Umutima, urugingo rukomeye mu mubiri w’ikiremwamuntu

Muri iyi nyandiko twifuje kubagezaho iby’ingenzi ku rugingo rw’umutima, ruvugwaho cyane ku kuba rukora amasaha makumyabiri n’ane kuri makumyabiri n’ane(24h/24h), turabasobanurira icyo aricyo, uko rukora, umumaro warwo mu mibereho y’ikiremwamuntu, ndetse n’ibyo wakora hagamijwe ku rufata neza.

Umutima ni urugingo rumwe mu ngingo nyinshi zigize umubiri w’ikiremwamuntu, uru rugingo rukaba rukozwe n’imikaya(muscles), umutima uherereye mu gituza mu gice cy’ibumoso, hagati y’ibihaha, ni urugingo ruto ariko rukora iteka iyo ari ruzima, ndetse rukaba rukora imirimo ikomeye mu mubiri, imwe muriyo twavugamo ni nko kugeza amaraso, umwuka mwiza(oxygen),n’ intungamubiri(Nutrients) mu bice byose by’umubiri, uru rugingo kandi rufasha mu gusohora umwuka mubi n’indi myanda mu mubiri, iyi mirimo yose umutima uyikora ubifashijwemo n’urwungano rw’amaraso.
Ese umutima ukora ute?

Umutima ugira ibyumba bine, bibiri iburyo n’ibindi bibiri ibumoso, ku mutima habaho udutsi twitwa imijyana(arteries), utu dutsi tuba dushinzwe kujyana amaraso mu bihaha ndetse no mu bindi bice by’umubiri tuyakuye mu mutima, habaho n’utundi twitwa imigarura(veins), utu tugarura amaraso mu mutima avuye mu bihaha ndetse no mu bindi bice bitandukanye kugirango atunganwe, ikindi twavuga nuko amaraso kugirango ave mu mutima ajyanywe n’imijyana, yongere agaruke mu mutima azanywe n’imigarura, akora urugendo rurerure abifashijwemo n’udutsi duto, twitwa Capillaries ari natwo dufasha umutima mu gukora ya mirimo yose twavuze haruguru, kuko utu dutsi nitwo dufasha umutima mu kuzuza inshingano zawo.

Dore ibyo wakora umutima wawe ukagira ubuzima bwiza

Umutima ni urugingo rukwiye gufatwa neza, kuko rufite umumaro ukomeye mu buzima bw’ikiremwamwamuntu, nkuko twabigaragaje haguru, bigaragara ko umutima uramutse wangiritse, cyangwa ntubashe gukora akazi kawo, ngo ugeze amaraso mu bice bitandukanye by’umubiri , igikurikira ni urupfu, mu gufata neza umutima, hazamo no kwita ku buzima bw’iriya mijyana n’imigarura, kuko iyo ifite ikibazo, umutima nawo ntukora neza.
Nkuko tubikesha igitangazamaakuru kitwa www.heartfoundation.org, gikora ubushashatsi ku bijyanye n’ubuzima bw’umutima , gitangaza ibyibanze wakora, umutima wawe ukagira ubuzima buzira umuze, nkuko tugiye ku birondora:

 Kwirinda ibiyobyabwenge ni uburyo bwiza bwo kurinda umutima kwangirika.
 Kubaho ubuzima ukoresha imabaraga z’umubiri(to be physical actif), ugakora imyitozo ngorora ngingo, mbese ukirinda kumara amasaha menshi wicaye.
 Kuringaniza urugimbu rwo mu maraso, ubusanzwe umubiri ukenera urugimbu, ariko iyo rubaye rwinshi mu maraso, rubangamira imikorere y’umutima, ndetse ukaba watera nubundi burwayi nka stroke n’ubundi
 Kuringaniza umuvuduko w’amaraso, iyo umuvuduko w’amaraso udahagije cyangwa ukaba ukabijije, bigira ingaruka mbi ku buzima bw’umutima,cyane cyane kuri ya mijyana n’imigarura
 Kuringaniza ibiro ni uburyo bwiza, bwo kugabanya ibyago byo kurwara indwara zifata umutima, ndetse n’ibindi bibazo byose bishobora gufata umutima.
 Kwimenyereza kurya ibiribwa bitanga ubuzima, nk’i bifasha mu kuringaniza ibiro, umuvuduko w’amaraso, kurya umunyu muke ni ingenzi mu gufata neza umutima ndetse no kurya amavuta meza kandi afite ubwiza(Quality).
 Kwirinda kunywa ibisindisha bitandukanye, ni uburyo bwiza bwo gufata neza umutima.

Source: www.livescience.com