Ubupfubyi bwo mu mwuka (Igice 2)/ Pastor Desire HABYARIMANA

Bibiliya yatubwiye iti“Sinzabasiga nk’impfubyi, ahubwo nzaza aho muri” Yohana 14:18, Ibi bigaragazako dukeneye umufasha w’umwuka yego ariko dukeye na Pawulo, Timoteyo na Tito badufasha guhinduka no gutera intambwe mu mwuka ukaba umukirisito w’ukuri. Nagirango mbabwireko umwana apfa mu iterura.Icyuho cyo kutagira ababyeyi bo mu mwuka, nuwo ufite akakubera umubyeyi bidahagije uzasanga bigaragara ahantu henshi mu itorero. Abenshi uzasanga bafite abashumba babashumbye mu matorero ariko ugasanga ibyo bakora ntabwo bisa ni ibya kibyeyi, ntibifite ishusho n’ikitegererezo cya krisito.

Ubundi iyo umuntu abaye umubyeyi abategerejwe kwishimana n’umwana we akamuha umwanya, akamuha igihe,iyo umwana atawubonye ajya kuwushaka ahandi bawumubonera kandi ntuba wizeyeko uburere bwiza wamwifurizaga azabubonera muri iyo mihana yirirwamo. Azajya kureba filime z’urukozasoni, ibyo utabashije kumuha sinzi nezako hari uzabimuha akabona uburere nkubwo warikuzamuha, icyo nicyo kiba ku bakirisito. Umuntu aravuka yabura umuntu umurera mu mwuka, akajya yirirwa asengera mu misozi , mu mazi, n’ahandi hose aho yumvise icyumba akaba yirutseyo, hano mu nyumve neza gusenga ni byiza cyaneeeeee ariko guhora ugenda mu misozi, hari igihe bakubwira ngo kuri iyi misozi bihita bisubizwa, bakakubwirango hari n’ahandi hadutse vuba, bigasa nkaho umuntu aramya umusozi aho kugirango aramye Imana ishobora gukemura ibibazo. Ibi biterwa n’uburere bwo mu mwuka butaboneye. Abashumba bashobora kutatubonera umwanya ariko ni ibyangombwa kuba ufite umubyeyi wo mu mwuka ukurera akagufasha gutera intambwe zo mu gakiza.

Ndagirango mbabwireko bitumvikana uburyo umuntu yitwa papa wo mu mwuka cyangwa umushumba ugushumbye hanyuma kubera icyubahiro cyinshi afite umwana yaza kumureba bakamubwirango ubwo uje ufitanye nawe gahunda(randez-vous) hanyuma waba unayisabye bakaguha iya mezi atandatu. Uyu munsi winjira mu rusengero, haza abashumba abantu bose bagahaguruka abo twakita abana be bajya kumuramutsa b’abasore b’ibigango barinda uwo muntu, bakababuza kumwegera, sinzi niba Krisito aramutse ari aho ari uko yabigenza,sinzi niba abakozi b’Imana aribo bakwiye kuba bafite umutekano muke kurusha abandi. Niba umwana akeneye umubyeyi hanyuma uwo mubyeyi akaba aba mucyubahiro kirenze kuburyo abana badashobora kumwegera na none utekereze uko bizamera, ni iki bizatanga kuri uwo mwana? Azahita ajya gushaka abandi bamuhe uburere utifuzako yagahawe,Bitewe nuko ntiwicaranye nawe, ntuzi amarangamutima ye, ntuzi ibimubabaza, ntuzi ibimushimisha. Biragoye ko uwo muntu azavamo umwana muzima.

Ese aya makosa ashobora gukosorwa ? Umwana apfa mu iterura. Abantu batuzaniye ubutumwa bwiza barihutaga cyanee,baribafite intego yo kugwiza imibare myinshi y’abayoboke ariko ntamwanya wo kurera abo babyaye bari bafite, ntabwo batureze ngo batugeze ku kigero cyo kuvuga ngo Uwaba atinyutse ibyago byose naze” Pawulo yaravuze ati “ ni iki cyadutandukanya n’urukundo rwa krisito Yesu, ni amakuba ? ni ibyago ? n’uguhaga n’ugusonza,ni inkota ni ukwambara ubusa, nta na kimwe gikwiye kudutandukanya n’urukundo rw’Imana. Niba ari uko bimeze dukwiye kuba turi abantu bakomeye, turwana ni isi na satani n’umubiri niba tudafite agakiza gakomeye kuri icyo kigero isi yo ntireka kuduhiga, imibiri twambaye nayo ni ibindi bibazo, noneho bikaba ibibazo bikomeye iyo urwana n’ibyo bintu byose ntawukubwirango komera.

Yesu yaje kudukiza ibyaha atuvura n’imvune yo mutima ariko abantu benshi bagendana imitwaro iremereye, Yego bakijijwe ibyaha ariko imitwaro y’ibikomere nibyo baciyemo mu buzima ntibafite uwo babisangiza. Kubera iki, arakubwirango ndabibwirande ko bizahita bimenyekana, ninde muntu wo kwizerwa nakaturira? Hari ubwo umuntu agusha ishyano akavugango nimbibwira umushumba bazantenga, nimbivuga muri korari bazantenga, sosiyete niramuka ibimenye nabwo nzaba nsebye, akazagendana umutwaro uremereyeee adafite aho atura, adafite uwo yaturira, akawurirrimbana, akawuryana igaburo ryera akazageza igihe kuko icyaha gitinze akazagirango yarababariwe.

Reka mbabwize ukuri: icyaha ntikimarwa n’iminsi,icyaha gikurwaho n’amaraso ya Yesu kristo. Icyaha ntigikurwaho n’amaturo watuye,n’imirimo wakoze, icyaha gikurwaho n’amaraso ya Yesu kristo. Nagirango nkubwire inkuru nziza ngufitiye muri aka kanya, nagirango nkubwireko Imana iracyagukunda ishobora kukubabarira uteye intambwe ukihana, ukatura Imana yakwakira. Umuntu wabyawe n’umugore, umuntu ukomoka kuri Adamu ni umunyantege nke ariko imbaraga z’Imana zibereyeho kudufasha, amaraso ya Yesu abereyeho kutweza kandi tubereyeho kubohoka. Imana yiteguye kukubohora no kubana nawe no kukwitaho no kugukorera ibikwiye byose kugirango ube umukirisito ushyitse ufite ubuzima bwa gikirisito butunganye.

Nijyeze mbaza umushumba umwe ati ko mbona hari amakosa amwe akorwa n’abakirisito mbese ashobora gukosoreka ? arambwirango bafashe umwanya munini bavuna , babwiriza ubutumwa bwiza ariko ntibabona umwanya wo kurera abayoboke babo, aravugango icyakora ubu bagiye kubitangira. Ndamubwirango nonese ko ubona itorero rimaze imyaka isaga mirongo irindwi, umuntu waje akakubana mukuru akajya muri korari akaba amaze imyaka mirongo ine uzongera umbwire ngo ibintu wigishijwe sibyo ? Mu byukuri Yesu yaravuze ngo mugende mwigishe abantu kwitondera, dukeneye abantu batwigisha kwidondera uburyo bahinduka ku ngeso, uko umuntu atsinda kamere,uko umuntu asoma ijambo ry’Imana akarihuza n’ubuzima abaho, uko umuntu ahinduka akaba umwana w’Imana.
Ubugingo ni gatozi, ni ubwawe ku giti cyawe, byashobokako ushobora kugira amahame meza y’itorero ubarizwamo ariko ubugingo bwawe butarakize. Imana ifite umugambi wo kukubohora kugirango ubeho ubuzima buhindutse. Ntabwo ukwiriye kwemera kubaho nk’impfubyi kuko bitari mu mugambi w’Imana, saba umwuka wera atuyobore, ubwire mwuka wera ngo nihe nkwiye kurererwa ? Ninde ukwiye kundera ? Muri iyi nzira y’agakiza kugirango ibyagiye bipfa bikosoke mbashe kubaho ubuzima buhindutse. Kuva impanda itaravuga ngo Yesu atware itorero hari abantu bo kwizerwa.

Mu itorero umuntu akwiye kuhaba kugirango akizwe, yumve ukuri kw’ijambo ry’Imana, wuzure umwuka wera nurangiza ukorere Imana, ubeho mubusabane n’abandi, bitameze bityo sinibaza impamvu wemera kuba ahantu udafashirizwa, udahinduka, hatagufasha gutsinda kamere,batakwigisha gusoma ijambo ry’Imana, batakwigisha gutera intambwe za ngombwa. Bitari ibyo ushobora guhinduka umuyoboke gusa , udafite ubuzima buhindutse.

Ese ntufite ikibazo cy’ubupfubyi bwo mu mwuka ? Wabonye umubyeyi ukorera? Wateye intambwe za ngombwa? Abantu bamwe bageze igihe baravuga ngo kwihana no kwatura ntabwo bikiri ngombwa no kwezwa ntibikiri ngombwa, nta muntu wo kwizerwa ukiriho, Imana iracyafite abantu bo kwizerwa, bavuga ukuri nkuko kuri muri bibiliya.

Imana yiteguye kuguha ubugingo bwejejwe kugira ukore ubushake bwayo, ntazagusiga wenyinye kandi azaza aho uri kandi azaguha ibikwiriye byose kugirango ube umukirisito ukwiriye. Imana ntiyakora ikosa ryo gutuma umuntu umwe bitewe ni iki ? Umuntu wese akwiye kubera mugenzi we inyunganizi. Nyuma ya Mose hari Yosuwa. Nyuma ya Eliya hari Elisa. Nyuma ya Yesu hari intumwa kandi Nyuma ya Pawulo hari Timoteyo. Imana yari iziko umusntu ari umunyantege nke, ntabwo yakohereza umuntu umwe, babiri baruta umwe, umwe iyo aguye undi aramubyutsa.

Ukwiye gusengera umuntu ugufasha gukura mu buryo bw’umwuka.

[email protected]