Umuhamagaro wawe uwo ariwo wose, ubahisha Imana.

Mu gihe twumvise ijambo “umuhamagaro”benshi muri twe ako kanya bahita batekereza kuri Pastieri, Misiyoneri n’abandi bize Teworojiya. Nyamara nk’abayoboke ba Kristo, twahamagariwe kumumenyekanisha mu byo dukora byose mu buzima bwa buri munsi: kwigisha, ububaji, ubucuruzi n’ibindi.

Abantu benshi bamara igihe kinini ku kazi bakora imirimo itandukanye ahantu henshi hatandukanye. Birashoboka cyane kubaha Imana , aho hantu bakorera bagomba kuzirikana ineza ya Kristo.

Paulo yabigaragaje neza ko twese twahamagariwe kumenyekanisha Imana mu byo dukora byose. 2 Abakorinto 5:17-19 “Imana yaduhaye inshingano yo guhamagarira abantu kwiyunga nayo.” Kubw’ibyo rero twebwe nk’abakristo twahamagariwe kugenda mu mahanga yose tukabwiriza abantu bagahinduka abigishwa ba Yesu no kwamamaza urukundo rwe.

Imana ishaka ko dukora kandi imirimo yacu ikaba iyo gukuza ubwami bw’Imana.Mu mirimo yacu ya buri munsi yaba ivugabutumwa, guhugura, ubucuruzi, uburezi, ubuvuzi, ubuhinzi, ubucamanaza n’ibindi. Muri iyo mirimo yose tugomba kugaragaza ibyiringiro byacu tukabera aband urugero mu gukiranuka bityo benshi bazahinduka bamenye Imana kandi bayizere.

Ibyanditswe byera bigaragaza neza ko intego yo gukora atari ukubona ubutunzi bw’isi gusa, ahubwo ko tugomba kubwubahisha Imana no gufasha abandi (Luka 10:27) Abakurikiye Yesu, dukwiye gukora imirimo yacu tubikuye ku mutima nk’abakorera databuja mukuru aho gukorera

Byongeye Bibiliya irabihamya, Namwe ibyo murya cyangwa munywa cyangwa mukora ikindi kintu cyose , mujye mukorera byose guhimbaza Imana (1Abakorinto 10:30) Pawulo atwibutsa ko twarazwe umurage tubitoranirijwe kera nk’uko Imana yabigambiriye, ikora byose nk’uko ibishaka mu mutima wayo ngo tube abo gushimisha ubwiza bwayo(Abefeso 1:11-12)

Abakurikiye yesu, twemera ko Imana yaremye abantu bayo ngo bakore kandi buri wese muri twe asabwa kuba umuhuza ( Ambassador) kandi akaba ishusho ya Kristo. Binyuze mu byanditswe byera , Imana ihamagarira abantu kwiyunga nayo bo ubwabo no mubyo bakora, imirimo yacu ya buri munsi idutunze ikaba iyo guhesha Imana icyubahiro.

Umuhamagaro wacu uwo ariwo wose, mureke twishime iteka, dusenge ubudasiba, muri byose dushime, kuko ari ibyo Imana idushakaho muri Kristo Yesu.(1Abatesalonike 5:16-18)

Mu gitabo cye Your Work Matters to God, Douglas Sherman and William Hendricks yaranditse ngo urufunguzo rwiza mu gukuza itorero ni ugukorana umwete imirimo bashinzwe no kwitwara neza aho bakorera imirimo yabo ya buri munsi no gutanga service nziza kubo zigenewe, ibi bituma abantu babona agaciro ko kuba umukristo bakayoboka itorero bivuye ku mbuto nziza bababonamo.

Kubw’ibyo rero, imihamagaro ndetse n’imirimo yacu ya buri munsi dukwiriye kubera abandi urugero mu myitwarire myiza, gukiranuka ahagaragara ndetse n’ahihishe mu ntego imwe yo kubahisha Imana.
[email protected]