Waruzi ko guhorana ibyishimo , bizana umusaruro utangaje mu buzima bwawe?

Guhorana ibyishimo ntabwo bifasha umuntu kumva aguwe neza gusa, ahubwo ubushakashatsi bugaragaza ko binafasha umuntu kugira ubuzima bwiza, gutanga umusaruro ndetse n’ibindi.Muri iyi nkuru tugiye kubagezaho n’ibintu icumi biza mu buzima bw’umuntu nk’umusaruro wo guhorana ibyishimo.

Ibyo bintu icumi(10), ni ibi bikurikira:]

Guhorana akanyamuneza no kumva uguwe neza :Inyungu ya mbere yo kugira ibyishimo iminsi yose ni uko uhorana akanyamuneza, ukumva uguwe neza.
Kurama: Ubushakashatsi bwakozwe bwemeza ko guhorana ibyishimo byongera amahirwe yo kurama.
Kugira ubuzima bwiza :ibyishimo ni ikinyuranyo cy’umubabaro, kandi umubabaro utavuwe utera agahinda, iyo umuntu atagira ibyishimo, kenshi agira stress, kandi ibi bibi byose bigira ingaruka mbi ku buzima bw’umuntu, ndetse bigaca intege ubwirinzi kamere bw’umubiri, bityo indwara zitandukanye zikaba zibonye inzira yo kwinjiriramo, ni byiza guhorana akanyamuneza, kuko ari urukingo rw’indwara zimwe na zimwe.
Kwishimira ubuzima, iyo uhorana ibyishimo , bigufasha kwizera no kwitega ibintu byiza, ndetse bikanagufasha kubona ibintu bibi nk’ibintu by’igihe gito cyane, bityo ukabaho wishimiye ubuzima urimo, udahangayitse.
Imibanire myiza n’abandi: iyo uhorana ibyishimo bigufasha kwishimirwa mu muryango, muri sosiyite ubamo, mu nshuti ndetse no mu yandi mahuriro aguhuza n’abantu, ndetse bikanagufasha kubaka umubano mwiza hagati yawe n’abandi.
Gukemura ibibazo neza kandi vuba ni umwe mu misaruro yo guhorana ibyiashimo, kuko iyo uhorana ibyishimo bigufasha mu kukongerera ubushobozi bwo gutekereza neza, kwibuka ndetse no kwitega ibintu byiza, ibi byose bikagufasha gukemura ibibazo neza kandi mu buryo bwihuse
Kugera ku ntsinzi, abahanga mu by’ubuzima, batangaza ko iyo uhorana ibyishimo, bigufasha kugira amarangamutima meza, yishimye, amarangamutima yishimye ni ingenzi mu kugera ku ntsinzi.
Kutangiza : iyo uri imbata y’ibyishimo bigufasha kudahutaza no kutangiza ibintu bitandukanye, kuko iyo umuntu ahorana ibyishimo agera ku rugero abasha gutanga urukundo cyane, kuruta uko ateza intambara.
Gufasha abandi: iyo uhorana ibyishimo bigufasha kwaguka mubyo gukorera abandi, no gusangira nabo ibyiza, kuruta abantu badahorana ibyishimo, ndetse binafasha
Kuba umunyamahirwe: iyo uhorana ibyishimo uba umuntu w’umunyamahirwe cyane, kuko iteka uba wizeye kandi wiringiye kugera ku byiza kuruta umuntu uhorana umubabaro .
Izi ni zimwe mu mpamvu zikwiye kugutera guhorana ibyishimo , iminsi yose.

Source: empowerpeace.typepad.com
[email protected]