Wari uzi kurya imiteja ari ingenzi mu buzima?

Ibishyimbo nibyo bitanga imiteja, bikaba bikomoka ku mugabane w’Amerika mu gace ka Mexico, kugeza ubu byamaze gukwirakwira mu bihugu byose ku isi. Imiteja rero ifite umumaro ukomeye cyane kuko igizwe n’intungamubiri zikurikira: iron, potasiyumu, vitamine A na C, B1, B6, zifasha umubiri kugira ubudahangarwa.
Imiteja igabanyijemo amatsinda abiri ariyo: imiteja ikomoka kubishyimbo byurira hejuru ku biti akaba ariho yerera, hakaba n’imiteja ikomoka ku bishyimbo byerera hasi. Iyi miteja yose ihuje intungamubiri. Imiteja ushobora kuyirya ikaranze, itogosheje.

Iyo uriye imiteja, umubiri wawe wunguka iintungamubiri zitandukanye: iron, potasiyumu, vitamine A na C, B1, B6. Izi vitamine zongera ubudahangarwa bw’umubiri ndetse zigakumira indwara zikurikira:

Imiteja ifite akamaro mu kongera ubudahangarwa (immune system) bw’umubiri
Iyo umuntu akunda kurya imiteja imurinda ibyago byo kwandura cancer z’ubwoko bwose, bityo umubiri ugahora ukomeye nta kurwaragurika kwa hato na hato.
Kurya imiteja birinda umubiri kurwara diyabete
Imiteja igira umumaro w’ingenzi kuko igabanya cholesterol mbi mu maraso ishobora gutera indwara ya diyabete.

Ubushakashatsi bwagaragaje ko kurya imiteja bifasha umubiri gukoresha neza isukari, gukorsha neza ibinure ndetse no kugenzura ubushake bwo kurya (appétit.)
Imiteja ifasha mu gukura imyanda yagiye mu rura runinini (gros intestin)
Intungamubiri ziboneka mu miteja zica udukoko tuba twajyanye imyanda mu rura runini tuvuye mu byo kurya byanduye. mu gihe cy’igogora rikaza gukorwa neza

Kurya imiteja bifasha umuntu kugabanya ibiro

Imiteja ni ingenzi kuko ifasha mu kurwanya umubyibuho ukabije.
Alpha –amylase ni imwe mu bigize imiteja ikaba ingenzi cyane mu kurwanya umubyibuho ukabije kuko ifasha mu kuvana mu mubiri ibinure byari byarabitswe kandi umubiri udakeneye kubikoresha byose.

Imiteja igabanya ibyago byo kurwara umutima.

Kurya imiteja nibura incuro enye mu cyumweru bigabanya ku kigero cya 22% kwangirika kw’imitsi ishinzwe kujyana no kuvana amaraso ku mutima.
Ni byiza rero gusobanukirwa icyo imiteja imariye imibiri yacu ndetse no kuyirya uko bikwiriye kugirango umubiri wacu uhorane ubudahangarwa bityo duce ukubiri n’indwara zimunga ubuzima bwacu.

Source: www.wellbeing.com.au