Uburyo bwakumenyesha niba kuramya kuyobowe n’Umwuka w’Imana

Kuramya Imana ni umwanya ukwiye gutuma abakristo barushaho gushyikirana n’Imana , bakazamura icyubahiro cyayo kandi bakayoborwa n’Umwuka Wera.

Biratangaje kubona bimwe mu bibera mu rusengero mu gihe cyo kuramya usanga akenshi biyobowe n’ amarangamutima gusa kuruta kuyoborwa na mwuka wera. Ese ni gute twamenya niba umwuka wera ahari cyangwa yagiye? Ni gute twamenya niba twuzuye umwuka Cyangwa niba atari amarangamutima y’amajwi meza atunyeganyeza? Dukwiye gusuzuma neza kugirango kuramya kwacu kutagira umumaro, ntikugire icyo kudusigira.

• Ese turamya abakomeye cyangwa turamya Yesu ?

• Ese turirimbira Imana cyangwa turirimba kuko tuguwe neza?

• Ese tuba tuyobowe n’Umwuka Wera cyangwa tuyoborwa n’amarangamutima ?

Uburyo 5 bwakwereka niba kuramya kuyobowe n’Umwuka:

Ese tuyoborwa n’umwuka cyangwa dusa nk’abaramya indirimbo dukunda?Uku niko twabigenzura:

kuyobora abantu ibyo bibiliya isaba

Bibiliya itubwirako dukwiye kuramya Imana. Ni byiza kubona abantu bari hamwe imbere y’Imana bayiramya kandi bayiha icyubahiro. Nk’umuyobozi w’abaramyi, batoze kuririmba, kuzamura ibiganza byabo no guca bugufi imbere y’Imana.

Gukoresha ijambo ry’Imana

Kuramya gutandukanye n’ijambo ry’Imana si ukuramya. ijambo ry’Imana rikwiye kuzuza kuramya kwacu mugihe duteranye.

Bibiliya ikwiye kutubera umuyobozi, kugirango tutayoba inzira. “Wiringire Uwiteka n’umutima wawe wose, We kwishingikiriza ku buhanga bwawe. Uhore umwemera mu migendere yawe yose, Na we azajya akuyobora inzira unyuramo.”(Imigani3:5-6)

Kuramya kugendanye n’imibereho yacu tubamo

Kuramya kwacu gukwiye kugendana n’imibereho yacu ya buri munsi. Ugendeye kuri bibiliya ubona akenshi harimo ibihe by’umubabaro ,agahinda, gupfusha,n’ingorane zitandukanye. Ariko ntigukwiye kuba umubabaro gusa. Gusa hashobora kubamo ubu bwoko bw’indirimbo zigaragaza iyi mibabaro n,agahinda… Ibi bishobora gufasha abantu bagahuza kuramya n’imibereho yabo ya buri munsi .

Indirimbo zikwiye gutanga ubuzima

Dukwiye kuramya turirimba indirimbo zibwiriza ubutumwa. Indirimbo zikwiye kuba zihumekewemo n’Umwuka w’Imana. Zikaba izihindura ubuzima, iziruhura imitima iremerewe, iteraniro rikajya mu mwuka w’iyo ndirimbo, rigafatanya guhimbaza Imana.

Indirimbo zikwiye kuba ziha Imana icyubahiro

Ntakindi kintu gikwiye kugira agaciro kurusha icyubahiro cy’umukiza. Aho niho dukwiye kwerekeza umutima, tukahakura ubuzima, tukarasirwa n’ umucyo. Indirimbo zivuga icyubahiro cya Yesu zishobora gukora byinshi tudatekereza.

Kuramya umukiza bitera kuva mu bitekerezo bipfuye, bigaha amahirwe umutima guhumurizwa no gutuza. Ririmba indirimo ziha icyubahiro Kristo. Zamura amajwi uvuge gukomera kwe.

Sophie @Agakiza.org