Ubuyo bwiza bwo gufasha umuntu ushaka kwiyahura.

Muri iyi minsi, kwiyahura ni ikibazo gihangayikishije isi. Umuntu ufata icyemezo cyo kwiyahura aba ageze ku rwego atekereza ko ubuzima bwe budashobora gutera imbere, agahitamo guhagarika umubababaro we no kwikura mu bibazo by’inzitane akoresheje kwiyambura ubuzima nyamara hari icyakorw uyu muntu akaba yasubira mu buzima busanzwe.

Mbere ya byose, kwiyahura ni icyaha, mbere y’uko umuntu afata umwanzuro wo kwiyahura, aba agomba kubanza gutekereza kuri aya magambo “mwumvise ko abakera babwiwe ngo ntukice,uwica akwiriye guhanwa n’abacamanza” (Yohana 5:21) abantu baremwe n’Imana , nta n’umwe muri twe ufite uburenganzira bwo kubica cyangwa kwiyica ubwe. Kwiyahura ni ukubwira Imana ko mu gihe yaremaga abantu itari izi icyo ikora kandi ko itari izi ko umuntu azaca mu bikomeye. Ikindi, iminsi yo kubaho kwacu Imana yayanditse mu gitabo cyayo itarabaho n’umwe (Yobu: 139:16)

Mu gihe incuti yacu cyangwa incuti y’umuryango tubona ko yatekereje kwiyahura, dukwiye kumugira inama yo kujya kureba muganga ufasha abafite ibibazo by’imitekerereze .incuro nyinshi,agahinda gakomeye, cyangwa ibibazo byo ku mubiri bishobora kuba intandaro yo gutekereza kwiyahura. Muganga ashobora kumuha imiti ituma imigambi yo kwiyahura imushiramo hanyuma agasubirana ibitekerezo bizima. Incuti ze za bugufi cyangwa abo mu muryango we, bagomba kumuba hafi kugira ngo bamenye uko impinduka imiti igenda imusigira kugeza ubwo azongera gusubira mu buzima busanzwe.

Iyo amaze gukira ibitekerezo bye bisubiye ku murongo, uyu muntu washakaga kwiyahura,dushobora kumufasha mu buryo bw’umwuka. Niba uyu muntu ataramenya Yesu ngo akizwe, uku kwiheba kwe gushobora kuba kwaraterwaga no kubura icyizere cyangwa intego. Mu gihe amenye ko ubuzima bwe bufite icyo busobanuye kandi ko ahazaza he hari mu biganza by’Imana, igitekerezo cyo kurangiza ubuzima bwe gihita kirangirira aho. Ikindi ni ukumusomera ibyanditswe byera bisobanura ububi bwo kwiyahura kugeza igihe nawe afashe icyemezo cyo gukizwa akakira Yesu nk’umwami n’umukiza w’ubugingo bwe.

Rimwe na rimwe umuntu ushaka kwiyahura ashobora kuba ari umukristo akaba yatakaje ibyiringiro by’ubuzima. Uyu muntu nawe akeneye guhabawa imiti ndetse n’inama za muganga kandi akeneye gukorerwa igenzurwa n’abantu be ba bugufi bakamuhora hafi.n’ubwo tuzi ko kwiyahura ari icyaha, sicyo gihe cyo gutangira kumucira urubanza no kumushinja kuko nta n’umwe uba uzi ikigero cy’umubabaron’agahinda bya mugenzi we: “umutima wiyiziho uwawo mubabaro, kandi umunezero wawo nta mushyitsi wawujyamo” (Imigani 14:10)

Byongeye, dushobora kumufasha dukoresheje kumuha igihe gihagije cyo kumuba hafi, tukamwereka ko atari we wa mbere ugize icyo gitekerezo kitari cyiza, ahubwo tukamuha ingero z’abantu biyahuye n’ingaruka mbi byabagizeho nko kuba barabuze ijuru, kuba barasize umuryango wabo mu kaga n’ibindi.kandi tukamwibutsa ko ibihe bisimburanwa ko atazahora ababaye, ibyiza biri imbere nta mpamvu yo kwigirira nabi.

tugomba kwiyumvisha ko n’ubwo umuntu yatekereje kwiyahura, sit we twabiteye. Akenshi, imiryango n’incuti z’umuntu wiyahuye, bakunda kwishinja ko ari bo batumye umuntu yiyahura, nyamara si byo ahubwo ni ukwiyongerera umubabaro ndetse iyi ni intwaro ya satani yo kwiba umunezero w’abantu. Incuti z’umuntu zishobora kugerageza kumukorera byose zishoboye ngo zimufashe, ariko umwanzuro wa nyuma si uwabo. Niba umuntu yatekereje kurangiza ubuzima bwe, nta kintu na kimwe undi yabikoraho ngo amubuze kuko biba biri mu mutima we kandi ntibyoroshye kumenya ibiri mu mutima w’undi, kertse gusa bimucitse ukumva abivuze nibwo watangira kumwigisha.

Ni inshingano ya buri wese gukora ibishoboka byose byatuma akiza ubuzima bwa benshi kuko abantu ni umutungo w’Imana kandi n’igihugu kugirango gitere imbere ni uko kiba gifite abaturage bagikorera.