Ubuzima bufite iyihe ntego (Umunsi 5)?

Rick Warren ni umupasiteri w’umunyamerika akaba n’umwanditsi w’ibitabo.

Uyu ni umunsi wa gatanu muri ya minsi mirongo ine twihaye yo gusoma igitabo yanditswe na Rick wallen, yitwa “Ubuzima bufite intego” uyu munsi umutwe dusoma ufite intego yitwa “Kubona ubuzima uko Imana ibubona”

Mbese ubugingo bwanyu ni iki?Yakobo 4:14
“Ntabwo tubona ibintu nkuko biri,tubibona nkuko turi”

Uburyo ubona ubuzima bwawe nicyo giha isura ubuzima bwawe. Uko ufata ubuzima nibyo bizaha icyerekezo imibereho yawe. Uko ubona ibintu nibyo bizahindura uburyo ukoresha igihe,uburyo ukoresha umutungo,uburyo ukoresha impano zawe ndetse n’agaciro uha imibanire yawe n’abandi.

Nushaka kumva neza abandi ujye ubabaza uti “ubona ute ubuzima bwawe?”Uzatangara ubonye ibisubizo bitandukanye, bingana n’umubare w’abantu wabajije. Hari abambwiye ngo babona ubuzima ari nk’ikinamayobera (maji),abandi barambwiye ngo babubona nk’inzira irimo za mine ziguturikana aho ukandagira hose, abandi babubona nk’imodoka igenda idahagarara,abandi ngo ni amayobera ,abandi ngo ni nk’indirimbo nziza,urugendo,cg imbyino .
Hari abantu bavuze ngo “ubuzima ni nk’urwego,rimwe ukaba uri hejuru ubundi ukaba uri hasi” ndetse ubundi ugasanga uzenguruka usa n’ubyina muzunga”. Abandi baravuze ngo “ubuzima ni nk’igare ryo gusiganwa rifite vitesi icumi ariko tudakoresha”,abandi ngo “ubuzima ni nk’umukino w’amakarita : ukinisha ikarita baguhaye nta kindi wahinduraho”.

Nkubajije ngo nguhe ishusho yuko ubona ubuzima,ni ikihe gishushanyo cyahita kiza mu mutwe wawe? Icyo gishushanyo nicyo kigereranyo cyawe cy’ubuzima . Uko niko ubona ubuzima ,waba ubitekereza cyangwa utabitekereza.Uko niko utekereza ubuzima buteye kandi nicyo kigaragaza icyo ubutegerejeho. Abantu kenshi berekana uko babona ubuzima mu buryo batoranya imyambaro bambara ,imikufi n’indi mirimbo bambara,imodoka bagendamo,uburyo basokoza umusatsi,ibishushanyo bamanika ndetse bamwe babigaragariza mu bishushanyo bishyira ku mubiri.

Iyo shusho y’ubuzima kenshi udatekerezaho ni yo igenga imibereho yawe kuruta uko ubitekereza. Niyo igena ibyo utekereza ku buzima, ibyo uha agaciro abo mushyikirana, intego zawe, ndetse n’ibyo ushyira imbere. Urugero: niba wumva ubuzima ari ibirori , icyo uzaha agaciro kuruta ibindi mu buzima ni ukwidagadura. Niba ubona ubuzima nko gusiganwa, uzashyira imbere kwihuta kandi inshuro nyinshi ibyo uzakora byose uzaba uri mu muvuduko. Niba ubona ubuzimank’isiganwa rya marato (kilometero 42), uzaha agaciro kwihangana . Niba ubona ubuzima nk’urugamba cyangwa kurushanwa, uzaha gaciro kanini guhora uri uwa mbere.

Ubona ute ubuzima? Ushobora kuba warubatse ubuzima bwawe ku gishushanyo kitari cyo. Kugira ngo ushobore gusohoza imigambi Imana yakuremeye, bizagusaba kwigobotora imitekerereze isanzwe uyisimbuze ibishushanyo by’ubuzima dusanga muri Bibiliya. Bibiliya iravuga ngo “Mwe kwishushanya n’imikorere y’ab’iki gihe, ahubwo mureke Imana ibahindure mu mitima kubwo guhinduka mu bitekerezo. Ni bwo muzashobora kumenya neza ibyo Imana ishaka” Abaroma 12:2
Bibiliya iduha ibishushanyo bitatau bitwereka uburyo Imana ibona ubuzima: Ubuzima ni igeregezwa, ubuzima ni indagizo, ubuzima ni igihe dufashe dufashe ku murimo. Ibi bitekerezo ni ryo shingiro ry’ubuzima bufite intego. Turareba bibiri bya mbere muri iki gice, icya gatatu turacyibandaho mu gice gikurikiye.

Ubuzima hano ku isi ni igeragezwa. Iki gishushanyo cy’ubuzima kigaragara henshi mu nkuru zo muri bibiliya . Tubona Imana igerageza imico y’abantu , igerageza kwizera kwabio, kumvira kwabo, urukundo rwabo, ubunyangamugayo n’ubudahemuka. Amagambo ibigeragezo, ibishuko, gutunganywa, gupimwa n’andi avuga nkayo agaruka inshuro zirenga 200 muri Bibiliya. Imana yagerageje Aburahamu imusaba kuyitambira umuhungu we Isaka. Imana yagerageje Yakobo igihe yagombaga gutendera Rasheli indi myaka irindwi ngo ashobore kumuhabwa nk’umugore we. Adamu na Eva batsinzwe ikizamini mu murima wa Edeni , Dawidi inshuro nyinshi yatsinzwe amageragezwa Imana yamuhaye. Ariko Bibiliya iduha n’izindi ngero nyinshi z’abantu batsinze amageragezwa akomeye nka Yosefu, Rusi, Esiteri na Daniyeli.

Imico n’imyifatire myiza bikomezwa kdi bikagaragarira mu bigeragezo ,niyo mpamvu ubuzima bwuzuyemo ibigeragezo. Buri munota w’ubuzima w’ubuzima bwawe uba urimo kugeragezwa .Imana iteka iba irimo kwitegereza uburyo witwara imbere y’abantu,uburyo witwara mu bibazo ,uburyo witwara iyo wagize amahirwe,iyo uri mu makimbirane, mu burwayi,iyo byose bitagenze uko watekerezaga ,ndetse niyo imvura cyangwa izuba byabaye byinshi ! Imana ibona n’utuntu duto nk’iyo ukinguriye abandi urugi ,iyo uteruye akantu k’umwanda katakaye aho anyura,cyangwa iyo ugaragaje ikinyabupfura ku mukozi woroheje nk’uzana inzandiko cyangwa uhereza muri za resitora. Ntabwo dushobora kumenya bitari byaba ibizamini byose Imana izaduha ariko hari bimwe dushobora guteganya dushingiye kuri bibiliya. Uzageragezwa n’ibintu bihinduka ,amasezerano adasohoza vuba nk’uko wibwiraga ,ibibazo bigaragara nk’ibidafite umuti,amasengesho wasenze agasa n’adasubizwa,abantu bakuvuga nabi kandi urengana,ndetse n’ibyago bidafite impamvu .Mu buzima bwanjye nabonyeko Imana igerageza kwizera kwanjye ikoresheje ibibazo ,ipima ibyiringiro byanjye igenzura uko nkoresha ubutunzi yampaye ,ikagerageza urukundo rwanjye iciye mu bantu.

Kimwe mu bizamini bikomeye ni uburyo witwara iyo udashobora kumva urikumwe n’Imana mu buzima bwawe .Hari ubwo Imana nk’iyihishe ,wayishaka ukumva isa n’iri kure yawe.Umwami witwa Hezekiya yanyuze muri icyo kigeragezo.Bibiliya iravuga ngo ‘’Imana yamuretse imugerageza ,kugira ngo imenye ibyari mu mutima we byose .’’Hezekiya yari yaragendanye n,Imana ariko bigeze mu gihe byose byagendaga neza,Imana iramwitarura ngo igerageze kamere ye ,kugira ngo ihishure intege nke ze bityo ashobore gutegurirwa gukora imirimo ikomeye kurutaho.2 Ingoma 32 :31

Iyo umaze kumva neza ko ubuzima ari igeragezwa,usobanukirwa ko nta kintu na kimwe kiza mu buzima bwawe kidafite impamvu.Buri kantu kose kaza mu buzima bwawe,n’akagaragara ari ubusabusa ,gafite umumaro mu guhindura kamere yawe. Buri munsi ni umunsi ukomeye,buri dakika ni uburyo Imana iba iguhaye bwo gukura mu mico,kugaragaza urukundo cyangwa kwishingikiriza ku Mana.Ibigeragezo bimwe na bimwe bigaragara birenze ibyo twakwihanganira ,ibindi hari n’ubwo tubicamo ntitubimenye .Ariko uko byaba bingana kose,bifite agaciro ku buzima bw’iteka. Inkuru nziza nufiiye nuko Imana yifuza ko utsinda ibyo bigeragezo by’ubuzima ,niyo mpamvu itajya yemera ko ibigeragezo uhura nabyo byarusha imbaraga ubuntu iguha ngo ushobore guhangana nabyo. Bibiliya iravuga ngo ‘’ Imana niyo kwizerwa,kuko itazakundira ko mugeragezwa ibiruta ibyo mwashobora kwihanganira,ahubwo hamwe n’ibibagerageza izabacira akanzu ,kugira ngo mubone uko mubasha kukihanganira.’’ 1 Cor 10 :13
Iyo utsinze ikigeragezo ,Imana irabibona igatangira gukora ingamba zo kuzakugororera mu ijuru .Yakobo yaranditse ngo ‘’Hahirwa umuntub wihanganira ibimugerageza kuko namara kwemerwa azahabwa ikamba ry’ubugingo iryo Imana yasezeranije abayikunda .’’Yakobo 1 :12

Ubuzima ku isi ni indagizo.Icyo ni ikigereranyo cya kabiri Bibiliya ikoresha ivuga ubuzima .Igihe tumara hano ku isi ,imbaraga zacu ,ubwenge,amahirwe,inshuti zacu,n’ubutunzi byose ni impano Imana yaduhaye ngo tuyibikire kandi tuyicungire.Turi ibisonga by’ibyo Imana iduha byose.Kumva neza uyu murimo w’ubusonga bitangirana no gusobanukirwa ko ibintu byose n’abantu bose tubona mu isi ari umutungo w’Imana .Bibiliya iravuga ngo’’Isi nibiyuzuyemo ni iby’uwiteka,isi n’abayibamo .’’PS24 :1

Ntakintu na kimwe kiba ari icyacu mu gihe gito tumara ku isi.imana iba yadutije isi mu gihe tukiri hano. Uvuka wayisanze aho ari umutungo w’Imana,kandi Imana izayitiza undi numara kuyivamo. Uba wahawe agahe gato ko kuyinezererwa.
Ubwo Imana yaremaga Adamu na Eva ,yabashinze kurinda ibyo yari yararemye kandi ibagira abacungamutungo bayo.Bibiliya iravuga ngo ‘’Imana ibaha umugisha ,Imana irababwira iti’ mwororoke mugwire,mwuzure isi,mwimenyereze ibiyirimo ,mutware… Itangiriro 1 :26

Umurimo wa mbere Imana yahaye abantu kwari ugucunga no kwita ku bintu by ‘Imana ku isi. Ntabwo uwo murimo Imana yigeze iwubambura .Biracyari mu nshingano zacu n’uyu munsi.Buri kintu cyose kitunezeza twagombye kukireba nk’indagizo Imana yashyize mu ntoke zacu .Bibiliya iravuga ngo’’ Icyo mufite mutahawe ni igiki ?Ariko niba mwaragihawe ,niki gituma mwirata nk’abataragihawe ?’’ 1cor4 :7

Mu myaka yashize ,abantu b’inshuti zacu bigeze kudutiza inzu yabo mur Hawai,ahantu hareba ku mazi y’inyanja ngo tuharuhukire n’umufasha wanjye. Byari umugiha tutashoboraga kugeraho kubwo umutungo wacu,niyo mpamvu twabinezerewe twivuye inyuma.Bari batubwiye bati’’ muyikoreshe nk’abari iwanyu’’,natwe aba ariko tubikora.Icyo gihe twamazeyo twogaga muri pisine yabo,tukarya ibiryo basize muri firigo ,twihanaguzaga ibitmbaro by’amazi byabo,tukarira ku masahani yabo,ndetse tukajya twicunda ku buriri bwabo ngo twumve uko bunepa !Ariko ibyo twakoraga byose ,twabaga tuzirikana ko atari ibyacu by’ukuri buri kintu tukakitaho mu buryo bwihariye. Twagize umugisha wo kunezerwa imigisha yose y’iyo nzu nubwo itari iyacu.Twamenyereye umuco uvuga ngo ‘’ubwo atari icyawe ntiwivune ukitaho ‘’. Ariko abakristo twahamagaiwe kugira imyitwarire isumba iyo ishingiye kuri iyi mvugo ngo’’ubwo Imana ariyo nyirabyo ,ngomba kubyitaho mbyitwararitse uko nshoboye kose’’. Bibiliya iravuga ngo’’Ababikijwe ibintu by’igiciro bagomba kugaragaza ko ari abiringirwa badatatira icyo cyizere bagiriwe’’.

Yesu yakunze kugereranya ubuzima n’indagizo kandi yaciye imigani myinshi isobanura iyo nshingano Imana yaduhaye. Muri wa mugani w’amatalanto ,avuga inkuru y’umuntu w’umucuruzi wasigiye abagaragu be umutungo ngo bawiteho igihe yari mu rugendo.Agarutse, yagenzuranye na buri mugaragu uburyo yasohoje inshingano ze kandi abagororera akurikije umurava bagaragaje. Nyir’ibintu aravuga ngo’’Nuko nuko mugaragu mwiza ukiranuka , wakiranutse muri bike,nzakwegurira byinshi,injira mu munezero wa shobuja.’’ Matayo 25 :21

Nurangiza ubuzima bwawe hano ku isi ,uzagenzurwa kandi uhembwe hakurikijwe uburyo uzaba warakoresheje ibyo Imana yakubikije.Ibyo ni ukuvuga ko buri kintu cyose ukora ,n’iyo twaba ari uturimo duto twa buri munsi ,gifite agaciro kanini mu buzima bw’iteka. Nukoresha buri kintu nk’indagizo ,hari ibihembo bitatu Imana isezeranya mu buzima bw’iteka. Icyambere,uzabona ishimwe ry’Imana ikubwira iti’’Nuko nuko wakoze neza’’ ! Icyakabiri, uzazamurwa mu ntera,uhabwe inshingano zisumbaho mu buzima bw’iteka.’’ Nzakwegurira byinshi’’. Icya gatatu,bazaguha icyubahiro cyo kugukorera ibirori ‘’ Injira mu munezero wa shobuja’’.Abantu benshi ntibajya babona ko umutungo ko ari ikigeragezo kandi akaba ikibitsanyo cy’Imana .Imana ikoresha ubutunzi ngo itwigishe kuyizera ,kandi ku bantu benshi,ubutunzi nicyo kigeragezo kiruta ibindi.Imana ihora yitegereza uko dukoresha umutungo ngo irebe ikigero tugezeho cyo kuba abiringirwa. Bibiliya iravuga ngo’’ Niba mutarakiranutse mu butunzi bw’isi ,ninde uzabitsa ubutunzi nyakuri bw’ijuru ?’’ Iryo ni ihame rikomeye cyane. Imana yivugira ko hari ihuriro hagati y’uburyo nkoresha amafaranga n’ikigero cy’ubugingo bwanjye bwo mu mwuka. Uburyo ncunga amafaranga (ubutunzi bw’isi) nibyo biha Imana icyizere cyo kumbitsa imigisha yo mu Mwuka(ubutunzi bw’ijuru).Reka nkubaze : uburyo ukoresha amafaranga ntibwaba bubuza Imana gukora byinshi mu buzima bwawe ? Ese ushobora kuba umwiringirwa ubikijwe ubutunzi bwo mu Mwuka ? Yesu yaravuze ngo’’ uwahawe byinshi wese azabazwa byinshi,n’uweguriwe byinshi niwe bazarushaho kwaka byinshi’’ Ubuzima ni ikizamini ariko ni n’ikibitsanyo ,kandi uko Imana irushaho kuguha byinshi,ni ko igutegerezaho kurushaho kuba inyangamugayo.Luka 12 :48

Ingingo yo kuzirikana : Ubuzima ni igenzurwa kandi ni indagizo

Umurongo wo gufata mu mutwe : Niba udakiranuka mu byoroheje ,ntuzashobora gukiranuka mu bikomeye ‘’ Luka 16 :10

Ikibazo cyo gutekerezaho : Ni iki cyaba cyarambayeho muriyi minsi ubu nsobanukiwe ko ari Imana yakingeragereshaga ? Ni ibihe bintu by’agaciro Imana yaba yarambikije ?