Ubuzima bufite iyihe ntego (Umunsi 2)?

Rick Warren ni umupasiteri w’umunyamerika akaba n’umwanditsi w’ibitabo uzwi ku isi yose

Nshuti zacu dukunda kandi duhora twifuriza ibyiza, mutweremere nkuko dusanzwe dufatanya muri byinshi, Uyu munsi turakmeza ku munsi wa kabiri twageneye gusoma , iki gitabo cyanditswe na Rick Wallen cyitwa”UBUZIMA BUFITE INTEGO”
Twatangiye twibaza intego y’ubuzima kuko ni ikibazo kibazwa n’abatari bake ku isi, kandi hamwe n’Imana ibinyujije mu byanditswe nta gushidikanya tuzasoza twamaze kubona igisubizo twibaza.

Uyu munsi turavuga ku mu mu twe uvugango“Ntabwo uri Impanuka”
Ndi umuremyi wawe. Natangiye kukwitaho uhereye ukiri mu nda" Yesaya 44:2
"Imana ntikora nk’umuntu ukina urusimbi" (Albert Einstein)

Ntabwo uri Impanuka

Kuvuka kwawe ntabwo byavuye mu kwibeshya cyangwa mu gucikwa , ubuzima bwawe ntabwo ari nk’imvura y’impangukano igwa utazi iyo ivuye. Ababyeyi bawe bashobora kuba barakubyaye bata batabitekereje. Ntabwo yo yatunguwe no kuvuka kwawe kuko yo yari ibitegereje.

Mbere yuko ababyeyi bawe bagusama,Imana yo yari igufite mu bitekerezo. Ni yo yabanje kugutekereza. Ntabwo rero uri impanuka, si ishaba , si amahirwe, si uruhurirane rw’ibintu kuba uyu munsi, uyu mwnaya ubu uri muzima uhumeka. Uriho kuko Imana yagambiriye kukurema ! Bibiliya iravuga ngo "Uwiteka azasohoza umugambi amfitiye" Zaburi 138:8

Imana yari yaragennye buri kantu kose irema umubiri wawe. Ni yo yatoranije ibishaka ubwoko uzavukamo, ibara ry’uruhu rwawe, imiterere y’umusatsi wawe n’ibindi byose bikuranga. Uko uteye ni ko yo yashakaga ko umera. Ni yo kandi yagennye bitari byaba ubwenge n’ubushobozi bwose ufite ndetse n’ibyihariye bya kamere yawe. Bibiliya ivuga ngo, "Uranzi wese imbere imbere n’inyuma, n’amagufwa yanjye na na rimwe uyobewe , nzi neza uko naremwe, akantu ku kandi, uburyo naremeshejwe ubuhanga nkava mu busa nkavamo umuntu" Zaburfi 139:15

Imana yateganije n’aho uzavukira n’aho uzaba ikurikije imigambi yayo ku buzima bwawe. Ubwoko bwawe n’igihugu cyawe ntabwo ari impanuka . Nta kintu na kimwe kikwerekeye yasize inyuma itagiteganyije. Imana yateguye ibyo byose kubw’umugambi wayo. Bibiliya iravuga ngo "Imana yaremye amahanga yose y’abantu ibakomoye ku muntu umwe, buri shyamnga irigenera igihe cyaryo kandi ibakatira ingabano z’aho batuye" Ibyakozwe 17:26

Nta kintu na kimwe mu buzima bwawe cyapfuye kubaho , byose bifite intego. Igitangaje kurutaho , Imana yagennye uburyo uzavuka . Uko wavutse uko uri kose cyangwa ababyeyi bakubyaye uko baba bameze kose, Imana yari ifite umugambi ikurema. Wenda ababyeyi bawe bari beza cyangwa babi cyangwa se ntibakwitagaho. Imana yo yari ibizi ko abo babyeyi bombi bakubyaye ari bo bafite muri bo ibyangombwa byo kubyara wowe uko yagushakaga. Bari bafite "amaraso"Imana yari ikeneye nko ikureme.

Hariho ababyeyi batemewe n’amategeko ariko nta mwana utemewe n’amategekoubaho. Hari abana bavutse batunguye ababyeyi kuko batabateganyaga ariko Imana yo ntiyatunguwe. Imigambi y’Imana yasohoreye muri uko kwibeshya kabone n’uwaba yaravutse biturutse mu cyaha.

Nta kintu Imnaa ijya ikora itunguwe, kandi ntijya ikora amakosa. Iba ifite impamvu ya buri kintu irema. Buri kimera na buri nyamaswa byagambiriwe n’Imana na buri muntu yaremwe Imana umufitiye umugambi. Icyateye Imana kukurema ni urukundo rwayo. Bibiliya iravugango "Isi itari yaremwa, yari idufite mu bitekerezo kandi yari yaradutoranirije kudukunda"Ebefeso 1:4

Imana yatangiye kudutekereza mbere yuko inarema isi. Urebye ni nacyo cyatumye iyirema ! Imana yaremye iyi si uko iteye kugira ngo dushobore kuyibamo. Ni twe yageneye urukundo rwayo kandi ni twe biremwa by’igiciro mu byo yaremye byose. Bibiliya iravugango "Yatubyarishije ijambo ry’ukuri kugira ngo tube ab’igiciro cyinshi mu byo yaremye byose" Yakobo 1:18, Icyo ni cyo kigero cy’urukundo Imana igukunda , ako ni ko gaciro Imana yaguhaye.

Ntabwo Imana ikora mu kajagari, byose yabiteguye ibyitayeho. Uko abahanga mu miterere y’isi n’iy’ibinyabuzima bagenda basobanukirwa ko yashyiriweho twe abantu ngo tubeho,yaremwe ku buryo butuma ubuzima bw’abantu bushoboka. Dr Michael Denton,inzobere mu bushakashatsi ku miterere y’ibigize umuntu wigisha muri kaminuza ya Otago muri New Zealand yaranditse ngo "ibyagezweho n’ubushakashatsi mu buhanga bw’ibinyabuzima byerekana neza ko isi n’ikirere byaremewe mbere na mbere kwakira ibifite ubuzima n’ikiremwa muntu, kandi iyo ntego nkuru ni yo isobanura imiterere yose y’ibigaragara bigize isi" Bibiliya nayo yari yaravuze nk’ibyo imyaka ibihumbi mbere y’uwo mushakashatsi aho igira iti "Uwiteka yaremye isi...ntiyayiremye kubaho ubusa ahubwo yayiremeye guturwamo" Yesaya 45:18

Kuki Imana yakoze ibyo byose ? kuki yigoye ituremera isi yo kubamo ? Kuko ari Imana y’urukundo. Bene urwo rukundo ruragoye kururondora, ariko ni urukundo rudashidikanwa . Waremewe kuba umukundwa w’Imana yarakuremye kugirango ijye igukunda. Uku ni ukuri ushobora kubakaho ubuzima bwawe. Bibiliya iratubwira ngo "Imana ni urukundoo" 1Yohana 4:8, Ntabwo ivuga ngo Imana ifite urukundo.

Ni urukundo. Urukundo ni cyo kiranga kamere y’Imana. Ubundi Imana mu butatu bwayo yari ifite ubusabane buhagije , bityo ntabwo yari ikeneye kukurema. Ntabwo yari yagize irungu. Ariko yashatse kukurema kugira ngo ijye iguhundagazaho urukundo rwayo. Imana iravuga ati "Narabahetse mukiri mu nda, narabateruye mukivuka. Nzabageza mu za bukuru nkibakunda. Muzarinda imvi ziba uruyenzi nkibaheka.Ni njye wabaremye kandi ni njye uzabaheka" Yeseya 46:3-4

Iyo aba ari nta Mana iriho, twese twaba turi "impanuka" twaravuye mu ruhurirane bw’ibintu bitandukanye mu miterere mu miterere y’isi. Icyo gihe nta mpamvu waba ufite yo gusoma iki gitabo kuko ubuzima nta ntego, nta busobanuro nta n’agaciro bwaba bufite. Nta kintu cyiza cyangwa kibi byaba biriho, kandi nta byiringiro byaha biriho hirya y’imyaka mike uzamara hano ku isi. Ariko hariho Imana yakuremye ifite impamvu, ni cyo gituma ubuzima bwawe nta gaciro bufite gakomeye ! Ako gaciro n’intego by’ubuzima bwacu dutangira kubimenya iyo dufashe Imana nk’urufatiro bw’ubuzima bwacu. Uwahinduye Bibiliya muri message yahinduye Abaroma 12:3 mu buryo bukurikira ngo “ Buryo butibeshya bwo kumenya abo turibo by’ukuri ni ukumenya neza Imana uko iteye n’ibyo idukorera”

Iki gisigo cya Russell Kelfer kibivuga neza mu magambo magufi:

Uri uwo uri we kubera impamvu
Uri agace k’umugambi uhambaye
Uri uw’igiciro kandi waremwe mu buryo bwihariye
Mugabo mugore w’inyamibwa ku yaguhanze .

Uko usa kose bigira imvano.
Iyakubumbye ntiyibeshye.
Igihe igusobeka ukuri iyo mu nda.
Ukavuka uri uko yagennye ko uba.

Abakubyaye nibo yashimye
Ubigaye ubishime uko wibwira
Iyaguhanze nibo yatoye
Irabasinyira ngo bakubyare

Bya bindi byose byakugoye
Imana yawe yari ibizi
Yariranye nawe ubwo wari ubabaye
Nyamara byose bifite intego
Yo gutunganya umutima wawe
Ngo ufate isura y’Iyaguhanze.

Hari impamvu yo kuba uwo uri we
Wabumbwe uko uri n’Iyaguhanze
Erega mukundwa jya umenya impamvu
Ibyo byose ni kubw’Imana.

Intego yo kuzirikana: Ntabwo ndi impanuka
Umuronko wo gufata mu mutwe “Ndi umuremyi wawe. Natangiye kukwitaho uhereye ukiri mu nda” Yesaya 44:2

Ikibazo cyo gutekerezaho: Nzi ko Imana yandemye mu buryo bwihariye. Ni ibiki muri kamere yanjye, aho nkomoka cyangwa uko nteye ku mubiri numva ntakiriye uko ndi ?