Watermelon, urubuto rufite umumaro utangaje

Watermelon iri mu bwoko bw’imbuto,urebye inyuma ubona isa n’igihaza nyamara iyo uyisatuye usanga imbere ari umutuku. Watermelon ni ingenzi cyane mu mubiri w’umuntu kuko ifasha impyiko gukora neza, igabanya ibyago byo kwandura indwara ya asthma, ifasha urwungano ngongozi, yongera imbaraga n’amazi mu mubiri,indwanya diyabete n’ibindi.

Iyo umuntu ariye watermelon, ifasha umubiri we mu buryo bukurikira:
Watermelon ifasha impyiko gukora neza.

Ku munsi imyanda itabarika yinjira mu mubiri wacu, imwe iva mu biryo turya indi ikava mu mwuka wo hanze, ku kazi aho dukorera no mu ngo zacu. Tutitaye aho iyo myanda iba yaturutse, impyiko zikora umurimo ukomeye cyane wo gusohora imyanda mu mubiri. Intungamubiri ziboneka muri watermelon: potassium na calcium zifasha impyiko gusohora imyanda yose.

Watermelon ifasha urwungano ngogozi.

Abenshi muri twe bamara umunsi wose batanyweye amazi ahagije, ibi bishobora gutuma habaho umwuma. Inshuro nyinshi ntushobora kumenya ko ufite umwuma kuko utigeze ugira inyota, nyamara hari ibimenyetso bikugaragaraho nko kurwara umutwe udakira, umunaniro ndetse na constipation. Urwungano ngogozi ruba rukeneye amazi kugirango igogora rigende neza, iyo uriye watermelon ibigufashamo igogora rikagenda neza.

Watermelon igabanya ibyago byo kwandura indwara z’amenyo

Kugira isuku mu kanwa no gusuzumisha amenyo yawe kwa mu ganga ni ingenzi mu kwirinda indwara z’amenyo, ariko vitamine C iboneka mu biribwa nayo ihashya izi ndwara. Watermelon ni isoko nkuru ya vitamine C iyo uyirya ituma mu kanwa hatagira impumuro mbi kandi ukagira amenyo meza.

Watermelon ifasha byihuse mu kugabanya ibiro

Impamvu igaragaza kowatermelon igabanya ibiro ni uko ahanini igizwe n’amazi. Aya mazi aba arimo icyo twita fiber zishinzwe gushongesha ibinure ndetse n’amasukari umubiri udakeneye gukoresha bityo ugasanga ibiro aho kwiyongera biragabanutse.

Watermelon igabanya ibyago byo kwandura indwara ya asthma

Ubushakashatsi bwagaragaje ko iyo vitamine C ibaye nkeya mu mubiri, umuntu aba afite ibyago byinshi byo kwandura asthma. Mu gihe vitamine C yiyongereye mu mubiri nta byago byo gufatwa n’indwara ya asthma biba bihari. Iyo uriye ibiribwa birimo vitamine C cyane cyane watermelon igira 40% bya vitamine C umubiri ukenera ku munsi, uba umeze nk’umuntu urimo gufata urukingo rwa asthma.

Watermelon irwanya indwara ya diyabete

Iyo uriye watermelon, impyiko zawe zihita zifata acide amino L- citrulline zikayihinduramo L-arginine (ubundi bwoko bwa acide amino) iyi acide igira akamaro kenshi mu mubiri harimo kurwanya indwara ya diyabete.

Watermelon ni urubuto ntagereranywa kuko rwuje intungamubiri nyinshi zituma umubiri ukora neza, gufata watermelon buri munsi mu ifunguro ryawe bikumira indwara zishobora kwinjirira umubiri wawe, bityo ukabaho mu buzima buzira umuze.
Source: www.naturalfoodsseries.com