Urugendo rw’umukirisito /Pastor Desire HABYARIMANA

Igihe Uwiteka yendaga kuzamura Eliya ngo amujyane mu ijuru amujyanye muri serwakira, Eliya ahagurukana na Elisa i Gilugali. Eliya abwira Elisa ati “Ndakwinginze sigara hano, kuko Uwiteka antumye i Beteli.” Eliya arongera aramubwira ati “Elisa, ndakwinginze sigara hano, kuko Uwiteka antumye i Yeriko.” Na we aramusubiza ati “Nkurahiye Uwiteka uhoraho n’ubugingo bwawe, sinsigara.” Nuko bajya i Yeriko. Eliya arongera aramubwira ati “Ndakwinginze sigara hano, kuko Uwiteka antumye kuri Yorodani.” Na we aramusubiza ati “Nkurahiye Uwiteka uhoraho n’ubugingo bwawe, sinsigara.” Nuko barajyana bombi..Bageze hakurya Eliya abwira Elisa ati “Nsaba icyo ushaka cyose, ndakigukorera ntaratandukanywa nawe.” Elisa aramusaba ati “Ndakwinginze, ndaga imigabane ibiri y’umwuka wawe.” ( 2 Abami 2:1-9)

Tugiye kureba urugendo rwa Eliya na Elisa, ari rwo tugiye kugereranya n’urugendo rw’umukirisito. Hari ahantu hane dusomye ariya na Elisa bagendanye, aho hantu hane ni ahantu hakomeye kandi hagize umumaro, hafite n’ubusobanuro,tugiye kuvugaho mu magambo make. Bibiliya itubwiye ko bahagurutse i Gilugali berekeza i Beteli. Bibiliya yatubwiyeko bakomeje bambutse Yorodani akajaya yamubwira kumusaba icyo ashaka cyose ngo akimuhe ataratandukanwa na Elisa.

Muri uru rugendo rw’umukirisito tugiye kureba ahantu hane Yesu anayurana n’umuntu,kugirango abe ari umukirisito bizagere igihe, Imana ivugango nsaba icyo ushaka cyangwa se ikwishimire.


1.Ahantu hambere ni ahitwa i gilugali:
Bibiliya ivugako abisirayeli bageze I Gilugali , Imana yategetse abantu ko bongera gukebwa, hari abantu bari baravukiye mu nzira batazi ibyo gukebwa. Muziko gukebwa ari ugukizwa, Pawulo yaravuzengo gukebwa kugira icyo kumara iyo umuntu akebwe mu mutima. Nubu mu itorero dufite abantu baje batazi ibyo gukizwa, kuko baje basanga dusenga, duhimbaza ariko tudakizwa. Birashobokako umuntu yigira umubatizo, akabatizwa atarakizwa, akaba umukirisito atarakizwa, akaba umudiyakoni atarakizwa, akazaba na pastieri atarakizwa.

Hari umukozi w’Imana ujya wigisha ngo abapagani bo mu rusengero ngirango ni aho yahereye. Dufite abantu baje mu rusengero basanga dusaba imigisha bakomereza aho ariko ntibakizwa. Yesu ubwe yegeze abibwira abaigishwa be cumi na babiri ababwirako baboneye ariko Atari bose kuko harimo Yuda uzamugambanira aharimo na Petero uzamwihakana. Gukebwa ni umurimo wa buri munsi. Bibiliya itubwira umugani wa bakobwa cumi hari batanu biteguye kubona umukwe hakaba n’abandi bari abaherekeza babandi ariko ndagirango ngusabe ntuzabe umuherekeza warabaga mu rusengero kuko ni amahitamo yawe. Ese niba abantu bose mu rusengero barakebwe intambara zivahe? Intambara zituruka ku ngeso mbi abantu baba baranze gucikaho. Hari umuririmbyi waririmbye mpisemo guhora nkizwa. Gukizwa no kwezwa ni urugendo rwa buri munsi, kandi rutureba twese. Dawidi yaravuzengo mu byaha nimo data yambyariye kandi naremanywe gukiranirwa. Yohana yaravuze ngo, agakiza ni ukubabarirwa ibyaha.Impamvu kwezwa ni uko dushaka ubugingo .

2.Bakomereje i Beteli: Ni munzu y’Imana, Yakobo ahunze Esawu , arangije kumuriganya umugisha, yageze mu butayu yisegura ibuye, hanyuma Imana iramwiyereka hanyuma abona urwego rufatanya isi n’ijuru, uru rwego reka turufate nk’umusaraba kuko ariwo uduhuza n’Imana, yari yiseguye I buye kandi muziko ibuye ari kirisito. Iramubwirango Yakobo we sinzakureka ntasohoje byose nagusezeranyije kandi nzakugarukana muri iki gihugu, aravugango ndatangaye kuko naryamye mu marembo y’Imana ntabizi. Aho hantu ahita I Beteli kuko hari mu nzu y’Imana.(Itangiriro 28:17).

Hanyuma reka tuvugeko nyuma yo gukebwa wagiye mu nzu y’Imana uhinduka umukirisito,nagirango mbabwireke mu nzu y’Imana harimo ibyiza byinshi, hari imigisha myinshi Imana itanga. Salomo umunsi asenga isengesho ryo gutaha inzu y’Imana, ahantu Imana yiyerekeye Yakobo ninaho hubatswe urusengero, yasenze isengesho rikomeye ubwiza bw’Imana bwuzura aho hantu. Ikibazo hari abantu baje mu nzu y’Imana badakebwe, basanga dusaba umugisha , nabo bahita basaba umugisha niyo mpamvu usanga uruvange mu nzu y’Imana. Bibiliya itubwira ko abisirayeli bahagurutse mu Egiputa bahagurukana n’ikivange cy’abanyamahanga, abo nibo bakururiye abisirayeli akaga mu nzira (Kuva12:38).

Bagendaga bavuga turashaka inyama bakabivuga buhoro kuko ari abanyamahanga nta burenganzira baribafite, abisirayeli babumva bagatera hejuru cyanee ngo Turashaka inyama, abanyegiputa bavugaga gahoro kubera nta burenganzira bari babifitiye mu rugendo ati turasha ibitungura n’amadegede , abisiraheyeli bagahita bakambana Mose cyane,ibyo byatewe n’ikivange cy’abanyamahanga. Ubwo abisirayeli bahagurukaga hari inshuti zabo zabakurikiye, aba barongoyemo , no murusengero niko biri hari abaje murusengero ariko ntabwo bigeze bakebwa na bungingo nubu ntibaragakebwa. Hari abaje murusengero bahita basaba inzu, amafaranga, abagore ibyo byose ariko ntibigeze bita ku bugingo, abo nibo bazana ibibazo mu rusengero, abo bantu hari ubwo Imana ibaha imigisha kandi ikayibaha batarakebwe, hari ikintu kimwe baba batarize, baba batarize kubana n’imigisha, iyo babonye iyo migisha baherako basubira inyuma kuko batigeze biga kubana nayo.

Kuki Imana ibaha imigisha batarakizwa?

Imana ibaha umugisha kuko ubuntu bwayo bwuzuye isi yose,ivubira imvura ababi n’abeza no mu mirima yabarozi imvura igwamo, n’uwahinze itabi ry’urumogi naho imvura igwamo. Imana kugiraneza kwarayuzuye. Mbese iyo ibikoze ntacyo biyihombya, birababaje kubona umuntu w’umurokore uba mu rusengero ataranyuze I Gilugali, akabona imigisha biba bimeze nko kugusha imvura mu rumumogi, kuko iyo mi gisha ntacyo Imana izayungukamo, uwo muntu ntazatanga kimwe mu icumi, ntazafasha impfubyi n’abapfakazi, ntazafasha abandi kubaka urusengero, uwo muntu imigisha ye ntacyo imaze mu bwami bw’Imana. Mwibuke simoni umukonikoni, ubwo Filipo yabwirizaga, yaje mu rusengero ntiyareka ubukonikoni bwe, Filipo arakomeza inyuma ye haza Petero abo arambitseho ibiganza bakuzura umwuka, Simoni umukonikoni aravugango mbonye umugabo undenzeho, uyu mugabo afite imbaraga uwamuha amafaranga nkagura izi mbaraga ze, hanyuma nanjye uwo ndambitseho ibiganza akajya abona izindi mbaraga, Petero arabwirango uragapfana n’ifeza zawe, ntabwo impano y’Imana ironkeshwa amafaranga, amubwirako nta na gace afite mu bwami bw’Imana. Hari abantu baziko amafaranga azabahesha agakiza, abantu benshi ntibakigira umwanya wo gusenga ahubwo bagura abantu bajya kubasengera mu misozi ahantu, nta wundi muntu ugomba kubigiramo uruhari mu gusabana n’Imana kwawe. Nubana n’Imana i Gilugali ugakebwa i Beteli naho muzahabana neza mu migisha.

Burya gusenga ugasubizwa ntibivuzeko uri kumwe n’Imana, Yakobo yagiye yibye umugisha, mu myaka makumyabiri yamaze kwa Rabana, intama zaragwiriye abana baragwira,Imana ikajya imwiyereka ikamubwira ibigiye gukurikiraho ariko icyaha yakihaniye mu nzira ataha (Itangiriro 32:23-32) Umuntu ashobora kugira imigisha y’I Beteli ariko atarakebwa. Niko bimera nubona ibyawe bigenda ukabona ujya Dubayi, ukajya mu Bushimwa ubucuruzi bugenda, ukabyara ukabona mu kazi barakuzamura ujye wibazaba ngo Ubugingo bwanjye burimo burahinduka? Ese nageze ku rwego Imana yishimira ? Tugomba turyoherwa n’imigisha yo nzu y’Imana ariko twemera n’impinduka y’imbere mu mutima. Niba Yesu atarihanganiye abantu bacururiza mu rusengero azihanganira abantu baba mu rusengero badahinduka?

3.Bakomereje i Yeriko:
Kunyura i Yeriko birasaba kuba warakebwe neza kandi ukunda Imana n’inzu yayo uhindutse uri umwana w’Imana kuko i Yeriko ni ahantu Imana inyuza abantu bayo haba ubuzima bukomeye. Ni ahantu Imana igutunganyiriza ukaba umwana wayo neza, ngo irebe neza ko uri uwo kwizerwa. Iyo umuntu agikizwa asengera ikintu agahita akibona ariko hari ubwo usenga imyaka, ameze menshi utarabona igisubizo, ntabwo tuzi igihe uzamara Yeriko ariko hari ubwo uzahura n’ikigeragezo imyaka itatu, ni ngombwa kunyura i Yeriko ku muntu wese. I Yeriko nta kiza kihaba, mwibukeko Abisirayeli bageze I Yeriko batangiriwe n’igikuta gikomeye, kugeza igihe Imana ihagurutsa umugaba w’Ingabo zo mu ijuru agahagurukira kurwana n’igikuta giteye ubwoba kitwa I Yeriko. Hari igihe umuntu yugarizwa n’ibibazo bikaba ngobwa ko ijuru ryihagurukira. Hamwe ugera ugasanga, Tante, Uncle, na bamwe mwiganye ntawuzagira icyo akumarira bikaba ngombwako ijuru ariryo rizagutabara.

Yeriko hari amazi akereta, uwayanyoye wese ntabwo yabyaraga, Elisa niwe yakemuye ikibazo ahereye mu isoko. Yeriko murayizi na none habaga bazakayo bagufi, Yeriko niho habaga impumyi za Baritoromayo, mwibuke umuntu wamanukaga ajya i Yeriko ibintu byamubayeho. Mwibuke Yesu ava muri Yorodani kubatizwa yahise ajya i Yeriko gusenga atwawewo n’umwuka amarayo iminsi mirongo ine, ni naho satani yaje kumugeragereza amarayo iminsi mirongo ine akubitwa ibipfunsi na satani. Nta kiza na kimwe kiba Yeriko ariko ni ngombwa ko umuntu ahanyura kugirango atunganywe, kubw’urukundo rw’Imana yemereko umuntu ageragezwa. Abigisha benshi bavuga Yesu ari umwami, abandi bakamuvuga atanga imigati ariko basimbuka Yesu ari ku musaraba, basimbuka yesu ababazwa.

Imana iba igirango umuntu akure mu gakiza hanyuma azafashe abandi, iyo Imana yemweyeko uba impfubyi iba igirango impfubyi zose zizakwibonemo, ubu hari ahantu njye ntajya kubwiriza, kujya kubwiriza abamugaye ufite ingingo zose , baravugango ahaaa niyivugire sha ntabwo abizi, iyo umuntu yashonje abashonje bose bahita bamwisangamo, kandi nawe azafasha abashonje nkawe kuko iryo shuri yaryize, iyo umuntu yasebye mu buzima abazi icyo igisebo kivuze, Iyo Imana yemeyeko uvuka mu buryo bugoye iba igirango uzagire abo uzabera ubuhungiro, ubushije twize ijambo rivugango

“Hashimwe Imana y’Umwami wacu Yesu Kristo ari yo na Se, ari na yo Data wa twese w’imbabazi n’Imana nyir’ihumure ryose, iduhumuriza mu makuba yacu yose kugira ngo natwe tubone uko duhumuriza abari mu makuba yose, tubahumurisha ihumure twahawe n’Imana” 2Abakorinto1:3-4

Numara kuva i Yeriko uzafasha benshi kuko ubuhamya bwawe buzakiza isi yose kuko Imana yaguhinduye uwo ishakako ubawe. Niyo mpamvu bibiliya ivuga mu Abaroma 8:28, itubwirango “Kandi tuzi yuko ku bakunda Imana byose bifataniriza hamwe kubazanira ibyiza, ari bo bahamagawe nk’uko yabigambiriye” Bya bintu byose wanyuzemo Imana izabikoresha kubizanisha ibyiza ku buzima bwawe . Birashobokako Yeriko yakuvugishije byinshi, ukumvako Imana yakwanze,ukumvako ari wowe wababaye, Menyako urugendo rukomeje . Yesu yarengeje amaso umusaraba abona ibyishimo bimutegereje, Dukwiye kurenza amaso umusaraba tukamenyako hirya y’umusaraba, hirya ya Yeriko hari ibindi byiza. mwibukeko barenze Yeriko bahise bagera Kanani, ntibongeye kurya manu ahubwo barahinze bareza, Imana ibaha igihugu gitemba amata n’ubuki, barahunika mu bigega, birashobokako umaze igihe kinini mu butayu urimo urwana na Yeriko ariko birashobokako ariyo ya Nyuma ugiye guhitira mu gihugu cy’isezerano.

4.Bakomereje kuri Yorodani: Turimo turiga urugendo rw’umukirisito, Gilugali, Beteli, Yeriko no kuri Yorodani ni ahantu hane Imana inyurana n’umuntu.
Iyo umuntu anyuze i Gilugali arakebwa agahinduka akaba umwana w’Imana, akakira Yesu nk’umwami n’umukiza. Yarangiza agahita ajya i Beteli mu nzu y’Imana akaza aho baramya, bahimbaza, agatangira kuba mu migisha yo mu gakiza k’Imana. Hanyuma Imana igatangira ku mugerageza ikamunyuza i Yeriko kugirango imucencure, imucure, imuhindure, abe uwo kwizerwa agire agakiza kazima nk’umuntu wageragejwe hanyuma azabere umugisha abandi nabona kuva i Yeriko azabone kujya muri Kanani.

Hanyuma bakomereje Yorodani, Yorodani nayo irakomeye ariko ni ahantu Imana yiyerekanira mu buryo bukomeye, ni ahantu Imana Ishyira abantu ku rundi rwego, muraziko umuntu wize primaire atajya gusaba akazi hamwe n’umuntu wize Kaminuza. Iyo Imana ikwigishije ibikomeye iba izagukoresha ibikomeye bitewe naho yakunyujije. Nubona umuntu abwiriza afite amavuta ntuzifuze amavuta ye, uzaba wifuje imiruho yarushye n’imibabaro yababaye, inzara yashonje n’uruvugo yavuzwe n’ibindi byose. Amavuta ava mu kwihanganira ibigeragezo , gusigwa amavuta kwawe kuzangana naho ugejeje wihanganira ibigeragezo, amavuta uzagira mu buzima azaba agejeje aho wagejeje ubana na Yesu. Gusigwa kugira umumaro iyo wasizwe mu buryo bwo kwihanganira ibikugerageza, warateye intambwe mu kubana na Yesu neza, ibyo nibyo byitwa gusirwa.

Yorodani ifite amateka akomeye kuko niyo igabura abisirayeli n’andi mahanga, mwibukeko Imana yahagaritse Yorodani abisirayeli baratambuka, ibirometero birenga makumyabiri na bitandatu. Namani yagiye muri Yorodani akira ibibembe. Yohana niho yabatirizaga na Yesu niho yabatirijwe. Ni ahantu umuntu agera Imana igashyira itandukaniro hagati ye n’abanyamahanga, Yorodani isobanuye ikigeragezo umuntu yambukisha kwizera,Iyo umuntu ageze kuri Yorodani yiga kubaho mu buryo bwo kwizera , ntabeshwaho n’umushahara,ntabeshwaho nuko akomeye abeshwaho no kwizera. Hano ubuzima bw’umuntu buba bwarahindutse bukivanga n’ubwa Yesu.

Mwibukeko Eliya na Elisa bahageze, Eliya yafashe umwitero we akawurambika kuri Yorodani, amazi agaherako acikamo kabiri bakambuka, uwo ni umurimo wo kwizera natwe dukwiye kugera ahantu hakomeye Yesu akiyerekana.

Mwibuke abisirayeli bambutse Yorodani bahita bagera mu gihugu cy’amasezerano, iyo uvuye muri Yorodani uba ugiye kuba mu migisha y’Imana. Yorodani ni ahantu Imana inyuza umuntu hakomeye ariko na none ikamukoresha ibindi bintu bikomeye mu bwami bwa Yesu.

Birashobokako Imana yaguha kanani ukiri mu isi kandi ko ibyo mwasize muzabishumbushwa incuro ijana. Iyo umuntu amaze kwambuka Yorodani, ni ahantu Imana ishobora kumushumbusha ibyo yabuze inshuro nyinshi. Hari ahantu Yesu yageze aravugango nimwe mwihangananye najye, mugumana nanjye mu byo nabyeragejwe byose, nanjye mbabikiye ikamba ry’ubugingo. Hari umunsi tuzambuka Yorodani y’urupfu tukinjira mu bwami bw’Imana, tuzibagirwa imibabaro n’ibindi byose byatugerageje. Umuririmbyi yaririmbye indirimbo y’ijana n’umunani ngo ” mu ntambara ndasana n’ibyaha, mfite umugaba n’umwami Yesu, nituba hamwe nzahora nesha, ikintu kidutera kuneshwa ni ukutaba hamwe n’umwami Yesu.

Bageze hakurya ya Yorodani Eliya yabwiye Elisa ngo nsaba icyo ushaka ndakiguha tutari twatandukana, aho hantu niho Imana iduhamagarira kugera, aho Imana ikubwirango naguciye mu biganza nk’Imanzi , nkurinda nk’imboni y’ijisho mbese ukaba ku mutima w’Imana. Bibiliya ivugako abera bo mu isi aribo Uwiteka yishimira, abo bantu Imana ibita ubwoko bwatoranyijwe, abantu bambutse Yorodani Imana izaba umugisha w’umwihariko. Eliya yahise amuha imigabane yikubye iye kabiri, muribuka ko ariho Yesu yazamutse agatanga impano nyinshi n’imigisha myinshi .

Ugeze he ugendana Yesu ? Mwanyuranye I Gilugali ? warakebwe ? nta ngeso za kamere zikikwizingiraho ? ibyo waje uhunga ntibyagukurikiye no mu rusengero? Ubuzima bwawe burangwa no gukzwa ? uribukako uri urusengero rw’umwuka wera , ujya ugira igihe cyo gusabana n’Imana muri urwo rusengero ? Tekereza uko ubanye n’Imana i Beteli, I Yeriko uhabaye ute ? ntibishobokako ufite amaganya .


Iyo umuntu akijijwe akira mirimo ya kamere akagira imbuto z’umwuka, si imbuto z’umwuka gusa ahubwo umuntu agira n’impano z’umwuka. Imbuto ni ikenda n’impano ni ikenda. Imana yifuzako ugera igihe uhinduka urusengero ukuzura umwuka wera, ukihangana ugatsinnda,ugahabwa ibyiza byose byo mu gakiza k’Imana. Imana iragutegereje irashakako ukizwa ugakebwa , ugahinduka umwana wayo.