Waruzi ko kuririmba bifasha umubyeyi utwite bitaretse n’uwo atwite?

Ubusanzwe kuririmba birafasha cyane mu buzima bw’uririmba ndetse n’uwumva indirimbo ziririmbwa. akaba ariyo mpamvu twifuje kubagezaho iyi nyandiko, mu rwego rwo kubasangiza icyo kuririmba bimarira umubyeyi iyo aririmba n’umwana atwite.
Ubusanzwe kuririmba bifasha byinshi mu buzima, muri byo twavuga mo : kugabanya umubabaro, agahinda, ishavu, n’intimba muri rusange, by’umwihariko bifasha umuririmbyi kugira umwuka mwiza imbere mu mu biri, kuko iyo aririmba, asohora umwuka mubi akinjiza umwiza.

Ubushakashatsi bwagaragaje ko kuva umwana yujuje nibura amezi 6 ari mu nda ya nyina, aba afite ubushobozi bwo kumva, amajwi, indirimbo, no kubifata mu mutwe, birumvikana ko ari byiza kwitwararika ku magambo, ndetse n’ibindi umwana ashobora kumva, si amajwi gusa umwana aba ashobora guhumurirwa ndetse no kumwa uburyohe bw’ibiribwa umutwite aba yariye, kuko biba bibasha kugera ku mwana biciye muri ariya mazi aba azengurutse ingobyi umwana aba arimo.

Dore bimwe mu byiza umwana yunguka iyo nyina aririmba mu gihe amutwite:

 Umwana abasha kumva ubusabane hagati ye na nyina
 Umwana yumva umutuzo udasanzwe
 Abasha kubona umwuka mwiza kuko nyina iyo aririmba aba yinjiza umwuka mwiza, asohora umubi, umwe mwiza winjiye ubasha no kugera ku mwana.
 Bimwongerera ubushobozi bwo kuzabasha kuvuga
 Bigabanya ibyago byo kuzafatwa n’ubwandu butandukanye.
 Bifasha mu mikurire y’ubwonko ndetse no gukora neza kwabwo kuko imisemburo ibufasha iba irimo gukorwa neza

Ubushakashatsi butandukanye, bwagiye bukora ku mumaro wo kuririmba, butangaza ko mu gihe umubyeyi atwite, aribwo ibijyanye n’umuziki bigira umumaro birenzeho, impuguke mu bya muzika, professor Graham Welch, umuyobozi w’ishuri ryigisha umuziki muri kaminuza ya London, yakoze ubushakashatsi ku muziki ndetse anatangaza ko iyo umubyeyi aririmba anatwite,bimufasha ibi bikurikira:

 Kumva atekanye, anezerewe ndetse bigafasha ubwonko gukora neza kuko umusemburo ufasha ubwonko gukora neza uba uri gukorwa
 Ni uburyo bwiza bwo kugabanya strees
 Kuringaniza umuvuduko w’amaraso
 Kutabura ibitotsi
 Gukora neza, kw’ibihaha ndetse no kwinjiza umwuka mwiza mu mubiri
 Kwigirira icyizere cyane cyane iyo aririmbira imbere y’abantu kenshi
 Kwibuka no kubasha kuzuza inshingano aba afite
 Bifasha imikaya kugira ubuzima bwiza

Ku bantu bahura n’ibibazo byo kugira agahinda gakabije mu gihe batwite, ni byiza kwitoza kuririmba,kumva umuziki, aho bishoboka bakaba bajya no mu ma korali aririmba, kuko bishobora kubafasha bo ubwabo, bitaretse n’abana batwite, birumvikana ko indirimbo umuntu aba akwiye kuririmba cyangwa se kumva, ni izimufasha kunezerwa no kugubwa neza.

Source: www.natural –pregnancy-nidwife.com
[email protected]