Ubuzima bwawe, ukwiye ku bwubakira ku ijambo ry’Imana.

MATAYO 7:24-25
"Nuko umuntu wese wumva ayo magambo yanjye akayakomeza, azaba nk’umunyabwenge wubatse inzu ye ku rutare, imvura iragwa, imivu iratemba, umuyaga urahuha, byose byikubita kuri iyo nzu ntiyagwa, kuko yari ishinzwe ku rutare.

Mu buzima busanzwe abubatsi iyo bashaka kubaka inzu ikomeye babanza gucukura urufatiro(foundation), rurerure kugira ngo inzu yubatse izabe ikomeye iyo nzu yubakiye ku rufatiro rukomeye nyirayo aba ayifitiye ikizere ko ikomeye, nubwo habaho umuyaga cyangwa imvura bikikubita kuri iyo nzu ntacyo yaba, Bibiliya iratubwira ngo bene iyo nzu yubakwa n’umunyabwenge.

Uyu munsi nifuje kukubwira ko dukwiye kuba nkuyu munyabwenge tukubakira ubuzima bwacu ku ijambo ry’Imana, muyandi magambo dukwiye kubakira ubuzima bwacu kuri Kristo, kuko niwe jambo. Ubuzima bw’umukristo bukwiye kubakwa ku ijambo ry’Imana kuko iyo wubatswe ku ijambo uba uri umukristo ushyitse, Bibiliya yavuze ngo uwubakira ku ijambo ry’Imana, ameze nk’umunyabwenge, kandi ijambo ry’Imana rivuga ko nituba muriwe, nawe akaba muri twe, amagambo ye akaba muri twe, tuzasaba icyo dushaka cyose kandi ngo tukagihabwa (Yohana 15:7)

Bibiliya, iravuga ngo "Kandi umuntu wese wumva ayo magambo yanjye, ntayakomeze, azaba ari nk’umupfapfa wubatse inzu ye ku musenyi, imvura iragwa, imivu iratemba, umuyaga urahuha, byose byikubita kuri iyo nzu iragwa, kandi kugwa kwayo kwabaye kunini."

Ijambo rikongera rikavuga ngo, ariko uwumva ayo magambo ntayakomeze, ameze nk’umupfapfa wubatse inzu ye ku musenyi, imvura iragwa, umuyaga urahuha byose byikubita kuri yanzu iragwa, kuko yubatse ku musenyi kandi kugwa kwayo kwabaye kunini.
Benedata, umuntu wubatse inzu ye ku musenyi, bibiliya itubwiye ko aba, ari umupfapfa, uko niko n’umukristo utubatse ubuzima bwe, ku ijambo ry’Imana aba ameze ari umupfapfa, ibyo yakora byose ntamumaro, niba atubatse ubuzima bwe ku ijambo ry’Imana.

Ubusanzwe ijambo ry’Imana iyo uryubatseho ryonyine ni ubuzima, ni imibereho,rirarema ,rishyiraho ibitariho bikabaho,rifite gukiza mu mababa yaryo,rirazura ,ribeshaho,rifite ubutware,ririhagije, twibuke ko twaremwe n’Ijambo, niryo ryatubatuye,turiho kubw’Ijambo, Imana nihabwe icyubahiro.Haleluya

Amahirwe dufite nuko dufite Jambo, muriwe harimo byose dukenera, kandi umugisha uruta iyindi ni uko Imana yaduhaye Yesu, akatubera byose, tugire umwete wo kubaka ubuzima kuri Yesu kristo ariwe Jambo.
[email protected]