Wari uziko potasiyumu (potasium),iza ku isonga mu myunyungugu ifasha umubiri gukora neza?


Muri iyi nyandiko tugiye kubagezaho umunyungugu, uza ku isonga mu gufasha umubiri gukora neza ndetse no kugira ubuzima buzira umuze, turabagezaho ikigero umuntu adakwiye kurenza, kuko nanone kurenza cyangwa kutageza ku rugero rukwiye, biba byateza ingorane mu buzima, turasoza tugaragaza aho wayikura.

Potasiyumu( Potasium), ni imwe mu myunyungugu, ikaba n’intungamubiri ikenerwa n’umubiri kugira ngo ubashe gukora neza, nkuko bigaragazwa n’ikigo mpuzamahanga gifite mu nshingano ubuzima n’ubuvuzi, aho kigaragza ko, potasiyumu ikenerwa n’uturemangingomfatizo twubatse umubiri(cells), by’umwihariko kigakenerwa cyane mu mikorere myiza y’inzungano nzimwe na zimwe nk’imikaya, urwungano rw’imyakura, impyiko, ndetse no kuringaniza umuvuduko w’amaraso , ndetse no gufasha umutima gukora neza nk’umwihariko wuyu munyungugu.Uyu munyungugu kandi ufasha amagufwa gukomera, ukanafasha mu kurinda ubugumba.

Ikigero gikwiye umuntu agomba gufataho potasiyumu.

Nkuko bigaragazwa n’igitangazamakuru kitwa healthyeating.sfgate.com, gikora ubushakashatsi ku by’ubuzima, kigaragaza ko umuntu mukuru, aba akwiye gufata miligarama 4,700, naho ku mugore utwite aba akwiye kongera ho miligarama 400, bivuze ko umugore utwite aba akwiye gufata miligarama 5100.
Dore aho wakura potasiyumu.

Kimwe n’indi myunyungugu yose, uburyo bwiza bwo kuyiha umubiri, ni ukuyirya mu biribwa, nk’imbuto n’imboga, bikaba byiza cyane mu gihe umuntu ayiriye mu biribwa by’ibimera , bitakorewe ikindi kintu cyangwa ngo bicishwe mu nganda.
Hano tukaba twagerageje, kwegeranya bimwe mu biribwa bikungahaye kuri potasiyumu ku rugero rwo hejuru, aribyo: Imineke, avoka, ibihumyo, ibijumba byokeje, imizabibu y’umukara,burokori, epinari n’ibindi.

Nubwo twavuze ibiribwa bikungahayer kuri potasiyumu, ariko si mu biribwa gusa, wasangamo uyu munyungugu, ahubwo hari n’inyunganiramirire ushobora gufata, gusa aha bisaba gusanga muganga, akakwandikira izo ukwiye gufata, kuko twabonye ko iyo ufashe nyinshi bishobora kuzana ingorane mu mubiri.
Mu nyandiko itaha, tuzabagezaho, ibimenyetso icumi, bishobora kukugaragariza ko, mu mubiri wawe harimo potasiyumu idahagije.

Source: www.globalhealingcenter.org
[email protected]