Wakora iki ngo urusheho kumva Imana kabone nubwo waba utari mu rusengero ?

Ese mubyo dukora tujya twibuka guha Imana umwanya ?
Kugira ibyo gukora ni byiza, kandi tuba tubikeneye cyane ngo twiteze imbere , ni byiza kandi Imana nayo ntibirwanya ariko hari ubwo isi itwara umuntu cyane akabura n’umwanya wo gusenga, ariko na none hari uburyo umuntu yagumana n’Imana ari no mu mirimo ye ya buri munsi, imwe idatanga umwanya wisanzuye wo kwirirwa usenga.

Ese ni iki gikunze kuguhuza , gituma utabona umwanya wo gusenga?

Ni ibitabo byinshi by’abahanga uba usoma?
Ni abantu benshi bagukeneye ?
Ufite inshingano nyinshi uva muri bimwe winjira mu bindi bitakwemerera gusenga?

Ibi byose ni bimwe muri byinshi bituma akenshi abantu bihugiraho hakiyongeraho n’iterambere ryo gukoresha imbuga nkoranya mbaga. Akenshi ubuzima buzamo akajari bitewe n’amahitamo ya nyirabwo. Imana iduhamagarira kuronkera amahoro muri yo.

Akenshi turasinzira buri joro, hari ubwo tuba twifuza no gusoma ijambo ry’Imana ariko abo bikundira ni mbarwa. Urusobe bw’imibereho y’ubuzima n’iterambere usanga bigenda bikururira benshi mu isi bikabavana ku Mana. Nubwo dusabwa byinshi ariko hari ibyari bikwiye kubanza.

Buri wese akwiye gushaka umwanya wo gusabana n’Imana kuko iby’isi binamura umuntu w’imbere, tutaretse n’umubiri nawo urananirwa. Yesu yaravuze ati “Mwese abarushye n’abaremerewe, nimuze munsange ndabaruhura.” (Matayo 11:28).

Iteka umwanya wose umuntu amaranye n’Imana ntabwo ujya upfa ubusa. Izi ni zimwe mu ntambwe zagufasha kurema ubusabane n’Imana no mu gihe kigoye urimo ushakisha imibereho uhuze mu kazi:
1. Fata umwanya wo kumva indirimbo zihimbaza Imana: kuberako uko umuntu afata umwanya mu munini abana n’isi, umuntu asa nayo. Ni byiza niba ukora akazi aho byakorohera kumva indirmbo zihimbaza Imana cyangwa kumva ibindi bintu wabitse muri computer cyangwa muri telephone, urugero nk’ijambo ry’Imana. Gufata umwanya nkuyu bituma umuntu adaha agaciro cyane ibimunamura.

2. Hitamo umwanya mwiza ukunogeye wo kubana n’Imana mu munsi, ushobora guhitamo gusenga no kuririmba mu gitondo, saa sita mu gihe bamwe bagiye kurya wowe ugashaka uko ujya ahantu ukihererana n’Imana, ushobora guhitamo nimugoroba utashye urangije akazi. Hitamo ibihe bihoraho byo kwegera Imana. Munesheshe ikibi ikiza.

3. Shyiraho ibihe byo gusoma Bibiliya, kuko hari ubwo bishobora kukugora kugendana Bibiliya nini aho ugiye hose nibyiza kugira Bibiliya muri telephone. Aho gushakisha ijambo ry’Imana no kuribika bizakorohera.
4. Imenyereze guhora mu bihe byo gusenga waba utwaye imodoka, waba uri aho bazitegera, waba uri kuri moto, waba ugenda mu nzira menyereza akanwa kawe kwatura imbaraga z’Imana. Ibi bikurinda guha urwaho ibitekerezo by’isi bidashobora guhaza no kuzuza umugambi w’Imana ku buzima bwawe.

5. Gira Imana iya mbere mu buzima bwawe, uyigishe inama mbere yo kugira ikindi kintu ukora , yigishe inama, yiyoboze inzira mubyo werekejeho amaboko byose.

Gerageza gushaka no kubona Imana mu byo ukora byose n’aho waba uri hose kandi uyizere.

Source: www.christiantoday.com