka kandi ntaragera mu rugo. Ubwo mpageze, natangiriraga kw’irembo mvuga nabi, ntongana, mwereka amafuti ye, mubwira ko amafranga ye yuko kwezi tuzayagabana, n’ibindi bigambo byo kumufata nabi. Uwo nkamwirukana , nkazana undi ukora ibiruta ibyo uwambere. Ngeza igihe mbura abakozi neza, neza, abakozi bakambwirana kubera iyo nyifato yanjye mbura umukozi pe!

Nashatse Imana cyane kugirango menye igituma ari nta mukozi ushobora kumara kabiri mu rugo.
Ijambo ry’Imana ryambwiye ko umukozi wo mu rugo ari umuntu nkanjye kandi ko kutamugira ari jye binaniza ndetse bigahagarika n’ indi mirimo yose. Imana ikomeza kungaragariza ko kamere yanjye ariyo ituma mbana nabi n’abantu, ko ndwaye kandi indwara yanjye ikaba ifite amashami menshi : umujinya, urwango rw’ubusa, gutongana, kuvuga nabi, agasuzuguro, n’ibindi…..

Maze kubimenya narasenze Imana ihindura byinshi mu bugingo bwanjye. Muri iki gice cya gatatu, twavuze ku byerekeye, ibyo mu maraso, mu muntu habamwo ibibi byinshi. Kugirango ubimenye, uhindura uburyo bwo gusenga. Ubanza kwemera ko hari icyo Imana iri kukubwira. Ko hari imyifatire yo guhindura. . Uhita usobanuza Imana umwanda iri kukwereka.

Umaze kuwubona, wa mwanditsi Roy Hession aragira ati: Ntibihagije kujyana imbere y’Imana imyifatire yacu mibi tuyisaba imbabazi kandi tutemera ko ingeso ya wawundi utunaniza iba ivuye ku bushake bw’Imana, kugira ngo bitugirire umumaro wo kwibonaho imyanda.
Si we mubi, ni njye wo kwemera ko ndwaye, kandi gukira kwanjye Imana igukoreramo nawe agatabarwa.

Fata icyemezo niba ubona uzengurutswe n’abantu bakunaniza, nubwo turiya dutotsi tumeze kuriya, ariko menya ko muri wowe harimo imigogo. Sengera imigogo ahari Imana iragira ngo uhindukire wirebe. Niba unesha nabwo ihangane ube ikiraro ingeso zawe zirimo agakiza no kwihangana zizatuma uriya yihana. Komera Yesu aguhe umugisha.

1Abikorinto 11: 18 – 19:” Irya mbere, iyo muteranye mw’iteraniro, numva yuko mwiremamo ibice, kandi kandi ibyo ndabyemera ho hato. Kuko na none ibice bikwiriye kuba muri mwe, ngo abemewe bagaragarizwe ukwabo.”

Muri iki gice cya kane turakomeza kurebera hamwe indi myanda iba mu muntu. Iyo myanda ihagaze kuri sentiments ziba mu muntu zijyanye n’ igice aba aherereyemo mu mutima cyangwa mu bikorwa.
Mw’isi biroroshye kubona habaho amashyaka, ubwoko, intara, imiryango, ubutunzi, ubukene. Umuntu aba afite agace yiyumvamo.Iyo undi muntu atari kumwe nawe muri ako gace, hari ubwo bibyutsa inzangano, ubwicanyi n’ibindi.

Mw’itorero rero naho turihana, tukimuka tukava mu moko, tukava mu miryango ariko iyo myanda turayimukana. Urugero ni nk’umuntu wimuka agiye kuba mu yindi nzu, akimukana imatela iriho ibizinga n’indi myanda.

Umwanditsi wa Commentaires ya Bibiliya John Mac Arthur avuga kw’ itorero ry’Ikorinto ati “ “Abizera b’abakire bazanaga ibyokurya n’ibyo kunywa bakajya hamwe, bagasangira, bakanga gusangira n’abakene. Abakene nabo bakajya hamwe bagasangira, ugasanga hari abahaze, n’abandi bashonje (1 korinto 11 : 21).

Natwe rero n’uko. Wicara mw’itorero mu mutima wawe wumva runaka utamwishimiye kuko hari ibyo mudahuje, ukishimira ufite icyo muhuriyeho. Ariko hano uba wibeshya cyane, Imana ntibyemera, biranayibabaza, kuko niba Yesu yarapfuye, yapfiriye twese, yaducunguye twese atarebye ngo uri iki cyangwa kiriya.
Uyu mwanda uracyerereza umugenzi uri mu rugendo rujya mw’ijuru. Kandi ntanaho bizamugeza uretse ko amungwa mu mutima, akibeshya ngo ni umukristo.

Iyi ndwara iyo uyumva iri kubiragira muri wowe, uyishyira muganga Yesu, ukamubwira uti ntabara, nkiza, nanjye nzagere iwawe narakize kuvangura, kwirema ibice n’iyindi myanda ijyana nibyo.

1. KWIREMA IBICE MW’ITORERO

Umwanditsi Freymond Sylvain mu gitabo cye “Aimer Dieu : la véritable adoration » aragira ati : Eglise locale ni ihuriro ry umubiri wa Kristo rikwiye kuba rimwe rikareka kwirema ibice. Ati turebeye ku mbonerahamwe y’ukuntu ribayeho tubona ibi :
Ku bakristo 100 mw’itorero harimwo amatsinda atatu:

ITSINDA “A”: Rigizwe n’abakristo bashaka ko ibintu byihuta. Abo bantu babona ko nta gihinduka mu mikorere y’itorero, ntakigenda, abakozi b’Imana ntibabona imbere, nta mashuri ahagije bafite, n’izindi “critiques”, bakora amanama, bashaka ko ibintu bihinduka vuba. (Bagize 10%)

ITSINDA “B” Rigizwe n’ibice 80% by’abakristo mw’itorero. Nibo benshi, bakunda itorero ryabo bakurikira abashumba, banezezwa n igaburo bahabwa, ntibifuza ko byose byahinduka ariko bakomeze bajye imbere. Nk’ urugero, bakunda indirimbo nshya ariko kandi n’izakera ziririmbwe.

ITSINDA “C” Rigizwe n’ibice 10%. bajya gusa n’aba mbere, huzuyemo abantu batishimye “mécontents” (Chorales zifata umwanya munini, Ubutumwa buratinda,, abayobozi bahora bavuga amafaranga gusa…), Aba ntibatanga ibisubizo, baroga abandi mu bitekerezo.

Abayoboke b’ayo matsinda yose iyo bahuye barumvikana cyane, ihuriro ryabo ntiribe iryo kwubaka rikaba iryo gusenya itorero.
Nicyo gituma haba abasohoke, bakajya gushinga andi matorero atari uko ari umuhamagaro w’Imana ahubwo ari uko bagaye abo barikumwe. Bafite umwanda w’ubwibone “orgeuil”, bumva bafite icyo barushije abandi. Noneho rero iyo basohotse, bakimuka bajyanye ya myanda, nta gihinduka, bakomeza ari babandi, bahora babona amafuti ku bandi ntibamenye ko ikibazo nya mukuru kiri kuribo

2. DUKORE IKI?

Ikirwanisho Satani akoresha hano ni : kugereranya, kubeshya no gucirana imanza. “comparaisons, mensonges na accusations.” Azi n’umutego akoresha akagufatisha ukawugwawo. Twisengere. Ibyo tubona kuri bene data ntibidutere kubakumira. Kwubaka, ni kugereka ibuye ku rindi . Mu butayu abihaye kwirema udutsiko babuguyemo, ntibageze mu gihugu cy’isezerano kandi bumvaga bari mu kuri.

Dusenge, twiyemere uko turi, twivuze, Yesu n’UMUKIZA.

Izina rya Yesu:

Ni umunezero wanjye

Ni ubuzima bwanjye

Ni izina ryiza ku bantu bose

Rinezeza uryumva

Kurivuga bizana amahoro

Uryizeye rimukorera ibitangaza

Ni izina ryanzwe n’abantu, ariko twebwe riduha icyubahiro

Izina rya Yesu rikiza abarwayi

Izina rya Yesu ni igizubizo ku bakene

Izina rya Yesu ni ibyiringiro bishya ku ntabwa

Izina rya Yesu ryanzwe n’abahanga

Izina rya Yesu ku baririmbyi

Izina rya Yesu ku mfubyi

Izina rya Yesu ni ubuzima bwacu

Izina rya Yesu ni iry’igiciro

Iryo zina ndarikunda cyane

Iryo zina ryubahwe na bose

Ni izina rikiza

Uko mutubona si ko twari turi

Twarasuzuguwe, twangwa n’abantu

Imiryango yaratwibagiwe

Tubabajije baradusuzugura

Tubagiriye inama barazisuzugura

Ariko Yesu nyir’imbabazi abona kubabazwa kwacu

Atubumbatira mu maboko ye

Hari amazina menshi, ariko izina rya Yesu riruta yose

Numvise amazina menshi, ariko Yesu ni itangiriro akaba n’iherezo

Numvise amazina mu bitabo, ariko izina rya Yesu ni itangiriro n’iherezo

N’ubwo bamwe ntacyo ribabwiye, jyewe ryanshyize hejuru

Izina rya Yesu rigizwe n’inyuguti nke, ariko rikora ibitangaza

Nimureke nkunde iri zina rya Yesu

IMANA IBAHE UMUGISHA!

UBUSAMBO (Ubusinzi, inda nini, n’ibindi)

« Ntukabe mw’iteraniro ry’abanywi b’inzoga, no mu banyandanini bagira amerwe y’inyama, kuko umusinzi n’umunyandanini bazakena…»/ Imigani 23 : 20 - 21

Tugeze ku gice cya nyuma cy’inyigisho z’imyanda iba muri kamere. Muri kamere hari byinshi cyane n’umuntu atamenya ko ari bibi keretse yemereye Umwuka w’Imana akajya abimwereka maze akabona kwiyuhagira.Dukunze gusaba Imana ngo ikureho ibibazo biri hirya no hino yacu, ariko yo iba ishaka gukuraho umuzi w’ikibazo kiri muri twe.

Dore uko umuntu wahishuriwe ku busambo yanganirije ampa ubuhamya ati:

“Namaze imyaka myinshi nsenga Imana ngo nkire indwara ya goutte ariko biranga ahubwo irankomerera.”

Umunsi umwe, mbwira Yesu nti: nta kintu na kimwe nongera gukora utambwiye impamvu utankiza. Mfata iminsi njya kure y’abantu ndasenga nshaka kumva icyo Imana ivuga kuri iyo ndwara.

Muri iyo minsi, Imana inyereka isoko ry’ikibazo cyanjye. Imbwira ko nshaka gukira ariko sinshake guhindura ibijyanye n’imirire yanjye.
Nari meze nk’umusinzi ukomeza kunywa ntiyemere ko inzoga zifite icyo zangiza muri we. Nakundaga inyama, cyane cyane inkoko yokeje, buri munsi sinashoboraga kurara ntariye ka brochette.

Uwo mwanya mpishurirwa ko Imana idashaka gusa kunkiza « goutte » ahubwo ishaka kunkiza icyaha cy’inda nini cyabaga muri jye.

Kuva icyo gihe niho namenye ko bigora umusinzi kwemera ko ari umusinzi Birababaje kwimenyaho ubusambo. Nahise nibuka ko nasigaga mu rugo batetse i sauce y’intoryi, ngashaka ahantu ninyabya nkarya ka brochette.kandi numvaga ari nta kibazo, umugore n’abana bari kurya ibishyimbo.

Maze kwibona nahise nsaba Imana ngo ntinkize goutte, ahubwo inkize agatima ko gukunda inyama birengeje.
Imana yahise ikora ku muzi w’ikibazo cyanjye : ibyokurya
Iyo amasengesho atari guhindura ibibazo byacu, turebe ikindi Imana iri kutubwira.

Amashami y’ubusambo

1° Kudatanga - Ubugugu
2°Guhisha ( ababyeyi bamwe bajya bahisha isukari, isabuni yo kwoga, amavuta yo kwisiga atari uko bashaka gucunga neza iby’urugo ahubwo ari uko hari umuntu runaka badashaka kubisangira)
3° Kugera (AVARICE) : Umuririmbyi w’umunyarwanda yaririmbye ngo « Ikigabo cy’igisambo cyabariye (kubara) inyama ku mugozi .
4° Umururumba
5°Amerwe n’ibindi bisa nibyo

Ni byiza ko umuntu amenya uko ari, kandi akabyemera. Guhora dushaka amakosa ku bandi siwo muti, twirebeho ubwacu, niba hari icyo tutumva, Umwami Yesu aragira ati : « …..Ni Jyewe Uwiteka Imana yawe, ikwigisha ibikugirira umumaro ikakujyimbere mu nzira ukwiriye kunyuramo » Yesaya 48 : 17,

Yesu aguhe umugisha, akubashishe gufata icyemezo kubijyanye n’ingeso za kamere.

Ibyahishuwe 3 : 18 « Kandi ungureho umuti wo gusiga ku maso yawe kugira ngo uhumuke. »

Amaso y’abantu ararwara, kandi uburwayi buratandukanye. Hari iyo bita « miopie, hypermétropie, daltonisme », ubuhumyi, n’izindi. Izo ndwara zose ziravurwa. No mu buryo bw’umwuka, izo ndwara zibaho, umukristo akaba atabasha kubona neza ibintu , cyangwa se akabyitiranya, cyangwa se ntabibone na gato.

Reka turebere hamwe indwara ya “miopi” yo mu mwuka
Mu rurimi rw’ikigiriki ijambo miopi “ muôpia” risobanura kubona hafi. Umurwayi wa miopi abona ibimwegereye gusa. Ibiri kure ntabibona. Miopi yo mu mwuka nayo ibaho kandi irwara abakristo bakijijwe, bakiriye Yesu nk’Umwami n’Umucunguzi.

Mu Bami ba kabiri 6 : 15.Umukozi wa Elisa yabyutse kare mu gitondo abona ingabo nyinshi ziri ku mafarashi zije gutera igisagara babagamo. Agira ubwoba bwinshi cyane, aratinya, abwira shebuja ati Biracitse databuja. None tugire dute?

Cyari igihe giteye ubwoba, abo banzi bari baje kwica no kwangiza. Nka cya gihe Mose yatumye abatasi cumi na babiri I kanani muri bo hari abazanye inkuru mbi ko babonye ibigabo binini biteye ubwoba. Kubara 13 : 28. ” Ariko abantu bagituyemo ni abanyamaboko, kandi imidugudu yabo igoteshejwe inkike z’amabuye, kandi ni minini cyane, kandi twabonyeyo abanaki.”

Ibintu nuko bimeze mu buzima bwacu bwa buri munsi. Cancer ni biracitse, ibisazi ni biracitse, ubukene n’amadeni ni abanaki. Umuntu uri muri ibyo bihe aba aremerewe nibyo abona kandi niko bigomba kumera.

Ubwo rero nibwo burwayi bwa miopi yo mu mwuka. Kubona ibitwegereye gusa, ariko ntiturenze amaso hakurya ngo twibuke ko dufite umwami wanesheje intambara zose.
Umukristo urwaye gurtyo nta byiringiro agira, nta n’ukwizera , no gusenga biba bikomeye .

UBUHAMYA

Umukobwa w’umuririmbyi mw’itorero rya El Shadai i Burundi yabazwe cancer ya « ovaire ». Abaganga bamutuma mu buhindi gukoresha icyitwa « chimiothérapie » no kubazanira ibizami by’amaraso ngo barebe aho cancer igeze. Asenga Imana cyane ayibwira ati Mana ndi umwari, kandi wandemye mfite ingingo zose z’umubiri kugirango nzabyare. Ngiye mu buhindi, mfite « ovaire » imwe y’iburyo ndashaka ko abahindi basangamo n’indi kandi ari nzima. Ahageze, baramupimye, bamubaza icyamuzanye kuko bo mu byuma byabo babonaga « ovaires » zombi uretse ko hagati yazo ngo hari inkovu nshya imaze iminsi mike ikize. Arataha, yereka umuganga wari waramubagiye ku bitaro Roi Khaled w’i Bujumbura nawe aratangara ati iyo Mana usenga n’Imana.

UMUTI WARABONETSE

Umwami Yesu yabwiye itorero ry’ i Lawodikiya ati ungureho umuti kugira ngo ubashe kurora. Abari muri uwo mwami hari icyo dukwiye kugeraho. Dukwiye kwimuka, tugakura amaso kubicantege duhura nabyo, tugahagarara nka Elisa , we amaso ye ntiyemeye ko aterwa ubwoba n’igitero cy’ Abasiriya. Kuko yari azi ko Imana iri mu ruhande rwe yagize ati : « Witinya kuko abo turi kumwe ari benshi kuruta abari kumwe nabo. » Amaze gusenga wa mukozi abona umusozi wuzuyeho amafarashi n’amagare y’umuriro bizengutse Elisa.

Abanzi b’abisirayeli baje ku bwinshi n’ibikangisho byinshi bazi ko nta kibatangira., ariko ntibari bazi ko hari hari inkike y’umuriro yari izengurutse abantu b’Imana. Mbese Uwo muriro bari kuwuca he ?
Umuti ni Yesu ubwe. Kuko uko yari ejo, nuyu munsi niko ari, ibyo akorera abandi nawe yabigukorera, ntahinduka, ntahemuka, akwitayeho, musabe umuti ureke kureba uwo musozi , araguha umuti wo kumureba we ubwe. Ubikore, umusabe indorerwamwo zo kumubona mw’ijambo no mu masezerano, uzabona agakiza k’Imana.
Yesu Aguhe Umugisha

Nshuti bavandimwe dusangiye inzira ijya mu ijuru, ndabaramukije. Amahoro y’ Imana abane namwe.

Nk’uko mubizi, intego yacu ni ukugeza ubutumwa bwiza ku bantu bose. N’ubu rero ntiyahindutse, turacyakomeje kwamamaza ubutumwa bwiza uretse ko tugenda duhura n’ imbogamizi zitandukanye, cyane ko muzi ko Satani aturwana kuko umurimo we ari ukwiba, kwica no kurimbura (Yohana 10:10).

Hashize iminsi abakoresha modem za MTN batabasha kugera ku rubuga rwacu www.agakiza.org, bitewe n’ ikibazo kiri techinique muri MTN kidaturutse kuri twe, ariko nyuma yo gukora ibishoboka ubu icyo kibazo kirimo gukemuka noneho mubasha gusura urubuga ntakibazo.

Tukaba twiseguye ku batubuze mu gihe bifuza kubona ijambo ry’ Imana n’andi makuru anyura ku rubuga rwacu.

Mu rwego rwo gufatanyiriza hamwe kwagura ubwami bw’Imana, twifuje ko mwadufasha kumenyesha abandi benshi uru rubuga no kurushyigikira mu buryo bw’amasengesho, inama n’ibitekerezo (nk’ibyo mwifuza ko twakongera cyangwa twahindura kuri uru rubuga ) ndetse no kudushyigikira mukoresheje ubutunzi bwanyu kugira ngo turusheho kunoza services tubaha. Imana ibahe umugisha.

Ubuyobozi bw’ urubuga rw’ivugabutumwa www.agakiza.org.

Nshuti muvandimwe, Yesu ashimwe.

Nejejwe no kugushimira igihe tumaranye dusangira inyigisho z’ijambo ry’ Imana. Nizera ntashidikanya ko izi nyigisho zagize aho zigukura n’aho zakugeza.

Nifuje kubibutsa ko inshingano nkuru Yesu yaduhaye ari ukugenda tukagera ku mpera y’isi, tugahindura abantu kuba abigishwa (Matayo 28:19), kandi ubu butumwa bwiza bw’ubwami buzigishwa mu isi yose, ngo bube ubuhamya bwo guhamiriza amahanga yose, ni bwo imperuka izaherako ize (Matayo 24:14).

Ni muri urwo rwego twateguye ibiterane bikomeye mu gihugu cy’Ubuhinde bizamara ibyumweru 2, kuva taliki 11-30/07/2013 bikazakorwa henshi mu Buhinde. Intego yacu ni ukugeza ubutumwa bwiza aho butaragera nk’uko Yesu yabidutegetse.

Ku bw’iyo mpamvu turifuza inkunga yawe mu gusengera ibi biterane, kandi turifuza ko wadushigikira ukoresheje ubutunzi bwawe kugira ngo ibi byose bizagerweho. Inkunga yawe uko ingana kose izakora byinshi mu bwami bw’Imana.

Wibuke ko ubugingo bw’umuntu umwe mu Buhinde uhindukiriye Yesu akava mu bigirwamana aruta ubutunzi bw’isi yose.
Tuzakumenyesha uko ibiterane biri kugenda kuko tuzabinyuza kuri website agakiza.org biri kuba ako kanya (online), kandi tuzakumenyesha umusaruro byatanze (abakijijwe n’ibitangaza Imana yakoze).

Niba Umwuka Wera akwemeje kudushyigikira, waduhamagara kuri iyi nimero ukadushyikiriza inkunga yawe:
+250788422984
+250728422984

Ku bari hanze y’u Rwanda, mwakoresha Western Union. Murakoze. Abahinduriye benshi ku gukiranuka bazaka nk’inyenyeri mu bwami bw’Imana (Daniyeli 12:3).

Pasteur Desire Habyarimana.

KANEZA ANNONCIATA ARARANGISHA ABABYEYI BE BABURANYE MURI JENOSIDE YAKOREWE ABATUTSI YO MU W’1994. AVUGA KO BABURANYE AFITE IMYAKA 4, SE YITWAGA BUTERA, NYINA AKITWA FLORIDA. AVUGA KANDI KO YARI AFITE MUKURU WE WITWA MUKANDAYISENGA, SE AKABA YARAKUNDAGA KUREMA ISOKO RYA NYAGASAMBU. KURI UBU KANEZA ARABARIZWA MU MURYANGO UMURERA URI KU KIMISAGARA.

UWAMENYA ABO BABYEYI CYANGWA AKAMENYA UMWE MU MURYANGO WABO, YAHAMAGARA KURI TELEFONE ZIKURIKIRA:

0725247457 cg 0788234789 (KANEZA)
0728467660 cg 07884676760 (KAREGEYA JANVIER)

Ncuti bavandimwe dusangiye inzira ijya mu ijuru, ndabaramukije. Amahoro y’ Imana abane namwe.

Nk’uko mubizi, intego yacu ni ukugeza ubutumwa bwiza ku bantu bose. N’ubu rero ntiyahindutse, turacyakomeje kwamamaza ubutumwa bwiza mu mahanga yose (Matayo 28:18-20). Uru rubuga rwashinzwe mu rwego rwo gufasha abantu kwakira Kristo no kwegerana na we, bimaze kugaragara ko harimo kuvuka imbuga za internet nyinshi zikorerwaho imirimo y’urukozasoni, kandi ko abantu benshi batakibona umwanya wo kujya mu rusengero kubera akazi kenshi.

Turasaba Imana ngo ikomeze kubaka imitima ya benshi, abandi bahindukirire Kristo bamwizere binyuze kuri uru rubuga. Bumwe rero mu buryo bwo kugera kuri benshi, ni ukumenyekana kuri abo bantu.

Mumaze iminsi mwumvise irushanwa rya Gospel ryiswe Groove Awards. Ikipe ibishinzwe yatoye website yacu ngo ijye muri ayo marushanwa. Ni muri urwo rwego tubandikiye tubasaba kudutora, kugira ngo urubuga www.agakiza.org rurusheho kumenyekana kuri benshi, bityo bajye barusura babashe kwakira ubu butumwa bwiza.

Gutora agakiza.org, ujya ku rubuga www.grooveawards.co.rw ugakanda ahanditse VOTE Now! (hejuru iburyo), ugahitamo www.agakiza.org ku rutonde rw’amawebsites ruboneka hasi ibumoso. Ushobora no kunyura kuri iyi link: http://grooveawards.co.rw/vote

Turabasaba kandi ko mubaye mufite ibindi bitekerezo byadufasha kubaka ubwami bw’Imana mwabitugezaho na byo tukabishyira mu bikorwa.

Imana ibahe umugisha!

Pastor Desire habyarimana
Umuyobozi mukuru w’urubuga www.agakiza.org
Cell.: (+250) 788 422 984
(+250) 728 422 984

Umuhanzi w’icyitegererezo wamenyekanye cyane mu indirimbo zihimbaza Imana Papa Emile arahugura ndetse anigisha abakor’umurimo w’Imana mu rugando rwa muzika ya gikristo,haba abahanzi cyangwa abanyamakuru ,ko tugomba kugera ku urwego twumva ko ibyo dukora tugomba gusaba Imana yo yonyine ikabishakira inzira nk’uko umuhanuzi Mose yakiranye n’Imana ati : Mana nutajy’imbere ntaho jya!

Papa Emile amaze gukorera mu bihugu bitandukanye akorana n’abantu b’ingeri zitandukanye bakora umurimo w’Imana , kugeze ubu yaje gusanga hari abantu benshi bakora ariko nyamara ugasanga bakeneye amahugurwa ndetse n’inama mu murimo ,nk’uko umuririmbyi mu gakiza yabivuze ati: kubana kwabo kwiza barahugurana ngo be kugwa mu cyaha ahubwo babone amahoro.

We ngo yabigize icyifuzo ariko kubera akazi kenshi agira ka buri munsi ntabasha kubona umwanya wo kuba yakwicaza aba bantu ngo abigishe. Gusa mu butumwa bwe bugufi aragira ati: ‘’ Icyo mbasaba bene data bakundwa muri Christo Yesu tumenyeko satani uduhiga yabanje guhiga ababyeyi bacu ariko turiho,.twe ni tumenye icyo dukwiye gukora tugikore kandi mu byo dukora byose tubanze Imana ,twime amatwi amagambo aduca intege kuko adusigaza inyuma mu rugendo dufite’’ umunyamakuru aganira n’uyu muhanzi yamubajije impamvu y’ubu butumwa avugako yumva hari ibintu muriwe byinshi yifuza kugeza kubantu kuko Imana yamuhaye amahirwe yo kubigira aha rero akaba abona ko imwe mu inzira izamufasha ari itangazamakuru mu gihe gikwiye kandi mu inzira nyayo kuko ibyimana kenshi byishakira inzira.

Papa Emile yatangiye kuririmba afite imyaka 11 amenyekana cyane mu mwaka wa 2011 ubu akaba yarabashije kwegukana igikombe cy’umuntu utunganya umuziki neza kurusha abandi mu gihugu cya Kenya i Nairobi ndetse atanga ubutumwa ku matelevision atandukanye . ubu akaba yaratoranijwe kubahatanira umwanya w’umuntu utunganya umuziki w’u mwaka muri groove Award.

Emmanuel NKURUNZIZA

Uwiteka yonyohereje nk’intumwa ye kubwira abantu be n’abitirirwa izina rya Kristo bo muri iyi minsi. Ubu butumwa nabuhawe ku wa 25/5/2000, kandi nsabwa kubugeza ku bantu benshi bashoboka.

“Umenye yuko mu minsi y’imperuka hazaza ibihe birushya, kuko abantu bazaba bikunda, bakunda impiya…” (2 Timoteyo 3:1-2). “Kuko igihe kizaza batazihanganira inyigisho nzima… bazigwiriza abigisha bahuje n’irari ryabo…” (2 Timoteyo 4:3-4)

Imana yantumye kubabaza ibibazo bikurikira, kandi si jye musubiza ahubwo ni Imana. mubanze rero mutekereze neza mbere yo gusubiza, kuko Imana idahishwa:

1. MU BYIFUZO UFITE BYOSE URUMVA IKIRUTA IBINDI ARI UKO WAZABONA UBUGINGO BUHORAHO?
NIBA ARI YEGO, SOMA UYU MURONGO (Luka 10:25-28)

Uyu mwigishamategeko n’ubwo yabajije nkana, ikibazo cye ni cyiza cyane, cyagombye kuba icya buri wese wifuza kuzabona ubugingo (Niba wasomye uyu murongo, dore ikindi kibazo):

2. UKUNDA IMANA?

Abantu benshi basubiza ko bakunda Imana, ariko Imana ubwayo yambwiye ko bayiryarya. “Urukundo rwabo ruba ku munwa gusa, kuko imitima yabo imba kure iteka. Nyamara bamwe muri bo bitwa abakozi banjye, n’abandi benshi ngo barankorera ibikorwa bitandukanye mu nsengero n’ahandi.”

Imirimo ikorewe Imana mu rukundo irapimwa, kandi ni yo tuzahemberwa. Abakorera gushaka indamu n’abakorera agahato, n’abashaka icyubahiro aho gushyira imbere icyubahiro cy’Imana, nta ngororano bazabona. Ntiwavuga ko ukunda Imana udatunze ijambo ryayo (Bibiliya), n’abazifite bakaba badafata umwanya wo kuzisoma ngo zibayobore mu bushake bw’Imana, bigatuma biyobora.

Ikindi kirimo kuntera uburakari, ni ibigirwamana byabo bibaje mu biti no mu mabuye. Ibyo bigirwamana nta bindi, ni amafaranga. Abantu bazinduka gushaka ubutunzi, ariko Imana yabahamagara bakayininira. Amafaranga n’icyubahiro birimbuye benshi. Nta we ucyeza abami babiri (Matayo 6:24).

IGITUMA ABANTU BAGABANUTSE KU ISI

Ikindi yambwiye ni uko abantu barimo kugabanuka ku isi, ndetse hafi yo gushiraho. Mubajije impamvu, ansubiza yuko ibiranga umuntu batakibigira: bagenda bahinduka inyamanswa . Kuko ubwenge Imana yahaye umuntu, bumutandukanya n’inyamanswa, bwari ubwo kumenya no kubaha uwiteka (Zaburi 111:10; Yobu 28:28). Ariko muri iyi minsi ubwenge bw’abantu, bwabaye ubw’inda.

Yongeraho ati: (Ikiranga umuntu ni ubumuntu, kandi ubumuntu ni ubuntu, impuhwe, imbabazi n’urukundo.)

Uwo twavuganaga yanyeretse umunzani wari iburyo bwe, wari wanditseho ngo AGAPE. Ku isahane ijyaho amabuye hariho urufunguzo runini, hariho na visa. Ku yindi sahani hari handitseho Matayo 25:31-46. Mubajije icyo bisobanura, arambaza ati: Ati:

Nabonye abantu beshi baza ku rugi rukinze, batangira kuvuga ibyo bakoraga, iteka bibwiraga ko byabahesha ubugingo. Bamwe bati twirukanaga abadayimoni mu izina ryawe, twatanganga icya cumi gishyitse. Barondora n’indi mirimo itandukanye bakoraga mu rusengero, abandi bakarata gusa ko bakoraga amasengesho menshi (Matayo 7:21-22) hanyuna ababaza visa ibinjiza iboneka muri Matayo 7:12, bayibuze ni ko kubabwira ati “Nimuve aho ndi mwankozi zibibi mwe, musange Satani mu muriro.”

URUBANZA

Yarambwiye ngo iteraniro niba koko bibuka ko imbere yabo hari urubanza n’icyo azabaza (dossier y’urubanza). Arambwira ngo:
mwabishaka mutabishaka urubanza ku kiremwa-muntu rurahari, kandi Kristo we Perezida w’urukiko rugiye gutangira vuba aha. Mbere yuko ava kwisi yasize atanze dosiye nk’uko abandi bacamanza bose babigenza ariko iyo urebye usanga abantu nta cyo bibabwiye kandi uzatsindwa n’urubanza azahabwa igihano kiruta ibindi ndetse kitigeze kubaho nk’uko byanditswe mu Byanditswe byera (Matayo 25:31-46).

Benshi bibeshya ko ari Abakristo, ariko Yesu we abwira abantu ikiranga Umukristu (Yohana 13:34-35). Nyamara n’abatagira urukundo, ntibibabuza kuririmba mu ruhame bati ‘Jye ndi Umukristo…’ (Indirimbo y’108 mu gushimisha). Dore idini itaryarya Imana ishima (Yesaya 58).

IMBABAZI ZIRACYARIHO

Yambwiye ko abazarimbuka bose ari abibagirwa cyangwa birengagiza ko ababarira, kuko acyicaye ku ntebe y’imbabazi ngo ababarire uje wese amusanga (1Yohana 2:1-2). Yantumye kwihuta bwangu ngo mburire benshi bigishoboka, kuko igiye guhaguruka kuntebe y’imbabazi, ikicara ku ntebe y’urubanza. Iti icyo gihe iby’imbabazi bizaba birangiye (Yesaya 1:18).

AMASEZERANO N’IMIGISHA

Yambwiye ko uzumva ubu butumwa akabwitondera, agahindurwa n’iyi miburo azahabwa ingororano. Uzagira uruhare wese mu kubugeza kuri benshi na we azahabwa ingororano.

Kanda hano usome ubuhamya bwa Froduard MINANI Jedidia
http://www.agakiza.org/spip.php?article2818

Bibliya ivuga neza ko ntacyo Imana izajya gukora itabanje kugihishurira intore zayo ziyitakira ku manywa na ninjoro. Iyi nkuru mugiye gusoma rero ni iy’ibyo Umwami Imana yeretse umukozi wayo OLAVA LODGE wo mu gihugu cya NORVEGE.

Uyu mugabo nyuma y’ibyo yabonye akaba yarahise yandika agatabo kazwi cyane ku izina ry’ " IMPANDA Y’IMPERUKA " aka gatabo kakaba kaboneka no mu rurimi rw’Ikinyarwanda. Ibyo ugiye gusoma muri iyi nkuru rero akaba ari iyerekwa usanga muri ako gatabo ". Naho nimukomeze guhabwa umugisha!

IMPANDA Y’IMPERUKA IYEREKWA RYA OLAVA LODGE

ITANGIRIRO

Ibi byabaye mu gitondo nsengera mu nzu y’inshuti yanjye y’i Bergen, NORVEGE, itariki ya 11/12/1952 Njyewe ubwanjye natangajwe cyane n’ibyerekanywe. Byambayeho ngisoma agatabo gato, nanjye sinatekereza kubyo kuzamurwa mu ijuru kw’abakristo muri icyo gihe.

Natekereje kubyandika muri uwo mwanya bidatinze, ariko ntibyari nko guhishurirwa. Nagerageje kubyirukana, ngirango wenda ni ibitekerezo byanjye gusa, ariko sinagize amahoro mu mutima wanjye. Mbwiye Imana nti:" Sinshobora kwibuka ibyo byose. None niba ushaka ko byandikwa, wongere ubinyereke ubwa kabiri.

Hashize ibyumweru bibiri nongera kwerekwa. Byari nko gusoma mu gitabo cyangwa ku rupapuro. Ibyo rero byambayeho isaha enye z’ijoro. Mfata ikaramu n’ikaye, ntangira kubyandika kugeza isaha ndwi za ninjoro, mba ndarushye. Kuko muri icyo gihe nari mfite imyaka 79. Nasabye Imana ngo nduhuke, kugirango niba hari ibindi nzakomeze ejo. Njya kuryama mperako nsinzira..

Hahize ikindi cyumweru, isaha enye za ninjoro nongera kwerekwa mbona gukomeza.Ubu rero nkaba niringiye ko iyi nyandiko ivuga ibyo nabonye izanira uyisoma wese ububyutse mu mutima we.

IBYO NERETSWE KUBYO KUZAMURWA KW’ITORERO RY’IMANA

Ni isaha eshatu mu gitondo. Madame A. yari yicaye iruhande rwa Radio yumviriza inyigisho z’abana. Ni inyigisho nziza uyu munsi. Inyigisho zivanze n’amagambo y’Imana macye gusa. Bacyeka ko amenshi muri Biblia adakwiriye abana. Hashize nk’amadakika 4-5 ngo ce!!!

Inkuru y’igitangaza ivuye Oslo , umurwa mukuru wa Norvege, ivuga ko umuvurungano wabaye mu murwa. Abapolisi bavuze ko habaye ibiteye ubwoba. Ntibazi umubare w’abana n’abakuru baheze. N’abategetsi ntibatangaza amazina y’abaheze kuko ari benshi cyane. Ariko babwira imiryango y’abahejeje abantu ngo bavuge uko bazimiye n’ahantu bazimiriye aho ariho, kugirango babone uko basobanura iby’ayo mayoberane.

Hashize umwanya muto Radio itangira kuvuga amakuru iti:" Abacuruzi mw’iguriro rinini bamwe muri bo baheze. Na none umubyeyi umwe amaze kugura indabo,akirindiriye ko bamugarurira, nuko muri ako kanya uwo mucuruzi arazimira. Uwo mugore yumva avuga ati:" Ayi wee!!! Bibye umwana wanjye ufite amezi umunani. Ari he ? Umupolisi ari he ? Umupolisi araza , ariko ntacyo yari ashoboye gukora, kuko mu mpande zose abantu bariraga no kuboroga cyane.

Umucuruzi ava mw’iduka rye arira ati:" Nyabuneka nimuntabare, abakarani banjye babiri bazimiye bakiri mu mirimo yabo!! Bite se kandi? Inkuru zivuye i Stockholm mu murwa mukuru wa Suwede, zivuga ko abantu benshi bazimiye, kandi urusaku ruri mu murwa kubera ibyo byahabaye.

Abapolisi nabo baheze Inkuru zindi nk’izo ziva mu bihugu bindi bya hafi n’ibya kure. Buri hantu abana n’abakuru baheze. Abapolisi barumirwa, babura icyo bakora.

Madame A. aravuga ati:" Mana ibi byose ni iki? Arahagarara, areba hanze. Abona Madame H. aza apfutse mu maso, arira ati:" Rusi, Rusi! Akibona Madame A. aramubaza ati:"mbese nta mushyitsi umboneye hano ? Yoooo, Rusi ntawe ugihari, yari yicaye ku gakingo igihe natunganyaga indabo. None amaze guhera.

Nuko mpamagara Rusi, ariko mbura igisubizo. Gusa nabonye nk’ikintu kizamuwe ku rusika kinsha mu maso, ariko ngira isereri mu mutwe kubera ayo mayoberane yose. Oh!! Rusi wanjye uri he ? Ni nde wakujyanye ? Ararira cyane. Ubwo Bwana A. aba araje. Kuki noneho utashye mw’isaha enye gusa?

Madame A. aratangara!! Umugabo we aramusubiza ati:" sinshobora gukomeza gukora kuko mu mirimo habaye ibikomeye. Abakozi benshi baheze mu buryo bw’amayoberane. Imashini zahagaritswe, twatekereje ko ibyago byatuziye. Twashakashatse hose ariko ntitwabona n’ikirari inyuma yabo.

Ariko uyu muntu wiyitaga umukristo ukurikiza inyigisho zabo, yatangiye kuvuga ati:"Noneho birabaye!!! Nanjye ndabaza nti:" Ni iki kibaye? Nawe ati:" Umwami Yesu ajyanye abe!! Atangira kubabara no kurira ati:" NDASIGAYE WEEE!!!!, Umwami Yesu aransize.

Nuko ndamubuza nti:" Reka kuvuga ayo magambo ! Ariko yongera gutaka cyane. Byanteye umubabaro mwinshi mu mutima kumva gutaka kwe. N’abandi benshi bari bameze nk’uko.Na none tugomba gukomeza gukora nyuma y’isaha itegetswe.

Mu murwa mukuru urusaku ruba rwinshi. Imodoka zose zahagaritswe. Abadereva bamwe , hamwe n’abo bari bahetse, baheze. Imodoka zari zihetse abagenzi zatambukaga mu bikomeye. Abantu bari bameze nk’abasazi, kuko bashakashakaga ababo baheze. Abapolisi ntacyo babashije gukora.

Madame H. agaruka imuhira arira, Bwana A. n’umugore we binjira mu nzu. Muri Radio amakuru avuye i Bergen , avuga ko ahantu hose abantu baheze. Benshi bajya kuri Terefone babaza ibyo byabaye kandi biteye ubwoba. Iyindi nkuru iza ivuga ko mu mato yari mu nyanja umuntu umwe umwe yazimiye. Mu nzu y’ababyeyi impinja zose zazimiye, ba nyina bacura umuborogo. Ababyaza n’abavuzi bumiwe, ariko nabo muri bo harimo abaheze, mu nzu z’abasaza naho ni uko benshi bazimiye.

Isaha eshanu i London mu Bwongereza, radio ivuga ko byageze mw’isaha eshatu mu gihugu cyose cy’Ubwogereza abana benshi n’abakuru barahera, habe n’ikirari inyuma yabo. Mu baheze bose nta n’umwe wigeze agaruka, ni ibihishwe rwose. Bamwe mu babwiriza bagerageje guteranya abantu bo mu matorero yabo, babona ko abubahaga Imana cyane n’abakundaga gusenga aribo baheze. Umwepiskopi w’Itorero rikuru ateranya abashumba be mw’iteraniro uwo munsi.

Isaha eshatu n’igice zimaze gushira aho tumariye kumva ya nkuru ya mbere yari iturutse OSLO, kandi inkuru zindi zikomeza kutugeraho ziturutse mu bindi bihugu. Kuva iburasirazuba twumva inkuru ya KOREA ngo ni ibintu biteye ubwoba. Umubare wabo baheze ni nk’ibihumbi amagana, muri bo n’abasirikare barazimiye.

Ntibishoboka gusobanura uko guhera uko kwatangiye mur’ayo masaha ya mbere. Bose bagize ubwoba. Abantu biruka mu nzira hirya no hino, bafite ubwoba bwinshi. Cyane cyane ababyeyi bajimije impinja zabo. Abandi batangira gutuka no kuvuma Imana n’abantu. Umuntu umwe yiruka mu muhanda avuga ijwi rirenga ati :" Nimurebe mu mwanya twese turaza kujyanwa.Yasaga n’ubuze ubwenge.

Umukecuru ahagarara iruhande abumbye ibiganza, areba hejuru ati:" Oya, niba tutiteguye ngo tube twazamuwe na Yesu igihe yagarukaga, ntabwo tujyanwa hanyuma. Mwami Mana.Yesu udufashe! Oh! Byarangiye. Mbega, burya jye nari umuntu w’idini gusa, nyamara sinamenye yuko Yesu azaza vuba atya. Sinabaye maso nkuko byari binkwiriye.

Kuva mw’igare ry’umwotsi ho nta nkuru z’ako kaga zaturutseyo cyane, icyakora igare rimwe ryahagaze i Finse, kuko ryabuze umuyobozi. Babwiye abarinzi b’inzira yaryo kureba ko baba baguye no gupfa kuko abagenzi benshi badahari. Ndetse no mu mato y’inyanja ni nk’uko byabaye.

Nuko nimugoroba ibinyamateka bikwira mu bantu ngo bagire ubwenge n’umutuzo kugirango serikali n’abapolisi bashobore kumenya neza umubare w’abantu baheze. Ndetse abanyabwenge , cyane cyane abize iby’ibiremwa byo mu kirere, bitangira kumenya impamvu y’icyo gitangaza.

Inkuru iturutse muri Amerika ngo hano bumvise inkuru zivuye mu bihugu by’iburasirazuba nk’izivuye i Norvege. Bagize ibyago byinshi cyane bitewe n’imodoka , ndetse benshi bapfuye. Ibinyamateka bimenyesheje abasomyi yuko ejo ariho bazamenya neza ibyabereye mu bihugu bya Amerika.

Ubu ni isaha ebyiri z’ijoro. Amaradiyo avuze ko mw’isi yose ariko byagenze. Kugeza ubu baracyumva amakuru aturutse mu mirwa yose mikuru. Ariko noneho batangiye no kumva inkuru ziturutse mu misozi ngo naho abantu baheze.

No mu bihugu by’ikusi haboneka nk’ibyo, biboneka umwanya umwe n’iby’ahandi. Ahantu hose bifata impungenge. Nijoro batinya kujya kuryama. Abantu benshi birema udutsiko, bahagarara mu nzira, bajya impaka cyane. Hanyuma abantu batangira kumenya ko ibyo byose ari ibireba abakristo n’idini ryabo. Batangira kuvuga ko, byabaye ku bana bato bose no ku bakunda Imana cyane, ko ari bo baheze. Umwezi w’inzoga aravuga ati:" Oh! Yagiye noneho! Ngira ngo ubu Bwana O. yamaze kugera aho yajyaga atwigisha buri gihe ko abakristo bazagerayo. Yavuze ko Yesu azaza vuba kubajyana batabizi.

Undi aravuga ati:" Natwe twari dufite undi muntu nk’uwo none nawe yaheze. Ariko niringiye ko Serikali iribubuze amadini yose, kugirango ibimeze bityo bye kongera kuba. Undi aravuga ati:" Sibyo, ntibizongera kuba. Abakristo bavuze iby’ukuri, kandi babyivumvagamo yuko bizaba. None natwe iyo twumvira ntituba turi muri izi mpagarara.

Umwe ati:" Mbese wowe warabizeye? Uba waragiye hamwe nabo bazamurwa!! Undi aramusubiza ati:" Nashakaga rwose gufatanya nabo. Undi avugana ijwi rirenga ati: " wari ukwiye kubambanwa n’abo banyadini rya gikristo ridafite ubwenge.

Nuko bukeye bwaho, ibinyamateka ntibyashoboye kumenyesha abantu ibisobanuro by’ibyo. Byose byari nk’igihishwe. Amakuru yaturukaga mu bihugu byose yavugaga kimwe n’ayo. Abari mu mirima ya Misiyoni batubwira yuko abakristo benshi cyane baheze. Bakeya nibo basigaye. Mw’iteraniro ryatangajwe , ababwirizabutumwa bari bariyo, ariko abenshi bamaze kuzamurwa. Cyari igihe gikomeye cyane. Benshi bari mu mubabaro. Nta gushidikanya kuri ibi byabaye, ni ukuzamurwa kw’umugeni, nk’uko abakristo babivuze.

Muri bo, nubwo bari barize amashuri y’idini no kwigishwa Ijambo ry’Imana, bavuze ko batari bazi ko bimera bityo. Ntibamenye ibyo kubyarwa ubwa kabiri mu mwuka no kuba abana b’Imana. Umutambyi w’umusore aravuga ati:" Sinigishijwe ko bizaba bityo. Ntibamenye ibyo kubyarwa ubwa kabiri mu mwuka no kuba abana b’Imana. Umutambyi w’umusore aravuga ati:" Sinigishijwe ko bizaba bityo.

Abigisha ntibavuze ko bizamera nk’uko tubibonye muri iyi minsi. Batangira kujya impaka, ariko kubera imitima ihagaze ntibabasha kuvuga neza. Abashumba bamaze kumva ibitekerezo by’abantu bandika ibi bikurikira. Ibyabaye none turatekereza ko ari ibyanditswe muri Bibliya ibyo kuzamurwa k’umugeni, cyangwa kuvuga ko Yesu yajyanye abe. Nta kundi twabivuga kutari uko.

Ariko abapolisi ntibashatse kwandika itangazo ku bantu bose. Batekereza ko ibyo byose ari ibitekerezo bivuye mu bantu basa n’abasazi. Ibi byabaye birakabije cyane. Ni ngombwa ko Selikari yitangira kureba ibyo. Niba byaturutse ku mpamvu y’idini rya Gikristo ni ngombwa gukinga amazu n’insengero zose z’Imana, kugeza ubwo turi bumenye neza ibi bintu.

Niba iki kintu kiri mu bihugu byose, ibyiza ni uko bose bafatanyiriza hamwe kumenya iryo banga. Ndetse icyaruta nuko amahanga (l’O.N.U.) yaterana igaca uru rubanza. Mu bakristo, bararemerewe cyane mu mitima. Ejo ku cyumweru insengero zose zuzuye abantu. Amatorero amwe yari yabuze abashumba, n’abantu babo benshi bari babuze.

Mu matorero menshi ni abakristo bacye gusa basigaye, ariko abanyabyaha benshi baraza, bavuga ko batangajwe cyane n’ako kaga kaje. Abantu bashakaga kumva Ijambo ry’Imana, ariko ntiryari rihari. Umwe yagerageje gusoma, aravuga ati:" Sinumva icyo bivuze. Undi bamuha Biblia, nawe aravuga ati :" sinshobora gusoma.

Abandi bararira. Abenshi bamenye ko ako kaga ari impamvu y’idini ya Gikristo. Abandi batakambira Imana ngo ibafashe, barababara cyane. Mu materaniro habamo impaka.

Umuntu arahaguruka abumba igipfunsi nk’ushaka gukubita umubwiriza wabo, avugana ijwi rirenga ati :"Ni wowe utumye dusigara, ntiwigeze utubwira yuko Yesu azagaruka kujyana abe.Ntiwigeze utubwira ko dukwiriye kugira umutima uboneye no kuzuzwa imbaraga y’Umwuka wera, no kwitegura byose ku Mana no ku bantu.

Njyewe nzi icyanziritse, ni utuntu duto duto, ariko.... Oh!! Mana Data mfasha!! Umubwiriza ati :" ceceka! Jye nakoze ibinkwiriye, nta kundi. Ubwo umwe yari amaze kurega undi, bararira cyane.

Abantu bakomanga batagira ubakingurira. Biraruhije kuvuga uko bari bameze. Bose bamenya yuko igihe cy’amakuba akomeye cyasohoye. Bumva ko nta byiringiro bagifite. Umuryango wakinzwe. Barakomanga, barataka. Aba bose bari abakristo b’amagambo gusa.

Bamwe bafatanyaga n’abakristo kwishakira inshuti, abandi bishakiraga kuririmba no gucuranga, abakristo batabyawe ubwa kabiri, batahinduwe abana b’Imana, badafite umurage ku Mana.Kuri bo Itorero ry’Imana ryari nk’ishyaka gusa binezerezamo na bagenzi babo. Nuko bose batangira gukomanga ku rugi rwari rukinzwe bati :" Mana, dukingurire.

Hamwe n’ibyo bumva impuha yuko intambara ikomeye iri hafi. Iburasirazuba n’iburengerazuba barashwana, baca umubano. Serikali ntiyashidikanya gushaka uburyo yakora kubera uko kuzamurwa kw’abakristo.Mu bihugu by’Abakominisiti babuza amateraniro yose y’idini rya Gikristo. ndetse bategeka ko uzavuga izina rya Yesu azahanwa ndetse no gupfa.

Ibitabo byose bya Gikristo mu bihugu byose ko bikwiriye gutwikwa, cyane cyane Bibliya zose. ndetse n’uwari afite ikintu kinaka kimwibutsa ibya Kristo azicwa. Mu bihugu by’iburasirazuba n’ uburengerazuba batinda gushinga iryo tegeko. Ariko abantu bose, abakomeye n’aboroheje. bagize impagarara, ndetse bavuga ko ari ngombwa nabo kugira icyo babikoraho.

Uburyo abenshi batekereje, niko byategetswe. Imvaho y’akaga kanini yaturutse kw’idini rya Gikristo iragaragara rwose. ubwo hatangira kubaho igihe gikomeye cyane kuruta ibindi bihe byose uhereye ku kuremwa kw’abantu. Benshi mur’abo bakristo basigaye bakomeza gahamagara Imana, ntibashaka kubaha iryo tegeko ryashinzwe na Serikali.

Barafungwa no kubabara bababazwa. Niba ushaka kuvuma Kristo no kumuhakana, urakiza ubugingo bwawe. Ariko abantu ibihumbi barihangana kugeza ku gupfa. Abenshi bapfuye bababajwe nabi cyane. Nta tegeko rikiriho cyangwa ugukiranuka. Satani yabohowe. Ni ishyano, ni ishyano, rizabonwa n’abari mw’isi". Ibyahishuwe 8,13

Benshi barananiwe kubw’ako kaga. ntibabonye ubuhungiro, kuko iyi si yose ari iy’uwo mubi. Ibihugu byose bisezerana kuvanaho abakristo bose. Umukuru w’iyi si yari amaze guhabwa ubutegetsi. Abana bagambaniye ababyeyi babo, barabicisha.

Byasohoye nk’uko byanditswe muri Luka 21:16 ngo, namwe muzagambanirwa n’ababyeyi banyu, ndetse n’abavandimwe na bene wanyu n’inshuti zanyu, bazicisha bamwe muri mwe. Namwe muzangwa na bose babahora izina ryanjye. Ntibishoboka gusobanura neza iby’icyo gihe, ariko Imana yerekanye ibyo byose mu gitabo cy’ Ibyahishuwe.Abo bantu baririra muri uwo mubabaro bagira bati :" Mana, gabanya iyi minsi.

Nshuti yanjye ! Ba Maso ntuzasigare inyuma. Jya imbere y’Imana, wicishije bugufi, ubone umucyo n’ubuntu. Uyu munsi ushobore gushyirwaho ikimenyetso cy’uko ubaye umuntu wa YESU Kristo, ukazajyana nawe agarutse kujyana abe.

IMANA IBAHE UMUGISHA

Iyi nkuru mwayiteguriye kandi
muyigejejweho na

NYILINKINDI .J.Bosco.
C/O www.Jesus.rw

Ncuti mukunzi w’urubuga rw’ivugabutumwa www.agakiza.org ,
Mu rwego rwo gusoza uyu mwaka w’2013, Agakiza Family yakugeneye ubutumwa bwo kugushimira ubufatanye watugaragarije muri uyu mwaka wose umaranye natwe. Twizera ko Imana yubatse ubugingo bwawe binyuze ku rubuga www.agakiza.org. Mu izina ry’Agakiza Family, nyemerera na none mbonereho kukwifuriza umwaka mushya muhire w’2014.

Agakiza.org ni urubuga rw’ivugabutumwa, rufite intego yo kwamamaza ubutumwa bwiza bwa Kristo ku bari hafi no ku bari kure nk’uko Yesu yadusigiye itegeko ryo kwamamaza ubutumwa bwiza mu mahanga yose (Matayo 28:18-20).

Uru rubuga rwashinzwe mu rwego rwo gufasha abantu kwakira Kristo no kwegerana na we, bimaze kugaragara ko harimo kuvuka imbuga za internet nyinshi zikorerwaho imirimo y’urukozasoni, kandi ko abantu benshi batakibona umwanya uhagije wo kujya mu rusengero kubera akazi kenshi.

Muri uyu mwaka twageze kuri byinshi mu rwego rwo kwamamaza ubutumwa bwiza. Muri byo harimo:

- Inyigisho z’ijambo ry’Imana, ibiterane mu gihugu no hanze yacyo n’amahugurwa atandukanye.
- Ku gakiza.org hatambutse amakuru ku iyobokamana, ibiterane byabereye mu Rwanda no hanze (nko mu Burundi no mu Buhinde), kumenyekanisha ibikorwa by’amakorali n’abahanzi nk’ibiterane by’ivugabutumwa, launch…, ubuhamya bw’abantu batandukanye burimo amashimwe n’ibitangaza Imana yakoze.
- Muri uyu mwaka wa 2013 kandi, twakoze ibiterane mu gihugu cyose mu nsengero zitandukanye, kandi twabonye Imana ikora ibitangaza kuko yatwongereye abakizwa, abandi barabohoka ndetse n’indwara zirakira.

- Twakoze kandi urugendoshuri mu gihugu cya Isirayeli, ibyo bikaba byaratumye dusobanukirwa kurushaho iby’iyobokamana ndetse bifasha n’abasomyi bacu kumenya ayo mateka.
- Ku bijyanye n’amahugurwa, twahuguye abubatse ingo, urubyiruko n’abakozi b’Imana bakora imirimo itansukanye. Mu rwego rwo korohereza abakozi, Imana yadushoboje kubegera aho bakorera tuganira ijambo ry’Imana dukorana n’amahugurwa. Aha twavuga nko muri MINEDUC, MIFOTRA, RDB, UOB, MINAFFET, RNEC, RRA, ABACURUZI…
- Twabwirije ubutumwa bwiza ku ma Radiyo atandukanye.
- Ivugabutumwa ryacu ntiryagarukiye mu kwigisha ijambo ry’Imana no gutanga amahugurwa, twakoze n’ibindi bikorwa nko gufasha abatishoboye bo mu murenge wa Kicukiro kubona ubwisungane mu kwivuza (mutuelle de santé), no kwambika abakene bo mu murenge wa Gahanga. Twakoze n’umuganda rusange mu murenge wa Gahanga, tunatera inkunga abakora imyuga iciriritse.

- Agakiza.org kandi ku bufatanye n’ibitaro bya Nyamata, twazanye impuguke z’abaganga baturutse muri Amerika, bavura abantu basaga 1,250 ku buntu. Icyo gikorwa cyafashije abantu benshi babanaga n’uburwayi butandukanye.

Ntitwabashaga kugera kuri ibi byose ubwacu, ahubwo nawe wabigizemo uruhare ubwo wifatanyaga natwe. Udufashe gushimira Imana yatubashishije uyu murimo mwiza.
Imana iguhe umugisha, ubuyobozi bw’ agakiza.org

“Ubabariye umukene aba agurije Uwiteka, nawe azamwishyurira ineza ye”, ni ijambo ry’Imana ryanditse mu gitabo cy’Imigani 19:17, akaba ari na yo ntego y’igiterane cyo gukusanya inkunga yo gufasha Abanyarwanda birukanywe muri Tanzania cyateguwe n’Umuryango Agakiza Family ukorera mu Rwanda mu Karere ka Kicukiro.

Nk’uko bitangazwa n’Umuyobozi wa Agakiza Family, Pasiteri Habyarimana Desire, ngo umuryango ayoboye ushinzwe gushaka no gukiza icyazimiye binyuze mu ivugabutumwa (ni nacyo izina ry’umuryango risobanuye mu rurimi rw’Icyongereza), ariko kandi ngo hanakorwa gahunda zo gufasha abababaye kuko Yesu yabitegetse ko abantu bakwiriye no gufasha abakene. Yongeyeho ati: “Ntidukwiriye kuvuga ubutumwa mu magambo gusa”.

Abanyarwanda birukanywe muri Tanzania bazafashwa n’uyu muryango, ni abagera kuri 65bakuwe mu nkambi bajya gutuzwa mu Murenge wa Gahanga mu Karere ka Kicukiro. Gusa nk’uko Pasiteri yakomeje abivuga, ngo kuri ubu bacumbikiwe mu byumba by’amashuri, bakaba bakeneye ibiribwa ndetse n’ibikoresho by’isuku.

Pasiteri Habyarimana Desire yadusobanuriye ko iki giterane giteganijwe ku Cyumweru tariki ya 5 Gicurasi 2014 mu nzu mberabyombi ya Women Foundation ku Kimihurura (ku muhanda w’amabuye); kikazatangira saa saba kigasozwa saa kumi n’ebyiri z’umugoroba (13h-18H). Abazitabira iki giterane bazataramirwa n’abahanzi nka Alexis Dusabe, Isaie Uzayisenga, Frere Manu (Rubavu) n’abandi.

Pasiteri Desire yaboneyeho kurarika abantu bose kuzitabira iki giterane, kuko ibiteganijwe byose (amagambo y’Imana n’indirimbo) byose bizahembura abantu.

Italiki Igikorwa Aho kizabera Uzagikora
12-18/10/2015 Igiterane ADEPR Paroisse Remera Pastor Desire
30-31/10/2015 Igiterane UR/Campus Huye Pastor Desire
7-8/11/2015 Igiterane ADEPR Paroisse Ruvumera Pastor Desire
29/11/2015 Igiterane Salle ya Four Square Kimironko Agakiza Family

Italiki Igikorwa Aho kizabera Uzagikora
12-18/10/2015 Igiterane ADEPR Paroisse Remera Pastor Desire
30-31/10/2015 Igiterane UR/Campus Huye Pastor Desire
7-8/11/2015 Igiterane ADEPR Paroisse Ruvumera Pastor Desire
29/11/2015 Igiterane Salle ya Four Square Kimironko Agakiza Family

Mwenedata mukunzi w’agakiza.org

Tunejejwe no kukwifuriza amahoro y’Imana, kuba warahisemo kujya ukurikira ijambo ry’Imana n’ibindi dutambutsa kuri uru rubuga Imana iguhe umugisha. Mu gihe tumaranye twizera ko hari ibyo umaze kunguka byaguhembuye mu Mwuka kandi ko wize ubwenge bwo kubaha Imana, ukaba warabonye ijambo rigukomeza mu bibazo unyuramo bya buri munsi, twizera ko wahishuriwe umugambi Imana igufiteho.

Ubusanzwe dukorera ivugabutumwa kuri uru rubuga nta rwunguko urwo ari rwo rwose tugamije keretse kuzana abantu kuri Yesu. Uru rubuga nta dini cyangwa itorero rushamikiyeho, dufasha amatorero ya Gikristo gukangukira gushyira mu bikorwa inshingano nkuru Yesu yadusigiye yo kujyana ubutumwa bwiza kugera ku mpera y’isi. Matayo 28:18-20. Abantu badukurikira buri gihe basaga ibihumbi mirongo icyenda ( 90,000) biyongera buri gihe.

Tumaze imyaka itanu dutangiye uyu murimo hamaze gukizwa abatari bake bari ku isi yose. Kubw’ iyo mpamvu turagusaba gukomeza kuba umufatanyabikorwa wacu mu kudusengera, kudufasha kumenyekanisha uru rubuga, kutugira inama no gutanga ubutunzi bwawe kugirango iri vugabutumwa ribashe kugera kuri benshi bishobotse rujye mu zindi ndimi byatuma abatari bake bakizwa.

Dufite isabukuru y’imyaka itanu taliki ya 29/11/2015 ikazabera kuri Salle ya FourSquare Kimironko saa munani. Iyi sabukuru ikazahuza abakunzi b’agakiza.org hamwe n’abandi bose bifuza kumva ubutumwa bwiza mu giterane cyiswe imbaraga z’ubutumwa bwiza, Abaroma 1:16.

Mwese muraritswe!! Mudufashe kumenyesha abandi. Murakoze.

Tunejejwe no kukwifuriza amahoro y’Imana uzagire umwaka mushya muhire, kuba warahisemo kujya ukurikira ijambo ry’Imana n’ibindi dutambutsa kuri uru rubuga Imana iguhe umugisha.

Nk’ Umunyamuryango wa agakiza.org twifuje kukugezaho bimwe mu bikorwa binini tuzakora uyu mwaka wose kugira ngo mudufashe kubisengera no kubishyigikira:

1. Tuzakora ibiterane 4

- Mu Buhinde kuva taliki ya 25-28/02/2016
- Huye taliki ya 11-13/03/2016
- Rwamagana ukwezi kwa 7/2016
- Kigali ukwezi kwa 11/2016

2. Gukomeza gukoresha website nk’ umwe mu miyobora y’ ivugabutumwa:

3. Amahugurwa:

Mu rwego rwo gufasha abagize Agakiza Family kumenya uko bakoresha impano n’ubundi bushobozi bifitemo mu buryo zakoreshwa mu gushaka no gukiza icyazimiye ndetse no kubaho mubuzima bubafasha gukomera muri uru rugendo, twifuje kuzahugura ibyiciro bitandukanye dukurikije icyerekezo (iyerekwa) ry’Agakiza.Org.
ibyo byiciro ni ibi bikurikira

1. Abubatse ingo,
2.Urubyiruko
3. Abakozi ba Leta
4. Abikorera
5. Abacuruzi,

Nkuko mubizi dukorera ivugabutumwa kuri uru rubuga nta rwunguko urwo ari rwo rwose tugamije keretse kuzana abantu kuri Yesu.

Uru rubuga nta dini cyangwa itorero rushamikiyeho, dufasha amatorero ya Gikristo gukangukira gushyira mu bikorwa inshingano nkuru Yesu yadusigiye yo kujyana ubutumwa bwiza kugera ku mpera y’isi. Matayo 28:18-20.

Mu rwego rwo kurushaho kwegera abakunzi bacu aho bari hirya no hino kw’ isi yose twifuzako mwatwandikira kuri email: [email protected] kugira ngo tubone uko tuzabagezaho amakuru yacu mubaye mukoreshwa whatsapp mwatwandikira kuri iyi numero +250788422984 ibyo bizadufasha kubagezaho ibikorwa duteganya gukora kandi twifuzako mwadufasha kumenyesha inshuti zanyu ibyiza binyuzwa ku agakiza.org Murakoze.

Imana ibahe umugisha!

Ncuti muvandimwe dusangiye inzira ijya mu ijuru, ndakuramukije. Amahoro y’ Imana abane namwe.

Nk’uko ubizi, intego yacu ni ukugeza ubutumwa bwiza ku bantu bose. N’ubu rero ntiyahindutse, turacyakomeje kwamamaza ubutumwa bwiza mu mahanga yose (Matayo 28:18-20).

Nkuko rero usanzwe udufasha mu murimo w’ Imana dukora wo kuzana abantu kuri Yesu, nkwandikiye nifuza kukumenyesha ko agakiza.org tuzakorera igiterane mu Buhinde kubufatanye na Trichy African Fellowship taliki ya 26-28/02/2016

Bukaba ari n’ uburyo bwiza bwo kugeza ubutumwa bwiza kubatarabwumva na rimwe.

Igiterane cyose kizatwara 1900000 rwf (2500$).

Kubwo iyo mpamvu twifuza kubasaba inkunga yo gutegura iki giterane nk’umufatanyabikorwa wacu tumaranye igihe kandi no gukomeza gushyigikira websitewww.agakiza.org

Abifuza gushyigikira iki gikorwa babitumenyesha kuri:

Telephone: +250788422984
+250788498910
Email: [email protected]

Nshuti muvandimwe dusangiye inzira ijya mu ijuru tukanahuzwa n’agakiza family, ndakuramukije mu izina rya Yesu. Amahoro y’ Imana abane nawe.

Nkuko byagiye byifuzwa na benshi ko abagize agakiza family n’abakunzi b’urubuga www.agakiza.org muri rusange, ko bajya bahura rimwe mu gihebwe bakaganira ku ntego nyamukuru y’ubutumwa bwiza, turabamenyesha ko ubuyobozi bw’Agakiza family bwateguye ihuriro kuri uyu wa gatandatu tariki 02/04/2016, rikazabera Kicukiro Centre munsi ya Banque Populaire kuva saa tatu kugera saa cyenda (9h00’-15h00’).

Dore bimwe mu bikorwa bizakorerwa muri iryo huriro

 Kumenyana cg kwibwirana mu buryo buhagije ku buryo buri wese amenya mugenzi we nk’abavandimwe bagize umuryango w’Agakiza family.
 Kugezwaho iyerekwa ry’Agakiza (uburyo bwo kuzana abantu kuri kristo hakoreshejwe ikoranabuhanga).
 Kugezwaho ibikorwa bizakorwa mu bihebwe bitatu(3) bisigaye by’uyu mwaka.
 Kumenya uruhare rwacu mu gufasha amatorero duturukamo uko yakomeza inshyingano nyamukuru twasigiwe na Yesu (kubwiriza ubutumwa bwiza kugera ku mpera y’isi,Matayo 28:19-20).
 Ubusabane

Ubuyobozi bw’Agakiza family bukomeje kubashimira uburyo mudahwema kubushyigikira ndetse n’urukundo mugaragaza ko mukunda ivugabutumwa kandi bubifurije kurushaho gukora umurimo w’Imana nk’abakorera ikamba ritangirika.
Ugeze kicukiro centre wahamagara kuri numero ikurikira ugahita ubona ukuyobora:

Telephone: +250788422984, 0788752625
+250788498910, 0788440690

NB: Muzitwaze itike y’urugendo gusa!
Nimuze mwumve kandi musobanukirwe intego nyamukuru Yesu yasigiye itorero!

Korali Evangelique ibarizwa mu Karere ka Rubavu mu Itorero rya ADEPR
Paruwasi ya Gisenyi ku Mudugudu wa Bethifage yateguye urugendo rw’ivugabutumwa ruzamara iminsi ibiri ruzabera mu itorero ADEPR Kicukiro umudugudu wa Nyakabanda .

Uru ruzinduko ruje rusubiza ubutumire bw’urubyiruko rusengera kuri uyu mu dugudu wa Nyakabanda, abo bateguye igiterane cy’ububyutse cyahawe intego iboneka muri Nehemiya 2 :7-20, kikaba gitegerejwe mu mpere z’iki cyumweru tariki ya 02 -03 Nyakanga 2016, aho korali Evangelique izaba iri kumwe na Korali Galeedi ndetse na Korale Sion zo kuri uyu mudugudu wa Nyakabanda hamwe n’abandi bavugabutumwa batandukanye.

Bwana Harerimana Faustin umuyobozi wa Evangelique yadutangarije ko uru ruzinduko ruje mu gihe imaze iminsi yitegura gukora umuzingo wa kabiri w’indirimbo zabo z’amashusho mu gihe kitarambiranye ngo zikazaba zageze ku isoko, ku uruhande rwa Adepr Kicukiro by’umwihariko umudugudu bazakoreraho ivugabutumwa, Pastor Alexis SINDAYIGAYA akaba asaba abantu bose basanzwe bakunda iyi korali by’umwihariko abatuye mu mujyi wa Kigali kutazabura muri iki giterane, ku ruhande rwabo ngo imyiteguro basa nk’abagiye kuyirangiza.

Umudugudu wa Nyakabanda utumira abantu bose muri icyo giterane

Kuri uyu wa Gatandatu Tariki ya 02 Nyakanga 2016, korali Betaniya yo mu itorero ADEPR Rubavu, Paruwasi ya Gisa umudugudu wa Ruhangiro yakoze urugendo rw’ivugabutumwa mu kigo Iwawa Rehabilitation Center giherereye ku kirwa cy’ I Wawa, aho abari hagati ya 300 – 400 bakiriye agakiza.

Umuyobozi w’iki kigo Bwana BIZIMANA Servelien yatangarije agakiza.org ko ikigo ayoboye cyatangiye tariki ya 10 Gashyantare 2010 aho ku ubufatanye na MYICT bafasha urubyiruko rwokamwe n’ibiyobyabwenge babigisha imyuga itandukanye no kwihangira imirimo, bakaba banakorana n’amadini n’amatorero bya gikirisito atandukanye mu bikorwa by’ivugabutumwa aho kuri ubu bamaze gusinyana amasezerano y’ubufatanye n’atari macye, akaba ari no muri urwo rwego korali betaniya yaje mo.

Abayobozi batandukanye bari muri iki giterane

Korali Betaniya yari iherekejwe n’abakozi b’Imana batandukanye barimo umushumba w’itorero ADEPR Gisa Pastor MIKATIRE Elizaphan, Pastor HABYARINKA Jean De Dieu na Pastor IYAKAREMYE Jean Claude, bose hamwe bakaba barageraga kuri 57, bakiranywe urugwiro n’ubuyobozi bw’ishuri ndetse n’abashinzwe umutekano kuri iki kirwa, Bwana BIZIMANA akaba yakomeje ashimira amatorero n’amadini bafatanya icyo gikorwa dore ko ngo asanga bitanga umusaruro munini kuko benshi bamaze gukira ubu bubata bw’ibiyobya bwenge, ikindi ngo uretse kuza kuvuga ubutumwa Iwawa, amadini ya Gikirisitu akomeza gukurikirana aba banyeshuri iyo basubiye mu buzima bisanzwe, aho gusubira kurara mu biraro no ku makarito bakabafasha mu buryo butandukanye bwo kubaho neza.


Bahagurutse I Rubavu saa kumi n’ebyiri za Mugitondo berekeza I Wawa ( 06:00Am)


Habura iminota igera ku icumi dore uko barebaga I Wawa


Nyuma y’isaha ebyiri n’iminota 40 Bamaze kugera Iwawa


Bafashijwe bikomeye n’indirimbo n’ubutumwa byahavuguwe


Korali Betaniya iririmba

Dusome: Abaroma 12:9 "Urukundo rwanyu rwe kugira uburyarya, mwange ibibi urunuka muhorane n’ibyiza."

Amahoro y’Imana abe muri mwe benedata. Tugiye kwiga inyigisho ifite umutwe uvuga ngo "Ntugacumbikire uburyarya umuturanyi mubi w’urukundo", Yesu ajya kuva mu isi asubira mu ijuru yongeye kwibutsa abantu itegeko rikuru ryo Gukundana. Ati "Mukundane nk’uko nabakunze ( Yohana 13: 34)."

Mbibutse ko aha iyi nyigisho yari igarutse kenshi, byerekana ko yari abizi neza ko igihe kizagera hakaboneka ibituma badakundana, ibi ntibyatinze kuko umuntu wo muri iyi myaka arabyibonera, isi ya none urukundo ruturanye cyane n’uburyarya, urukundo rwabaye nk’imishinga ibyara imyungu, urasanga umuntu akwereka ko agukunda nyamara ari imibare ( kuko hari icyo agamije kukungukamo).

Ingo nyinshi zirasenyuka umusubirizo bitewe n’uko nta rukundo rwigeze rubaho mu bashakanye, abantu barategura gatanya mbere y’ubukwe, akakwereka ko muzabana akaramata, Nyamara afite imibare ko muzagabana umutungo ubundi akigendera, umwana ntatinya guhemukira umubyeyi we, n’ibindi, Ibi byose ni ikibazo gikomeye kandi Isi nta gisubizo ubwayo yabona ariko Imana yacu ni yo gisubizo.

Mu rwandiko rwa 1 Petero 2:1-2 dusangamo igisubizo, Ni mu amagambo avuga ngo "Nuko mwiyambure igomwa ryose n’uburiganya bwose, n’uburyarya n’ishyari no gusebanya kose, mumere nk’impinja zivutse vuba, mwifuze amata y’umwuka adafunguye, kugira ngo abakuze abageze ku gakiza". Urukundo nya rukundo rurihangana rukagira neza, urukundo ntirugira ishyari, urukundo ntirwirarira, ntirwihimbaza, ntirukora ibiteye isoni, ntirushaka ibyarwo, ntiruhutiraho, ntirutekereza ikibi ku bantu..... 1 Abakorinto 13:5-.

Nta wundi uzaduhitiramo kureka uburyarya, uretse amahitamo yacu bwite niyo azadufasha kutabucumbikira, ahubwo tukimika urukundo nya rukundo muri twe. Murakoze Yesu abahe umugisha.

Yari mwene So Ernest RUTAGUNGIRA

Umujura ntazanwa n’ikindi keretse kwiba no kwica no kurimbura, ariko jyeweho nazanywe no kugira ngo zibone ubugingo, ndetse ngo zibone bwinshi. (Yohana 10:10)

Hari muri Mata 1994 Imyaka 23 irashize Satani yifuje kurimbura u Rwanda n’Abanyarwanda ariko ntiyabigezeho kuko Yesu atanga Ubugingo bwinshi.

Akaga k’indengakamere katumye tubura abacu n’ibyacu. Si ibyo gusa ahubwo amarangamutima yarakomeretse bikabije n’umubano wacu n’Imana urahungabana kuko tutumva Impamvu twaguweho n’akaga kangana gatyo.

Hashimwe Yesu utanga Ubugingo bwinshi:
Iyo urebye aho igihugu kigeze mu iterambere,imibanire y’abantu n’ abandi, gusenga, kwiyubaka, agaciro, umutekano, amahoro uhita ubona urukundo rw’Imana n’Ubugingo Imana itanga.

Turasabwa kuba maso cyane no gusenga dukumira ibibi bizanwa na Satani kuko we ahora ahindura uburyo abikoramo bikitwa irindi zina gusa, iyo urebye: ubusinzi, ibiyobyabwenge mu rubyiruko, abakobwa bicuruza, gutandukana kw’abashakanye , induru ziri mu matorero ubona Satani agikomeje gukora ariko duhagurukiye rimwe buri wese agakora ibiri mu nshingano ze Satani azatsindwa tubeho mu byiza Imana yaduteguriye.

Imana yaturokoye urupfu rukomeye iracyakomeje kuturokora, twikomeze ku Mana itanga ubugingo bwinshi.

Niba wifuza gusengerwa cyangwa kugisha inama, waduhamagara kuri +250788422984. Dusengera ibyifuzo by’abantu k’ubuntu. Sangiza ubu butumwa inshuti zawe.
Pastor Desire
www.agakiza.org
Fcbk: Agakiza.org
Chaine YouTube: Agakiza.org

KUVA 33.21-22
21. Kandi Uwiteka ati “Hariho ahantu bugufi bwanjye, nawe uzahahagarare ku rutare »
Bugufi bw’Imana ni ku rutare, kandi urwo rutare nta rundi, ni Kristo!{}

Iyo wageze ku rutare, ibyananiranye birashoboka, ukanukirwa n’ibyo wakundaga; uburaya burashira, icyaka kigashira, n’ibindi nkibyo.

Iyo umuntu yinjiye mu gitare, abona Imana: iyo uri mu nzira neza, muri Yesu, uhingukira mu kuri, ugahabwa ubugingo.
Abisirayeli bava muri Egiputa, ntibagiraga inyota, "Kuko banywaga ku gitare cy’Umwuka cyabakurikiraga, kandi icyo gitare cyari Kristo" (1Kor 10.4).
Yesu na we yigisha abantu, yababwiye ko umuntu wumva amagambo ye akayakomeza "Asa n’umuntu wubaka inzu, agacukura hasi cyane akageza urufatiro ku rutare. Nuko umugezi wuzuye uhururira kuri iyo nzu ariko ntiwabasha kuyinyeganyeza, kuko yubatswe ku rutare (Luka 6.48)."

Nta bwo umuntu acukura ngo abashe kugera ku rutare atiyushye akuya, Uko gushyiramo agatege, umuntu yihana, yiyeza ku gato no ku kanini, ni ko gucukura.
Ariko hari ahandi abantu bajya bubaka hatari ku rutare, ahubwo ari mu manegeka;nk’ abubaka ku bwiza, ku miryango, ku butunzi, ku mugabo,akazi n’ibindi nkibyo.

Cukura wubake ahakomeye, ku rutare, kuko ibyo bindi byose nta cyo byakumarira ku munsi mubi!
Uwiteka, duhe kubaka ku rutare

Mwakire neza, ijambo ry’Imana
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 10, Ukwezi kwa gatanu, turasoma mu Abaroma 1:8-17

8.Irya mbere mwese mbashimiye Imana yanjye muri Yesu Kristo, kuko kwizera kwanyu kwamamaye mu isi yose.
9.Imana nkorera mu mutima wanjye mvuga ubutumwa bwiza bw’Umwana wayo, ni yo ntanze ho umugabo yuko mbasabira urudaca uko nsenze,
10.kugira ngo naho byamera bite, Imana yemere kungendesha amahoro ubu ikangeza iwanyu,
11.kuko nifuza kubonana namwe kugira ngo mbahe impano y’Umwuka ngo ibakomeze,
12.tubone uko duhumurizanya mwebwe nanjye, mpumurizwe no kwizera kwanyu namwe mube muhumurijwe n’ukwanjye.
13. Ariko bene Data, sinshaka ko mutamenya yuko kenshi nagambiriraga kuza iwanyu, ngo mbone imbuto muri mwe namwe nko mu yandi mahanga, ariko ngira ibisībya kugeza na n’ubu.
14.Abagiriki n’abatari Abagiriki, abanyabwenge n’abaswa mbafiteho umwenda,
15.ni cyo gituma ku bwanjye nshaka kubabwira ubutumwa bwiza namwe abari i Roma.
16. Erega ubutumwa bwiza ntibunkoza isoni: kuko ari imbaraga y’Imana ihesha uwizera wese gukizwa, uhereye ku Muyuda ukageza ku Mugiriki,
17. kuko muri bwo ari na mo gukiranuka kuva ku Mana guhishurirwa, guheshwa no kwizera kugakomezwa na ko, nk’uko byanditswe ngo “Ukiranuka azabeshwaho no kwizera!


Ikibazo kidufasha gusobanukirwa umusomyi

1. Ibyo nsomye birambwira ibya nde, kandi biranyigisha iki?
2.Mbese mu byo nsomye harimo itegeko nkwiriye kumvira?


Ubusobanuro bw’umusomyi

Niyo ntanzeho umugabo (9): Pawulo ahamanya n’umutima we imbere y’Imana ko atabeshya. .Hari igihe abantu bivuga ibyo batari byo cyane cyane iyo bashaka kunezeza abandi. Zirikana ko Imana ireba ibiri mu mitima y’abantu, bigutere kuyikorera utaryarya (1Sam.16.7). Mbese ujya ufata umwanya wo gusengera bene data muri Kristo Yesu ? *Ubutumwa bwiza ni imbaraga y’Imana (16):* Pawulo afite ishema n’ishyaka byo kuvuga ubutumwa bwa Yesu Kristo, kuko kumva ijambo ry’Imana ari byo bituma abantu bizera bagakizwa (10.17). Kubwiriza ubutumwa abifata nk’inshingano ikomeye ndetse nk’umwenda abereyemo abantu bose (14). Mbese ujya ugira umwete wo kubwira abandi ibya Yesu Kristo? Zirikana ko ibi atari inshingano z’abashumba gusa, ahubwo ko ari ibya buri wese wamaze kwakira Yesu nk’Umwami n’Umukiza. Indir.285 Gushimisha

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa mbere tariki ya 08/04/2019 turasoma mu UMUBWIRIZA 6.1-12
1.Hariho ikibi nabonye munsi y’ijuru kijya kiremerera abantu:
2.Umuntu Imana yahaye ubutunzi n’ubukire n’icyubahiro, ntabure ibyo umutima we wifuza byose, ariko Imana ntimuhe inda yo kubirya, ahubwo umushyitsi akaba ari we ubyirīra, ibyo na byo ni ubusa, n’indwara mbi.

3.Umuntu ubyaye abana ijana akarama imyaka myinshi, iminsi yo kubaho kwe ikagwira ariko umutima we ntuhage ibyiza, akabura n’aho ahambwa, ndavuga yuko bene uwo arutwa n’inda yavuyemo.

4.Kuko iyo nda iza ari ubusa ikagenda mu mwijima, kandi izina ryayo ritwikiriwe n’umwijima,

5.Ndetse ntiyigeze kubona izuba haba no kurimenya, iyo nda iba iguwe neza kuruta wa wundi.

6.Naho yarama imyaka ibihumbi bibiri atanezezwa n’ibyiza, mbese bose ntibajya hamwe?

7.Imirimo yose umuntu akora aba akorera inda ye, nyamara ntashira umururumba.

8.Umunyabwenge arusha umupfapfa iki? Umukene uzi kwitondera imbere y’abakiriho aba afite iki?

9.Kubonesha amaso biruta kuzerereza umutima. Ibyo na byo ni ubusa, ni nko kwiruka inyuma y’umuyaga.

10.Ikiriho cyose cyiswe izina kera kandi umuntu azwi icyo ari cyo, ntashobora kurwanya umurusha amaboko.

11.Ko haba ibintu byinshi bigwiza ibitagira umumaro, ibyo byungura umuntu iki?

12.Noneho ni nde wamenya ikigirira umuntu umumaro akiriho, mu minsi yose yo kubaho kwe kutagira umumaro igahita nk’igicucu? Ni nde wabasha kubwira umuntu ibizaba munsi y’ijuru mu nyuma ze?

Ibibazo bidufasha gusobanukirwa
1.Ibyo nsomye birambwira ibya nde, kandi biranyigisha iki?
2.Ibyo nsomye biranyigisha iki
- Ku Mana data wa twese?
- kuri yesu kristo?
- ku mwuka wera?
3.Mbese mu byo nsomye harimo:
- Urugero rwiza nakurikiza?
- Urugero rubi nakwirinda?
4.Mbese mu byo nsomye harimo:
- Itegeko nkwiriye kumvira?
5.Mbese mu byo nsomye harimo:
- Icyo Imana yansezeranyije?
6.Mbese mu byo nsomye harimo:
- ijambo rimburira?

Ubusobanuro bw’umusomyi

Ni nde wamenya ikigirira umuntu umumaro akiriho? (12): Umubwiriza ntiyumva ukuntu Imana iha umuntu ibyakamuteye umunezero birimo ubutunzi, ubukire n’icyubahiro, ariko bikarangira atanyuzwe kubera kubura inda yo kubirya, ahubwo bikaribwa na rubanda. Ubundi ibyo byose kubigira ntacyo byari bitwaye. Ariko iyo bitarimo kubaha Imana, byose birangira ari ukwiruka inyuma y’umuyaga. Uko twaba turi kose, ibitugirira akamaro bikaduhesha umugsha ni ukuzirikana ko muri iyi si turi abashyitsi n’abimukira (1Ngoma 29.14-15).

Ni nde wabasha kubwira umuntu ibizaba mu nsi y’ijuru mu nyuma ze? (12). Ntawe. Kuko ikuzimu aho uwo muntu ajya nta mirimo nta n’imigambi ihaboneka (Umubw.9.10). Muri iyi si ni ho abatunzi bakwiye gutegurira iby’inyuma y’ubu buzima aho kwibera mu kudamarara, kukazakurikirwa no kubabara iteka (Luka 16.19,22-23) Icyifuzo: Sengera abantu bahorana umururumba w’ibintu byinshi bikabatera kubuza abandi umutekano, kugirango bamenye ko Yesu ahaza bemere kumwakira.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 9, Ukwezi kwa gatanu, turasoma mu Abaroma 1:1-7

1Pawulo imbata ya Yesu Kristo, wahamagariwe kuba intumwa, kandi watoranirijwe ubutumwa bwiza bw’Imana,
2ubwo yasezeranije kera mu kanwa k’abahanuzi bayo mu byanditswe byera,
3buvuga iby’Umwana wayo wavutse mu rubyaro rwa Dawidi ku mubiri,
4kandi werekanywe n’ubushobozi ko ari Umwana w’Imana mu buryo bw’Umwuka Wera bigahamywa no kuzuka kwe, ni we Yesu Kristo Umwami wacu.
5Ni we waduhesheje igikundiro no kuba intumwa ku bw’izina rye, kugira ngo mu mahanga yose habemo abumvira Imana babiheshwa no kwizera,
6kandi namwe muri muri bo, abahamagariwe kuba aba Yesu Kristo,
7ndabandikiye abari i Roma mwese bakundwa n’Imana, bahamagariwe kuba abera. Ubuntu bube muri mwe n’amahoro biva ku Mana Data wa twese, no ku Mwami wacu Yesu Kristo.

Ibibazo bidufasha gusobanukirwa:

Ibyosomye biranyigisha iki :
- Ku Mana data?
- Kuri Yesu kirisito?
- No ku mwuka wera?

Ubusobanuro bw’umusomyi

Pawulo imbata ya Yesu Kristo wahamagariwe kuba intumwa
(1). Ijambo “imbata” risobanura umuntu waguzwe na she.buja ngo abe uwe kandi amukorere. Kuba imbata byumvikanaga nko kuba usuzuguritse, nyamara Pawulo we abivugana ishema kubera urukundo afitiye shebuja n’icyubahiro ahabwa no kumubera intumwa. Kumenywa no gutoranywa n’lmana Isumba byose ni iby’igiciro. Aho tujya tuzirikana ko agaciro dufite twagahawe n’lmana? Ni we waduhesheje igikundiro no kuba intumwa (5): Ubutumwa Pawulo yahawe ni ubwo kumenyekanisha Yesu Kristo, umwana w’lmana, uwo ibyanditswe byera byari byarahanuye kuva kera (Luka 24.44). Kuri we umurimo yahawe wo kuba intumwa ni uw’igikundiro. Pawulo yaterwaga ishema no kuba yaratumwe ku bantu batari bafite ibyiringiro bitwa abanyamahanga. Abaroma yandikira na bo bari muri abo. Inkuru nziza Pawulo yabagejejeho ni uko abari muri Yesu bose, nta teka bazacirwaho (Rom.8.1) kandi ko bazaraganwa na Kristo (Rom.8.16-17). Imana ishimwe ko natwe iyo nkuru yatugezeho ku buntu, Ubu tukaba dufite amahoro ava ku Mana Data wa twese no Kuri Yesu Kristo. lndirimbo105 mu Gushimisha.

[email protected]

ZABURI 44.2-4
4.Kuko atari iyabo nkota yabahaye guhindūra igihugu, kandi atari ukuboko kwabo kwabakijije, ahubwo ni ikiganza cyawe cy’iburyo, n’’ukuboko kwawe n’umucyo wo mu maso hawe,kuko wabīshimiraga.

Iyi ndirimbo ni indirimbo ya bene Kora, ivuga ku bwoko bwa Isirayeli;burya ikintu cya mbere umuntu wamenye Imana aba akwiye kugira intego mu buzima bwe, ni UKWISHIMIRWA N’IMANA kuko iyo Imana ikwishimiye hari ibyo ihindura ku buzima bw’umuntu wayeguriye ubuzima bwe.

Ese wakora iki kugira ngo Imana ikwishimire?

1.Kwihana:Iyo umuntu yihannye neza ibyaha bye byose, ako kanya Imana ihita imwishimira; Ibindi byose wakora (gusenga, guterana, gutura, n’ibindi) na byo ni byiza, ariko si byo byatuma Imana ikwishimira; aha twakwibuka ko igihe umwana w’ikirara yamaraga kwisubiramo, akihana akagaruka kwa se, se yaramwishimiye cyane ndetse amukoreshereza n’umunsi mukuru (Luka 15.32)

2.Kuba Uwera
:Ijambo ry’Imana rigira riti: Abera bo mu isi ni bo mfura nishimira bonyine (Zaburi 16.3), kuba uwera birashoboka, kuko twezwa n’amaraso ya Yesu Kristo, Ijambo ry’Imana, Umwuka Wera, ndetse n’Imana ubwayo (1Yoh 1.7)

3.Kugira kwizera:Nta kindi Yosuwa na Kalebu bakoze cyatumye Imana ibishimira, uretse kwizera(Kubara 14.8)

Dore ingero 2 z’abantu bibiliya itwereka ko Imana yahamije ko ibishimira:

1. Umwami Dawidi (Ibyakozwe n’Intumwa 13.22):yakundaga guhimbaza Imana cyane, akayicurangira, akayiririmbira; yahimbye Zabura zisaga 70

Kandi yagiraga ishyaka ryinshi ry’umurimo w’Imana (1Samweli 17.26),akanamenya kwihana amaramaje no gusaba Imana imbabazi.Nawe nugira ishyaka ry’umurimo w’Imana ugaharanira ko utagibwaho igitutsi, Uwiteka azakwishimira;

2. Koruneliyo:Yubahaga Imana agakunda gusenga, akagira imirimo myiza myinshi n’ubuntu bwinshi (Ibyakozwe n’Intumwa 10.4)

Biragukwiriye ko niba waragize umugisha wo kumenya Imana, ukaba uri umukristo, haranira kubaho ubuzima Imana ikwishimira, kuko nibiba bityo ni bwo Imana izakwimura, ikagukura mu isi nk’uko yabikoreye Henoki (Itangiriro 5.23).

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu Wa mbere, tariki ya 22/04/2019 turasoma muri Mariko 16.9-20

9Nuko amaze kuzuka mu museke ku wa mbere w’iminsi irindwi, abanza kubonekera Mariya Magadalena, uwo yirukanyemo abadayimoni barindwi.
10Uwo aragenda abibwira ababanaga na we, asanga baganya barira bari mu majune.
11Na bo bumvise yuko ari muzima abonywe na we, ntibabyemera
12Hanyuma y’ibyo Yesu abonekera babiri muri bo afite indi shusho, bagenda bajya imusozi.
13Na bo basubirayo babibwira ba bandi, nyamara ntibabemerera na bo.
14Ubwa nyuma abonekera abigishwa be cumi n’umwe bicaye bafungura, abagaya ku bwo kutizera kwabo no kunangirwa kw’imitima kwabo, kuko batemereye abamubonye amaze kuzuka.
15 Arababwira ati “Mujye mu bihugu byose, mwigishe abaremwe bose ubutumwa bwiza.
16Uwizera akabatizwa azakizwa, ariko utizera azacirwaho iteka.
17Kandi ibimenyetso bizagumana n’abizera ngibi: bazirukana abadayimoni mu izina ryanjye, bazavuga indimi nshya,
18bazafata inzoka, kandi nibanywa ikintu cyica nta cyo kizabatwara na hato, bazarambika ibiganza ku barwayi bakire.”
19 Nuko Umwami Yesu amaze kuvugana na bo, ajyanwa mu ijuru yicara iburyo bw’Imana. 20Abo barasohoka bigisha hose, Umwami Yesu ari kumwe na bo abafasha, akomeresha ijambo rye ibimenyetso byagendanaga na ryo.

Ibibazo bidufasha gusobanukirwa umusomyi

1.Ibyo nsomye birambwira ibya NDE, kandi biranyigisha IKI?
2.Ibyo nsomye biranyigisha iki
- ku MANA Data wa twese?
- kuri Yesu Kristo?


Ubusobanuro bw’umusomyi:

Yesu abonekera Mariya Magadalena (9): Mariya Magadalena yari muntu ki? Ni we Yesu yirukanyemo abadayimoni barindwi; ni umuvandimwe wa Marita na Lazaro bose bari inshuti za Yesu; ni we wazanye amavuta meza y’amadahano ayamusuka ku birenge ayahanaguza umusatsi we (Yoh.11.2;12.1-3). Ni umwe mu bagore biyemeje kugura ibihumura neza bakabijyana ku mva ya Yesu (Mar.16.1). Mu gihe Yosefu yahambaga Yesu Mariya Magadalena yari ahari (Mat.27.61). Yesu amaze kuzuka ni we yiyeretste mbere y’abandi bose. Ibyo ukorera Yesu ntuzibwire ko ukorera indashima. Uko ari we wa mbere yiyeretse amaze kuzuka, nawe afite ubundi buryo azakwiyerekamo. Mujye mu bihugu byose mwigishe abaremwe bose ubutumwa bwiza (15): Iyi ni inshingano Yesu yahaye buri mukristo n’itorero rizavuka hanyuma. Abayuda n’abanyamahanga bose bagomba kubwirwa ubutumwa bwiza mu izina rya Yesu Kristo (Mat.28.19). Abazabwumva bakizera bazakizwa ariko abatizera bazacirwaho iteka (Yoh.3.18). Ni inshingano ya buri mukristo wese kugeza Inkuru Nziza y’agakiza ku bantu. Indir.414 Gushimisha.

[email protected]


UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu Wa kabiri, tariki ya 23/04/2019, turasoma muri Zaburi 69.1-18

1.Zaburi iyi yahimbiwe umutware w’abaririmbyi babwirisha inanga ijwi ryitwa “Amarebe.” Ni Zaburi ya Dawidi.
2. Mana, nkiza kuko amazi ageze no ku bugingo bwanjye.
3. Ndigise mu byondo birebire, Bidafite aho umuntu yahagarara, Ngeze muri nyina umuvumbi urantembana.
4. Kurira kuranduhije umuhogo wanjye urumye, Amaso yanjye yarerutse ngitegereza Imana yanjye.
5. Abanyangira ubusa baruta umusatsi wo ku mutwe wanjye ubwinshi Abashaka kundimbura bampora impamvu z’ibinyoma barakomeye, Ni bwo narihishijwe icyo ntanyaze.
6. Mana, ni wowe uzi ubupfu bwanjye, Ibyaha byanjye ntubihishwa.
7.Mwami, Uwiteka Nyiringabo, Abagutegereza be kumwazwa n’ibyanjye, Mana y’Abisirayeli, Abagushaka be guterwa igisuzuguriro n’ibyanjye.
8.Kuko nihanganira ibitutsi bakuntukira, Mu maso hanjye huzuye ipfunwe.
9. Mpindutse umushyitsi kuri bene data, N’umunyamahanga kuri bene mama.
10. Kuko ishyaka ry’inzu yawe rindya, Ibitutsi by’abagutuka byaguye kuri jye.
11.Ubwo nariraga ngahanisha umutima wanjye kwiyiriza ubusa, Byampindukiye ibitutsi.
12.Ubwo nambaraga ibigunira, Nabaye iciro ry’imigani kuri bo.
13.Abicara mu marembo baramvuga, Ndi indirimbo y’abasinzi.
14.Ariko jyeweho ni wowe nsenga Uwiteka, Mana, mu gihe cyo kwemererwamo, Ku bwo kugira neza kwawe kwinshi, Unsubirishe umurava w’agakiza kawe.
15.Unsayure mu byondo ne kurigita, Nkire abanyanga nkire n’amazi maremare.
16.Umuvumba we kuntembana, Imihengeri he kumira, Rwa rwobo rwe kumbumbiraho umunwa warwo.
17.Uwiteka, unsubize kuko imbabazi zawe ari nziza, Unkebuke nk’uko kugira neza kwawe ari kwinshi.
18.Kandi jyewe umugaragu wawe ntumpishe mu maso hawe, Kuko mfite umubabaro unsubize vuba.

Ibibazo bidufasha gusobanukirwa umusomyi

1. Ibyo nsomye birambwira ibya nde, kandi biranyigisha iki?
2. Ibyo nsomye biranyigisha iki
Ku MANA Data wa twese?
Kuri Yesu Kristo?
ku mwuka Wera?
3. Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Mana nkiza kuko amazi ageze no ku bugingo bwanjye (2): Akaga umwanditsi w’iyi Zaburi arimo, arakagereranya n’umuntu urigita mu isayo, ikaba ishigaje hato ngo imurengere. Ibi byose biraterwa n’abamwanga. Iyo ibibazo byabaye insobe, dushakira ubutabazi mu nzira nyinshi, nko mu bakomeye, mu bapfumu... Uyu we arataka, ariko azi uwo atakira uwariwe. Nubwo ibikomereye mutima wawe byaba biruta umusatsi wo ku mutwe, ntibigutinyishe, kuko Imana ikiza, ifite ibisubizo biruta ubwinshi uwo musatsi (Mat.10.30). Kuko ishyaka ry’inzu yawe rindya, ibitutsi by’abagutuka byaguye kuri jye (10): Ibyanditswe bitubwira ko ari iby’umugisha gutukwa n’abatizera batuziza Imana (Mat.5.11). Uyu mwanditsi yahuye na bo, bamuziza kugirira ishyaka inzu ya Data. Ni amagambo yakoreshejwe igihe Yesu yirukanaga abacuruzi mu rusengero. (Yoh.2.17). Iyo yabaye intantandaro yo gutangira kumuhiga ngo bamwice (Mar.11.15-18; Luka19.45-47). Nugera kuri urwo rwego, ntuzacike intege, kuko ibimeze bityo birushaho kugusunikira mu Mana no gukundwa na yo.

[email protected]

YESAYA 66.1-2
Uwiteka aravuga ati “Ijuru ni intebe yanjye, isi na yo ni intebe y’ibirenge byanjye. Muzanyubakira nzu ki, kandi aho nzaruhukira hazaba ari hantu ki?
2.Kuko ibyo byose ukuboko kwanjye ari ko kwabiremye, bikabaho byose.” Ni ko Uwiteka avuga. “Ariko uwo nitaho ni umukene ufite umutima umenetse, agahindishwa umushitsi n’ijambo ryanjye.

Iki kibazo Imana irakibaza buri wese, kugira ngo habeho kwisuzuma, umuntu amenye uko yubaka ubuturo bwayo bwera mu mutima we, ari rwo rusengero nyakuri;

Dore insengero eshanu( 5), bibiliya igaragaza ko zabayeho kugeza ubu:

Urusengero rwa mbere rwubatswe na Mose mu ihema, rwari rugizwe n’ibice bine( 4), aribyo: Urugo, hanze, ahera, n’ahera cyane.\

Urusengero rwa kabiri rwubatswe na Salomo:
 Uru rwo rwari ruteye ubwuzu kuko byinshi mu bikoresho byari birugize byari zahabu (2Ngoma 4.19); iyo rero abanyamahanga barubonaga bagiraga ishyari:

 Ni kimwe n’uko n’uyu munsi, iyo umuntu akijijwe neza yishimirwa n’Imana bitera ishyari abadayimoni, maze bakamugabaho ibitero byinshi biza mu buryo bw’ibigeragezo,
 Kuko iyo babona ko udasambana cyangwa ngo usinde, ahubwo ukorera Imana neza, birabarakaza;

Urwa gatatu rwubatswe na Zerubabeli, kuko ni we wasannye ruriya rwubatswe na Salomo nyuma yo gusenywa n’abanzi b’Abayuda (Ezira 5)

Urwa kane rwubatswe na Herode, atunganya neza urwo Zerubabeli yari yarubatse;

Urwa gatanu ni urugendanwa (umutima); ni yo mpamvu bigusaba guhora witwararitse, ukagira umutima umenetse, uhindishwa umushyitsi n’ijambo ry’Imana (1Kor 6.19).

Uru rusengero kandi na rwo rugomba kuba rufite bya bice bine(4), byari bigize ihema ry’Imana, ari byo:
Urugo:Twarugereanya n’i iyi mibiri yacu igomba kuba ibitambo bizima byera kandi bishimwa n’Imana;

Hanze
: Hanze h’umuntu ni ho hagaragaza uwo ari we imbere: ni yo mpamvu imivugire , imyifatire, n’imyambarire, byose biba bigomba kugaragaza agakiza.
Ahera:Hagereranywa no mu mutima w’umuntu, haba hakwiriye guhora hera.

Ahera cyane:Ubugingo bw’iteka,udafite ahera cyane muri wowe nta bugingo uba ufite,bivuze ko nta murage uba ufite wo kuzabana n’Imana mu ijuru.
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, tariki ya 26/04/2019, turasoma muri Zaburi 70.1-6

1.Zaburi iyi yahimbiwe umutware w’abaririmbyi. Ni iya Dawidi yahimbiwe kuba urwibutso.
2.Mana, tebuka unkize Uwiteka, tebuka untabare.
3’Abashaka ubugingo bwanjye bakorwe n’isoni bamware, Abishimira ibyago byanjye basubizwe inyuma, Bagire igisuzuguriro.
4.Abambwira bati “Ahaa, ahaa!” Basubizwe inyuma ku bw’isoni zabo.
5.Abagushaka bose bakwishimire bakunezererwe, Abakunda agakiza kawe bajye bavuga bati “Imana ihimbazwe’’.
6.Ariko jyeweho ndi umunyamubabaro n’umukene, Mana, tebuka uze aho ndi, Ni wowe mutabazi wanjye n’umukiza wanjye, Uwiteka, ntutinde.


Ibibazo bidufasha gusobanukirwa umusomyi

1.Ibyo nsomye birambwira ibya nde, kandi biranyigisha iki?
2.Ibyo nsomye biranyigisha iki
- Ku Mana data wa twese?
- Kuri Yesu kristo?
- Ku mwuka wera?
3.Mbese mu byo nsomye harimo:
- Urugero rwiza nakurikiza?
- Urugero rubi nakwirinda?

Ubusobanuro bw’umusomyi

Mana tebuka untabare (2): Iri ni isengesho ry’umuntu uri mu kaga, utabaza Imana ngo imukize ababisha bamugose. Kuva Adamu yakora icyaha, ubuzima bw’umuntu bwahindutse imvange z’ibibi n’ibyiza. Ingorane aterwa n’abandi ni nyinshi. Uko abantu barushaho gusayisha mu byaha, ni na ko barushaho gukataza mu bugome. Abameze batyo bagenda barushaho kuba benshi banagwiza imbaraga. Ibibazo nk’ibyo nibikugota, ujye wibuka ko Uwiteka ari we Mutabazi wawe n’Umukiza wawe (6b).

Abashaka ubugingo bwanjye bamware (3). Dore ibizaba ku banzi b’Imana kandi ari bo banzi bacu igihe izatabara. Bazakorwa n’isoni bamware, bazagira igisuzuguriro basubizwe inyuma. Kandi no ku munsi w’urubanza, Umucamanza mukuru azabakanira urubakwiriye (Matayo25.41,46). Jyeweho ndi umunyamubabaro n’umukene (6): Intangiriro yo kubona ubuntu bw’Imana ni ukumenya neza uwo uri we n’uko Imana ikubona. Uyu mwanditsi we yamenye ko imbere y’Imana ntacyo ari cyo. Mbese usuzumye ubusabane bwawe n’Imana, wowe wibona ute? Zirikana: “Ariko uwo nitaho ni umukene ufite umutima umenetse, agahindishwa umushyitsi n’ijambo ryanjye” (Yesaya.66.2).

[email protected]


UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa mbere, tariki ya 29/04/2019, turasoma muri Yeremiya 2.1-19

1.Ijambo ry’Uwiteka ryanjeho riti:
2“Genda urangururire mu matwi y’ab’i Yerusalemu uti ‘Uku ni ko Uwiteka avuze ati: Nibutse ineza yo mu bukumi bwawe, n’urukundo rw’ubugeni bwawe, uko wankurikiye mu butayu mu gihugu kitigeze guhingwa.
3Isirayeli yari Uwera ku Uwiteka, umuganura w’ibyo yungukaga. Abamugirira nabi bose bazabihanirwa, kandi ibyago bizabazaho.’ ” Ni ko Uwiteka avuga.
4Nimwumve ijambo ry’Uwiteka yemwe ab’inzu ya Yakobo mwe, n’imiryango yose y’inzu ya Isirayeli.
5 Uku ni ko Uwiteka abaza ati “Gukiranirwa ba so bambonyeho ni uguki, kwatumye banyimūra bagakurikira ibitagira akamaro, kandi bagahinduka nk’ubusa?
6Ntibarushya babaza bati ‘Uwiteka wadukuye mu gihugu cya Egiputa ari he? Ni we waturongōye mu butayu mu gihugu cy’umutarwe n’imyobo, mu gihugu cyumye kirimo igicucu cy’urupfu, mu gihugu kitanyuramo umuntu kandi kitagira ugituyemo.’
7Kandi nabazanye mu gihugu kirimo ubukire kugira ngo murye umwero wacyo n’ibyiza byacyo, ariko mumaze kuhagera mwanyandurije igihugu, umwandu wanjye mwawuhinduye 743
ikizira.
8Abatambyi ntibarushya babaza bati ‘Uwiteka ari hehe?’ N’abanyamategeko ntibamenyaga, abashumba na bo bancumuragaho, n’abahanuzi bahanuriraga Bāli, bikurikiriye ibitagira umumaro.
9“Ni cyo gituma ngiye kongera kubaburanya, ni ko Uwiteka avuga, nzaburanya abuzukuru banyu. 10Nimwambuke mufate ku birwa by’i Kitimu mwirebere, mutume i Kedari kandi mwitegereze cyane, murebe ko hariho igisa gityo cyigeze kubaho.
11Mbese hariho ishyanga ryakunda kugurana imana zaryo kandi atari imana? Ariko abantu banjye baguranye icyubahiro cyabo ibitagira umumaro.
12Wumirwe ku bw’ibyo wa juru we, ufatwe n’ubwoba bukabije wihebe cyane. Ni ko Uwiteka avuga. 13Kuko abantu banjye bakoze ibyaha bibiri: baranyimūye kandi ari jye sōko y’amazi y’ubugingo, kandi bikorogoshoreye ibitega mu rutare, ndetse ni ibitega bitobotse bitabasha gukomeza amazi.” Ibyiringiro by’Abayuda ni iby’ubusa
14“Mbese Isirayeli ni umuretwa? Yavukiye se mu nzu y’uburetwa? Niba atari ko biri kuki yabaye umunyago?
15 Ibyana by’intare byaramutontomeye birivuga, kandi byahinduye igihugu cye umwirare, imidugudu ye yarahiye ari nta muturage ukiyirimo.
16Ndetse n’ab’i Nofu n’i Tahapanesi bakwambuye ikamba ryo ku mutwe wawe.
17Mbese si wowe wizaniye ibyo, kuko wimuye Uwiteka Imana yawe ubwo yakuyoboraga inzira?
18None se mu nzira ijya muri Egiputa urayikoramo iki? Urashaka se kunywa amazi ya Nili? Cyangwa se mu nzira ijya mu Ashuri yo urayikoramo iki? Urashaka se kujya kunywa amazi ya rwa ruzi?
19Ububi bwawe buzaguhana n’ubuhemu bwawe buzagukoraho, nuko umenye kandi urebe ko ari ikintu kibi kandi gisharira, kuko wimuye Uwiteka Imana yawe ntube ukinyubaha.” Ni ko umwami uwiteka nyiringabo avuga.

Ibibazo bidufasha gusobanukirwa umusomyi

1.Ibyo nsomye birambwira ibya nde, kandi biranyigisha iki?
2.Ibyo nsomye biranyigisha iki
- ku Mana data wa twese?
- kuri Yesu kristo?
- ku mwuka wera?
3.Mbese mu byo nsomye harimo:
- Urugero rwiza nakurikiza?
- Urugero rubi nakwirinda?

Ubusobanuro bw’umusomyi

Abisirayeli bari ubwoko Imana yitoranirije ngo bagirane umubano wihariye, bityo babere andi mahanga urugero rw’uko yari akwiriye kubana n’lmana y’ukuri. Imanairibuka urukundo bayikundaga mbere ubwo yabakuraga muri Egiputa. Bemeye ko ibayobora ibageza mu gihugu cy’isezerano, nyamara baza kuyiharika ibigirwamana, Mbese twe iyo twakiriye agakiza tuvuye mu bubata bwa Satani, aho ntitugeraho tukibagirwa urukundo rwacu rwa mbere? (lbyah.2.4-5). Umwandu wanjye mwawuhinduye ikizira (7): Ubwoko bwose n’abayobozi babwo baretse gushaka Uwiteka bakurikira ibitagira umumaro. Abayobozi b’idini, ab’igihugu ndetse n’abahanuzi bose barayobye bituma igihugu gihumana. Ni jye soko y’amazi y’ubugingo (13): Ibyaha bibiri Abisirayeli bashinjwa ni ukwimura Uwiteka no kujya kwifukurira amariba atobotse adashobora kubamara inyota. Aho natwe ntitujya.dutandukira tugasogongera ku mariba y’isi atamara inyota, twaretse isoko y’ubugingo? Indirimbo123 Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatatu, tariki ya1 Ukwezi kwa gatanu Yeremiya 3.1-13

1“Baravuga bati ‘Umugabo nasenda umugore we, yamara gutana na we akendwa n’undi mugabo, mbese yakongera gusubirana na we? Igihugu cyakorwamo bene ibyo ntikiba cyandujwe rwose?’ Ariko weho wasambanye n’abakunzi bawe benshi, nyamara jyeweho uzangarukire. Ni ko Uwiteka avuga.
2Uburira amaso yawe mu mpinga witegereze. Aho utagize uwo muryamana ni hehe? Wabategererezaga mu nzira nk’Umwarabu uri mu butayu, kandi wandurishije igihugu ubusambanyi bwawe n’ibyaha byawe. 3Ni cyo gituma imvura yimanwa kandi nta mvura y’itumba yabonetse, ariko ufite mu maso ha maraya wanga kugira isoni.
4“Mbese uhereye ubu ntiwajya untakira uti ‘Data we, uri umuyobora wo mu bukumi bwanjye’?
5Uti ‘Mbese azahorana uburakari? Azabukomeza ageze ku iherezo?’ Umva uko wajyaga uvuga kandi ukora ibyaha, ukagenza uko wishakiye.”
6 Uwiteka yongeye kumbwira ku ngoma y’Umwami Yosiya ati “Mbese wabonye icyo Isirayeli wa musubiranyuma yakoze? Yigiriye mu mpinga y’umusozi wose no munsi y’igiti cyose gitoshye, ni ho yajyaga yibunza.
7Nuko amaze gukora ibyo byose ndibwira nti ‘Azangarukira ariko ntiyagaruka, kandi murumuna we w’umuriganya Yuda arabibona.’
8Nuko maze gusenda Isirayeli wa musubiranyuma no kumuha urwandiko rwo kumusenda muhoye ubusambanyi bwe, murumuna we w’umuriganya Yuda ntiyatinya, na we arībunza ajya gusambana. 9Nuko ubusambanyi bwe bw’ubupfayongo butuma igihugu cyandura, asambana n’ibiti n’amabuye. 10Nyamara murumuna we w’umuriganya Yuda na we abibonye atyo, ntarakangarukira n’umutima we wose, keretse kuryarya.” Ni ko Uwiteka avuga. Imana yemera kubabarira abihannye
11Maze Uwiteka arambwira ati “Isirayeli w’umusubiranyuma, yerekanye ko ari umukiranutsi kuruta Yuda w’umuriganya.
12Genda wamamaze aya magambo aherekera ikasikazi uvuge uti ‘Garuka wa musubiranyuma we, Isirayeli.’ Ni ko Uwiteka avuga. Sinzakurebana igitsure kuko ndi umunyambabazi. Ni ko Uwiteka avuga. Sinzakomeza kurakara iteka.
13Icyo nshaka kimwe ni uko wemera ibyaha byawe, ibyo wacumuye ku Uwiteka Imana yawe, wayobereje inzira zawe ku mana z’abanyamahanga munsi y’igiti cyose gitoshye, kandi ntiwumviye ijwi ryanjye. Ni ko Uwiteka avuga

Ikibazo kidufasha gusobanukirwa umusomyi

Ibyo nsomye birambwira ibya nde, kandi biranyigisha iki?

Ubusobanuro bw’umusomyi

Data we, uri umuyobora wo mu bukumi bwanjye? (4):
Amategeko y’Abisirayeli avuga ko umugore usenzwe azira ubusambanyi adashobora gusubirana n’umugabo wa mbere (Guteg’r.24.1-4) Imana irabashinja kwitwara nk’indaya zibunza, zimeze nk’abambuzi bubikiriraga abagenzi mu butayu. Ibyo byakururiye umuvumo igihugu cyose imvura irabura. Aho kwihana by’ukuri ngo bareke ibyaha byabo, batakiraga Imana ku rurimi gusa
bayibutsa urukundo yabakunze, bayisaba kutabarakarira, ariko bagakomeza ingeso zabo mbi. Ibyabaye kuri Isirayeli ntibyabereye isomo Abayuda, nabo bishoye mu busambanyi ndetse bagerekaho n’ uburyarya (10). Ibyo tubona muri iki gihe nabyo byenda gusa n’ibi: Gusenga, kuramya, kuririmba, kubwiriza... byose ku rurimi gusa nta guhinduka by’ukuri. Sinzakurebana igitsure; kuko ndi umunyambabazi (13): Icyo Imana isaba umuntu ni ukwemera ibicumuro bye, akiyemeza kubizinukwa maze akagaruka mu nzira. Nta cyaha na kimwe Imana itababarira. lyi n’inkuru itanga ibyiringiro kuri buri wese. Ese urabyizera? (Yes. 1.18). Indirimbo ya 73 mu gushimisha.
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, tariki ya 3 Gicurasi 2019, turasoma muri yeremiya 4:1-18

1.Uwiteka aravuga ati “Isirayeli we, nugaruka abe ari jye ugarukira, nukuraho ibizira byawe bikamva mu maso ntuzongera kujarajara, kandi uzarahira uti
2.‘Ndahiye Uwiteka uhoraho w’ukuri, utabera kandi ukiranuka’, maze amahanga azihesha umugisha muri we, kandi muri we ni mo bazishimira.”
3. Ibyo ni byo Uwiteka abwira abantu b’u Buyuda n’ab’i Yerusalemu ati “Nimurime imishike yanyu, kandi ntimukabibe mu mahwa.
4.Mwikebere Uwiteka kandi mukebeho ibikoba bitwikiriye imitima yanyu, mwa bagabo mwe b’u Buyuda n’abaturage b’i Yerusalemu, uburakari bwanjye butaza bumeze nk’umuriro bugatwika kandi nta wabasha kubuzimya, bitewe n’ububi bw’ingeso zanyu.
5.“Mumenyeshe u Buyuda kandi mwamamaze n’i Yerusalemu muti ‘Nimuvuze impanda mu gihugu, murangurure muvuge muti: Nimuteranire hamwe tujye mu midugudu igoswe n’inkike.’
6.Mushinge ibendera aherekera i Siyoni, mwiyarure ntimurushye muzuyaza, kuko ngiye kuzana icyago kizaturuka ikasikazi no kurimbuka gukomeye.”
7.Intare yasohotse mu kibira cyayo, kandi umurimbuzi w’amahanga yarahagurutse ava iwe, azanywe no guhindura igihugu cyawe umwirare, n’imidugudu yawe ikaba imisaka igasigara itagira uyituyemo.
8.Nuko nimukenyere ibigunira mucure umuborogo murire, kuko uburakari bukaze bw’Uwiteka butatuvuyeho.
9.Uwiteka aravuga ati “Uwo munsi umutima w’umwami uziheba, n’imitima y’ibikomangoma na yo, kandi abatambyi bazumirwa n’abahanuzi bazashoberwa.”
10.Maze ndavuga nti “Ayii, Mwami Uwiteka, ni ukuri washutse aba bantu n’ab’i Yerusalemu ubwo wavugaga uti ‘Muzagira amahoro’, none inkota ikaba yabageze no ku mutima.”
11.Icyo gihe ubu bwoko n’ab’i Yerusalemu bazabwirwa ngo “Nimurebe umuyaga utwitse uturutse mu misozi yo mu butayu utera umukobwa wanjye, ari bo bantu b’ubwoko bwanjye, si uwo kugosora cyangwa gutunganya,
12.Ahubwo ni umuyaga usumbye ibyo, ni wo uzangeraho. Noneho ngiye kubacira imanza.”
13.Dore azaza ameze nk’ibicu, n’amagare ye y’intambara azaba ameze nka serwakira, amafarashi ye azarusha ibisiga imbaraga. Tubonye ishyano kuko tugiye kunyagwa!
14.Yewe Yerusalemu we, uhagira umutima wawe ho ibyaha kugira ngo urokoke. Uzahorana imigambi yawe mibi uzageze ryari?
15.Kuko ijwi rivuga riturutse i Dani rikavuga inkuru z’ibyago, riturutse no mu misozi ya Efurayimu.
16.“Mubitekerereze amahanga, dore muburire i Yerusalemu muti ‘Abaje kuhakuba baraza baturuka mu gihugu cya kure, kandi bahuruza ingoma yo gutera imidugudu y’u Buyuda.
17.Barahakubye bameze nk’abarinzi b’umurima kuko hangomeye.’ ” Ni ko Uwiteka avuga.
18“Inzira yawe n’imirimo yawe ni byo biguteje ibyo bitero, icyo ni icyaha cyawe. Ni ukuri biragusharirira kuko bikugeze mu mutima.” Imana iririra Abayuda banze kwihana

Ibibazo bidufasha gusobanukirwa umusomyi

1.Ibyo nsomye birambwira ibya nde, kandi biranyigisha iki?
2.Ibyo nsomye biranyigisha iki
- ku Mana data wa twese?
- kuri Yesu kristo?
- ku mwuka wera?

Ubusobanuro bw’umusomyi

Isirayeli we, nugaruka abe ari jye ugarukira (1): Imana isezeranya Abisirayeli nAbayuda kubaha umugisha nibihana .by’ukuri, bakareka ibigirwamana byabo kandi ntibongere kujarajara. Nk’uko imbuto iterwa mu butaka bwiza ni ko n’imitima ikeneye kurimwa ngo imishike y’ibibi biyivemo maze imbuto zibone kubibwa (Mar.4.3-8). Imana yanga uburyarya, koko niba umuntu yiyemeje kwihana aba akwiriye guhindukira akazibukira ibyaha. ...Mukebeho ibikoba bitwikiriye imitima yanvu... (4): Uwiteka araburira ubwoko bwe, kandi nibadakora ibyo abasaba, inkurikizi zirasobanutse: Ingabo z’abanyamahanga bo mu majyaruguru zizatera zimeze nk’intare zizituwe (7); zizaba zimeze nk’umuyaga utwika; cyangwa nka serwakira. Abantu bazahamagarirwa guhungira i Yerusalemu no kujya mu cyunamo. Abayobozi bo mu nzego zose bazakuka imitima (9). Hari abahanuzi b’ibinyoma bahoraga bahanurira abantu iby’amahoro gusa, none ababizeye bazatekereza ko Imana yababeshye. N ubwo Imana yakomeje kubagira inama y’icyakorwa ngo barokoke (14), bakomeje kwinangira. Tube maso tutaba nkabo, kuko duhora tuburirwa ariko abantu benshi ntibabyiteho. Indir.431 Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, Kuwa gatandatu 4 Ukwezi kwa gatanu, turasoma muri Yeremiya 4.19-31

19.Ye baba we, ye baba we! Mfite umubabaro mu gisenge cy’umutima, umutima wanjye urandihagura, naniwe kwiyumanganya kuko wumvise ijwi ry’impanda n’induru z’intambara mutima wanjye.
20.Kurimbuka guhamagara ukundi kuko igihugu cyose kinyazwe, amahema yanjye arasahurwa atunguwe n’inyegamo zanjye zitamururwaho muri ako kanya.
21.Nzahereza he ndeba ibendera ry’intambara, kandi nkumva ijwi ry’impanda?
22Kuko abantu banjye ari abapfapfa ntibanzi, ni abana batitonda kandi nta bwenge bafite, bazi ubwenge bwo gukora ibyaha ariko gukora neza ntibabizi.
23.Nitegereje isi mbona idafite ishusho kandi irimo ubusa, n’ijuru na ryo nta mucyo rifite.
24.Nitegereje imisozi miremire mbona itigita, ndetse n’iyindi yose na yo inyeganyega. 25.Nitegereje mbona nta muntu uhari, n’ibisiga byose byo mu kirere byahunze. 26.Nitegereje mbona ahantu hari uburumbuke harabaye ubutayu, n’imidugudu yabo yose yasenyukiye imbere y’Uwiteka ku bw’uburakari bwe bukaze.
27.Kuko Uwiteka avuga atya ati “Igihugu cyose kizaba amatongo ariko sinzagitsembaho rwose.
28.Ni cyo kizatera isi kuboroga, n’ijuru hejuru rikabamo umwijima kuko nabivuze nkabigambirira, kandi sinzabyibuza, ntabwo nzivuguruza.”
29.Umudugudu wose uhungishwa n’urusaku rw’abagendera ku mafarashi n’abitwaje imiheto, bahungira mu gihuru kandi burira ibitare, imidugudu yose barayireka ntihagira uyisigaramo.
30.Nawe ubwo uzasenywa uzagira ute? Naho wakwiyambika imihemba, ukirimbisha ibyambarwa by’izahabu, ukisiga irangi ku maso uzaba
wirimbishirije ubusa, abakunzi bawe barakugaya, barahiga ubugingo bwawe.
31.Kuko numvise ijwi nk’iry’umugore uri ku nda no gushinyiriza nk’ubyara uburiza, ijwi ry’umukobwa ari we Siyoni uzabiranywe, akāra amaboko ye ati “Mbonye ishyano, kuko umutima wanjye urabiraniye imbere y’abanyica!”

Ibibazo bidufasha gusobanukirwa umusomyi

1.Ibyo nsomye birambwira ibya nde, kandi biranyigisha IKI?
2.Ibyo nsomye biranyigisha iki
ku Mana data wa twese?
kuri Yesu Kristo?
ku Mwuka Wera?

3.Mbese mu byo nsomye harimo:
Urugero nakurikiza?
Urugero rubi nakwirinda?

Ubusobanuro bw’umusomyi


Mfite umubabaro mu gisenge cy’umutima (19): Ibyago byugarije Ubuyuda biteye Yeremiya agahinda kenshi. Arabona uko intambara izagira ingaruka ku byaremwe byose. Abantu bazava mu byabo binyagwe, inzu zizasenyuka, igihugu cyose kizasigara kitagira ishusho nka mbere y’iremwa ry’ijuru n’isi (Itang. 1.2). Haba mu gihe cya Yeremiya haba no mur’iki gihe cyacu, nta cyiza cy’intambara. imana idufashe ijye iduha ubwenge bwo guhitamo neza, duharanire amahoro twirinde ikintu icyo aricyo cyose cyadusubiza mu ntambara. Kuko abantu banjye ari abapfapfa (22): Imana ibabajwe n’abantu babuze ubwenge bwo gukora ibyiza, bagahora bakora ibibi. N’ubwo abantu bahora bigishwa gukora ibyiza nyamara baranga bakaba abahanga mu gukora ibibi. Kamere yacu nta cyiza kiyibamo kuko tuvukira m’u byaha kandi umutima wacu udushuka (Zab. 51.7 ; Yer. 17.9). Duhore tuzirikana ko nta handi hava gutabarwa uretse ku Mana yacu yo mugenga wa byose. indirimbo.194 Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kabiri, taliki ya 7, Ukwezi kwa gatanu, turasoma muri Yeremiya 6:1-15.

1.Nimwiyarure yemwe bana ba Benyamini mwe, muve muri Yerusalemu muvugirize impanda i Tekowa, mushinge ikimenyetso kuri Betihakeremu kuko ibyago biturutse ikasikazi no kurimbuka gukomeye bibahanzeho amaso.
2.Umukobwa w’i Siyoni ufite uburanga bwiza wadamaraye, ngiye kumuca.
3.Abungeri bazahasanga bajyanye imikumbi yabo, bazahakikiza amahema yabo, umwe azaragira ahe undi ahe.
4.Nimwitegure kuhatera, nimuhaguruke tuzamuke ku manywa. Tubonye ishyano, kuko bugiye kugoroba, ibicucu bya nimugoroba bimaze kurema!
5.Nimuhaguruke tuze kuzamuka nijoro, turimbure amanyumba yabo.
6.Uwiteka Nyiringabo avuga atya ati “Mutsinde ibiti, murunde ikirundo cyo kūririraho mutere i Yerusalemu, ari wo murwa ugiye guhanwa wuzuye urugomo gusa.
7.Nk’uko isōko ivubura amazi yayo ni ko na wo uvubura gukiranirwa kwawo, urugomo no kwambura byumvikana muri wo, indwara n’inguma bihora imbere yanjye.
8.Emera kwigishwa Yerusalemu we, umutima wanjye utakwikuburaho kugira ngo ntaguhindura amatongo n’igihugu kidatuwemo.”
9.Uwiteka Nyiringabo avuga atya ati “Bazahumba rwose abasigaye ba Isirayeli nk’uruzabibu, humbishe ukuboko kwawe nk’usoromera imizabibu mu byibo.
10.“Abo nzavugana na bo no kubabera umuhamya ni ba nde kugira ngo bumve? Dore ugutwi kwabo ntikwakebwe ntibabasha kumva, ijambo ry’Uwiteka bararizinutswe ntibanezezwa na ryo.
11.Ni cyo gituma nuzuwemo n’uburakari bw’Uwiteka, naniwe no kwiyumanganya. Busuke ku bana bari mu nzira no mu iteraniro ry’abasore, kuko umugabo azafatanwa n’umugore we, kandi umusaza n’ugeze mu za bukuru na bo bazafatanwa.
12. Amazu yabo azigarurirwa n’abandi hamwe n’imirima yabo n’abagore babo, kuko ukuboko kwanjye nzakuramburira ku baturage bo mu gihugu. Ni ko Uwiteka avuga.
13.Kuko uhereye ku muto ukageza ku mukuru wo muri bo umuntu wese yitanze gushaka indamu mbi, uhereye ku muhanuzi ukageza ku mutambyi, umuntu wese akora iby’uburiganya.
14.Uruguma rw’abantu banjye barwomoye baruca hejuru bavuga bati ‘Ni amahoro, ni amahoro’, ariko rero nta mahoro ariho.
15.Mbese nta soni bagize bamaze gukora ibizira? Oya, ntabwo bakozwe n’isoni haba no guhonga mu maso. Ni cyo gituma bazagwa mu bagwa, igihe nzabahagurukira bazaba imirara.” Ni ko Uwiteka avuga.

Ibibazo bidufasha gusobanikirwa umusomyi:

1.Ibyo nsomye birambwira ibya nde, kandi biranyigisha iki?
2.Ibyo nsomye biranyigisha iki
- ku Mana data wa twese?
- kuri Yesu kristo?
- ku wwuka weera?

Ubusobanuro bw’umusomyi:

Emera kwigishwa, Yerusalemu we,..(8): Yeremiya araburira ab’i Yerusalemu abarangira aho bakwiriye kuzahungira, kuko bagiye guhura n’akaga gakomeye. Ababisha babo bazabagabaho igitero basige Yerusalemu ari amatongo, ku buryo abashumba bazayishingamo amahema bakayiragiriramo amatungo (3,Neh.2.17). Ingabo z’ababisha zizazamuka zishinge ibirindiro, zigote Yerusalemu umunsi wose burinde bwira. !zo ngabo ntizizategereza ko bucya, ahubwo zizabatera zisenyagure amazu yabo ninjoro. Yerusalemu izazira ubugome buyuzuyemo bugereranywa n’amazi avuburwa n’isoko. Imana irabingingira kwemera kwigishwa ngo batabarwe nyamara banze kunwira Ijambo ry’lmana (10). Igihano cy’Uwiteka kizagera ku bantu b’ingeri zose, bazira kurarikira inyungu mbi. Abahanuzi na bo bahanura iby’amahoro babeshya rubanda ndetse n’abatambyi bahindutse abariganya, bose bazahanwa kuko batanagira isoni z’ibibi bakora
(15) . Mbese muri twe ntihabonekamo bene ubu bugome n’ubugizi bwa nabi?
Indirimbo ya 205 mu Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatatu, taliki ya 8, Ukwezi kwa gatanu, turasoma muri Yeremiya 6:16-30

16. Uwiteka avuga atya ati “Nimuhagarare mu nzira murebe kandi mubaririze inzira za kera, aho inzira nziza iri abe ari yo munyuramo, ni ho muzabona uburuhukiro mu mitima yanyu. Ariko barahakana bati ‘Ntituzayinyuramo.’
17.Kandi nabashyizeho n’abarinzi nti ‘Nimutegere amatwi ijwi ry’impanda’, ariko barahakana bati ‘Ntituzayatega.’
18.“Nuko nimwumve mwa mahanga mwe, kandi mumenye ikibarimo wa teraniro we.
19.Umva wa si we, dore ngiye kuzanira aba bantu ibyago ari byo mbuto z’ibyo bajyaga bibwira, kuko batumviye amagambo yanjye, n’amategeko yanjye bakaba barayanze.
20.“Ni iki gituma nzanirwa imibavu ivuye i Sheba, n’ibihumura neza bivuye mu gihugu cya kure? Ibitambo byanyu byoswa ntibyemewe n’amaturo yanyu ntanezeza.”
21.Ni cyo gituma Uwiteka avuga atya ati “Dore nzashyira ibisitaza imbere y’aba bantu, abana bazabisitaranaho na ba se, umuturanyi na mugenzi we bazapfana.”
22.Uwiteka avuga atya ati “Dore ubwoko buje buturuka mu gihugu cy’ikasikazi, ishyanga rikomeye rizahagurutswa riturutse ku mpera z’isi
23.bitwaje imiheto n’amacumu. Ni abantu b’inkazi 748
ntibababarira, ikiriri cyabo gihōrera nk’inyanja, bagendera ku mafarashi, umuntu wese ateje urugamba nk’uri mu ntambara, kandi ni wowe bateye wa mukobwa w’i Siyoni we.”
24.Twumvise inkuru zaho amaboko yacu araraba, duterwa n’umubabaro mwinshi n’ibise nk’iby’umugore uri ku nda.
25.Ntugasohoke ngo ujye mu murima cyangwa ngo ujye mu nzira, kuko inkota y’umubisha n’ibiteye ubwoba biri mu mpande zose. Imana ibwira Abayuda ko ari abagome
26.Yewe mukobwa w’abantu banjye we, kenyera ibigunira wigaragure mu ivu, wiraburirwe nk’uwapfushije umwana w’ikinege. Gira umuborogo ubabaje cyane, kuko umurimbuzi azadutera adutunguye.
27.Nakugize umunara n’igihome mu bantu banjye, kugira ngo umenye inzira yabo uyigenzure.
28.Bose ni abagome bakabije bagenda babeshyera abandi, bameze nk’imiringa n’ibyuma, bose bakora ibyo gukiranirwa.
29.Imivuba ivugutirwa cyane, icyuma cy’isasu gikongowe n’umuriro, bagumya gucenshura ariko nta cyo bimaze kuko ababi batavanwamo.
30.Abantu bazabita ifeza yabaye inkamba, kuko Uwiteka yabanze. Yeremiya

Ikibazo kidufasha gusobanukirwa umusomyi:

Mbese mu byo nsomye harimo:
- Ijambo rimburira?

Ubusobanuro bw’umusomyi

Mubaririze…. aho inzira nziza iri, abe ari yo munyuramo (16): Imana mu rukundo rwayo irarangira abantu kugaruka mu nzira ya kera yo gukiranuka ngo batunge imitima itabacira urubanza. Ariko kuko binangiye imitima, ahubwo bashishikarira gukora imihango y’idini (20). Icyo Imana ishaka si imihango ikorwa mu buryarya, ahubwo icyo yishimira ni umutima umenetse kandi uyubaha (Yes.57.15). Kuzindukira muri twibature, kujya mu rusengero buri cyumweru, kwiyiriza ubusa, gutanga amaturo menshi, kugendana Bibiliya, n’ibindi byose bigaragarira amaso y’abantu, ntabwo ari byo bikiza umuntu ugitsimbaraye ku byaha bye. Imana irondora imitima ni yo izi abayo by’ukuri. *Nakugize umunara …kugira ngo umenye inzira zabo uzigenzure (27):* Imana yagize Yeremiya nk’umurinzi w’umudugudu ugenzura imikorere y’abantu maze akababurira mu gihe bugarijwe n’icyago. N’ubwo inkuru y’intambara yabakuye umutima, ntibyabateye kumera nk’abari mu cyunamo ngo bicuze ibyaha byabo. Yeremiya abagereranya nk’umuringa w’icyuma udashobora kuvanwaho umwanda n’umuriro. Imana idufashe twigire ku batubanjirije maze dutunge imitima y’ubwenge (Zab.90.12). Indirimbo 38 Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 16, Ukwezi kwa gatanu, turasoma mu Abaroma 3.21-31

21.Ariko noneho hariho gukiranuka kw’Imana kwahishuwe kudaheshwa n’amategeko, nubwo amategeko n’ibyahanuwe ari byo biguhamya,
22 .ni ko gukiranuka kw’Imana abizeye bose baheshwa no kwizera Yesu Kristo ari nta tandukaniro,
23.kuko bose bakoze ibyaha, ntibashyikīra ubwiza bw’Imana,
24.ahubwo batsindishirizwa n’ubuntu bwayo ibibahereye ubusa, ku bwo gucungurwa kubonerwa muri Yesu Kristo.
25.Ni we Imana yashyizeho kuba impongano y’uwizera amaraso ye, kugira ngo yerekane gukiranuka kwayo kwayiteye kwirengagiza ibyaha byakozwe mbere y’icyo gihe, ubwo Imana yabyihanganiraga,
26.kandi yabikoreye kugira ngo no muri iki gihe yerekane gukiranuka kwayo, ngo ibe Ikiranuka kandi Itsindishiriza uwizeye Yesu.
27.None se twakwīrāta iki? Nta cyo. Ni ayahe mategeko yabitubujije? Ni ay’imirimo? Reka da! Ahubwo twabibujijwe n’amategeko yo kwizera,
28.kuko duhamije yuko umuntu atsindishirizwa no kwizera, atari imirimo itegetswe n’amategeko.
29.Mbese Imana ni iy’Abayuda bonyine? Si iy’abanyamahanga na bo? Yee, ni iy’abanyamahanga na bo,
30. kandi ubwo Imana ari imwe izatsindishiriza abakebwe ku bwo kwizera, n’abatakebwe na bo izabatsindishiriza ku bwo kwizera.
31.Mbese none duhinduze ubusa amategeko kwizera? Ntibikabeho! Ahubwo turayakomeza.

Ibibazo bidufasha gusobanukirwa umusomyi:

Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?

Ubusobanuro bw’umusomyi

Bose bakoze ibyaha ntibashyikira ubwiza bw’Imana (23): Mu bice bya mbere Pawulo yagaragaje uko ari abakebwe ari n’abatakebwe; bose nta n’umwe washoboye gukiranuka uko Imana ibishaka. Nyamara Imana ntiyabaretse ngo bose barimbuke, ahubwo yahishuye ugukiranuka kudaheshwa no gukurikiza amategeko. Imana yatanze umwana wayo ngo abe impongano y’ibyaha by’abari mu isi bose (Yoh.3.16). Batsindishirizwa n’ubuntu bwayo ibibahereye ubusa (24): Agakiza ni impano y’Imana, ntikagurwa amafaranga cyangwa ngo gakodeshwe. Bityo nta bwinshi cyangwa ubwiza bw’imirimo twakora ngo twemerwe nayo. Agakiza rero ni umurimo w’Imana yonyine uturuka mu mbabazi no mu rukundo byayo (Ef.2.4-5,8-10). Itsindishiriza uwizeye Yesu (26): Gutsindishirizwa ni ukugaragara nk’umukiranutsi imbere y’Imana kandi utari ubikwiye. Abantu benshi bibwira ko nta muntu ushobora kuba umukiranutsi acyambaye uyu mubiri, keretse nyuma y’urupfu. Gusa ijambo ry’Imana ritwereka ko duheshwa gukiranuka no kwizera Yesu Kristo wahindutse icyaha ku musaraba (2Kor.5.21). Mbese ujya uzirikana ko Yesu yapfuye mu kimbo cy’abanyabyaha, kugira ngo umwizera wese adacirwaho iteka (30)?

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 21, Ukwezi kwa gatanu, turasoma mu Abaroma 6.1-11

1. Nuko tuvuge iki? Tugumye gukora ibyaha ngo ubuntu busage?
2. Ntibikabeho! Mbese twebwe abapfuye ku byaha, twakomeza kuramira muri byo dute?
3. Ntimuzi yuko twese ababatirijwe muri Yesu Kristo, twabatirijwe no mu rupfu rwe?
4. Nuko rero, ku bw’umubatizo twahambanywe na we mu rupfu rwe, kugira ngo nk’uko Kristo yazuwe n’ubwiza bwa Data wa twese, abe ari na ko natwe tugendera mu bugingo bushya.
5. Ubwo twateranijwe na we gusangira urupfu nk’urwe, ni ko tuzaba duteranijwe na we gusangira kuzuka nk’ukwe.
6. Kandi tumenye iki, yuko umuntu wacu wa kera yabambanywe na we, kugira ngo umubiri w’ibyaha ukurweho, twe kugumya kuba imbata z’ibyaha,
7. kuko uwapfuye aba atsindishirijwe ibyaha.
8. Ariko niba twarapfanye na Kristo twizera yuko tuzabanaho na we,
9. kuko tuzi yuko Kristo amaze kuzuka atagipfa, urupfu rukaba rutakimufiteho urutabi.
10. Urwo rupfu yapfuye yarupfuye rimwe risa ku bw’ibyaha, ariko ubwo ariho, ariho ku bw’Imana.
11. Abe ari ko namwe mwiyumvamo ko mwapfuye ku byaha, mukaba muriho ku Mana muri Kristo Yesu.

Ibibazo bidufasha gusobanukirwa umusomyi

2. Ibyo nsomye biranyigisha iki
Ku Mana Data wa twese?
Kuri Yesu kristo?
Ku Mwuka wera?

Ubusobanuro bw’umusomyi

Tugumye gukora ibyaha ngo ubuntu bugume busage? (1): Kuba gukizwa ari ubuntu ntibiduha umudendezo wo gukora ibyaha. Ahubwo ahari ubuntu bw’Imana, haba hari imbaraga z’Imana zidusunikira gutera umugongo imirimo ya kamere (Tito 2.11-12). Niba ukibaswe n’ibyaha, kubaha Imana kukaba kutari muri wowe, suzuma neza niba waramaze guha Yesu Kristo ubuzima bwawe ngo abuyobore. Ku bw’umubatizo twahambanywe nawe mu rupfu rwe (4): Umubatizo si umuhango gusa ukorerwa umuntu wemeye kuba Umukristo; ahubwo ni ikimenyetso cy’uko umuntu yamaze guhindurwa icyaremwe gishya na Kristo (2Kor.5.17). Mbese iyo witegereje imibereho yawe, ubona hari itandukaniro hagati ya mbere na nyuma yuko ukizwa? Zirikana ko Ubuzima bw’Umukristo bukwiriye kurangwa n’imbuto z’Umwuka Wera (Gal.5.22-23). Indirimbo263 Gushimisha

[email protected]


UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 23, Ukwezi kwa gatanu, turasoma muri Zaburi 73.1-28

1. Ni ukuri Imana igirira neza Abisirayeli, Bafite imitima iboneye.
2. Ariko jyeweho, Ibirenge byanjye byari bugufi bwo guhanuka, Intambwe zanjye zari zishigaje hato zikanyerera.
3. Kuko nagiriraga ishyari abibone, Ubwo narebaga abanyabyaha baguwe neza.
4. Kuko batababazwa mu ipfa ryabo, Ahubwo imbaraga zabo zirakomera.
5. Ntibagira imibabaro nk’abandi, Ntibaterwa n’ibyago nk’abandi.
6. Ni cyo gituma ubwibone buba nk’urunigi mu majosi yabo, Urugomo rukabatwikīra nk’igishura.
7. Amaso yabo avanywe imutwe no kubyibuha kwabo, Bafite ibiruta ibyo umutima w’umuntu wakwifuza.
8. Barakoba bakavugishwa iby’agahato no gukiranirwa kwabo, Bavuga iby’ubwibone.
9.Bashyize akanwa kabo mu ijuru, Ururimi rwabo ruzerera mu isi yose.
10.Ni cyo gituma abantu be bagaruka aho, Bakamara amazi yuzuye mu gikombe,
11. Bakavuga bati “Imana ikibwirwa n’iki? Isumbabyose hari icyo izi?”
12. Dore abo ni bo banyabyaha, Kandi kuko bagira amahoro iteka bagwiza ubutunzi.
13. Ni ukuri nogereje ubusa umutima wanjye, Kudacumura nagukarabiye ubusa.
14. Kuko natewe n’ibyago umunsi ukira, Ngahanwa ibihano mu bitondo byose.
15. Iyaba naravuze nti “Reka mvuge ntyo”, Mba narahemukiye ubwoko bw’abana bawe. 16. Natekereje uko nabasha kubimenya, Birandushya birananira,
17. Kugeza aho nagiriye ahera h’Imana, Nkita ku iherezo rya ba bandi.
18. Ni ukuri ubashyira ahanyerera, Urabagusha bagasenyuka.
19. Erega bahindutse amatongo mu kanya gato! Ubwoba bw’uburyo bwinshi burabatsembye rwose.
20. Nk’uko inzozi zimeze iyo umuntu akangutse, Ni ko nawe Mwami nukanguka, Uzasuzugura icyubahiro cyabo cy’igicucu.
21.Ubwo umutima wanjye washariraga, Nkibabaza mu mutima,
22. Nari umupfapfa nta bwenge nagiraga, Nameraga nk’inka imbere yawe.
23.Ariko none ndi kumwe nawe iteka, Umfashe ukuboko kw’iburyo.
24.Uzanyoboza ubwenge bwawe, Kandi hanyuma uzanyakirane icyubahiro.
25. Ni nde mfite mu ijuru utari wowe? Kandi mu isi nta we nishimira utari wowe.
26. Umubiri wanjye n’umutima wanjye birashira, Ariko Imana ni yo gitare umutima wanjye uhungiraho, Kandi ni yo mugabane wanjye iteka ryose.
27. Kuko abakujya kure bazarimbuka, Watsembye abakurekeshejwe no kurarikira bose.
28. Ariko jyeweho kwegera Imana ni ko kwiza kuri jye, Umwami Uwiteka ni we ngize ubuhungiro, Kugira ngo namamaze imirimo wakoze yose.

Ibibazo bidufasha gusobanukirwa umusomyi

Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?
Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusonanuro bw’umusomyi

Ibirenge byanjye byari bugufi bwo guhanuka (2): Umuhimbyi w’iyi Zaburi yagize ishyari ry’abanyabyaha kuko baguwe neza (3-7). Kwizera kwe kwari kwageragejwe kandi yari hafi yo kugwa iyo Imana itamugirira ubuntu. Yongeye guhumuka amaso y’umwuka, amenya ko Imana igirira neza Abisirayeli bafite imitima iboneye (1, Yes.3.10). Koko abanyabyaha bajya bagira ubutunzi bwinshi, ariko iyo ucukumbuye uko buboneka, usanga atari ubwo kwifuzwa n’umukiranutsi (Imig.16.8). Ariko none ndi kumwe nawe iteka (23): Uyu mwanditsi amaze kumenya ko yibeshyaga, yahisemo kwomatana n’Imana. Yiringira ko izamuyoboza ubwenge nyakuri igihe akiri mu isi, kandi ubu buzima burangiye ikazamwakirana icyubahiro (24). Yasobanukiwe kandi ko iherezo ry’ubukire no kugubwa neza by’abajya kure y’Imana ari ukurimbuka (27). Ibyo byatumye afata icyemezo cyo kugira Imana ubuhungiro bwe (28). Saba Imana ikuyobore mu nzira yo gukiranuka kuko ibera umukiranutsi ubuhungiro ndetse no mu rupfu (Imig.14.32b).
Zirikana: Umukiranutsi abeshwaho no kwizera (Heb.10.38).

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 24, Ukwezi kwa gatanu, turasoma muri Zaburi 74.1-23

1. Zaburi iyi ni indirimbo ya Asafu yahimbishijwe ubwenge. Mana, ni iki cyakudutesheje iteka? Ni iki gituma umujinya wawe ugirira intama zo mu cyanya cyawe, ucumba umwotsi?
2. Ibuka iteraniro ryawe waguze kera, Iryo wacunguriye kuba ubwoko bwawe bw’umwandu, N’umusozi wa Siyoni watuyeho.
3. Shingura ibirenge byawe ujye mu matongo y’iteka, Ababisha bakoreye ahera ibibi byose. 4.Ababisha bawe batontomeye hagati y’inzu twateraniragamo kugusenga, Bashingiye amabendera yabo kuba ibimenyetso.
5. Basa nk’abantu bamanikira intorezo, Gutema ibiti by’intsikane.
6.None isuku y’ababaji y’aho yose, Barayimenaguza intorezo n’inyundo.
7. Batwitse Ahera hawe, Bahumanishije ubuturo bw’izina ryawe kubusenya rwose.
8. Baribwiye bati “Tubarimbure rwose”, Batwitse amazu yose yo mu gihugu, Twateraniragamo gusenga Imana.
9. Ntitureba ibimenyetso byacu, Nta muhanuzi ukiriho, Kandi nta n’umwe muri twe uzi aho ibyo bizagarukira.
10. Mana, umubisha azageza he kudutuka? Umwanzi azatuka izina ryawe iteka?
11. Ni iki gituma uhina ukuboko, Ukuboko kwawe kw’iburyo? Gukure mu gituza cyawe ubarimbure.
12. Ariko Imana yahoze ari Umwami wanjye na kera, Ikorera iby’agakiza hagati y’isi.
13. Ni wowe watandukanishije inyanja imbaraga zawe, Wameneye imitwe y’ibinyamaswa mu mazi.
14. Ni wowe wamenaguye imitwe ya Lewiyatani, Warayitanze iba ibyokurya by’ibyo mu butayu. 15. Ni wowe watoboye isōko n’umugezi, Wakamije inzuzi zidakama.
16. Amanywa ni ayawe kandi n’ijoro ni iryawe, Waremye umucyo n’izuba.
17.Ni wowe washyizeho ingabano zose z’isi, Waremye icyi n’itumba.
18.Ibuka ibi yuko ababisha bacyashye Uwiteka, Ishyanga ritagira ubwenge ryatutse izina ryawe. 19. Ntuhe inyamaswa ubugingo bw’inuma yawe, Ntiwibagirwe ubugingo bw’abanyamubabaro bawe iteka ryose.
20. Ite kuri rya sezerano, Kuko ahantu h’umwijima ho mu isi huzuye ubuturo bw’urugomo. 21. Uhatwa ye kugaruka akojejwe isoni, Umunyamubabaro n’umukene bashime izina ryawe.
22. Mana, haguruka wiburanire, Ibuka yuko umupfapfa yiriza umunsi agutuka.
23.Ntiwibagirwe amajwi y’ababisha bawe, Urusaku rw’abaguhagurukira rutumbagira iteka.

Ibibazo bidufasha gusobanukirwa umusomyi

Ibyo nsomye birambwira ibya nde, kandi biranyigisha iki?
Ibyo nsomye biranyigisha iki:
Ku Mana data wa twese?
Kuri Yesu kristo?
Ku mwuka wera?
Mbese mu byo nsomye harimo:
- Urugero rwiza nakurikiza?
- Urugero rubi nakwirinda?

Ubusobanuro bw’umusomyi

Mana ni iki cyakudutesheje iteka? (1): lyi Zaburi yaba yaranditswe igihe Abayuda bari barajyanywe mu bunyage. Abanzi bari baratwitse ahera, bajya inama yo kurimbura ubwoko bw’lmana, batwika amazu yose yo mu gihugu, babakorera n’ibibi byinshi. Hari impamvu eshatu z’ingenzi zizana ibibazo mu buzima bwacu. 1. Ibyaha byacu (Yes.59.2, Luka 13.2-3). 2. Iyo Imana ishatse kugerageza kwizera kwacu ngo idukomeze (1Tes.2.4b,1 Pet.4.12). 3. Akarengane dushorwamo na Satani n’abakozi be baduhora ko turi abana b’lmana. Satani yaje kurwanya abantu ariko cyane cyane abafite guhamya kwa Kristo (lbyah.12.17). Nta n’umwe muri twe uzi aho ibyo bizagarukira (9): Kuva ubuturo bw’lmana

bwarasenywe, ubu bwoko bwari mu gihirahiro. Nta kundi gusabana na Yo no kumenya imigambi yayo kuri bo. Dufite amahirwe, kuko ku ngoma ya Yesu tutagisengera Imana i Yerusalemu cyangwa i Samariya. Ishaka ko abayisenga bayisenga mu mwuka no mu kuri (Yoh.4.23), kandi urusengero rwayo ni jye na we. Ite kuri rya sezerano (20): N’ubwo Siyoni yasenywe, uyu mwanditsi arakizeye ko Imana yizera ikomeza amasezerano. Yasezeranye kurengera abari mu kaga kandi ihora inyuma y’ijambo ryayo ishaka kurisohoza (Yes.25.4, Zab.72.12). Nawe ntutinye, amasezerano yose ari muri Bibiliya ni ayawe, kandi izayasohoza.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 3, Ukwezi kwa gatandatu, turasoma muri yeremiya 9:1-26

1. Icyampa nkagira icumbi ry’abagenzi mu butayu, kugira ngo nsige abantu banjye njye kure yabo, kuko bose ari abasambanyi, n’iteraniro ry’abariganya!
2. Bafora ururimi rwabo nk’umuheto rukarekura ibinyoma, bagumirije gukomera mu gihugu ariko si ukuri kubakomeje, kuko bava mu cyaha bakajya mu kindi kandi ntibanzi. Ni ko Uwiteka avuga.
3. Umuntu wese muri mwe ajye yirinda umuturanyi we, kandi ntimukiringire uwo muva inda imwe kuko abavandimwe bazahemukirana rwose, kandi umuturanyi wese azajya asebanya. 4. Umuntu wese azashuka umuturanyi we kandi ntibazavuga ukuri, bamenyereje ururimi rwabo kuvuga ibinyoma, bahora birushya bakora ibibi.
5. Urugo rwawe urutuje mu buriganya, uburiganya ni bwo butuma banga kumenya. Ni ko Uwiteka avuga.
6. Ni cyo gituma Uwiteka Nyiringabo avuga atya ati “Dore nzabashongesha mbagerageze. Ukundi nagira abantu banjye ni ukuhe?
7. Ururimi rwabo ni nk’umwambi wicana, ruvuga iby’uburiganya. Umuntu wese avugana amahoro na mugenzi we ku rurimi, ariko mu mutima we amuciriye igico.
8. Mbese ibyo sinzabibahanira? Ni ko Uwiteka abaza. Mbese ubwoko nk’ubwo umutima wanjye ntiwabuhora ibyo?
9. “Imisozi nzayiririra mboroge, n’ibyanya byo mu butayu nzabigirira umubabaro, kuko byatwitswe bigatuma nta wuhanyura, n’ijwi ry’amashyo rikaba ritakihumvikana. Ibisiga byo mu kirere n’amatungo byarahunze, birigendera.
10. “I Yerusalemu nzahahindura ibirundo habe ubuturo bw’ingunzu, n’imidugudu y’u Buyuda nzayigira amatongo habe ikidaturwa.”
11. Ni nde w’umunyabwenge wamenya ibi? Ni nde wabibwiwe n’akanwa k’Uwiteka kugira ngo abyamamaze? Kuki igihugu kirimbutse kikaba gikongotse, hagahinduka ahadatuwe bituma hatagira uhanyura?
12. Uwiteka ni ko kuvuga ati “Kuko baretse amategeko yanjye nabashyize imbere, ntibumvire ijwi ryanjye haba no kurikurikiza,
13.ahubwo bayobejwe n’imitima yabo inangiye n’ibigirwamana bya Bāli, ibyo ba sekuruza babigishije.
14. Ni cyo gituma Uwiteka Nyiringabo Imana ya Isirayeli ivuga itya iti ‘Dore ubu bwoko ngiye kubuha uburozi bwitwa apusinto, ndetse mbahe no kunywa amazi akarishye.
15.Nzabatataniriza mu mahanga, ayo batazi na ba sekuruza batigeze kumenya, kandi nzabakurikiza inkota kugeza ubwo nzabatsembaho.’ ”
16. Uwiteka Nyiringabo avuga atya ati “Mutekereze kandi muhamagare abagore bazi kuboroga baze, mutumire abagore b’abahanga baze.
17. “Kandi batebuke batuborogere, kugira ngo amaso yacu avemo amarira atemba, n’ibihene byacu bihongobokemo amazi.
18. “Kuko ijwi ry’umuborogo ryumvikanye riturutse i Siyoni riti ‘Yemwe, ko twanyazwe! Dukozwe n’isoni cyane kuko twataye igihugu, kandi badusenyeye ingo.’
19. “Ariko nimwumve ijambo ry’Uwiteka mwa bagore mwe, kandi amatwi yanyu yakīre ijambo ryo mu kanwa ke, mwigishe abakobwa banyu kuboroga n’umuntu wese yigishe umuturanyi we kuganya,
20. kuko urupfu rwuririye mu madirishya yacu rukinjira mu manyumba yacu, rwica abana bari hanze n’abasore bari mu nzira.
21. Vuga uti ‘Uko ni ko Uwiteka avuga ati: intumbi z’abantu zizagwa hasi zibe nk’amase yo ku gasozi nk’ibihumbano bisigara inyuma y’usarura, zitazagira uzirarura.’ ”
22. Uwiteka avuga atya ati “Umunyabwenge ye kwīrāta ubwenge bwe, n’intwari ye kwīrāta ubutwari bwayo, umutunzi ye kwīrāta ubutunzi bwe,
23. ahubwo uwīrāta yīrāte ibi yuko asobanukiwe, akamenya yuko ari jye Uwiteka ugirira imbabazi no kutabera no gukiranuka mu isi, kuko ibyo ari byo nishimira. Ni ko Uwiteka avuga. 24. “Dore iminsi igiye kuza, ni ko Uwiteka avuga, ubwo nzahana abakebwe bose bafite umutima utakebwe:
25. Egiputa n’u Buyuda na Edomu, n’Abamoni n’ab’i Mowabu, n’abiyogoshesha ingohe z’umusatsi bose batuye mu butayu, kuko ayo mahanga yose atakebwe n’ab’inzu ya Isirayeli bose ntibakebwe mu mutima.”

Ubusobanuro bw’umusomyi

Kuki igihugu kirimbutse, kikaba gikongotse...? (11): Yeremiya ababajwe no kubona nta n’umunyabwenge uhari ngo asobarurire abantu impamvu itumye igihugu cyabo kirimbuka. Bimwe mu byaha bazira byavuzwe ni ibi bikurikira: ubu^ambanyi, uburiganya, ibinyoma, kutamenya Imana, ubuhemu, gusebanya, gushuluana,gukora ibibi, uburyarya, imitima idakebwe, n’ibindi Ibi byosi ni byo bibakururiye ibihano binyuranye, kuko baretse kumvira Uwiteka ahubwo bakayoboka ibigirwamana (13). Ibi byaha Abayuda bahowe natwe ni byo byuzuye muri bene wacu. Uko yababajwe n’ibyo Abayuda bakoraga ni ko ibabazwa n’ibikorwa n’ab’iki gihe. Birakwiriye ko tuba abanyabwenge tugahana, tugatesha, tugahugura, kugira ngo abantu bagarukire Imana by’ukuri (2Tim.4.2). Uwiteka arahamagarira abantu kujya mu cyunamo bakarira kubera ibyago bibugarije: bazanyagwa ibyabo, bazakozwa isoni, inzu zabo zizasenywa, bazahungira mu yandi mahanga, urupfu rubugarize impande zose. Uwirata yirate kumenya Uwiteka (23): Ubwenge, ubutwari n’ubukire ntacyo bimariye utazi Uwiteka. Dukwiriye kwirata ko twasobanukiwe ko Uwiteka agira imbabazi, ubutabera no gukiranuka. Indirimbo ya 334 Gushimisha.
[email protected] Agakiza.org

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kabiri, tariki ya 4, Ukwezi kwa gatandatu, turasoma muri yeremiya 10:1-25


1.Nimwumve ijambo Uwiteka ababwira, wa nzu ya Isirayeli we.
2.Uku ni ko Uwiteka avuga ati “Ntimukigane imigenzo y’abanyamahanga kandi ntimugaterwe ubwoba n’ibimenyetso byo mu ijuru, kuko ibyo bitera abanyamahanga ubwoba.
3.Imigenzo y’abo bantu ni ubusa, kuko umuntu aca igiti cyo mu ishyamba, ari wo murimo w’amaboko y’umubaji akoresha intorezo.
4.Babirimbisha ifeza n’izahabu, bagateraho imisumari bakayishimangiza inyundo kugira ngo bitajegajega.
5.Bimeze nk’igiti cy’umukindo kigororotse ntibivuga, bigomba guterurwa kuko bitabasha kwigenza. Ntimukabitinye kuko ari nta cyo bibasha gutwara, ari ikibi ari n’icyiza.”
6.Nta wuhwanye nawe Uwiteka, urakomeye kandi n’izina ryawe rikomeranye imbaraga.
7.Ni nde udakwiriye kukubaha, Mwami w’amahanga we? Ko bigukwiriye kuko mu banyabwenge bo mu mahanga bose no mu bwami bwabo bwose, nta wuhwanye nawe.
8.Ariko bose uko bangana bameze nk’inka, kandi ni abapfapfa. Ibyigisho by’ibigirwamana ni ibiti gusa.
9.Hari ibibati by’ifeza byavanywe i Tarushishi n’izahabu ivuye Ufazi, byakozwe n’umunyamwuga n’iminwe y’umucuzi w’izahabu, umukara wa kabayonga n’umuhengeri ni byo myambaro yabyo, byose bikorwa n’abahanga.
10.Ariko Uwiteka ni we Mana nyamana, ni Imana ihoraho, ni Umwami w’ibihe byose. Isi itigiswa n’uburakari bwayo, kandi amahanga ntabasha kwihanganira umujinya wayo.
11.Muzababwire mutya muti “Izo bita imana zitaremye ijuru n’isi, zizacibwa ku isi no munsi y’ijuru.
12.“Imana ni yo yaremye isi n’imbaraga zayo, isi n’abayirimo yayikomeresheje ubwenge bwayo, ijuru yaribambishije ubuhanga bwayo.
13.Iyo iranguruye ijwi mu ijuru haba guhōrera kw’amazi, ituma ibihu bizamuka biva ku mpera z’isi. Iremera imirabyo kugusha imvura, izana umuyaga iwukuye mu bubiko bwayo.
14.Umuntu wese ahindutse nk’inka nta bwenge agira, umucuzi w’izahabu wese yakojejwe isoni n’igishushanyo yicuriye, kuko igishushanyo cye cyayagijwe ari ibinyoma kandi nta mwuka ubirimo.
15.Ni iby’ubusa, ni umurimo w’ubushukanyi, ku munsi wo guhanwa kwabyo bizarimbuka.
16.Ibera Yakobo gakondo ntimeze nk’ibyo kuko ari yo Banze ry’ibintu byose, kandi Isirayeli ni umuryango w’umwandu wayo. Uwiteka Nyiringabo ni ryo zina rye.”
17.Koranya ibintu by’ubugenza bwawe biri mu gihugu yewe utuye mu gihome,
18.kuko Uwiteka avuga atya ati “Dore ubu ngiye gutera kure abaturage bo mu gihugu nk’utera umuhumetso, mbahagarike umutima kugira ngo babyumve.”
19.Mbonye ishyano mbitewe n’igikomere cyanjye, uruguma rwanjye ruranyihebesheje ariko ndavuga nti “Ni ukuri, ni rwo kababaro kanjye nkwiriye kukihanganira.”
20.Ihema ryanjye riranyazwe, imigozi yanjye yose iracitse, abana banjye baransize ntibakiriho, nta wusigaye wo kumbambira ihema no kumanikira inyegamo.
21.Abungeri bahindutse nk’inka ntibasobanuza Uwiteka, ni cyo cyatumye badahīrwa, imikumbi yabo yose igatatana.
22.Dore ijwi ry’impuha riraje, ikiriri cyinshi kije giturutse mu gihugu cy’ikasikazi, guhindura imidugudu y’u Buyuda amatongo n’ubuturo bw’ingunzu.
23.Uwiteka, nzi ko inzira y’umuntu itaba muri we, ntibiri mu muntu ugenda kwitunganiriza intambwe ze.
24.Uwiteka, umpane ariko bitarenze urugero, ntumpanishe umujinya kugira ngo utantsemba.
25.Uburakari bwawe ubusuke ku banyamahanga batakuzi no ku miryango itāmbariza mu izina ryawe, kuko batanyaguye Yakobo. Baramutanyaguye bamumaraho, n’ubuturo bwe babuhinduye amatongo.

Ibibazo bidufasha gusobanukirwa umusomyi

Ibyo nsomye biranyigisha iki
Ku Mana data wa twese?
Kuri Yesu kristo?
Ku Mwuka wera?

Ubusobanuro bw’umusomyi

Uwiteka urakomeye, kandi n’izina ryawe rikomeranye imbaraga (6): Ibigirwamana zari imana z’abanyamahanga zaremwe n’abantu mu biti birimbishwa izahabu n’ifeza (8). Ntibivuga, ntibyigenza bigomba guterurwa, ntibizi gukora icyiza cyangwa ikibi. Inyuma yabyo hihishe imyuka y’abadayimoni itera ibibazo byinshi duhura nabyo. Imana y’Abisirayeli ari yo Mana yacu ntaho ihuriye n’ibyo bigirwamana. Rondora ukuntu umuhanuzi agaragaza gukomera kwayo (10,12,13,16). Niba nawe wemera ko ikomeye ityo, mu gusenga kwawe ujye ugira umwanya wo kuyiramya. Koranya ibintu by’ubugenza bwawe (17): Uwiteka yafashe icyemezo cyo kujugunya kure ubwoko bwe bwamucumuyeho, bukamwimura, bukiyegurira ibigirwamana. Umurwa uzasenywa, abana bawo bajyanweho iminyago mu mahanga (19-20). Ibi byago byose byatewe n’abungeri babi. Imana ibashinja kuba batarayumviye. Umuyobozi wemera ko Uwiteka amubera umwungeri, ni we ubasha kuba umwungeri uragira abandi neza. Jya ufata umwanya wo kubasengera, kuko imikorere yabo mibi itugiraho ingaruka.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 23, Ukwezi kwa gatanu, turasoma muri Yeremiya 11.1-23

1. Ijambo ry’Uwiteka ryaje kuri Yeremiya riti
2. “Nimwumve amagambo y’iri sezerano, kandi ubwire ab’i Buyuda n’abatuye i Yerusalemu uti:
3 .Uku ni ko Uwiteka Imana ya Isirayeli ivuga iti ‘Havumwe umuntu utumvira amagambo y’iri sezerano,
4. iryo nategetse ba sogokuruza wa munsi nabazanaga mbavanye mu gihugu cya Egiputa, mu itanura ry’ibyuma nti: Nimwumvire ijwi ryanjye n’amategeko yanjye, muyakomeze yose nk’uko nayabategetse. Ubwo ni bwo muzaba abantu banjye, nanjye nkaba Imana yanyu,
5kugira ngo nsohoze indahiro narahiye ba sogokuruza yo kubaha igihugu cy’amata n’ubuki nk’uko biri n’uyu munsi.’ ” Nuko ndamusubiza nti “Birakabaho, Nyagasani.”
6. Maze Uwiteka arambwira ati “Amamaza aya magambo yose mu midugudu y’u Buyuda no mu nzira z’i Yerusalemu uti ‘Nimwumve amagambo y’iri sezerano muyasohoze,
7. kuko nihanangirije ba sogokuruza cyane uhereye wa munsi nabavanaga mu gihugu cya Egiputa ukageza none, nkabyuka kare mbihanangiriza nti: Nimwumvire ijwi ryanjye.’
8. Nyamara ntibarakumvira haba no gutega amatwi, ahubwo umuntu wese yayobejwe n’umutima we mubi unangiye. Ni cyo cyatumye mbarangirizaho amagambo yose y’iri sezerano, ayo nari nabategetse gukora ariko ntibayakora.”
9. Maze Uwiteka arambwira ati “Mu bagabo b’i Buyuda no mu baturage b’i Yerusalemu habonetse ubugambanyi.
10.Basubiye mu byaha bya ba sekuruza, banze kumvira amagambo yanjye, bikurikiriye izindi mana ngo bazikorere. Inzu ya Isirayeli n’inzu ya Yuda bishe isezerano ryanjye, nasezeranye na ba sekuruza.
11. Ni cyo gituma Uwiteka avuga atya ati ‘Dore ngiye kubateza ibyago batazabasha kurokoka, bazantakira ariko sinzabumvira.
12. Maze abo mu midugudu y’u Buyuda n’abatuye i Yerusalemu bazajya gutakira ibigirwamana boserezaga imibavu, ariko ntabwo bizabakiza mu gihe cy’amakuba yabo.
13. Kuko uko imidugudu yawo ingana, ari ko n’imana zawe zingana Yuda we. Kandi uko inzira z’i Yerusalemu zingana, ni ko n’ibicaniro mwubakiye cya kindi gikoza isoni bingana, ari byo bicaniro byo kosereza Bāli ho imibavu.
14. Nuko we gusabira ubu bwoko, ntukarangurure ijwi ku bwabo cyangwa ngo ubasabire, kuko ntazabumvira ubwo bazantakira ku bw’amakuba yabo.’
” 15.Umukunzi wanjye aje kwenda iki mu nzu yanjye, ko yakoranye na benshi ibizira? Wibwira ko ibitambo ari byo byagukiza? Kandi iyo ukoze icyaha ni bwo unezerwa.
16. Uwiteka yakwise Umwelayo utoshye, mwiza kandi ufite imbuto nziza, ariko awutwikira mu rusaku rw’imidugararo myinshi kandi n’amashami yawo aravunagurika.
17. Uwiteka Nyiringabo waguteye nk’imbuto none agutegekeye ibyago, aguhoye ibyaha by’inzu ya Isirayeli n’iby’inzu ya Yuda, ibyo bizaniye bakandakaza kuko boserezaga Bāli imibavu. 18. Uwiteka warabimenyesheje maze ndabimenya, uherako unyereka imirimo yabo.
19. Ariko nari meze nk’umwana w’intama woroshye ujyanywe kubagwa, kandi sinari nzi ko bangambaniye bati “Turimbure igiti n’imbuto zacyo, tumuce mu gihugu cy’ababaho kugira ngo izina rye ritongera kwibukwa.”
20. Ariko Uwiteka Nyiringabo we, uca imanza zitabera ukagerageza imitima n’impyiko, henga ndebe uko uzabahōra kuko nakumenyesheje urubanza rwanjye.
21. Ni cyo gituma Uwiteka avuga iby’abantu bo mu Anatoti bashaka kukwica bavuga bati “Ntugahanure mu izina ry’Uwiteka kugira ngo udapfa uguye mu maboko yacu.”
22. Uwiteka Nyiringabo avuga atya ati “Dore ngiye kubahana, abasore bazicishwa inkota, abahungu babo n’abakobwa babo bazicwa n’inzara,
23. kandi ntihazagira urokoka wo muri bo kuko nzateza abantu bo mu Anatoti ibyago, mu mwaka bazahanirwamo.”

Ibibazo bidufasha gusobanukirwa umusomyi

Ibyo nsomye birambwira ibya nde, kandi biranyigisha iki?

Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?

Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Nimwumvire ijwi ryanjye... (4): Abisirayeli bari bazi ko ingaruka zo kutumvira ari umuvumo (3b). Ibyo ariko ntibyababujije gusuzugura bakava mu isezerano nkana (8) kandi n’ingaruka bari bazizi (Guteg.28.15). Mu bagabo b’i Buyuda no mu baturage b’i Yerusalamu habonetse ubugambanyi (9): Ibyo Abayuda nta somo byabahaye, ngo bareke ingeso mbi no kutumvira. Ahubwo nabo bizaniye ibigirwamana barabisenga. imana yarabazinutswe ku buryo yongeye kubuza umuhanuzi kubasabira (14). Reba uburyo Uwiteka yakundwakazaga ubwoko bwe. Yabwitaga umwelayo utoshye (16). Nyamara yabutegekeye ibyago kubera ko babengutswe ibigirwamana .(17). Mbese tuzarokoka dute nitwirengagiza agak.^a twazaniwe na Yesu Kristo? (Heb.2.3). Dore ngiye kubahana (22): Anatoti wari umujyi Yeremiya akomokamo. Bakomokaga kuri Abiyatari, wari waraciwe na Salomo (lAbarri 2.26-27). Uwiteka yamuhishuriye ko bari guca igico cyo kumugirira nabi, kuko ubuhanuzi bwe bwabaryaga mu matwi. Inkoni igiye gukubita Abayuda, aba Anatoti nabo ntizayirokoka. Menya ko nawe ugukozeho aba akoze mu mboniy’ijisho ry’lmana (Zek.2.12).

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 23, Ukwezi kwa gatanu, turasoma muri Abaroma 7.1-13

1. Mbese bene Data muzi amategeko, ntimuzi yuko amategeko atwara umuntu gusa akiriho?
2. Ni cyo gituma amategeko ahambira umugore ku mugabo we akiriho, ariko iyo umugabo amaze gupfa, umugore aba ahambuwe ku mategeko y’umugabo we.
3. Nuko rero, ni cyo gituma iyo umugabo we akiriho, niba abaye uw’undi mugabo yitwa umusambanyikazi, ariko iyo umugabo we apfuye, ntaba agitegekwa n’ayo mategeko, ni cyo gituma atāba umusambanyikazi naho yacyurwa n’undi mugabo.
4. Nuko rero bene Data, ni ko namwe mwapfuye ku mategeko ku bw’umubiri wa Kristo, kugira ngo mubone uko muba ab’undi ari we wa wundi wazutse, mubone no kwerera Imana imbuto. 5. Ubwo twari tukiri abantu ba kamere, irari ry’ibibi ryabyukijwe n’amategeko ryakoreraga mu ngingo zacu, kugira ngo ryere imbuto z’urupfu.
6. Ariko noneho ntitugitwarwa n’amategeko, kuko twapfuye ku mategeko yari atuboshye. Ni cyo gituma turi imbata mu bubata bushya bw’Umwuka, butari bwa bundi bwa kera bw’inyuguti.
7. Nuko rero tuvuge iki? Amategeko ni icyaha? Ntibikabeho! Icyakora simba naramenye icyaha iyo ntakimenyeshwa n’amategeko, kuko ntaba naramenye kwifuza iyaba amategeko atavuze ngo “Ntukīfuze.”
8. Ariko icyaha kibonye akīto mu mategeko ni ko gukorera muri jye kwifuza kose, kuko aho amategeko atari icyaha kiba gipfuye.
9. Nanjye kera nari muzima ntafite amategeko, maze itegeko rije icyaha kirahembuka mperako ndapfa.
10. Nuko iryo tegeko ryagenewe kuzana ubugingo mbona rinzanira urupfu, 11 kuko icyaha kibonye ako kīto mu mategeko, kiranyoshya kirayanyicisha.
12. Noneho amategeko ni ayera, ndetse n’itegeko ryose ni iryera, rirakiranuka kandi ni ryiza. 13. Mbese none icyo cyiza cyampindukiye urupfu? Ntibikabeho! Ahubwo icyaha ni cyo cyaruhindutse, kugira ngo kigaragare ko ari icyaha koko, kuko cyakoresheje icyiza kunzanira urupfu ngo amategeko agaragaze uburyo icyaha ari kibi bikabije.

Ikibazo kidufasha gusobanukirwa umusomyi

Ibyo nsomye birambwira ibya nde kandi biranyigisha iki?

Ubusobanuro bw’umusomyi

Turi imbata mu bubata bushya bw’Umwuka_ (6) : Iyo umwe mu bashaka apfuye, usigaye yemerewe kongera gushaka. Pawulo yifashishije uru rugero ashaka kugaragariza Abakristo cyane cyane abafite inkomoko yay kiyahudi ko batagitwarwa n’amategeko ya Mose (4). Gusa ibi ntabwo bisobanura ko Abakristo ari ibyigenge. Ahubwo iyo umuntu akijijwe aba yiyeguriye uwamupfiriye ku musaraba maze agatangira guhirimbanira gukora ibyo umwuka wera amutegeka (Rom 8.15-16).
Itegeko ryose ni iryera, rirakiranuka kandi ni ryiza (12): Amategeko ubwayo siyo sôko y’ibibi kuko yatanzwe n’Imana. Icyaha nicyo sôko y’urupfu n’umuzi w’umuzi w’ibibi. Amategeko yatumye abantu basobanukirwa ububi bw’icyaha (7), nyamara ntiyafasha abantu kugera ku rugero rutuma bemerwa n’Imana.Urupfu rwa Yesu Kristo ni rwo rwatwunze n’Imana (4).
Senga ushmira Imana ku bwa Yesu Kristo wabaye umuhuza w’Imana n’abantu (1Tim. 2.5)

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wambere, taliki ya 10,, Ukwezi kwa gatandatu, turasoma mu Abaroma 8.18-30

18. Mbonye yuko imibabaro y’iki gihe idakwiriye kugereranywa n’ubwiza tuzahishurirwa, 19.kuko ndetse n’ibyaremwe byose bitegerezanya amatsiko guhishurwa kw’abana b’Imana,
20. kuko ibyaremwe byashyizwe mu bubata bw’ibitagira umumaro. Icyakora si ku bw’ubushake bwabyo ahubwo ni ku bw’ubushake bw’Uwabubishyizemo,
21. yiringira yuko na byo bizabāturwa kuri ubwo bubata bwo kubora, bikinjira mu mudendezo w’ubwiza bw’abana b’Imana.
22. Tuzi yuko ibyaremwe byose binihira hamwe bikaramukirwa hamwe kugeza ubu,
23. ariko si byo bisa, ahubwo natwe abafite umuganura
w’Umwuka, natwe tunihira mu mitima yacu dutegereza guhindurwa abana b’Imana, ari ko gucungurwa kw’imibiri yacu,
24. kuko twakijijwe dufite ibyiringiro. Ariko rero ibyo umuntu yiringira iyo byabonetse, ntibiba bikiri ibyiringiro. Ni nde se wakwiringira kuzabona icyo amaze kubona?
25. Nyamara twebwe ubwo twiringira ibyo tutabonye, tubitegereza twihangana.
26. Uko ni ko n’Umwuka adufasha mu ntege nke zacu kuko tutazi uko dukwiriye gusenga, ariko Umwuka ubwe ni we udusabira aniha iminiho itavugwa,
27. kandi Irondora imitima izi ibyo Umwuka atekereza, kuko Umwuka asabira abera nk’uko Imana ishaka.
28. Kandi tuzi yuko ku bakunda Imana byose bifataniriza hamwe kubazanira ibyiza, ari bo bahamagawe nk’uko yabigambiriye,
29. kuko abo yamenye kera yabatoranirije kera gushushanywa n’ishusho y’Umwana wayo, kugira ngo abe imfura muri bene se benshi.
30. Abo yatoranije kera yarabahamagaye, kandi abo yahamagaye yarabatsindishirije, n’abo yatsindishirije yabahaye ubwiza. Ubwo Imana iri mu ruhande rwacu umubisha wacu ni nde?

Ibibazo bidufasha gusobanukirwa umusomyi

Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?
Mbese mu byo nsomye harimo:
Icyo Imana yansezeranije?

Ubusobanuro bw’umusomyi

Mbonye yuko imibabaro y’iki gihe idakwiye kugereranywa n’ubwiza tuzahishurirwa (18): Pawulo yanyuze mu mibabaro myinshi, kandi ayivamo anesheje. Imibabaro ni inzira ducamo kugira ngo tuzahabwe ubwiza bwa Kristo. Ubwe ni we wasize avuze ko mu isi abamwizera bagira imibabaro ariko ko isi yayinesheje (Yoh.16.33). Ibyaremwe byose binihana natwe muri yo, ariko dufite ibyiringiro ko nyuma y’ibyo tuzahindurwa abana b’Imana (23). Abo ni bo bategereje imigisha irushaho kuba myinshi, ubwo igihe cy’isarura kizaba gisohoye (18-25). Ibi byiringiro ni byo bidutera kwihangana, kuko dutegereje ibyiza bihebuje (18). Umwuka w’Imana adufasha gusenga…nkuko Imana ishaka (27). Mu mibabaro no mu ntambara yo kunesha, ntituri twenyine, kuko Umwuka Wera abana natwe, akadusabira uko Imana ishaka. Iyo imibabaro igose umuntu haba ubwo ananirwa gusenga. Nugera mu bihe nk’ibyo, humura Umwuka Wera we ntananirwa.
Isezerano:Ku bakunda Imana, byose bifataniriza hamwe kutuzanira ibyiza (28). Hari ubuhamya bw’ibyakubayeho wakwifashisha mu guhamiriza abandi ko ibyo iri jambo rivuga ari ukuri?

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kabiri, taliki ya 11, Ukwezi kwa gatandatu, turasoma muri Abaroma8:31-39

31. None ubwo bimeze bityo tuvuge iki? Ubwo Imana iri mu ruhande rwacu umubisha wacu ni nde?
32. Mbese ubwo itimanye Umwana wayo ikamutanga ku bwacu twese, izabura ite kumuduhana n’ibindi byose?
33. Ni nde uzarega intore z’Imana? Ni Imana kandi ari yo izitsindishiriza?
34. Ni nde uzazicira ho iteka? Ni Kristo Yesu kandi ari we wazipfiriye, ndetse akaba yarazutse ari iburyo bw’Imana adusabira?
35. Ni nde wadutandukanya n’urukundo rwa Kristo? Mbese ni amakuba, cyangwa ni ibyago, cyangwa ni ukurenganywa, cyangwa ni inzara, cyangwa ni ukwambara ubusa, cyangwa ni ukuba mu kaga, cyangwa ni inkota?
36. Nk’uko byanditswe ngo “Turicwa umunsi ukīra bakuduhōra, Twahwanijwe n’intama z’imbagwa.”
37. Oya, ahubwo muri ibyo byose turushishwaho kunesha n’uwadukunze,
38. Kuko menye neza yuko naho rwaba urupfu cyangwa ubugingo, cyangwa abamarayika cyangwa abategeka, cyangwa ibiriho cyangwa ibizaba, cyangwa abafite ubushobozi,
39. Cyangwa uburebure bw’igihagararo, cyangwa uburebure bw’ikijyepfo, cyangwa ikindi cyaremwe cyose, bitazabasha kudutandukanya n’urukundo rw’Imana ruri muri Kristo Yesu Umwami wacu.

Ibibazo bidufasha gusobanukirwa umusomyi

1.Ibyo nsomye birambwira ibya nde, kandi biranyigisha iki?
2.Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?

Ubusobanuro bw’umusomyi

“Ubwo Imana iri mu ruhande rwacu, umubisha wacu ni nde?”(31). Mu bibazo birindwi abaza akanabisubiza, Pawulo aragaragaza ukuri k’ukuntu agakiza k’umukristo kari mu biganza by’lmana. Ubwo bimeze bityo tuvuge iki? Nta kindi uretse kurambura amaboko tukarangurura tuti “Haleluya!" Satani n’ingabo ze ni bo barwanya umuntu w’lmana; ariko Imana mu buntu bwayo yatanze umwana wayo ngo abe igitambo kidukiza ibyaha, kandi ku musaraba tuhakura intsinzi ihoraho. No mu rubanza Satani yadukururamo, nta teka tuzacirwaho (8.1), kuko Imana ari yo yakatureze, niyo idutsindishiriza. Yesu wakaduciriyeho iteka, ni we watwitangiye kandi ni we udusabira. “Ni nde wadutandukanya n’urukundo rwa Kristo? (35): Pawulo yatanze urutonde rw’ibintu birindwi abakristo bahura nabyo: amakuba, ibyago, akarengane, inzara, ubukene, akaga no kwicwa. N’uyu munsi turacyanyura mu bisa bityo. Ariko ibanga ryo kunesha ni ukumenya ko dufite Umucamanza kandi akaba n’Umuvugizi. (37). Inama: Mu gihe cy’ububyutse bwo muw’1935, abarokore b’i Gahini bari bafite ahantu bateraga igikumwe barahirira Yesu ko batazamuvaho. Nawe wifashishije imirongo 38-39, hamiriza abo mubana ko nta kizagutandukanya n’urukundo rwa Krisito.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatatu, taliki ya 12, Ukwezi kwa gatandatu, turasoma muri Zaburi 68.21-36

21. Imana itubera Imana y’agakiza idukiza kenshi, Kandi Uwiteka Umwami ni we ubasha gukūra mu rupfu.
22. Ariko Imana izamenagura imitwe y’abanzi bayo, N’igikoba kiriho umusatsi cy’umuntu wese ukomeza kwishyiraho urubanza.
23. Umwami Imana yaravuze iti “Nzabagarura bave i Bashani, Nzabagarura bave imuhengeri w’inyanja,
24.Kugira ngo winike ikirenge cyawe mu maraso, Indimi z’imbwa zawe zigabane abanzi bawe.” 25. Mana, barebye amagenda yawe, Amagenda y’Imana yanjye, Ni yo Mwami wanjye yinjira ahera.
26. Abaririmbyi bagiye imbere, Abacuranzi bakurikiyeho, Hagati y’abakobwa bavuza amashako. 27.Muhimbarize Imana mu materaniro, Mwa bakomotse ku isōko ya Isirayeli mwe, Muhimbaze Umwami Imana.
28. Nguriya umuryango wa Benyamini umuhererezi, Ni wo mutware wabo, Harimo n’abakomeye b’Abayuda n’umutwe wabo, N’abakomeye b’Abazebuluni, N’abakomeye b’Abanafutali.
29. Imana yawe igutegekeye imbaraga, Mana, komeza ibyo wadukoreye,
30.Uri mu rusengero rwawe, I Yerusalemu ni ho Abami bazakuzanira amaturo.
31. Hana ya nyamaswa yo mu rufunzo, N’amapfizi menshi n’inyana zo mu mahanga, Kugira ngo bakuramye bazanye ibice by’ifeza, Tatanya amahanga yishimira intambara.
32. Abakomeye bazaza bavuye muri Egiputa, Etiyopiya hazihuta kuramburira Imana amaboko yaho.
33.Mwa bihugu by’Abami bo mu isi mwe, Muririmbire Imana, Muririmbire Umwami ishimwe. Sela.
34. Ni we ugenda ku ijuru ryo hejuru y’amajuru yose, Ryahozeho na kera kose, Dore avuga ijwi, ijwi rikomeye.
35. Mwāturire Imana ko ifite imbaraga, Ubwiza bwayo buri hejuru y’Abisirayeli, Imbaraga zayo ziri mu bicu.
36. Mana, uteye ubwoba uri ahera hawe, Imana y’Abisirayeli ni yo iha abantu bayo imbaraga no gukomera. Imana ihimbazwe.

Ibibazo bidufasha gusobanukirwa umusomyi

1. Ibyo nsomye birambwira ibya nde, kandi biranyigisha iki?
2. Ibyo nsomye biranyigisha iki
Ku Mana data wa twese?
Kuri Yesu kristo?
Ku Mwuka Wera?

3. Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Imana itubera Imana y’agakiza, idukiza kenshi (21): Uyu mwanditsi hari ukuntu azi Imana. Yagiye yigaragaza kenshi mu mibereho ye, iramukiza. Muri iyi si tunyura muri byinshi biturushya. Uburwayi, ubukene, akarengane, intambara, ibibazo byo mu ngo, mu itorero... Aho hose haba ibirushya imitima yacu. Ariko Imana dusenga irahadusanga ikatubera Imana y’agakiza. Ni Imana ifite ubushobozi bwo kudukura ikuzimu, ikadukiza urupfu. (Ef.4.9s-10). Muhimbarize Imana mu materaniro... (27): Umutambagiro nk’uyu tuwubona ubwo Sawuli na Dawidi batabarukaga bamaze kunesha abafilisitiya (1 Sam. 18.6). Abaririmbyi, abacuranzi n’ababyinnyi bari imbere y’lmana yanesheje abanzi. Abitabiriye uyu mutambagiro barahamagarirwa guhimbaza Imana. Ababenyamini n’Abayuda bahagarariye imiryango yabyaye abami Sawuli na Dawidi, Abazeburuni n’Abanafutali bahagarariye intwari zose zarwanye iyo mu butayu (Abac.5.18). Intwari z’igihugu cyose zirangajwe imbere n’Uwiteka Imana, zirabyina intsinzi y’lmana. Ibyo Imana yadukoreye, bitubere impamvu yo guhora mu munezero wo kuyihimbaza, kuko ari Yo iduha imbaraga no gukomera (36).

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 13, Ukwezi kwa gatandatu, turasoma muri Zaburi 76.1-13

1. Zaburi iyi yahimbiwe umutware w’abaririmbyi babwira inanga. Ni indirimbo ya Asafu yitwa Zaburi.
2. Mu Bayuda Imana iramenyekana, Mu Bisirayeli izina ryayo rirakomeye.
3. Kandi i Salemu ni ho hema ryayo, I Siyoni ni ho buturo bwayo.
4. Ni ho yameneye imirabyo yo mu muheto, N’ingabo n’inkota n’intwaro z’intambara. Sela.
5. Uri uw’icyubahiro n’ubwiza bwinshi, Utabarutse mu misozi y’iminyago.
6. Intwari mu mitima ziranyazwe zisinzira ubuticura, Kandi nta bo mu banyambaraga babonye amaboko yabo.
7. Mana ya Yakobo, Gucyaha kwawe kwatumye amagare n’amafarashi bisinzirira guhwera. 8. Wowe ni wowe uteye ubwoba, Ni nde ubasha guhagarara imbere yawe igihe urakaye? 9. Wumvikanishije amateka uri mu ijuru, Isi yaratinye iraceceka,
10. Ubwo Imana yahagurutswaga no guca amateka, Ngo ikize abagwaneza bo mu isi bose. Sela. 11. Ni ukuri umujinya w’abantu uzagushimisha, Umujinya uzasigara uzawukenyera.
12. Muhige umuhigo muwuhigure Uwiteka Imana yanyu, Abayigose bose bazanire amaturo Iteye ubwoba.
13. Izarimbura imyuka y’abakomeye, Ni yo iteye ubwoba Abami bo mu isi.

Ibibazo bidufasha gusobanukirwa umusomyi

1. Ibyo nsomye birambwira ibya nde, kandi biranyigisha iki?
2. Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?

Ubusobanuro bw’umusomyi

Mu Bayuda Imana iramenyekana (2): lyi Zaburi yaba yararirimbwe igihe Uwiteka yari amaze gutsemba ingabo za Senakerubi (2Ngoma 32.20-22). Ubwoko bwe buramushimira ibitangaza n’ibikomeye yakoze, ari na byo bimumenyekanisha. Kandi i Salemu ni ho hema ryayo (3): Salemu ari yo Yerusalemu, risobanura amahoro. Imana itura ahari amahoro, n’ubutumwa bwayo ni imbuto zo gukiranuka zibibwa mu mahoro n’abahesha abandi amahoro (Yak.3.18). Ni yo iteye ubwoba abami bo mu isi (13): Imana yasezeranije Aburahamu ko azahesha amahanga yose umugisha (ltang.12.3).- Amahanga atayubaha yo ariko iyatera ubwoba. Yanyaze intwari izisinziriza ubuticura. Isi yumvise amateka y’imirimo yayo iratinya. Iteye ubwoba ntawuhangara kuyihagarara imbere. Gucyaha kwayo kwasinzirije amagare n’amafarashi icyarimwe. Ni yo mpamvu Abisirayeli bayumvira bayihigira imihigo bakayihigura, bakayitura amaturo, bakayitambira amashimwe (12). Ibuka ibyo yagukoreye byose maze nawe ugenze utyo.
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 14,, Ukwezi kwa gatandatu, turasoma muri Zaburi 77:1-21

1. Zaburi iyi yahimbiwe umutware w’abaririmbyi mu buryo bwa Yedutuni Ni Zaburi ya Asafu.
2.Ndatakira Imana n’ijwi ryanjye, Ndatakira Imana n’ijwi ryanjye, Na yo irantegera ugutwi.
3. Ku munsi w’umubabaro wanjye nashatse Umwami Imana, Nijoro nayitegeye amaboko sinacogora, Umutima wanjye wanga kumarwa umubabaro.
4.Nibuka Imana ngahagarika umutima, Ndaganya umutima wanjye ukagwa isari. Sela.
5. Ufata ibihene by’amaso yanjye kugira ngo bidahumiriza, Mfite umubabaro utuma ntabasha kuvuga.
6. Njya nibwira iminsi ya kera, Imyaka y’ibihe bya kera.
7. Nibuka indirimbo yanjye ya nijoro, Nkibwira mu mutima, Umwuka wanjye wibazanya umwete uti
8. “Umwami azaduta iteka ryose? Ntazongera kutwishimira ukundi?
9. Imbabazi ze zagiye rwose iteka ryose? Isezerano rye ryapfuye ibihe byose?
10. Imana yibagiwe kugira neza? Umujinya wayo utumye ikingirana imbabazi zayo?” Sela.
11. Maze ndavuga nti “Ibyo ni indwara y’umutima wanjye. Mbega natekereje yuko ukuboko kw’iburyo kw’Isumbabyose guhinduka!”
12. Nzibutsa abantu ibikomeye Uwiteka yakoze, Kuko nzibuka ibitangaza byawe bya kera.
13. Kandi nzibwira ibyo wakoze byose, Nzita ku bikomeye wakoze.
14. Mana, inzira yawe iri ahera, Ni nde mana ikomeye ihwanye n’Imana Rurema?
15. Ni wowe Mana ikora ibitangaza, Wamenyekanishije imbaraga zawe mu mahanga. 16. Wacunguje ubwoko bwawe ukuboko kwawe, Ni bwo bene Yakobo na Yosefu. Sela.
17. Mana, amazi yarakurebye, Amazi yarakurebye aratinya, Imuhengeri hahinda umushyitsi, 18.Ibicu bisuka amazi, Ijuru rirahinda, Imyambi yawe irashwara.
19. Ijwi ry’inkuba yawe ryari muri serwakira, Imirabyo yawe imurikira isi, Isi ihinda umushyitsi iratigita.
20. Inzira yawe yari mu nyanja, Inzira zawe zari mu mazi y’isanzure, Ibirenge byawe ntibyamenyekanye.
21. Wayoboje ubwoko bwawe nk’umukumbi, Ukuboko kwa Mose na Aroni.

Ikibazo kidufasha gusobanukirwa umusomyi

Mbese mu byo nsomye harimo:
Urugero rwiza nakurikiza?
Urugero rubi nakwirinda

Ubusobanuro bw’umusomyi

Ndatakira Imana n’ijwi ryanjye, nayo irantegera ugutwi (2): Asafu ku manywa na nijoro yahagaritse umutima, araganya, kugeza aho umutima we ugwa isari. (3-4). Muri ibyo byose arahamya ko Imana imuteze ugutwi. Hari igihe ibigeragezo byisukiranya, umuntu akibwira ko Imana yamuretse (10). Nzibutsa abantu ibikomeye Uwiteka yakoze (12): Iryo ni ryo banga ryo kunesha ibigeragezo: Kwatura ibikomeye Imana yakoreye ubwoko bwayo n’ibyo yadukoreye twebwe ubwacu, kwatura ubutware bwayo ku biri mu isi byose, ibiri mu nyanja no mu kirere.

Satani atinya bene ubwo buhamya. Bumwibutsa ko Imana yamutsindiye mu ijuru, Yesu na we akamutsindira ku musaraba (Ibyah.20.1-3; Kol.2.15), akamwambura imfunguzo z’ikuzimu. Hari icyo usabwa kugira ngo ugire bene ibyo byiringiro binyeganyeza ubwami bwa Satani. Ni ukwezwa. Kuko Imana yacu ari iyera, n’abayikorera bagomba kuba abera. iyo rero umutima utagucira urubanza uratinyuka. Indirimbo ya 373 Gushimisha.

[email protected]


UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa mbere, taliki ya 17, Ukwezi kwa gatandatu, turasoma muri Yeremiya 13.15-27

15. Nimwumve kandi mutege amatwi, ntimukibone kuko Uwiteka ari we uvuga.
16.Nimuhe Uwiteka Imana yanyu icyubahiro itarazana umwijima, ibirenge byanyu bitarasitara ku misozi iriho umwijima, kandi mwategereza umucyo akawuhindura igicucu cy’urupfu, akawugira n’umwijima w’icuraburindi.
17. Ariko ibyo nimutabyumvira, nzaririra ku mutima ahiherereye ndizwa n’ubwibone bwanyu, kandi amaso yanjye azasesagura amarira menshi atembe kuko umukumbi w’Uwiteka wajyanywe ho iminyago.
18. Ubwire umwami n’umugabekazi uti “Nimwicishe bugufi mwicare hasi, kuko ikamba ryarimbishaga imitwe yanyu riguye hasi.
19. Imidugudu y’ikusi yugariwe kandi nta wo kuyugurura uhari. Ab’i Buyuda bose bajyanywe ho iminyago, bose bagiye ari imbohe.
20. “Nimwubure amaso yanyu murebe abaturutse ikasikazi, umukumbi wari warahawe uri he, wa mukumbi wawe mwiza?
21. Uzavuga iki ubwo azaguhana akagusumbisha abo wagiraga incuti, noneho bakaba ari bo bagutwara? Mbese imibabaro ntizagufata nk’iy’umugore uri ku nda?
22. Kandi niwibwira mu mutima wawe uti ‘Ni iki cyatumye ibyo byose bingeraho?’ Igicumuro cyawe gikabije ni cyo cyatumye ibinyita by’imyambaro yawe bibehurwa, n’ibitsinsino byawe bigakomereka.
23.Mbese Umunyetiyopiya yabasha guhindura ibara ry’umubiri we, cyangwa ingwe ubugondo bwayo? Namwe ni uko ntimwabasha gukora ibyiza, kandi mwaramenyereye gukora ibibi.
24. Ni cyo gituma ngiye kubatatanya nk’umurama utumurirwa kure n’umuyaga wo mu butayu.
25. Ibyo ni byo bihembo byawe, ni rwo rugero nakugezeho, ni ko Uwiteka avuga, kuko wanyibagiwe ukiringira ibinyoma.
26. Ni cyo gituma nzabeyura inkanda yawe ureba, nkagaragaza ubwambure bwawe.
27. Nabonye ibizira byawe ndetse n’ubusambanyi bwawe, n’ijwi ryawe ry’ubusambanyi, n’ibizira byo kwibunza kwawe wakoreye ku misozi no mu bibaya. Uzabona ishyano Yerusalemu we! Wanze kwezwa, mbese ibyo bizahereza he?”

Ikibazo kidufasha gusobanukirwa umusomyi:

Mbese mu byo nsomye harimo:
Ijambo rimburira?

Ubusobanuro bw’umusomyi

Nimuhe Uwiteka Imana yanyu icyubahiro (16): Yeremiya araburira abibone ko nibadahindukira ngo bahe Imana icyubahiro bazarindagira mu mwijima w’icuraburindi uberekeza mu rupfu. Umwami n’umugabekazi na bo barasabwa kwicisha bugufi kuko bitabaye ibyo hari umubabaro mwinshi umeze nk’ibise ubategereje. Abaturage bayobora bagiye kujyanywaho iminyago. N’abo ubwabo abo biringiraga ko ari inshuti zabo nibo bazabahinduka babagire ingaruzwamuheto. Ibi byose nta kindi kibiteye ni ibyaha banze kwihana. Mbese Umunyetiyopiya yabasha guhindura ibara ry’umubiri we? (23): Abantu bakabije kuba indyarya, bahindukirira ibigirwamana, bitwara nk’indaya, buzura irari, bishora mu busambanyi bukabije, bareka Imana yo mugabo wabo w’isezerano (Yes.54.5). Kubera ibyo byaha byose Imana izabahana, bakorwe n’isoni nk’abambitswe ubusa ku mugaragaro. N’uyu munsi wa none iri jambo rituburira ngo tuve mu byaha, kuko icyaha cyose cyambika ugikoze ubusa. Mu mbaraga zacu ntitwakwikiza icyaha. Amaraso ya Yesu yonyine niyo ashobora kutwoza, akatugira abere mu maso y’Imana. (1Yoh.1.7). Indirimbo ya 84, mu Gushimisha.
[email protected]


UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kabiri, taliki ya 18, Ukwezi kwa gatandatu, turasoma muri Yeremiya14.1-22

1. Ijambo ry’Uwiteka ryaje kuri Yeremiya, ku bw’amapfa yari yacanye.
2. I Buyuda haraboroga, mu marembo yaho abantu bararaba, bicaye hasi bariraburiw, gutaka kw’i Yerusalemu kugiye ejuru.
3. Imfura zabo zohereje abana babo bato kuvoma, bageze ku mariba baburamo amazi, bagarukana ibibindi byabo birimo ubusa bakorwa n’isoni, bariheba bifata mu mutwe. 4. Babitewe n’uko ubutaka bwiyashije imitutu kuko ari nta mvura igwa mu gihugu, n’abahinzi na bo bariheba bifata mu mutwe.
5. Ni ukuri imparakazi na yo ibyariye mu gasozi, ita abana bayo kuko ari nta bwatsi buhari.
6. Na zo imparage zihagarara mu mpinga z’imisozi zifite impumu nk’uko ingunzu zahagira, amaso yazo abaye ibisanga kuko ari nta bwatsi buriho.
7. Nubwo ibicumuro byacu bidushinja, tugirire ku bw’izina ryawe ayii Uwiteka, kuko gusubira inyuma kwacu ari kwinshi, twagucumuyeho.
8. Ayii Byiringiro bya Isirayeli! Umukiza we wo mu gihe cy’amakuba kuki waba umeze nk’umushyitsi mu gihugu, nk’umugenzi uraye ijoro rimwe gusa?
9. Kuki wamera nk’umuntu wumiwe, nk’intwari inaniwe kurokora? Nyamara Nyagasani, uri muri twe kandi twitiriwe izina ryawe ntutureke.
10. Uku ni ko Uwiteka abwira ubu bwoko ati “Uku ni ko bakunze kurorongotana, ntabwo bashinze ibirenge byabo hamwe. Ni cyo cyatumye Uwiteka atabemera, noneho yibutse gukiranirwa kwabo, agiye kubahanira ibyaha byabo.”
11. Maze Uwiteka arambwira ati “We gusabira ubwo bwoko ibyiza.
12.Naho bakwiyirize ubusa sinzumvira gutaka kwabo, kandi nibatamba ibitambo byoswa n’amaturo y’ifu sinzabyemera ahubwo nzabarimbuza inkota n’inzara n’icyorezo.”
13. Maze ndavuga nti “Ayii, Mwami Uwiteka! Dore abahanuzi barababwira bati ‘Ntabwo muzabona inkota ntimuzagira n’inzara, ahubwo nzabahera amahoro y’ukuri hano.’ ” Yeremiya ashinja abahanuzi b’ibinyoma ibyaha
14. Maze Uwiteka arambwira ati “Abahanuzi bahanura ibinyoma mu izina ryanjye, si jye wabatumye kandi sinabategetse, haba no kuvugana na bo. Babahanurira iyerekwa ry’ibinyoma, n’iby’ubupfumu n’ibitagize umumaro, n’uburiganya bwo mu mitima yabo.
15. Ni cyo gituma Uwiteka avuga iby’abahanuzi bahanurira mu izina ryanjye kandi ntabatumye, nyamara bakavuga bati ‘Inkota
n’inzara ntabwo bizaba muri iki gihugu.’ Ati ‘Abo bahanuzi bazarimbuzwa inkota n’inzara.’
16. N’abantu abahanuzi bahanuriraga, bazagwa mu nzira z’i Yerusalemu bazize inzara n’inkota kandi ntibazabona gihamba, haba n’abagore babo n’abahungu babo n’abakobwa babo, kuko nzaba mbasutseho ibyaha byabo.
17.“Maze uzababwiea iri jambo uti ‘Amarira ahora atemba mu maso ku manywa na nijoro adatuza, kuko umwari w’ubwoko bwanjye yacitsemo icyuho gikomeye, n’uruguma rubabaza cyane.
18. Iyo ngiye mu gasozi mpasanga abicishijwe inkota, kandi iyo ngiye mu murwa mpasanga abarembejwe n’inzara. Umuhanuzi n’umutambyi na bo bajarajara mu gihugu, batagira icyo bazi.
” 19.Mbese wanze u Buyuda rwose? Umutima wawe wazinutswe i Siyoni? Kuki wadukubise tukabura urukiriro? Twategereje amahoro ariko nta cyiza cyaje, twategereje gukira none haje kwiheba!
20. Nyagasani, twemeye ibyaha byacu n’ibicumuro bya ba sogokuruza, kuko twagucumuyeho.
21. Ntutuzinukwe ugirire izina ryawe, ntukoze isoni ingoma y’icyubahiro cyawe, ibuka we kwica isezerano wadusezeranije.
22. Mbese mu bigirwamana by’abanyamahanga hari icyabasha kuvuba imvura? Mbese ijuru ubwaryo ryabasha kugusha imvura yamagira? Si wowe Uwiteka, Mana yacu? Ni cyo gituma tuzagutegereza kuko ibyo byose ari wowe wabiremye.

Ibibazo bidufasha gusobanukirwa umusomyi

1.Ibyo nsomye birambwira ibya nde, kandi biranyigisha iki?
2. Ibyo nsomye biranyigisha iki
Ku Mana data wa twese?
Kuri Yesu kristo?
Ku Mwuka wera?

Ubusobanuro bw’umusomyi

Kuwa kabiri 18 kwezi kwa gatandatu Yeremiya 14.1-22 lkib.3,6 Ayii, Byiringiro bya Isirayeli! Umukiza we wo mu gihe cy’amakuba,...(8): Amapfa yagize ingaruka zikomeye i Buyuda. Abantu bateye hejuru batakira Imana, ariko Imana yanga kubumva, ndetse ibuza na Yeremiya kubingingira kuko amasengesho yabo ari amatakirangoyi. Barasaba Imana gusohoza amasazerano yayo, nyamara bo bica ayabo (19-22), bakavuga amagambo gusa imitima yabo itamenetse. N’aho bakwiyiriza ubusa, bagatamba ibitambo byinshi Imana ntiyabumva kuko itarya ruswa. Imihango y’idini tubamo nko guhora mu byumba by’amasengesho, kwiyiriza ubusa, kujya mu materaniro, gutanga amaturo n’ibindi, ntacyo bimaze mu gihe imitima yacu tutayeguriye Imana by’ukuri. Abahanuzi bahanura ibinyoma mu izina ryanjye; si jye wabatumye (14): Abantu aho kumva Yeremiya bahitagamo kumva abahanuzi b’ibinyoma bababwira iby’amahoro bijyanye n’irari ry’imitima yabo. Ibihano bizabageraho bose (16). Mbese abavuga ubutumwa bagwiriye muri twe koko bose batumwa n’lmana? Indirimbo ya 433 mu Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatatu, taliki ya 19,, Ukwezi kwa gatandatu, turasoma muri Yeremiya 15.1-21

1.Maze Uwiteka arambwira ati “Nubwo Mose na Samweli bampagarara imbere, umutima wanjye ntabwo nawerekeza kuri aba bantu. Ubankure mu maso bagende.
2.Nibakubaza bati ‘Tujye he?’ Nawe uzababwire uti ‘Uku ni ko Uwiteka avuze ngo: Abakwiriye gupfa bapfe, n’abakwiriye inkota barimbuzwe inkota, kandi abakwiriye inzara bicwe n’inzara, n’abakwiriye kujyanwa ari imbohe bagendeho imbohe.’
3.Kandi nzabategekera uburyo bune bwo guhanwa. Ni ko Uwiteka avuga: Inkota yo kwica, imbwa zo gutanyagura, ibisiga byo mu kirere, n’inyamaswa zo mu ishyamba byo kugasha no kurimbura.
4. Kandi nzatuma bateraganwa hirya no hino mu bihugu byose byo mu isi, mbahoye ibyo Manase mwene Hezekiya, umwami w’u Buyuda yakoreye i Yerusalemu byose.”
5.Ni nde wakugirira imbabazi Yerusalemu we? Cyangwa ni nde wakuborogera? Cyangwa ni nde wahindukira ngo agusuhuze?
6.Uwiteka aravuga ati “Waranyanze wasubiye inyuma, ni cyo cyatumye nkuramburiraho ukuboko nkakurimbura, ndarambiwe noneho guhora mbagirira imbabazi.
7.Kandi nabagoshoje intara mu marembo y’igihugu, nabiciye abana, narimbuye ubwoko bwanjye ntibarakangarukira ngo bave mu nzira mbi zabo.
8.Abapfakazi babo bambereye benshi kuruta umusenyi wo ku nyanja, na ba nyina w’abasore nabateje umurimbuzi ku manywa y’ihangu, nabatunguje ubwoba n’umubabaro.
9.Uwabyaye barindwi arihebye ararabiranye, izuba rye rirenze butarīra, yakozwe n’isoni no kumwara: kandi abasigaye bo muri bo nzabarimburiza inkota imbere y’ababisha babo.” Ni ko Uwiteka avuga.
10. Mbonye ishyano mama, kuko wambyariye kuba umuntu wo kujya impaka no kurwanya abo mu isi yose! Nta we nagurije, kandi nta wangurije, nyamara umuntu wese wo muri bo aramvuma.
11. Uwiteka yaravuze ati “Ni ukuri nzagukomeza ugubwe neza, ni ukuri nzatera abanzi bawe kukwisunga mu gihe cy’amakuba no mu gihe cy’umubabaro.
12. Mbese hariho uwabasha kuvuna icyuma, icyuma cy’ikasikazi n’umuringa?
13. “Ibintu byawe n’ubutunzi bwawe nzabitanga ho iminyago ari nta cyo biguzwe, babimareho mu ngabano zawe zose ari ibyaha byawe byose nguhoye.
14. Nzakunyuza mu gihugu utazi uri kumwe n’abanzi bawe, kuko umuriro wakijwe n’uburakari bwanjye wo kuzabatwika.” Imana isezeranira Yeremiya kumurinda
15. Ayii Uwiteka, ni wowe ubizi. Unyibuke kandi unsure, umporere abandenganya ku bwo kwihangana kwawe ntunkureho, umenye yuko nababajwe ngatukwa ku bwawe.
16. Amagambo yawe amaze kuboneka ndayarya, maze ambera umunezero n’ibyishimo byo mu mutima wanjye, kuko nitiriwe izina ryawe Uwiteka Mana Nyiringabo.
17. Sinicaye mu iteraniro ry’abantu bishima bakanezerwa, ahubwo nicaye ukwanjye ku bw’amaboko yawe, kuko wanyujujemo uburakari.
18. Kuki mporana umubabaro, uruguma rwanjye rutavurika rukaba rwanze gukira? Mbese koko uzambera isōko ishukana, cyangwa nk’amazi akama?
19. Ni cyo gituma Uwiteka avuga atya ati “Nugaruka nzakugarura kugira ngo uhagarare imbere yanjye, kandi ibishimwa nubivana mu bigawa uzaba nk’akanwa kanjye. Bazakugarukira ariko ntuzabagarukire. 20. Kandi nzakugira inkike yubakishijwe imiringa ibe igihome gikingiye abo bantu, na bo bazakurwanya ariko ntibazakunesha, kuko ndi kumwe nawe ngo ngukize kandi nkurokore. Ni ko Uwiteka avuga. 21. Nzakurokora nkuvane mu maboko y’abanyabyaha, kandi nzagukiza amaboko y’abateye ubwoba.”

Ibibazo bidufasha gusobanukirwa umusomyi
Mbese mu byo nsomye harimo:
Itegeko nkwiriye kumvira?

Mbese mu byo nsomye harimo:
Icyo Imana yansezeranije?

Ubusobanuro bw’umusomyi

Nubwo Mose na Samweli bampagarara imbere,..(1): Mu mateka y’Abisirayeli, aba bagabo babiri kimwe na Aroni bazwiho kuba baratakambiye Uwiteka akabumva akarengera ubwoko bwe (Kuva 32.9-14;1 Samweli 7.5-11). Uwiteka arabwira Yeremiya ko ibizira umwami Manase mwene Hezekiya yakoreye i Yerusalemu bitumye abakuraho amaboko. Rondora ibihano bibategereje (2-4). Umuntu wese wo muri bo aramvuma (10): Nubwo amagambo yahawe n’Uwiteka yayariye akamubera ibyishimo n’umunezero, ariko ageze aho yumva gutanga ubwo butumwa bimubereye umutwaro. Aho kumwumva no kumvira, abo yabwiraga bamugishije impaka ndetse baranamuvuma. Nuvuga ubutumwa bwihanisha abantu ukamera nk’usuka amazi ku rutare, ntuzacike intege. Kora icyo watumwe, ibisigaye ubirekere Nyirabyo. Ni ukuri nzagukomeza, ugubwe neza (11). Mu gihe cye cy’umubabaro Imana yahaye Yeremiya amasezerano. Ibi byaba byarasohoye mu gihe cy’isenywa rya Yerusalemu, ubwo aba bose bamushinyaguriraga bajyanwaga mu bunyage, Yeremiya agirira umugisha kuri Nebuzaradani (40.2-4). Hagarara neza mu by’Imana. Nawe Uwiteka azakugira inkike ikomeye, ndetse azagukiza amaboko y’abateye ubwoba (20-21). Indirimbo 110 mu Agakiza.
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 20, Ukwezi Kwa gatandatu, turasoma muri Yeremiya 16.1-21

1. Ijambo ry’Uwiteka ryanjeho riti
2. “Aha ngaha ntuzahashakire umugore, kandi ntuzahabyarire abahungu n’abakobwa.
3. Kuko Uwiteka ari ko avuga ku bahungu no ku bakobwa bahavukiye, no kuri ba nyina bababyaye no kuri ba se bababyariye muri iki gihugu ati
4. ‘Bazapfa urupfu n’agashinyaguro, ntibazaririrwa kandi ntibazahambwa, bazarambarara hasi nk’amase kandi bazarimbuzwa inkota n’inzara, n’intumbi zabo zizaba inyama z’ibisiga byo mu kirere n’iz’inyamaswa zo mu ishyamba.’ ” 5.Uwiteka avuga atya ati “Ntukinjire mu nzu kandi ntukajye kuganya ngo ubaririre, kuko ubwo bwoko nabunyaze amahoro yanjye ndetse n’ineza n’imbabazi zanjye nabibakuyeho. Ni ko Uwiteka avuga.
6. Bose abakuru n’abato bazagwa muri iki gihugu, ntibazahambwa kandi nta bazabaririra, cyangwa ngo babīshishimurire, haba no kwimoza inkomborera ku bwabo.
7. Kandi nta bazamanyura umutsima wo guhumuriza abaririra abapfuye, nta bazabaha igikombe cyo kubahumuriza ku bwa ba se cyangwa ba nyina. 8. “Ntuzinjire no mu nzu y’ibirori kwicarana na bo, ngo urye kandi unywe.
9. Kuko Uwiteka Nyiringabo Imana ya Isirayeli ivuga itya iti ‘Dore aha hantu ngiye guhoza ijwi ryo kwishima n’ijwi ry’umunezero, ijwi ry’umukwe n’ijwi ry’umugeni, mbikore mureba mukiriho.’
10. “Nuko igihe uzamenyesha ubwo bwoko ayo magambo yose, na bo bakakubaza bati ‘Ni iki cyatumye Uwiteka atuvugaho ibyo byago byose bikomeye? Igicumuro cyacu ni ikihe? Icyaha twakoreye Uwiteka Imana yacu ni igiki?’
11. Maze nawe uzabasubize uti ‘Uwiteka aravuga ati: Byatewe n’uko ba so banyimūye bagakurikiza izindi mana, bakazikorera bakazisenga, bakanyimūra ntibakomeze amategeko yanjye.
12. None namwe mwarushije ba so gukora ibyaha, dore umuntu wese wo muri mwe ayobywa n’umutima we mubi unangiye, bigatuma mutanyumvira.
13. Ni cyo gituma ngiye kubohēra mbavane muri iki gihugu, mukajya mu gihugu mutazi ari mwe haba na ba so. Ni ho muzakorera izindi mana ku manywa na nijoro, kuko ntazabagirira imbabazi.’ ”
14. Uwiteka aravuga ati “Nuko dore iminsi izaza, ubwo batazongera kuvuga ngo ‘Ndahiye Uwiteka uhoraho wavanye Abisirayeli mu gihugu cya Egiputa’, ahubwo ngo
15. ‘Ndahiye Uwiteka uhoraho wavanye Abisirayeli mu gihugu cy’ikasikazi, no mu bihugu byose yari yarabatatanirijemo.’ Kandi nzabagarura mu gihugu cyabo, icyo nari narahaye ba sekuruza.
16. “Dore ngiye gutumira abarobyi benshi, ni ko Uwiteka avuga, na bo bazabaroba. Hanyuma y’ibyo nzatumira abahigi benshi, bazabahiga ku musozi wose no ku gasozi kose, no mu masenga yo mu bitare.
17. Kuko amaso yanjye ari ku nzira zabo zose ntizihishe nkazireba, n’ibyaha byabo ntibihishwe imbere yanjye.
18. Icyaha cyabo n’igicumuro cyabo nzabanza mbibahembere kabiri, kuko igihugu cyanjye bacyandurishije intumbi z’ibintu byabo nanga urunuka, umwandu wanjye bakawuzuzamo ibizira byabo.”
19. Ayii, Uwiteka mbaraga zanjye n’igihome cyanjye, n’ubuhungiro bwanjye ku munsi w’amakuba, amahanga azakuzaho aturutse ku mpera z’isi avuga ati “Icyo ba sogokuruza bazunguye ni ibinyoma gusa, ni iby’ubusa, ni ibintu bitagira umumaro. 20. Mbese umuntu yakwiremera imana zitari imana?”
21. Dore noneho ngiye kubamenyesha, ni ukuri ngiye kubamenyesha ukuboko kwanjye n’imbaraga zanjye, na bo bazamenya yuko izina ryanjye ari Yehova.

Ikibazo kidufasha gusobanukirwa umusomyi:

Mbese mu byo nsomye harimo:
Icyo Imana yansezeranije?

Ubusobanuro bw’umusomyi

Uwiteka yahaye Yeremiya amabwiriza agendanye n’imibereho ye kugira ngo abere isomo abo mu gihe cye. Yeremiya yabujijwe kubakira urugo aho hantu ndetse abuzwa kuhabyarira abana. Ibihano by’Uwiteka ntawe bizasiga, abana n’ababyeyi bazapfa bazize ibyorezo, inzara n’inkota. Bizaba biteye ubwoba kuko ntawe uzaririrwa, ntawe uzashyingurwa, ndetse nta n’uzahumurizwa. Mu gihe Yeremiya azabatangariza ibivuye k’Uwiteka bazamubaza icyo bazira. Barazira ko ibicumuro byabo byiyongereye kuruta ibyo ba sekuruza bakoze ubwo bimuraga Uwiteka bakayoboka ibigirwamana bityo bigahumanya igihugu. *Kandi nzabagarura mu gihugu cyabo (15):* Nubwo Abisirayeli bazahanwa bikomeye ariko hari isezerano ry’uko Imana izabagirira imbabazi. Imana ishimwe ko idahorana uburakari, ahubwo imbabazi zayo zihoraho iteka (Zaburi 136.1; Yesaya.54.7-8). Imana yasezeranye ko izavugurura isezerano kandi muri Yesu yarabikoze igamije kuturokora (Yeremiya31.31-34). Nk’uko Yeremiya yabihamije natwe Imana iduhe kudashidikanya ko ari yo mbaraga zacu n’ubuhungiro bwacu mu bihe byose. Indirimbo ya 208 mu Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 21, Ukwezi kwa gatandatu, turasoma muri Yeremiya17:1-18

1. Icyaha cya Yuda cyandikishijwe ikaramu y’icyuma n’umusyi wa yahalomu, cyandikwa ku nsika z’imitima yabo no ku mahembe yo mu bicaniro byabo. 2. Ndetse n’abana babo baracyibuka ibicaniro 757
byabo, n’ibishushanyo byabo bya Ashera byari ku mirinzi yo mu mpinga z’imisozi yose.
3. Yewe wa musozi wanjye wo mu kibaya we, ibintu byawe n’ubutunzi bwawe bwose n’ingoro zawe ngiye kubitanga ho iminyago, mbahoye icyaha wakoreye mu ngabano zawe zose.
4. Nawe ubwawe ntuzagumana umwandu wawe nari naguhaye, nzatuma ukorera ababisha bawe uri mu gihugu utazi, kuko umuriro mwawakishije uburakari bwanjye uzahora waka iteka.
5. Uku ni ko Uwiteka avuga ati “Havumwe umuntu wiringira undi muntu akishima amaboko ye, mu mutima we akimūra Uwiteka.
6. Azaba ameze nk’inkokōre yo mu butayu, kandi icyiza nikiza ntazakibona, ahubwo azatura ku gasi ko mu butayu, mu gihugu cy’ubukūna kidatuwemo. 7. “Hahirwa umuntu wizera Uwiteka, Uwiteka akamubera ibyiringiro.
8. Kuko azahwana n’igiti cyatewe hafi y’amazi gishorera imizi mu mugezi. Ntikizatinya amapfa nacana, ahubwo ikibabi cyacyo kizahorana itoto, ntikizita ku mwaka wacanyemo amapfa kandi ntikizareka kwera imbuto zacyo.”
9. Umutima w’umuntu urusha ibintu byose gushukana, kandi ufite indwara ntiwizere gukira. Ni nde ushobora kuwumenya uko uri?
10. Jye Uwiteka ni jye urondora umutima nkawugerageza, nkitura umuntu wese ibihwanye n’inzira ze, uko imbuto ziva mu mirimo ye ziri.
11. Umuntu wirundanyaho ubutunzi bw’amahugu ni nk’inkware ibundikira amagi itateye. Ubwo butunzi buzamusiga agabanijemo kabiri iminsi yo kubaho kwe, hanyuma azaba umupfapfa.
12. Ubuturo bwacu bwera n’intebe y’ubwami bw’icyubahiro, yashyizwe ejuru uhereye mbere na mbere.
13.Uwiteka Byiringiro bya Isirayeli, abakwimūra bose bazakorwa n’isoni. Abanyimūra bazandikirwa mu isi kuko bimūye Uwiteka, kandi ari we sōko y’amazi y’ubugingo.
14. Nkiza Uwiteka nzabona gukira, undokore nzarokoka, kuko ari wowe shimwe ryanjye.
15. Dore barambaza bati “Ijambo ry’Uwiteka riri he? Ngaho nirize.”
16. Ku bwanjye ntabwo nihutiye kwanga kuba umwungeri ukuragiriye, kandi ntabwo nashakaga kubahanurira umunsi w’amakuba. Urabizi, ibyamvuye mu kanwa byagaragaye imbere yawe.
17. We kumbera igiteye ubwoba, uri ubuhungiro bwanjye ku munsi w’amakuba. 18. Abandenganya bamware ariko jye ne kumwara, nibakuke umutima ariko jye ne gukuka umutima, ubazanire umunsi w’ibyago kandi ubacemo ibyuho bibiri.

Ibibazo bidufasha gusobanukirwa umusomyi:

Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Ashera ni ikigirwamana cy’Abanyakanani cy’uburumbuke. Umwami Manase yari yaragishyize mu nzu y’Uwiteka, bituma Abisirayeli n’abana babo bakiramya, maze ibyo bibabaza Imana kuko bayimuye (Kuva 20.2-6). Ibyo byaha nibyo byabakururiye ibihano birimo no kunyagwa bagatakaza gakondo yabo. Kubera kwiringira abantu bakiringira n’imbaraga zabo bahindutse ibivume (5). Nta kurumbuka, nta kwera imbuto, nta buzima bubatembamo. Hahirwa umuntu wizera Uwiteka, Uwiteka akamubera ibyiringiro (7): N’ubwo ayo mahame azwi neza, ntibibuza abantu benshi guhitamo nabi. Abantu bizera abandi cyangwa bakizera imbaraga zabo, kuko umutima w’umuntu urusha byose gushukana (9). Imana ni yo mucamanza utabera kuko ari yo yonyine irondora imitima. Mu gihe wumva urengana, we kwiheba kuko Imana yo izi ibyawe neza. Uwiteka aburira abirundanyaho ubutunzi mu buryo bw’amahugu ko batazabugumana (11). Uwiteka, Byiringiro bya Isirayeli…(13): Yeremiya aratakira Uwiteka ahamya ko ariwe byiringiro byabo, kandi ko umwimura wese azakorwa n’isoni. Arasaba Imana kumurengera no kumubera ubuhungiro mu minsi mibi. Mu mibereho yacu yose, natwe tujye dusaba Imana kutubera ibyiringiro. Indirimbo ya 169 mu Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 31, Ukwezi kwa gatanu, turasoma muri Yeremiya 19.1-15

1.Uku ni ko Uwiteka avuga ati “Genda ugure urweso ku mubumbyi, ujyane bamwe bo mu bakuru b’imiryango n’abakuru bo mu batambyi,
2.maze ujye mu gikombe cya mwene Hinomu, kiri aho barasukira ku irembo ryerekeye iburasirazuba, uhavugire amagambo nkubwira uti
3.Nimwumve ijambo ry’Uwiteka mwa Abami b’u Buyuda mwe, namwe abatuye i Yerusalemu. Uku ni ko Uwiteka Nyiringabo Imana ya Isirayeli ivuga iti: Dore ngiye guteza aha hantu ibyago, ibyo uzabyumva wese bizamuziba amatwi.
4.Kuko banyimuye kandi aha bakaba bahahinduye ukundi, bakahoserereza izindi mana imibavu, izo batazi bo na ba sekuruza n’Abami b’u Buyuda, kandi aha hantu bahujuje amaraso y’abatariho urubanza, bubakiye Bāli ingoro
5. kugira ngo batwike abahungu babo ho ibitambo byoswa bya Bāli, ibyo ntategetse cyangwa ngo mbivuge, haba no kubitekereza.’
6.Nuko dore uko Uwiteka avuga ngo ‘Iminsi izaza, ntabwo aha hantu hazongera kwitwa i Tofeti cyangwa igikombe cya mwene Hinomu, ahubwo hazitwa igikombe cy’icyorezo.
7.Kandi imigambi y’u Buyuda n’i Yerusalemu
nzayihindurira ubusa aha ngaha, kandi nzabicishiriza inkota imbere y’ababisha babo, bagwe mu maboko y’abahiga ubugingo bwabo. Intumbi zabo nzazigira inyama z’ibisiga byo mu kirere, n’iz’inyamaswa zo mu ishyamba.
8.Uyu murwa nzawuhindura igitangarirwa n’igitutsi, uzahanyura wese azatangara yifate ku munwa ku bw’ibyago byaho byose.
9.Nzatuma barya inyama z’abahungu babo n’inyama z’abakobwa babo, ndetse nibamara gushoberwa ku bw’ababisha babo babateye n’abahiga ubugingo bwabo, umuntu wese azarya mugenzi we.’
10.“Maze urwo rweso uzarumenere imbere y’abagabo mujyanye,
11.ubabwire uti ‘Uku ni ko Uwiteka Nyiringabo avuze ngo: Uku ni ko nzavunagura ubu bwoko n’uyu umurwa nk’umena ikibumbano cy’umubumbyi kidashoboka kongera kubumbika, kandi bazahamba i Tofeti kugeza ubwo hadasigara aho guhambwa.’
12.Uwiteka aravuga ngo ‘Ni ko nzagenzereza aha hantu n’abahatuye, kandi uyu murwa nzawuhindura nk’i Tofeti.
13.Kandi amazu y’i Yerusalemu n’amazu y’Abami b’u Buyuda yandujwe azamera nk’ahantu h’i Tofeti, ya mazu yose boserezagaho imibavu, bayosereza ingabo zo mu ijuru zose, bagasukira izindi mana amaturo anyobwa.’ ”
14.Nuko Yeremiya aherako ava i Tofeti aho Uwiteka yari yamutumye kuhahanurira, ahagarara mu rugo rw’inzu y’Uwiteka abwira abantu bose ati
15.“Uku ni ko Uwiteka Nyiringabo, Imana ya Isirayeli ivuze, ngo ‘Dore ngiye guteza uyu murwa n’imidugudu yawo yose ibyago byose nawuvuzeho, kuko bashinze amajosi kugira ngo batumva amagambo yanjye.’ ”

Ibibazo bidufasha gusobanukirwa umusomyi

1.Ibyo nsomye birambwira ibya nde, kandi biranyigisha iki?
2.Ibyo nsomye biranyigisha iki
Ku Mana data wa twese?
Kuri Yesu kristo?
Ku mwuka wera?

Ubusobanuro bw’umusomyi

Ujyane bamwe mu bakuru b’imiryango n’abakuru bo mu batambyi (1): Uwiteka yahaye Yeremiya amabwiriza yo kugura ikibindi, akajyana bamwe mu bayobozi n’abatambyi mu kabande ka Hinomu. Muri ako kabande hari ingoro batwikiragamo abahungu n’abakobwa babo babatambira ibigirwamana. Bigaragara cyane ku ngoma ya Manase aho we n’abo yayoboraga basayishije bakayoboka ibigirwamana, bagakora imihango y’abanyamahanga inyuranye n’ibyo Imana yabategetse (Yer.7.30-31 ;2Ngoma 33.6). Ibyo Yeremiya yahanuriye mu kabande ka Hinomu, akanabisubiramo mu rugo rw’inzu y’Uwiteka, byari biteye ubwoba. Kubera kwinangira bakanga kumvira Uwiteka, abanzi b’Abisirayeli bazabatera babicishe inkota ku buryo imirambo yabo izaba myinshi bakabura aho bayihamba maze ikaribwa n’ibisiga n’inyamaswa (7). Abantu bazagera aho inzara ibatera kurya abana babo nyuma nabo baryane hagati yabo (9). Yeremiya yasabwe kumenera cya kibindi yaguze imbere y’abayobozi n’abatambyi bari kumwe, Imana ibabwira ko uko kijanjaguritse ariko izabavunagura bo n’umurwa wabo. Imbuzi: Mu gihe twishimira iterambere twagezeho, tujye twisuzuma, turebe niba tubigezeho tunezeza Imana kandi tugira ishyaka ryo kuyikiranukira? Indirimbo 115 Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 26, Ukwezi kwa gatandatu, turasoma muri Yeremiya 21:1-14

1.Ijambo ryaje kuri Yeremiya rivuye ku Uwiteka, igihe Umwami Sedekiya amutumyeho Pashuri mwene Malikiya, na Zefaniya mwene Māseya w’umutambyi ati
2.“Ndagusaba ngo utubarize Uwiteka, kuko Nebukadinezari umwami w’i Babuloni aje kuturwanya. Ahari Uwiteka azatugenzereza nk’uko imirimo ye yose itangaje ingana, kugira ngo uwo mwami asubireyo ye kudutera.”
3.Nuko Yeremiya arababwira ati “Uku ni ko muzasubiza Sedekiya muti
4.‘Uwiteka Imana ya Isirayeli, ivuze itya iti: Dore ngiye gusubiza inyuma intwaro z’intambara ziri mu maboko yanyu, izo murwanisha umwami w’i Babuloni n’Abakaludaya babagose bakubye inkike, mbateranirize muri uyu murwa.
5.Kandi jye ubwanjye nzabarwanisha ukuboko kurambuye, ukuboko gukomeye ndetse mfite uburakari n’umujinya, umujinya ukaze.
6.Nzica abantu bo muri uyu murwa, abantu n’amatungo bizicwa n’icyorezo gikomeye.
7.Kandi hanyuma y’ibyo, ni ko Uwiteka avuga, Sedekiya umwami w’u Buyuda n’abagaragu be na rubanda, ndetse n’abasigaye muri uyu murwa bose barokotse icyo cyorezo n’inkota n’inzara, nzabagabiza Nebukadinezari umwami w’i Babuloni n’ababisha babo n’abahiga ubugingo bwabo kandi azabicisha inkota. Ntazabareka cyangwa abagirire ibambe, haba no kubagirira imbabazi.’
8.“Kandi ubu bwoko uzabubwire uti ‘Uku ni ko Uwiteka avuga ngo dore nshyize imbere yanyu inzira y’ubugingo n’inzira y’urupfu ngo mwihitiremo.
9.Uzaguma muri uyu murwa azicishwa inkota n’inzara n’icyorezo, ariko uzasohoka akayoboka Abakaludaya babagose ni we uzabaho, kandi ubugingo bwe ni bwo azatabarura.
10.Kuko mpoza amaso kuri uyu murwa kugira ngo nywugirire nabi, sinawugirira neza. Uzagabizwa umwami w’i Babuloni, na we azawutwika.’ ” Ni ko Uwiteka avuga.
11.Nimwumve ijambo ry’Uwiteka rivuga iby’inzu y’umwami w’u Buyuda ati
12.“Wa nzu ya Dawidi we, uku ni ko Uwiteka avuze ngo: Mujye muca imanza zitabera mu gitondo, kandi abanyazwe ibyabo mubakize amaboko y’uburenganije, kugira ngo uburakari bwanjye butaza bugurumana nk’umuriro, bugatwika ntihagire ubasha kubuzimya, mbahoye ibyaha by’imirimo yanyu mukora.
13.Dore ndaguteye yewe utuye mu kibaya, ku rutare ruri mu gisiza. Ni ko Uwiteka avuga, wowe uvuga uti ‘Ni nde warindūka kumanuka ngo adutere? Cyangwa ni nde wadutahirana mu mazu?’
14.Nzabahanira ibihwanye n’imbuto z’imirimo yanyu, kandi nzakongeza umuriro mu ishyamba ryaho, uzakongora ibihakikije byose.” Ni ko Uwiteka avuga.

Ikibazo kidufasha gusobanukirwa umusomyi

Ibyo nsomye birambwira ibya nde, kandi biranyigisha iki?

Ubusobanuro bw’umusomyi

Ndagusaba ngo utubarize Uwiteka (2): Sedekiya ni umwe mu bami b’i Buyuda bakoze ibyangwa n’Uwifeka (2Ngoma 36.11-12). Mu gihe yari yugarijwe n’ingabo za Nebukadinezari, yatumye kuri Yeremiya ngo amubarize Uwiteka ibigiye kubabaho. Ashobora kuba yaribwiraga ko Uwiteka yabarwanirira nk’uko yabikoreye umwami Hezekiya mu gihe cy’umuhanuzfYesaya. Icyo Sedekiya yirengagije ni uguca bugufi imbere y’lmana nk’uko Hezekiya yabikoze (2 Ngoma 32.20-21). Pashuri uvugwa aha, atandukanye na Pashuri uvugwa mu gice cya 20; icyakora uyu na we yafatanije n’ibindi byegera by’umwami bashaka kwica urubozo Yeremiya, ubwo bamujugunyaga mu rwobo (Yeremiya.38.1-6). Yeremiya ntiyahanuye ibyo umwami ashaka, yamubwiye ukuri kuvuye k’Uwiteka (7). Dore nshyize imbere yanyu inzira y’ubugingo... (8): Mu bihe byose, Imana iha abayumvira amahirwe yo kubaho. Inzira y’ubugingo n’inzira y’urupfu zihora imbere yacu, kandi guhitamo inzira nziza nta buhanga buhanitse bisaba (Guteg.30.19;Yes.35.8). Mujye muca imanza zitabera..(12): Ubwibone bwatumaga abo mu muryango w’umwami bibwira ko ntacyabashobora kubera ibitabashwa batuyemo, nyamara byari ukwibeshya (13). Imana yishimira abayobozi bicisha bugufi kandi bakagira ubutabera.
Indirimbo ya 363 Gushimisha .
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 26, Ukwezi kwa gatandatu, turasoma muri Zaburi 78:1-20

1.Indirimbo ya Asafu yahimbishijwe ubwenge.Bwoko bwanjye, nimwumve amategeko yanjye,Nimutegere amatwi amagambo yo mu kanwa kanjye.
2.Ndabumbura akanwa mbacire imigani,Ndavuga amagambo aruhije ya kera.
3.Ibyo twumvise tukamenya,Ibyo ba sogokuruza batubwiye,
4.Ntituzabihisha abuzukuruza babo,Tubwire ab’igihe kizaza ishimwe ry’Uwiteka,N’imbaraga ze n’imirimo itangaza yakoze.
5.Kuko yakomeje guhamya mu Bayakobo,Yashyizeho itegeko mu Bisirayeli,Iryo yategetse ba sogokuruza,Ngo babibwire abana babo,
6.Kugira ngo ab’igihe kizaza bazabimenye,Ni bo bana bazavuka,Ngo na bo bazahaguruke,Babibwire abana babo,
7.Kugira ngo biringire Imana,Kandi batibagirwa ibyo Imana yakoze,Ahubwo bitondere amategeko yayo.
8.Be kuba nka ba sekuruza,Ab’igihe cy’ibigande cy’abagome,Batiboneza imitima,Imitima yabo idakiranukira Imana.
9.Abefurayimu batwaye intwaro n’imiheto,Basubiye inyuma ku munsi w’intambara.
10.Ntibitondeye isezerano ry’Imana,Banze kugendera mu mategeko yayo.
11.Bibagiwe ibyo yakoze,N’imirimo yayo itangaza yaberetse.
12.Yakoreye ibitangaza mu maso ya ba sekuruza,Mu gihugu cya Egiputa, mu kigarama cy’i Zowani.
13.Yatandukanije inyanja ibacisha hagati yayo,Ihagarika amazi nk’ikirundo.
14.Kandi ku manywa yabayobozaga igicu,Ijoro ryose ikabayoboza kumurika k’umuriro.
15.Yasaturiye ibitare mu butayu,Ibanywesha amazi menshi ava ikuzimu.
16.Kandi yavushije amasōko mu gitare,Itembesha amazi nk’imigezi.
17.Ariko bagumya kuyicumuraho,Kugomerera Isumbabyose mu gihugu gikakaye.
18.Bagerageresha Imana imitima yabo,Bayigerageresha gusaba ibyokurya byo guhaza kwifuza kwabo.
19.Bagaya Imana bati“Mbese Imana ibasha gutunganiriza ameza mu butayu?
20.Dore yakubise cya gitare amazi aradudubiza,Imigezi iratemba.Mbese yabasha kuduha n’umutsima?Izabonera ubwoko bwayo inyama?”

Ibibazo bidufasha gusobanukirwa umusomyi:

Ibyo nsomye biranyigisha iki
Ku Mana Data wa twese?
Kuri Yesu Kristo?
Ku Mwuka Wera?

Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Ibyo twumvise tukamenya ntituzabihisha abuzukuruza babo (3,4). Asafu yibutse ibyiza Imana yakoreye ubwoko bwe mu gihe cyo kuva muri Egiputa (11-16). Igitare cyavuyemo amazi ni yo

Yesu (35, 1Kor.10.4). Arashishikariza bene wabo guhora babizirikana, bakabyigisha abana n’abuzukuru, igisekuru ku gisekuru, ntibabiceceke, bityo ayo mateka ntazibagirane (6). Abana bacu bakwiye kwigishwa imirimo y’Imana, bagatozwa gukunda no gusoma ijambo ry’Imana. Bizatuma bamenya neza urukundo rwayo (7), imbaraga zayo n’ibitangaza ikorera abayizera (3,4,7,8). Bizabakundisha umurimo wayo bawugirire ishyaka, kuko bayisobanukiwe. Nanone bizabarinda kuyoba no kuva mu byizerwa (8). Bagerageza Imana (18). Irari ry’inda ryateye Abisirayeli kugaya Imana no gushidikanya ko yababonera ibyo kurya mu butayu. Burya irari rirakura rikabyara icyaha (Yak.1.15). Hari byinshi byiza Yesu yagukoreye. Ikigeragezo cyose uhuye na cyo ntukemere ko kigutera gushidikanya ubutware n’imbaraga ze.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 26, Ukwezi kwa gatandatu, turasoma muri Zaburi 78:21-51

21.Ni cyo cyatumye Uwiteka arakara abyumvise,Umuriro ugacanwa wo gutwika Abayakobo,Umujinya ugacumba ku Bisirayeli,
22.Kuko batizeye Imana,Kandi ntibiringire agakiza kayo.
23.Ariko itegeka ibicu byo hejuru,Ikingura inzugi z’ijuru,
24.Ibagushiriza manu yo kurya,Ibaha ku masaka yo mu ijuru,
25.Bose barya umutsima w’abakomeye,Iboherereza ibyokurya byo kubahaza rwose.
26.Ihuhisha mu ijuru umuyaga uturutse iburasirazuba,Iyoboza ubutware bwayo umuyaga uturutse ikusi.
27.Kandi ibamanurira inyama nyinshi nk’umukungugu,N’inyoni ziguruka nyinshi,Zimeze nk’umusenyi wo ku nyanja,
28.Izigusha hagati mu rugo rw’amahema yabo,Zigota aho bari.
29.Nuko bararya barahaga cyane,Yabahaye ibyo bifuje.
30.Bari bataratandukana no kwifuza kwabo,Ibyokurya byabo byari bikiri mu kanwa kabo,
31.Umujinya w’Imana urabahagurukira,Wica abanini bo muri bo,Urimbura abasore bo mu Bisirayeli.
32.Nubwo ibyo byababayeho bagumya gucumura,Ntibizera imirimo yayo itangaza,
33.Bituma irangiza iminsi yabo nk’umwuka,N’imyaka yabo iyirangirisha kurimbuka kubatunguye.
34.Uko yabicaga babaririzaga ibyayo,Bakagaruka bakazindukira gushaka Imana,
35.Bakibuka yuko Imana ari yo gitare cyabo,Kandi yuko Imana Isumbabyose ari umucunguzi wabo.
36.Ariko bayishyeshyeshaga akanwa kabo,Bakayibeshyeshya indimi zabo,
37.Kuko imitima yabo itayitunganiye,Kandi batari abanyamurava mu isezerano ryayo.
38.Ariko yo kuko yuzuye imbabazi,Ibabarira gukiranirwa kwabo ntiyabarimbura,Kandi kenshi isubiza inyuma uburakari bwayo,Ntikangure umujinya wayo wose.
39.Nuko yibuka yuko ari abantu buntu,N’umuyaga uhita ntugaruke.
40.Erega ni kenshi bayigomereraga mu butayu,Bayibabarizaga ahatagira abantu,
41.Bagahindukira bakagerageza Imana,Bakarakaza Iyera ya Isirayeli.
42.Ntibibukaga ukuboko kwayo,Cyangwa umunsi yabacunguriyemo, ikabakiza abanzi,
43.Kandi yuko yashyize ibimenyetso byayo muri Egiputa,N’ibitangaza byayo mu kigarama cy’i Zowani,
44.Igahindura inzuzi z’ab’aho amaraso,N’imigezi yabo ntibabashe kuyinywaho.
45.Yaboherejemo amarumbo y’isazi zirabarya,N’ibikeri birabarimbura.
46.Kandi iha ubuzikira imyaka yabo,N’imirimo yabo iyiha inzige.
47.Yicisha imizabibu yabo urubura,N’imishikima yabo iyicisha imbeho.
48.Itanga inka zabo ngo zicwe n’urubura,N’imikumbi yabo ngo ikubitwe n’inkota zotsa.
49.Ibatera uburakari bwayo bukaze,Umujinya n’uburakari n’ibyago,Umutwe w’abamarayika b’abarimbuzi.
50.Iharurira uburakari bwayo inzira,Ntiyakiza ubugingo bwabo urupfu,Ahubwo iha indwara yanduza ubugingo bwabo.
51.Ikubita abana b’imfura bose bo muri Egiputa irabica,Abo gukomera kwabo kwatangiriyeho bo mu mahema ya Hamu

Ibibazo bidifasha gusobanukirwa umusomyi

Ibyo nsomye biranyigisha iki :
Ku Mana Data wa twese?
Kuri Yesu?
Ku mwuka Wera?
Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Nicyo cyatumye Uwiteka arakara abyumvise(21): Icyaha cyo kugerageza Imana , kutizera no kuyigaya byarayirakaje. Byatumye Imana ibigira itegeko ngo batazongera kuyigerageza (Gutegeka kwa kabiri.6.6), Mu cyimbo cyo kugaya twige gushima (1 Abatesalonike5:16-18). Ariko itegeka ibicu byo hejuru (23): Nubwo uburakari bwayo bwakongejwe yarigaruye, ntiyarimbura Abisirayeli, ahubwo ibaha ibyo kurya bivuye mu ijuru (24,25,27,29).
Imana yacu ntigumana umujinya iteka, , itegereje ko ahindukira akihana. Bari bataratandukana no kwifuza kwabo (30): Nubwo bariye bagahaga, ntibanyuzwe. Ibyo byongeye kurakaza Imana bibazanira urupfu irimbura abasore bo muri bo (31,33). Ijambo ry’Imana riduhamagarira kunyurwa(1 Timoteyo.6.8) Kunyurwa bitera gushima, aiko gufungura imigisha yo mu ijuru. Bayibeshyeshya akanwa kabo (36): Kwihana kutavuye ku mutima ntacyo kumaze (36,37,40).

Zirikana: Abisirayeli bibagirwaga kenshi ibitangaza Imana yabakoreye . ntuzigere wibagirwa kenshi ibitangaza Imana yagukoreye n’imbabazi waherewe mu maraso ya Yesu Kristo.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa mbere, taliki ya 1, Ukwezi kwa karindwi, turasoma mu 1Abakorinto 1:1-9

Urwandiko rwa mbere Pawulo yandikiye Abakorinto.

Korinto ni umujyi ukomeye w’igihugu cy’Ubugiriki na bugingo n‘ubu. Itorero ryabo Pawulo yaritangiye ubwo yari mu rugendo rwe rwa kabiri (Ibyakozwe n’Intumwa 18): Pawulo yamaze amezi 18 yigisha abizera ijambo ry’Imana. Yakundaga cyane abizeye Yesu kubw’ubutumwa bwiza, maze ntahweme kubasabira. Mu rugendo rwe rwa gatatu, Pawulo yamaze imyaka 2 yose avuga ubutumwa ahitwa Efeso ho mu ntara ya Asiya ubu hitwa Turukiya. Akiri aho muri Efeso, yumvise inkuru z’abo mu Itorero ry’i Korinto n’ibibazo bashakaga kumubaza. Yamenye kandi ko abakristo biremye ibice, n’uko bamwe muri bo bifata nabi cyane. Yabandikiye uru rwandiko ahagana mu mwaka wa 55 asubiza ibyo bamubajije kandi abahugura. Yabateguje ko azabonana na bo, abasaba no guteranya imfashanyo zo gufasha abakristo b’i Yerusalemu. Ibirimo: 1.1-9: Intashyo no gushimira. 1.10-4.21: Ibyo kwirema ibice mu itorero. 5.1-7.40: Ibyaha by’ubusambanyi n’imibanire y’abakristo. 8-10: Imibanire y’abakristo n’abasenga ibigirwamana. 11-14: Imibanire n’imyifatire y’abizera mu materaniro, iby’impano z’Umwuka n’urukundo. 15: Kuzuka kwa Kristo no kuzazuka kw’abamwizera. 16: Inama, intashyo no gusezera.

1 Abakorinto 1:1-9

1.Pawulo wahamagariwe kuba intumwa ya Yesu Kristo nk’uko Imana yashatse, na Sositeni mwene Data,
2.turabandikiye mwebwe abo mu Itorero ry’Imana ry’i Korinto, berejwe muri Kristo Yesu kandi bahamagariwe kuba abera, hamwe n’abantu bose bambariza hose izina ry’Umwami wacu Yesu Kristo, ari we Mwami wabo n’uwacu.
3.Ubuntu n’amahoro bibe muri mwe, biva ku Mana Data wa twese no ku Mwami Yesu Kristo.
4.Mbashimira Imana yanjye iteka nishimira ubuntu bwayo mwaherewe muri Kristo Yesu,
5.kuko muri byose mwatungiwe muri we, mu byo muvuga byose no mu bwenge bwose,
6.kuko ubuhamya twahamije Kristo bwakomejwe muri mwe,
7’bituma mutagira impano yose mubura, mutegereza guhishurwa k’Umwami wacu Yesu Kristo.
8.Ni we uzabakomeza kugeza ku mperuka, kugira ngo mutazabaho umugayo ku munsi w’Umwami wacu Yesu Kristo.
9.Imana ni iyo kwizerwa, yabahamagariye gufatanya n’Umwana wayo Yesu Kristo Umwami wacu

Ikibazo kidufasha gusobanukirwa umusomyi.

Mbese mu byo nsomye harimo:
Itegeko nkwiriye kumvira?

Ubusobanuro bw’umusomyi

Pawulo wahamagariwe kuba intumwa ya Yesu Kristo (1): Uru rwandiko rwandikiwe ab’itorero ry’i Korinto n’abandi bose bambaza Kristo bakamwizera aho bari hose ku isi (2). Pawulo warwanditse ni intumwa y’Umwami Yesu yagiriwe ubuntu bwo gukwiza ubutumwa bwiza (1). Kandi rurarondora abandikiwe abo ari bo: ni abejejwe kandi bahamagariwe gukomeza kuba abera (2). Ibanga ry’indamutso ye ni ryo rihishwemo imbaranga zo gutuma abizera bakomeza kuba abera batabitewe n’imirimo yabo myiza, ahubwo ni ubuntu, kuko n’ubwo bari mu isi bahora bezwa n’amaraso ya Yesu Kristo. Ubwo buntu butuma bakomeza no kugira ubuhamya n’impano zose bakeneye kugeza ku munsi wa Yesu Kristo (7). Uwemeye uwo muhamagaro wese afite inshingano yo gukomeza kuba uwera nk’uko Yesu Kristo wamuhamagaye ari Uwera (1Pet.1.15). N’ubwo intambara zirwanya ubugingo bw’abera ari nyinshi, nta gutinya kuko Iyaduhamagariye kuba abera ni Iyo kwizerwa (1Tes.5.24).
Ikibazo: Mbese witeguye gufatanya na Kristo mu murimo we?
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa Kabiri, taliki ya 2, Ukwezi kwa karindwi, turasoma mu 1Abakorinto 1:10-25

10.Ariko bene Data, ndabingingira mu izina ry’Umwami wacu Yesu Kristo kugira ngo mwese muvuge kumwe, kandi he kugira ibice biremwa muri mwe, ahubwo muhurize hamwe rwose muhuje imitima n’inama,
11.kuko bene Data nabwiwe ibyanyu n’abo kwa Kilowe, yuko habonetse intonganya muri mwe.
12.Icyo mvuze ngiki, ni uko umuntu wese muri mwe avuga ati “Jyeweho ndi uwa Pawulo”, undi akavuga ati “Ariko jyeweho ndi uwa Apolo”, undi na we ati “Jyeweho ndi uwa Kefa”, undi ati “Jyeweho ndi uwa Kristo.”
13.Mbese Kristo yagabanijwemo ibice? Pawulo ni we wababambiwe? Cyangwa mwabatijwe mu izina rya Pawulo?
14.Nshimira Imana yuko ari nta n’umwe nabatije muri mwe keretse Kirisipo na Gayo,
15.kugira ngo hatagira umuntu uvuga yuko mwabatijwe mu izina ryanjye.
16.Icyakora nabatije n’abo kwa Sitefana, uretse abo sinzi yuko hari undi nabatije
17.kuko Kristo atantumye kubatiza, ahubwo yantumye kubwiriza ubutumwa bwiza ariko ntavugisha ubwenge bw’amagambo, kugira ngo umusaraba wa Kristo udahinduka ubusa.
18.Ijambo ry’umusaraba ku barimbuka ni ubupfu, ariko kuri twebwe abakizwa ni imbaraga z’Imana,
19.kuko byanditswe ngo“Nzarimbura ubwenge bw’abanyabwenge,N’ubuhanga bw’abahanga nzabuhindura ubusa.”
20.Mbese none umunyabwenge ari he? Umwanditsi ari he? Umunyampaka wo muri iki gihe ari he? Ubwenge bw’iyi si Imana ntiyabuhinduye ubupfu?
21.Kuko ubwo ubwenge bw’Imana bwategetse ko ab’isi badaheshwa kumenya Imana n’ubwenge bw’isi, Imana yishimiye gukirisha abayizera ubupfu bw’ibibwirizwa.
22.Dore Abayuda basaba ibimenyetso naho Abagiriki bo bashakashaka ubwenge,
23.ariko twebweho tubabwiriza ibya Kristo wabambwe. Uwo ku Bayuda ni ikigusha, ku banyamahanga ni ubupfu,
24.ariko ku bahamagawe b’Abayuda n’Abagiriki ni Kristo, ari we mbaraga z’Imana kandi ni ubwenge bwayo,
25.kuko ubupfu bw’Imana burusha abantu ubwenge, kandi intege nke z’Imana zirusha abantu imbaraga

Ibibazo bidufasha gusobanukirwa umusomyi

Ibyo nsomye birambwira ibya nde, kandi biranyigisha iki?
Ibyo nsomye biranyigisha iki
Ku Mana Data wa twese?
Kuri Yesu Kristo?
Ku Mwuka Wera?

Ubusobanuro bw’umusomyi

Mwese muvuge kumwe, kandi he kugira ibice biremwa murimwe (10): Uru rwandiko Pawulo avuga ko yarwandikiye abera bo muri Kristo Yesu. Ariko Pawuio yatewe umubabaro n’ubuswa bw’abo bantu bwakutikiyeho, bugaca itorero mo ibice (10-13). Bibagiwe ko n’ubwo Pawulo n’abandi bababwiraga ubutumwa bakoraga imirimo itangaje, ariko ntabwo ari bo Kristo. Pawulo ararwanya ibyo bice bishingiye ku bantu, kuko umurimo ni uwa Kristo we wapfiriye itorero, ntabwo ari uw’umuvugabutumwa cyangwa umukuru w’itorero kanaka. Kwirema ibice mu itorero ni kimwe mu birisuzuguza abataririmo. Ijambo ry’umusaraba ku barimbuka ni ubupfu (18): Abarema ibice mu itorero ntibazi agaciro k’umusaraba wa Kristo. Kuri abo umusaraba ni ubupfu kuko bibagirwa uwawubambweho bagakurikira abantu. Gusobanukirwa umusaraba bisaba ubwenge bw’lmana, kandi ubwo bwenge butandukanye n’ubw’iyi si (20,21). Ubwo bwenge Imana ibuha abayizera bose nta kurobanura (24). Zirikana : Yesu ni we buye rizima n’ubwo ryanzwe n’abubatsi ariko ryahindutse irikomeza imfuruka. Zirikana guhamagarwa kwawe kuko Yesu ni we buye rizima (1Petero2.4,7).lndirimbo ya 198 mu Gushimisha.

[email protected]

2ABAMI 19 :20
Hanyuma Yesaya mwene Amosi atuma kuri Hezekiya ati"Uwiteka Imana ya Isirayeli iravuze ngo: Kuko wayisabye kukurengera kuri Senakeribu umwami wa Ashuri, irabikwemereye.

Umwami wa Ashuri amaze igihe atumereye nabi ariko ndagirango, mutangarize ko urugamba si rwarundi dufite kivugira kandi twabonye ubuhungiro butavogerwa

Uyu mwami wa ashuri yarazamutse atera imidugudu y’i buyuda arayitsinda arangije yibwira gutera n’ubwoko bw’Imana, atuma kuri Hezekiya aramukanga Hezekiya arakangika.

Hezekiya amuha ifeza zose zarizibonetse n’izahabu zari ku nzugi ku rusengero

Ezekiya kubera gutinya yibagirwa ko yomatanye n’Imana , itavogerwa akingurira satani irinjira, Imbaraga z’Imana azitesha agaciro maze satani aba aramwifatiye arongera amutumaho ngo mbese ibyiringiro byawe ni byiringiro ki?

Yibagirwa ko yateye abanyamahanga batagira Imana yo kubarengera ,yibagirwa ko batagira ikibakingiriza ,yibagirwa ko yateye ubwoko bugira imana zitavuga, zidakora, arangije atugereranya nabo.

Twibuke ko dufite Imana idapfa, dufite Imana yanga agasuzuguro, ni Imana yambaye icyubahiro no gukomera.

Arongera amutumaho Rabushake aramubwira ati: ’’mugiye kurya amabyi yanyu munnywe n’inkari zanyu’’

Hezekiya abyumvise yambara ibigunira yikurunga mu mukungugu, bisobanuye guca bugufi mu mutima, arangije ajya imbere y’Imana azamura urwandiko umwami wa shuri yariyohereje, avuga amagambo meza cyane, abwira Imana ati: ’’wabonye ibitutsi umwami wa shuri yagututse?’’ Imana iba yumvise, imutumaho iti ntutinye, ayo magambo wumvise umwami wa ashuri yantutse nzamushyiramo undi mutima azasubira mu gihugu cye, nagerayo nzamwicisha inkota, inzira yamuzanye niyo izamusubizayo, aravuga ati nta nubwo azagera kuri uyu murwa, ntazaharasira n’umwambi ntazanaharunda n’ikirundo cyo kuririraho.

Yesaya ati urugamba si urwanyu ahubwo urugamba ni urw’ Uwiteka, Hezekiya arahaguruka ahamagaza ingabo zose, avuza amakondera nk’ikimenyetso cy’ubutsinzi, arababwira ati Imana, iravuze ngo urugamba si urwacu ahubwo urugamba ni urw’ Uwiteka, kuko niwe wenyine ugira ubuhungiro butavogerwa

Bazindutse mu gitondo basanga ingabo z’umwami wa ashuri zose ari imirambo burya ntituvogerwa,benedata nimuhumure dufite Imana nyamana itameze nk’imana za Senekaribu umwami wa Ashuri kuko twe dufite ifite ubuhungiro butavogerwa

Haribintu bitatu byatuma nawe wihuta kwizera ko ivuganye nawe ariyo kwizerwa:

1.Nuko uko yari ejo nuyu munsi niko iri kandi niko izahora
2.Nuko itajya ibeshya
3.Ni Imana ifite ubuhungiro butavogerwa

Natwe hari ibyo turusha abatubanjirije, byatuma twizera ni uko bagiye bahanura Yesu, ndetse bifuza kuba ku ngoma ye bagapfa batabibonye ariko, twebwe turi ku ngoma ya mesiya tuyicayemo.

Nubwo bizeraga ariko umwuka yabahangagaho akavuga yarangiza akigendera ariko twe abana natwe atuye muritwe, ni ubuhubgiro bwacu, tuyizere.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 5, Ukwezi kwa karindwi, turasoma mu 1Abakorinto 3:1-9

1.Bene Data, sinabashije kuvugana namwe nk’uvugana n’ab’Umwuka, ahubwo navuganye namwe nk’uvugana n’aba kamere, cyangwa abana b’impinja bo muri Kristo.
2.Nabaramije amata, sinabagaburiye ibyokurya bikomeye, kuko mwari mutarabibasha. Kandi na none ntimurabibasha
3.kuko mukiri aba kamere. Ubwo muri mwe harimo ishyari n’amahane, mbese ntimubaye aba kamere koko ntimugenza nk’abantu?
4.Ubwo umuntu umwe avuga ati “Jyeweho ndi uwa Pawulo”, undi akavuga ati “Jyeweho ndi uwa Apolo”, ntibigaragaza ko muri aba kamere?
5.Mbese ye, Apolo ni iki? Kandi Pawulo ni iki? Si abagaragu batumye mwizera nk’uko Imana yabahaye umurimo?
6.Ni jye wateye imbuto Apolo na we arazuhira, ariko Imana ni yo yazikujije.
7.Nuko utera nta cyo aba ari cyo cyangwa uwuhīra, keretse Imana ikuza.
8.Utera n’uwuhīra barahwanye kandi umuntu wese azahembwa nk’uko yakoze umurimo we,
9.kuko twembi Imana ari yo dukorera namwe mukaba umurima w’Imana n’inzu yayo.

Ibibazo bidufasha gusobanukirwa umusomyi

Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Nabaramije amata, sinabahaye ibyo kurya bikomeye (2):Abakirema ibice bishingiye ku bantu aho gukurikira Yesu Kristo nyiri itorero ni aba kamere, cyangwa impinja mu by’Umwuka. Abo barangwa n’amahane n’ishyari kandi ntibaramenya gutandukanya abakozi na nyiri umurimo (3,4). Pawulo ni urugero rwiza rwerekana uwasobanukiwe nyiri umurimo. Ntabwo ashakisha icyubahiro ngo anezezwe n’uko hari abashaka kumugira ikirangirire bitirirwa ko ari aba Pawulo. *„Pawulo na Apolo ni abagaragu bahawe umurimo“ (5).* Umwe muri bo yateye imbuto undi arazuhira, ariko nyiri umurima na nyiri imbuto, ni Imana, ni nayo izikuza. Abafite Umwuka Wera bazi iryo banga bigatuma bashobora gutandukanya imirimo y’abakozi n’iya nyir’umurima. Birababaza ko abana b’Imana bakomeza kuramizwa amata ntibashobore gukura ngo bagaburirwe ibiryo bikomeye by’Umwuka. Abo ntibashobora kugaburira abandi, kuko bahora ari impinja zikeneye kwitabwaho.
Ijambo ry’Imana ni byo byo kurya bitunga abizera, bakagera ku kigero gikwiriye kandi bakagira umugisha mu maso y’Imana n’abantu (Imig.3.1-4).
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa mbere, taliki ya 8, Ukwezi kwa karindwi, turasoma mu gitabo cy’Abakorinto 4.14-21

14.Ibyo simbyandikiye kubakoza isoni, ahubwo mbyandikiye kubahugura nk’abana banjye nkunda,
15.kuko nubwo mufite muri Kristo ababayobora inzovu, ntimufite ba so benshi. Ni jye wababyaje ubutumwa bwiza muri Kristo Yesu.
16.Nuko rero ndabinginga kugira ngo munyigane.
17.Ni cyo gitumye mbatumaho Timoteyo, umwana wanjye nkunda ukiranukira Umwami wacu. Azabibutsa inzira zanjye zo muri Kristo, nk’uko nigisha hose mu matorero yose.
18.Ariko bamwe barihimbaza bibwira yuko ntazaza iwanyu.
19.Nyamara nzaza vuba Umwami nabishaka, kandi sinzamenya amagambo y’abo bishyashyarika gusa, ahubwo nzamenya imbaraga zabo
20.kuko ubwami bw’Imana atari ubw’amagambo, ahubwo ari ubw’imbaraga.
21.Mbese murashaka iki? Ko nza iwanyu nzanye inkoni, cyangwa ko nzana urukundo n’umutima w’ubugwaneza?

Ikibazo kidufasha gusobanukirwa umusomyi

Ibyo nsomye birambwira ibya nde, kandi biranyigisha iki?

Ubusobanuro bw’umusomyi

Kuko ubwami bw’Imana atari ubw’amagambo, ahubwo ni ubw’imbaraga (20):Umuhati wa Pawulo ni ukwereka abana be urugero rwiza rwo kugaragarisha ubukristo bwabo imirimo atari amagambo gusa. Bituma atinyuka kubabwira ati nimunyigane (16). Ibyo abiterwa n’uko nawe akora ibyo Kristo yakoraga (1Kor.11.1). Pawulo ni we wabyaje Itorero ry’i Korinto ubutumwa bwiza, ababera umubyeyi mu buryo bw’Umwuka (Ibyak.18.8,11). Ni yo mpamvu abahana atizigamye, kuko yifuza ko kuri wa munsi abana be bazamurikirwa Imana nta kizinga. Urukundo abafitiye ni rwo rutuma Abahugura nk’abana be (14), ababwira amagambo akomeye yo kwirinda ibice, kutishyira hejuru n’ibindi. Imirimo myiza Pawulo yakoraga atitaye ku mvune n’ingorane zitandukanye ni yo yamuteye kubwira ab’i Korinto kumwigana bakareka guterana amagambo ahubwo bagakora.
Zirikana: Muzabamenyera ku mbuto zabo (Mat.7.16).
Indirimbo 273 mu Gushimishisha.
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatatu,tariki 10, Ukwezi kwa karindwi, turasoma mu 1Abakorinto6:1-11.

1.Iyo umuntu wo muri mwe afite icyo apfa na mugenzi we, mbese ahangāra kuburanira ku bakiranirwa ntaburanire ku bera?
2.Ntimuzi yuko abera bazacira ab’isi urubanza? Kandi ubwo ari mwe muzacira ab’isi urubanza, ntimushobora no guca imanza z’ibintu bito hanyuma y’ibindi?
3.Ntimuzi ndetse yuko tuzacira abamarayika urubanza, nkanswe iby’ubu bugingo?
4.Nuko rero niba mufite imanza zo gucibwa zerekeye ku by’ubu bugingo, ni iki gituma mubishyiraho abatagira icyo bahuriyeho n’Itorero ngo abe ari bo bazica? Ibyo mbivugiye kubakoza isoni.
5.Mbese koko nta munyabwenge n’umwe uba muri mwe, wabasha gucira bene Se urubanza?
6.Ahubwo mwene Data akaburana na mwene Data wundi, kandi baburanira ku batizera?
7.Nuko mumaze kubonekaho icyaha rwose, kuko muburana musubiranamo. Mbese ni iki gituma mudahitamo ahubwo kugirirwa nabi? Ni iki gituma mudahitamo guhuguzwa?
8.Ariko ni mwe ubwanyu mugirirana nabi muhuguzanya, kandi abo mugirira mutyo ni bene Data.
9.Ntimuzi yuko abakiranirwa batazaragwa ubwami bw’Imana? Ntimwishuke. Abahehesi cyangwa abasenga ibishushanyo cyangwa abasambanyi, cyangwa ibitingwa cyangwa abagabo bendana,
10.cyangwa abajura cyangwa abifuza, cyangwa abasinzi cyangwa abatukana cyangwa abanyazi, bene abo ntibazaragwa ubwami bw’Imana.
11.Kandi bamwe muri mwe mwari nka bo ariko mwaruhagiwe mwarejejwe, mwatsindishirijwe n’Umwuka w’Imana yacu mu izina ry’Umwami Yesu Kristo.

Ibibazo bidufasha gusobanukirwa umusomyi

Mbese mu byo nsomye harimo:
Itegeko nkwiriye kumvira?
Mbese mu byo nsomye harimo:
Ijambo rimburira?

Ubusobanuro bw’umusomyi

Abakiranirwa ntibazaragwa ubwami bw’Imana (9). Igihe isi igezemo ntibyoroshye kubwira abantu ko abanyabyaha batazaragwa ubwami bw’Imana. Ariko Pawulo aratinyuka akarondora ibyaha byose bizabuza abantu ijuru. Kuburanira ku batizera abenshi babifata nk’ibitagize icyo bitwaye. Nyamara imirongo myinshi irasobanura ko ababikora bizababuza ubwami bw’Imana (1-9). Ikibazo cyabyuka muri bene Data kigomba gushyikirizwa abizera (4-6). Pawulo ndetse arajya kure akavuga ko bibaye ngombwa uwizera yahitamo kwemera kugirirwa nabi no guhuguzwa aho kujya kuburanira abapagani batizera (6). Ikindi kibazo ni uko abizera aribo bagirirana nabi bagahuguzanya kandi basangirira ku meza y’Umwami! Abo bamaze kubonekaho icyaha kandi ni icyaha kizabuza benshi kwinjira mu bwami bw’Imana nk’ ibi byaha bindi birondorwa (9-10): Abahehesi, abasambanyi, abagabo bendana, abajura, abasinzi n’abandi nkabo bose ntibazinjira yo.
Zirikana: Ntimwishuke cyangwa ngo muyobe Imana ntinegurizwa izuru. Ibyo umuntu abiba ni byo azasarura (Gal 6.7).
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 11, Ukwezi kwa karindwi, turasoma mu gitabo cy’Abakorinto 6.12-20

12.Byose ndabyemererwa, nyamara ibingirira akamaro si byose. Byose ndabyemererwa ariko sinzategekwa n’ikintu cyose.
13.Ibyokurya ni iby’inda, n’inda na yo ni iy’ibyokurya, nyamara Imana izabitsemba byombi. Nuko rero umubiri si uwo gusambana ahubwo ni uw’Umwami, kandi Umwami na we ni uw’umubiri.
14.Kandi ubwo Imana yazuye Umwami Yesu, natwe izatuzurisha imbaraga zayo.
15.Ntimuzi yuko imibiri yanyu ari ingingo za Kristo? Mbese noneho ntore ingingo za Kristo, nkazihindura ingingo za maraya? Ntibikabeho!
16.Ntimuzi yuko uwifatanya na maraya aba abaye umubiri umwe na we? Kuko Imana yavuze iti “Bombi bazaba umubiri umwe.”
17.Ariko uwifatanya n’Umwami Yesu aba abaye umwuka umwe na we.
18.Muzibukīre gusambana. Ibindi byaha byose umuntu akora bikorerwa inyuma y’umubiri, ariko usambana aba akoze icyaha cyo mu mubiri we.
19.Mbese ntimuzi yuko imibiri yanyu ari insengero z’Umwuka Wera uri muri mwe, uwo mufite wavuye ku Mana? Kandi ntimuri abanyu ngo mwigenge
20.kuko mwaguzwe igiciro. Nuko rero mutume imibiri yanyu ihimbaza Imana.

Ikibazo kidufasha gusobanukirwa umusomyi.

Mbese mu byo nsomye harimo:
Ijambo rimburira?

Ubusobanuro bw’umusomyi

Byose ndabyemererwa, nyamara ibingirira umumaro si byose! (12): Ab’i Korinto bari bafite imvugo zari zarasakaye no mu bakristo; nko kuvuga ngo” Byose ndabyemererwa”, cyangwa ngo” Ibyo kurya ni iby’inda, n’inda ni iy’ibyo kurya”. Pawulo yasobanuye ko afite umudendezo wo gukora ibyo ashaka. Ibyo kurya n’ibyo kunywa byose yashoboraga kubifata ariko si ko byose yemeraga ko bimugerera mu mubiri. Yasobanukiwe ko umubiri we ari urugingo rw’umubiri wa Kristo (15). Imibiri y’abizera ni ingingo za Kristo, kuko uwifatanya nawe baba umwuka umwe; biragatsindwa rero ko izo ngingo z’icyubahiro zahindukira zigafatanywa n’ibyaha. Muzibukire gusambana (18): Pawulo arasobanura ububi bwihariye bw’icyaha cy’ubusambanyi cyari cyarokamye ab’i Korinto. Mu gihe ibindi byaha bikorerwa inyuma y’umubiri, usambana aba akoze icyaha cyo mu mubiri we (18). Imibiri y’abera ntikoreshwa ibiteye isoni kuko ni insengero z’Umwuka Wera.
Imbuzi: Kandi ntimukiri abanyu ngo mwigenge kuko mwaguzwe amaraso y’igiciro. Nuko mutume imibiri yanyu ihimbaza Imana (19b, 20).

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanuu,tariki 12, Ukwezi kwa karindwi, turasoma mu 1Kubara15.1-21

1.Uwiteka abwira Mose ati
2.“Bwira Abisirayeli uti ‘Nimumara kugera mu gihugu muzaturamo mbaha,
3.mugashaka gutambira Uwiteka igitambo gikongorwa n’umuriro, naho cyaba icyo koswa cyangwa icyo guhiguza umuhigo, cyangwa icyo mutambishwa n’umutima ukunze, cyangwa icyo mutamba mu minsi mikuru yanyu ngo kibe umubabwe uhumurira Uwiteka neza, mugikuye mu mashyo cyangwa mu mikumbi,
4.uzatamba igitambo cye ature Uwiteka ituro ry’ifu ry’igice cya cumi cya efa y’ifu y’ingezi yavuganywe n’igice cya kane cya hini y’amavuta ya elayo,
5.kandi uzitegure n’igice cya kane cya hini ya vino y’ituro ry’ibyokunywa, rituranwe n’icyo gitambo cyoswa cyangwa n’igitambo kindi. Ibyo bibe ari byo bituranwa n’umwana w’intama umwe.
6.Cyangwa niba ari isekurume y’intama itambwa, uzitegure ituro ryo guturanwa na yo ry’ibice bya cumi bibiri bya efa y’ifu y’ingezi yavuganywe n’igice cya gatatu cya hini y’amavuta ya elayo,
7.kandi ituro ry’ibyokunywa uturana na yo ribe igice cya gatatu cya hini ya vino, bibe umubabwe uhumurira Uwiteka neza.
8.Kandi niwitegura ikimasa cy’igitambo cyo koswa cyangwa cyo guhiguza umuhigo, cyangwa cy’uko uri amahoro ngo ugitambire Uwiteka,
9.ugitamba aturane na cyo ituro ry’ibice bya cumi bitatu bya efa y’ifu y’ingezi yavuganywe n’igice cya kabiri cya hini y’amavuta ya elayo.
10.“ ‘Kandi ituro ry’ibyokunywa uturana na cyo ribe igice cya kabiri cya hini ya vino. Bibe amaturo akongorwa n’umuriro y’umubabwe uhumurira Uwiteka neza.
11.“ ‘Uko abe ari ko bikorwa ku kimasa cyose, no ku isekurume y’intama yose, no ku mwana w’isekurume w’intama cyangwa w’ihene wose.
12.Uko ibitambo mwitegura bingana, ibyo muzakora kuri kimwe abe ari byo mukora no ku bindi, uko bingana.
13.Abe ari ko ba kavukire bose bakora ibyo, nibatamba igitambo gikongorwa n’umuriro, cy’umubabwe uhumurira Uwiteka neza.
14.Kandi umunyamahanga nasuhukira muri mwe, cyangwa uzabana namwe wese mu bihe byanyu byose, agashaka gutamba igitambo gikongorwa n’umuriro cy’umubabwe uhumurira Uwiteka neza, uko mugenza na we abe ari ko agenza.
15.Iteraniro ritegekwe ritya: mwebwe n’umunyamahanga ubasuhukiyemo musangire itegeko, ribe itegeko ridakuka mu bihe byanyu byose. Uko mumeze abe ari ko umunyamahanga amera imbere y’Uwiteka.
16.Itegeko rimwe n’umuhango umwe mubisangire n’umunyamahanga ubasuhukiyemo.’ ”
17.Uwiteka abwira Mose ati
18.“Bwira Abisirayeli uti ‘Nimugera mu gihugu mbajyanamo
19.mukarya ku mitsima yacyo, muzajye mutura Uwiteka ituro ryererezwa.
20.Ku muganura w’irobe ryanyu muzajye mutura agatsima ho ituro ryererezwa. Uko mwerereza ituro mukuye mu mbuga muhuriramo, abe ari ko mukerereza.
21.Ku muganura w’irobe ryanyu mujye mutura Uwiteka ituro ryererezwa mu bihe byanyu byose.

Ibibazo bidufasha gusobanukirwa umusomyi.

Ibyo nsomye birambwira ibya nde, kandi biranyigisha iki?
Mbese mu byo nsomye harimo:
Itegeko nkwiriye kumvira?

Ubusobanuro bw’umusomyi

Nimumara kugera mu gihugu muzaturamo mbaha (2): Abisirayeli bari mu butayu, berekeza i Kanani mu gihugu cy‘isezerano. Nibagera yo, uburyo bazatamba ibitambo n’amaturo bazatanga birasobanutse. Kuba rero baragomeye Uwiteka, ntibimubuza gukomeza kuba Uwera, nabo kandi bagomba gukomeza kwezwa no gutamba ibitambo bihumurira Uwiteka neza. Ubwo izabarwanirira kandi ikazabarinda, kubw’ibyo, baragomba gutamba n’ibitambo byo kuyishimira ibyo yabakoreye byose. Uko mugenza nawe abe ariko agenza (14). Nubwo isezerano ryari irya Aburahamu n’abazamukomokaho, abanyamahanga bajyanye n’Abisirayeli bava mu Egiputa Uwiteka na bo abaha agaciro (Kuva 12.38). Amategeko atanga nta vangura ririmo. Umugambi we w’agakiza ntawe ukwiye kuwugira umwihariko we. Imana ibashoreye ni Imana ya bose, n’abanyamahanga barimo. Ni yo mpamvu uko bameze ari ko n’abanyamahanga bakwiye kumera.
Gusenga: Mana yanjye, mu murimo wampaye kugukorera, ujye undinda umutima untera ubwibone (Luka 18.9-12).
[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo.
Kuri uyu wa mbere, taliki ya 15, Ukwezi kwa karindwi, turasoma mu Kubara 16.20-35

20.Uwiteka abwira Mose na Aroni ati
21.“Nimwitandukanirize n’iri teraniro kugira ngo ndirimbure mu kanya gato.”
22.Bikubita hasi bubamye baravuga bati “Mana, Mana y’imyuka y’abafite umubiri bose, umuntu umwe nakora icyaha, mbese urarakarira iteraniro ryose?”
23.Uwiteka abwira Mose ati
24.“Bwira iteraniro uti ‘Nimuhaguruke muve impande zose z’ubuturo bwa Kōra na Datani na Abiramu.’ ”
25.Mose arahaguruka ajya aho Datani na Abiramu bari, abakuru bo mu Bisirayeli baramukurikira.
26.Abwira iteraniro ati “Nimuve ku mahema y’aba banyabyaha, ntimugire ikintu cyabo mukoraho, kugira ngo igihano bahanirwa ibyaha byabo byose kitabarimburana na bo.”
27.Barahaguruka bava impande zose z’ubuturo bwa Kōra na Datani na Abiramu.Datani na Abiramu barasohoka, bahagararana mu miryango y’amahema yabo n’abagore babo, n’abahungu babo n’abana babo bato.
28.Mose aravuga ati “Iki ni cyo kiri bubamenyeshe yuko Uwiteka yantumye gukora imirimo nkora yose, kandi yuko ntagize icyo nkora ku bwanjye.
29.Aba bantu nibapfa urupfu rwa bose, nibaba icyo abandi bantu bose baba, Uwiteka ari bube atantumye.
30.Ariko Uwiteka nakora ikintu cy’inzaduka, ubutaka bukasama bukabamirana n’ababo n’ibyabo byose, bakarigita ikuzimu bakiri bazima, muri bumenye yuko aba bantu basuzuguye Uwiteka.”
31.Akimara kuvuga ayo magambo yose, ubutaka buri munsi yabo bugabanywamo kabiri,
32.nuko burasama, bubamirana n’ab’amazu yabo, n’abantu ba Kōra bose n’ibintu byabo byose.
33.Nuko bo n’ababo n’ibyabo byose barigita ikuzimu bakiri bazima, ubutaka bubarengaho, bararimbuka bakurwa mu iteraniro.
34.Abisirayeli babagose bose bahungishwa no gutaka kwabo, bati “Ubutaka butatumira natwe!”
35.Umuriro uva imbere y’Uwiteka, ukongora ba bagabo magana abiri na mirongo itanu bosheje imibavu

Ibibazo bidufasha gusobanukirwa umusomyi

Mbese mu byo nsomye harimo:
Urugero rwiza nakurikiza?
Urugero rubi nakwirinda?
Mbese mu byo nsomye harimo:
Ijambo rimburira?

Ubusobanuro bw’umusomyi

Umuntu umwe nakora icyaha, mbese urarakarira iteraniro ryose? (22): Icyaha cyo kwitotomba kiri mu byagiye birakaza Uwiteka, akenda kurimburira ubwoko bwe mu butayu. Ubuyobozi bwiza bwa Mose, bwagiye bubangamira uwo mugambi, agatakambira Uwiteka, bigatuma ahana gusa abagomba guhanwa. N‘ubu Imana yaramwumvise, ifata icyemezo cyo kugaragaza itandukaniro hagati y’abakozi bayo nyakuri n’abikurikiriye icyubahiro. Yasabye iteraniro ryose kwitandukanya n’abanyabyaha (24). N’ubu hari abayobozi nka Kora bazibukirwa mu kubuza amahoro Itorero ry’Imana. Abo uzi basengere bihane. Datani na Abiramu barasohoka bahagarara mu miryango y’amahema yabo (27): Imana yagombaga kugaragariza Mose ko ari yo yamutumye. Igihano yatanze cyari icyo gutuma ntawe uzabyitiranya n’urupfu rusanzwe. Ikibabaje ni uko hapfiriyemo inzirakarengane, nk’abagore n’abana babo. Dukwiye guhora dusengera abatarakizwa kuko akenshi ibyaha byabo bitugiraho ingaruka. Imbuzi: Ibyabaye kuri Kora na bagenzi be, bidufashe kwirinda kwifatanya n’imigambi y’ababi (Zaburi.1.1-3).

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, taliki ya 18, Ukwezi kwa karindwi, turasoma mu Kubara18.1-19.

1.Uwiteka abwira Aroni ati “Wowe n’abana bawe n’inzu ya so muzagibwaho no gukiranirwa kw’iby’Ahera, wowe n’abana bawe muzagibwaho no gukiranirwa k’ubutambyi bwanyu.
2.Kandi bene wanyu umuryango wa Lewi, umuryango wa sogokuruza, ubigizanye hafi yawe bafatanywe nawe bagukorere. Ariko wowe n’abana bawe muri kumwe, mujye muba imbere y’ihema ry’Ibihamya.
3.Bajye bitondera ibyo ubategeka n’ibikwiriye gukorerwa iby’ihema ryera byose. Ariko ntibakigire hafi y’ibintu by’Ahera n’igicaniro badapfa, namwe mudapfa.
4.Bafatanywe nawe, bajye bitondera ibikwiriye gukorerwa ihema ry’ibonaniro, imirimo y’ihema ryera yose, utari uwo muri bo ntakigire hafi yanyu.
5.Namwe mujye mwitondera ibikwiriye gukorerwa Ahera n’igicaniro, kugira ngo umujinya utongera kuba ku Bisirayeli.
6.Nanjye dore nakuye bene wanyu Abalewi mu Bisirayeli bandi, ni impano mwahawe kuko baherewe Uwiteka gukora imirimo y’ihema ry’ibonaniro.
7.Wowe n’abana bawe muri kumwe mujye mwitondera imirimo y’ubutambyi bwanyu ku by’igicaniro byose, no ku byo hirya y’umwenda ukingiriza Ahera cyane, iyo abe ari yo mirimo mujya mukora. Mbahaye ubutambyi ho umurimo w’impano, utari uwo muri mwe uzigira hafi azicwe.”
8.Uwiteka abwira Aroni ati “Ubwanjye nkurindishije amaturo yanjye yererejwe yo mu by’Abisirayeli banyereza byose: ni wowe n’abana bawe mbihereye kuko mwasīzwe. Iryo ni itegeko ritazakuka iteka.
9.Ibi bizaba ibyawe byo mu byera cyane bidakongorwa n’umuriro: ituro ryabo ryose n’igitambo cyabo cyose, n’ituro ryabo ry’ifu ryose, n’igitambo cyabo gitambirwa ibyaha cyose, n’igitambo cyabo gikuraho urubanza cyose. Ibyo bazantura, bijye biba ibyera cyane, kugira ngo bibe ibyawe n’abana bawe.
10.Ujye ubirīra ahantu hera cyane, umuhungu wese wo muri mwe ajye abiryaho, bikubere ibyera.
11.“Kandi ibi ni ibyawe: amaturo Abisirayeli bazerereza yose n’ayo bazazunguza yose, nyaguhanye n’abahungu bawe n’abakobwa bawe. Iryo ni itegeko ritazakuka iteka. Udahumanye wese wo mu b’inzu yawe ajye ayaryaho.
12.“Imiganura bazazanira Uwiteka, ibirushaho kuba byiza by’amavuta ya elayo n’inzabibu n’impeke, ni wowe nyihaye.
13.Ibibanza kwera byo mu myaka y’igihugu cyabo yose bazazanira Uwiteka, bijye biba ibyawe. Udahumanye wese wo mu b’inzu yawe ajye abiryaho.
14.“Ituro ryose riturwa burundu rizabe iryawe.
15.“Uburiza bwose bw’ibifite umubiri byose bazatura Uwiteka, ubw’abantu n’ubw’amatungo bujye buba ubwawe, ariko uburiza bw’abantu ntukabure kubucungurisha, n’ubw’amatungo azira na bwo ujye ubucungurisha.
16.Ibikwiriye gucungurwa, ujye ubicungurisha bihereye ku kwezi bivutse, bicunguzwe igiciro uzacira cya shekeli eshanu zigezwe ku y’Ahera, ari yo gera makumyabiri.
17.Ariko uburiza bw’inka cyangwa ubw’intama cyangwa ubw’ihene ntukabucungurishe, ubw’izo ni ubwera. Ujye umisha amaraso yabwo ku gicaniro, wose urugimbu rwabwo rube igitambo gikongorwa n’umuriro, cy’umubabwe uhumurira Uwiteka neza.
18.Inyama zabwo zijye ziba umwanya wawe, nk’uko inkoro izunguzwa n’urushyi rw’ukuboko rw’iburyo ari umwanya wawe.
19.“Ibyererezwa byose byo mu byera Abisirayeli bazatura Uwiteka, mbiguhanye n’abahungu bawe n’abakobwa bawe. Iryo ni itegeko ritazakuka iteka. Ni isezerano risezeranishwa umunyu, rizahamira iteka imbere y’Uwiteka, risezeraniwe wowe n’urubyaro rwawe.”

Ibibazo bidufasha gusobanukirwa umusomyi

Ese ibyo nsomye birambwira ibyande Nde, Kandi biranyigisha iki?
Ibyo nsomye biranyigisha iki:
Ku Mana Data wa twese?
Kuri Yesu Kristo?
Ku Mwuka Wera?

Ubusobanuro bw’umusomyi

Muzagibwaho no gukiranirwa k’ubutambyi bwanyu (1): Umurimo w’ubutambyi Uwiteka yahaye Aroni n’abana be si umwanya wo kudamarara no gutegeka. Ni umurimo wo gukorwa witondewe cyane. Abo batambyi babwiwe uko bagomba kwitwara imbere y’ibihamya , n’abarewi bafasha mu ihema ry’ibonaniro babwirwa inshingano zabo n’aho batagomba kurenga, bitabaye ibyo hakabaho ingaruka ziteye ubwoba kuri bo no ku bwoko bwose (5).
Ibi Aroni yarabizi neza kuko atari yaribagiwe ibyabaye ku bahungu be (Lewi 10.1-3). Kudaha agaciro inshingano abakuru b’itorero bahabwa , ni kimwe mu bijya bibabaza abakristo , bigatuma umurimo w’Imana ugwingira.
Ibi bizaba ibyawe byo mu byera cyane bidakongorwa n’umuriro (9): Imana yahaye Aroni uburenganzira ku bitambo n’amaturo byose biturwa Uwiteka (8.17,18). Ibi byari ibyo kumurinda kwinjira mu ntambara zo mu buzima busanzwe bwo kurwanira imibereho y’inda , byashoboraga gutuma arangara.
Icyifuzo: Dusabire abayobozi b’amatorero kujya bamenya ibyabagenewe n’ibyagenewe ibindi bikorwa byo mu murimo w’Imana.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, taliki ya 19, Ukwezi kwa karindwi, turasoma mu Kubara 18.20-32

20.Kandi Uwiteka abwira Aroni ati “Ntuzagire gakondo mu gihugu cy’Abisirayeli, ntuzagire umugabane muri bo, ni jye mugabane wawe na gakondo yawe mu Bisirayeli.
21.“Abalewi dore mbahaye kimwe mu icumi cya byose kizatangwa n’Abisirayeli, kibe gakondo yabo. Nkibahembeye imirimo bakora yo mu ihema ry’ibonaniro.
22.Uhereye none Abisirayeli ntibakigire hafi y’ihema ry’ibonaniro, batagibwaho n’icyaha bagapfa.
23.Ahubwo Abalewi abe ari bo bakora imirimo y’ihema ry’ibonaniro, abe ari bo bagibwaho no gukiranirwa kwabo. Iryo ribe itegeko ridakuka mu bihe byanyu byose, kandi Abalewi ntibazagire gakondo mu Bisirayeli.
24.Kuko kimwe mu icumi kizatangwa n’Abisirayeli bakagitura Uwiteka ho ituro ryererejwe, ngihaye Abalewi ho gakondo. Ni cyo gitumye mbabwira yuko batazagira gakondo mu Bisirayeli.”
25.Uwiteka abwira Mose ati
26.“Kandi bwira Abalewi uti ‘Nimukoresha Abisirayeli kimwe mu icumi mbahaye kubakoresha ngo kibe gakondo yanyu, mujye mugikuraho ituro mutura Uwiteka muryerereza, ribe kimwe mu icumi cy’icyo gice cya cumi.
27.Iryo turo ryererejwe mutura rizababarwaho nk’aho ari imyaka y’impeke yo ku mbuga muhuriraho, cyangwa ibyuzuye umuvure mwengeramo vino.
28.Uko abe ari ko mujya mutura Uwiteka ituro ryererejwe, murikuye kuri kimwe mu icumi cya byose, icyo mukoresha Abisirayeli. Mujye muha Aroni umutambyi ituro ryererejwe murikuriyeho Uwiteka.
29.Mu byo muhabwa byose, abe ari mo mujya mukura amaturo yererejwe yose muture Uwiteka, mu birushaho kuba byiza abe ari mo mukura igice cyabyo cyo kwezwa.’
30.“Ubabwire uti ‘Nimumara gukuramo ibirushaho kuba byiza mukabitura ho ituro mwerereza, ibisigaye byo muri icyo kimwe mu icumi bizabarwa ku Balewi, nk’ibyo biyejereje bivuye ku mbuga bahuriraho no mu mivure bengeramo vino.
31.Mujye mubīrira aho mushatse hose ubwanyu n’ab’amazu yanyu, kuko ari ibihembo byanyu muhemberwa imirimo mukora mu ihema ry’ibonaniro.
32.Ntimuzashyirishwaho icyaha na byo, nimumara kubikuramo ibirushaho kuba byiza, mukabitura ho ituro mwerereza, kandi muzaba mutononnye ibyera byatuwe n’Abisirayeli ngo mupfe.’ ”

Ibibazo bidufasha gusobanukirwa umusomyi

Ibyo nsomye birambwira ibya nde, kandi biranyigisha iki?
Mbese mu byo nsomye harimo:
Itegeko nkwiriye kumvira?

Ubusobanuro bw’umusomyi

Ntuzagire gakondo mu gihugu cy’Abisirayeli (20): Aroni n’Abalewi ntibagombaga guhabwa gakondo mu igabana ry’ubutaka bageze i Kanani (23). Aroni yagombaga gutungwa n’amaturo aturwa Uwiteka, naho Abalewi bagatungwa na kimwe mu icumi gitangwa na rubanda. Imana yari izi ko aba bakozi nibemererwa kugira amasambu, bari kujya kuyahinga maze imirimo yo mu ihema igahabwa igihe gisagutse. Ni jye mugabane wawe na gakondo yawe (20). Iri ryari isezerano rikomeye kuri Aroni wagombaga guhora ategereje ibizazanwa n’abo batasezeranye. Gukora umurimo w’Imana bisaba ubwitange no kwizera. Ni nabyo bikwiye kuranga abayobozi b’amatorero n’imiryango ya gikristo muri iki gihe. Muture Uwiteka mu birushaho kuba byiza (29-32): Amaturo n’ibitambo byazanwaga byabaga bituwe Imana, bityo bikaba bigomba kuba ari ibirushaho kuba byiza. Urukundo dukunda Imana ni rwo rutuma dutanga amaturo yuzuye. Ibyo bituma abayobozi na bo bakorana umuhati ibyo Imana yabasabye gukorera ubwoko bwayo. Indirimbo y’i 115 mu Gushimisha.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa mbere, taliki ya 22, Ukwezi Kwa karindwi, turasoma mu Kubara 20.14-29

14.Mose ari i Kadeshi atuma intumwa ku mwami wa Edomu ati “Isirayeli mwene so arakubwira ati: Uzi imiruho twabonye yose.
15.Ba sogukuruza baramanutse bajya muri Egiputa tumarayo igihe kirekire. Abanyegiputa batugirira nabi, bayigirira na ba sogokuruza.
16.Dutakiye Uwiteka yumva ijwi ryacu, atuma marayika adukura mu Egiputa. Dore none turi i Kadeshi, umudugudu wo ku rugabano rwawe.
17.Reka tunyure mu gihugu cyawe, ntituzagira umurima cyangwa uruzabibu tunyuramo, kandi ntituzanywa amazi yo mu mariba yawe, ahubwo tuzaca mu nzira y’umwami, twe gutambikira iburyo cyangwa ibumoso, tugeze aho tuzarangiriza igihugu cyawe.”
18.Umwami wa Edomu aramusubiza ati “Ntuzanyura mu gihugu cyanjye, ntagusanganiza inkota.”
19.Abisirayeli baramubwira bati “Tuzaca mu nzira nini, kandi twebwe n’amatungo yacu nitunywa amazi yawe, tuzakwishyura icyo uzacira. Reka tuhace n’amaguru gusa, nta kindi tuzakora.”
20.Arabahakanira ati “Ntimuzahanyure.” Abedomu babashingira urugerero rw’ingabo nyinshi n’amaboko menshi.
21.Nuko Abedomu banga gucisha Abisirayeli mu gihugu cyabo. Ni cyo cyatumye Abisirayeli bahindukira bakahareka.
22.Bahaguruka i Kadeshi, iteraniro ry’Abisirayeli ryose rigera ku musozi Hori.
23.Uwiteka abwirira Mose na Aroni ku musozi Hori uri ku rugabano rw’igihugu cya Edomu ati
24.“Aroni agiye gusanga ubwoko bwe, kuko atazajya mu gihugu nahaye Abisirayeli, ubwo mwagomereye itegeko ryanjye ku mazi y’i Meriba.
25.Jyana Aroni na Eleyazari umwana we, ubazamure umusozi Hori,
26.wambure Aroni imyambaro ye uyambike Eleyazari umwana we, maze Aroni ari bupfireyo asange ubwoko bwe.”
27.Mose abigenza uko Uwiteka yamutegetse, bazamuka uwo musozi wa Hori, iteraniro ryose ribareba.
28.Mose yambura Aroni imyambaro ye ayambika Eleyazari umwana we, Aroni apfira aho, mu mpinga y’uwo musozi. Mose na Eleyazari barawumanuka.
29.Iteraniro ryose ribonye yuko Aroni yapfuye, inzu ya Isirayeli yose imara iminsi mirongo itatu iririra Aroni.

Ibibazo bidufasha gusobanukirwa umusomyi

Ibyo nsomye birambwira ibya nde, kandi biranyigisha iki?
Ibyo nsomye biranyigisha iki
Ku Mana Data wa twese?
Kuri Yesu Kristo?
Ku Mwuka Wera?

Mbese mu byo nsomye harimo:
Urugero rwiza nakurikiza?
Urugero rubi nakwirinda?

Ubusobanuro bw’umusomyi

Isirayeli mwene so arakubwira ati (14): Abedomu bakomokaga kuri Esawu, uwo murumuna we Yakobo yahuguje ubutware akoresheje uburiganya. Abisirayeli bene Yakobo basabye uburenganzira bwo kunyura mu gihugu cyabo bajya i Kanani, abandi barabubangira. Bashobora kuba bari bagifite inzika ishingiye ku byabaye kera hagati ya basekuruza babo. Abedomu bashoboraga no gutinya ko Abisirayeli baba bagifite ingeso yo kuriganya, bakaba bahinira hafi bakabanyaga ubutaka bwabo. Tujye twirinda kurema amateka mabi, yazatubuza umugisha. cyangwa akawubuza abazadukomokaho. Aroni agiye gusanga ubwoko bwe (24): Igihe cya Aroni cyo gutaha cyari kigeze. Imana yashohoje ibyo yamuvuzeho i Meriba (20.12). Ibyo ariko ntibisobanura ko yarimbutse. Yasanze ba sekuruza, asimburwa n’umuhungu we Eliyazari. Yabuze Kanani yo ku isi ariko azataha muri Kanani yo mu ijuru, aho azabana na Yesu, umutambyi mukuru wapfuye akazuka.

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa kane, tariki ya 25. Nyakanga.2019, turasoma muri Zaburi 80 :1-19

1.Zaburi iyi yahimbiwe umutware w’abaririmbyi babwirisha inanga ijwi ryitwa “Ibyahamijwe ni nk’amarebe”. Ni Zaburi ya Asafu.
2.Wa mwungeri w’Abisirayeli we, tege ugutwi,Ni wowe ushorera Abayosefu nk’umukumbi,Yewe wicara hejuru y’Abakerubi, rabagirana.
3.Imbere y’Abefurayimu n’Ababenyamini n’Abamanase,Kangura imbaraga zawe uze udukize.
4.Mana, utwigarurire,Umurikishe mu maso hawe natwe turakira.
5.Uwiteka Mana Nyiringabo,Uburakari bwawe buzageza he gucumbira ku ugusenga k’ubwoko bwawe?
6.Wabagaburiye amarira menshi nk’umutsima,Wabahaye amarira menshi yo kunywa.
7.Utugize rurwanirwa rw’abaturanyi bacu,Abanzi bacu badusekera hamwe.
8.Mana Nyiringabo, utwigarurire,Umurikishe mu maso hawe natwe turakira.
9.Wakuye umuzabibu muri Egiputa,Wirukana amahanga urawutera.
10.Uharura imbere yawo,Na wo ushora imizi wuzura igihugu.
11.Imisozi itwikīrwa n’igicucu cyawo,N’imyerezi y’Imana iterwa igicucu n’amashami yawo.
12.Ugaba amashami agera no ku nyanja,Kandi amashami yawo agera no kuri rwa ruzi.
13.Ni iki cyatumye usenya inzitiro zawo,Ngo abahisi bose bawusorome?
14.Ingurube yo mu ishyamba irawangiza,Inyamaswa zo mu gasozi zirawona.
14.Mana Nyiringabo, turakwinginze garuka,Urebe mu isi, uri mu ijuru ubirebe,Ugenderere uwo muzabibu.
16.Rinda icyo ukuboko kwawe kw’iburyo kwateye,N’ishami wikomereje.
17.Uwo muzabibu waratwitswe, waraciwe,Barimburwa no guhana ko mu maso hawe.
18.Ukuboko kwawe kube ku muntu wo mu kuboko kwawe kw’iburyo,Umwana w’umuntu wikomereje.
19.Nuko rero natwe ntituzasubira inyuma ngo tuguhararuke,Tuzure natwe turambaza izina ryawe.
20.Uwiteka, Mana Nyiringabo utwigarurire,Umurikishe mu maso hawe natwe turakira.

Ikibazo kidufasha gusobanukirwa umusomyi

Ibyo nsomye birambwira ibya nde, kandi biranyigisha iki?

Ubusobanuro bw’umusomyi

Mana utwigarurire, umurikishe mu maso hawe natwe turakira (4): Iyi Zaburi yakoreshwaga mu gusabira igihugu. Aya magambo aragaruka incuro eshatu (4,8,20). Asafu arasaba Imana gukiza ubwoko bwe. Arasengana ukwizera kuko yizeye Imana ye nk’umwungeri w’ubwoko bwe. Umwungeri yita ku ntama akazikenura muri byose, akazirinda amasega. “Utumurikishirize mu maso hawe”, ni ijambo ryakoreshwaga n’abatambyi mu gihe cyo gusabira abantu umugisha (Kub.6.24-27). Natwe dukeneye kumurikirwa n’Umwuka w’Imana kugira ngo tugendere mu bushake bwayo. Wakuye umuzabibu muri Egiputa (9): Ubwoko bw’Abisirayeli bwagereranijwe n’umuzabibu. Asafu yibutsa Imana ko ari yo yabakuye mu buretwa bwo muri Egiputa, ikabaha Kanani ho gakondo. Ariko ntibatinze kwiyanduza. Ni cyo gituma uruzabibu rwatereranywe (Yes.5.4). Asafu yasabye Imana kongera kugarukira ubwoko bwayo. Arabusabira imbabazi n’umutima ushaka gukira. Natwe twahawe Umwuka udufasha mu ntege nke zacu, udusabira aniha iminiho itavugwa ku bwacu (Rom.8.26).

[email protected]

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Kuri uyu wa gatanu, tariki ya 26. Nyakanga.2019, turasoma mu Abakorinto7.1-16

1. ibyo mwanyandikiye, ibyiza ni uko umugabo adakora ku mugore.
2.Ariko ku bwo kwirinda gusambana, umugabo wese agire uwe mugore, n’umugore wese agire uwe mugabo.
3.Umugabo ahe umugore we ibimukwiriye kandi n’umugore na we abigenze atyo ku mugabo we,
4.kuko umugore adatwara umubiri we ahubwo utwarwa n’umugabo we, kandi n’umugabo na we adatwara umubiri we ahubwo utwarwa n’umugore we.
5.Ntimukimane keretse ahari musezeranye igihe, kugira ngo mubone uburyo bwo gusenga, kandi mwongere guhura Satani atabagerageresha iruba ry’imibiri yanyu.
6.Ariko ibyo mbivuze ku bwanjye si amategeko mbategeka,
7.kuko nashaka ko abantu bose bamera nkanjye, ariko umuntu wese afite impano ye yahawe n’Imana, umwe ukwe undi ukwe.
8.Abatararongorana kandi n’abapfakazi, ndababwira yuko icyiza kuri bo ari uko bagumya kumera nkanjye.
9.Ariko niba badashobora kwirinda barongorane, kuko ibyiza ari ukurongorana kuruta gushyuha.
10.Abamaze kurongorana ndabategeka, nyamara si jye ahubwo ni Umwami wacu, umugore ye kwahukana n’umugabo we.
11.Ariko niba yahukanye, abe igishubaziko cyangwa yiyunge n’umugabo we, kandi umugabo ye gusenda umugore we.
12.Ariko abandi bo ni jye ubabwira si Umwami wacu. Mwene Data niba afite umugore utizera, kandi uwo mugore agakunda kugumana na we ye kumusenda.
14.Kandi umugore ufite umugabo utizera na we agakunda kugumana na we, ye kwahukana n’umugabo we
14.kuko umugabo utizera yezwa ku bw’umugore we, kandi umugore utizera yezwa ku bwa mwene Data uwo. Iyo bitameze bityo abana banyu baba bahumanye, ariko none dore ni abera.
15.Icyakora wa wundi utizera, niba ashaka gutana atane. Mwene Data w’umugabo cyangwa w’umugore ntaba agihambiriwe iyo bimeze bityo, kuko Imana yaduhamagariye amahoro.
16.Wa mugore we, ubwirwa n’iki yuko utazakiza umugabo wawe? Nawe wa mugabo we, ubwirwa n’iki yuko utazakiza umugore wawe?

Ikibazo kidufasha gusobanukirwa umusomyi

Ibyo nsomye birambwira ibya nde, kandi biranyigisha iki?

Ubusobanuro bw’umusomyi

Mu gusubiza ibibazo abakristo b’i Korinto bari bafite, Pawulo yahereye ku kibazo cyo gushakana. Umugabo gushaka umugore we, n’umugore akagira umugabo we yabibonye nk’uburyo bwo kurinda imibiri yabo ubusambanyi (2). Ku bamaze gushakana, umubiri wa buri wese uba uhindutse uw’uwo bashakanye. Rero ntakigomba kubabuza kuryamana nk’umugabo n’umugore, uretse impamvu bumvikanyeho (5). Ibyo ni ibiranga itorero ry’abera rifite imibiri bagize ingingo za Kristo. Ku bumva ko bafite imbaraga zo gutegeka imibiri yabo ntibayifatanye na maraya mu busambanyi, bashobora kuguma uko bari, nta tegeko ribahatira gushyingirwa (6,7,8). Umugabo ye gusenda umugore we (11): Abakristo, bashakanye bagombye kubana akaramata. Baramutse batandukanye, bakora ibishoboka byose ngo biyunge, cyangwa ntibongere gushaka (11). Abadahuje kwemera, Pawulo abahugurira kudatandukana, kuko bishobora gutuma utizera yakira Yesu kandi bikazanira umugisha abana (14,16). Icyakora mu gihe utizera ashatse ubutane, batandukana kuko amahoro mu rugo ari ngombwa cyane. Indirimbo ya 426 Gushimisha.

[email protected]