Ubuhamya bw’umukobwa witwa Tara watotejwe n’umuyango bamuhora ko yakijijwe.

Tara ni umukobwa ufite imyaka 14 y’amavuko, yavukiye mu gihugu cy’ubuhinde (India). Akimara kwakiraYesu Kristo nk’umwami n’umukiza w’ubugingo bwe, yahuye n’intambara zo kwangwa n’incuti ndetse n’umuryango we. Bamuhoraga ko avuye mu idini yitwa Hindu akajya mu idini ya gikristo

Kuba umukristo bifatwa nk’aho ari igisebo mu buhinde, byongeye kandi kwitwa umuhinde bisobanuye kuba umuyoboke w’iri dini (hindu). Abakristo bake baba muri iki gihugu bahabwa akato bakajya kuba ahantu ha bonyine.

Inkuru y’ubuzima bwa Tara irababaje kuko yahuye n’akarengane gakabije azira ko yakijijwe, aradusobanuririra ibyamubayeho agira ati:

“Nabanaga n’umuryango wanjye mu nzu ifite ibyumba 15 muri make wari umuryango wishyize hamwe. Kuko nahisemo kwizera Yesu Kristo, bampaye icyumba gito cyane kitari hafi y’ibindi. Nta muntu n’umwe wo mu muryango winjiraga mu cyumba cyanjye, nta n’umwe washoboraga kunkoraho cyangwa kundeba, natekaga ukwanjye, ntawemeraga kurya ibiryo natetse habe no kunywa amazi nakozeho.”

Umuryango wa Tara wanze kumwishyurira amafaranga y’ishuri bakamubwira ngo yarabasebeje, ariko we ubwe yakoze uko ashoboye kugirango akomeze kwiga aratubwira uko yabyitwayemo agira ati: “nta n’umwe mu muryango wamfashaga kwishura amafaranga y’ishuri, mu kiruhuko najyaga guhingira amafaranga ngakora ntaruhuka kugira ngo mbone amafaranga yo kugura ibyo kurya ndetse no kwishyura ishuri”

Muri ibyo bigeragezo byose uyu mukobwa yanyuzemo umuryango we washakaga ko yareka kuba umukristo kuko babifataga nk’ubuyobe nyamara yarabahakaniye aravuga ati: “nzi ko Yesu ariwe Mana y’ukuri, sinzamusimbuza ikintu icyo ari cyo cyose, nta kintu nagereranya n’amahoro nabonye muri Yesu”

Abantu bagize amahirwe yo kuvukira cyangwa gutura mu bihugu bitanga umudendezo ku bakristo, dukwiye gusengera abandi batarabona ayo mahirwe nabo Imana ibahe uburyo bwagutse bwo kuyikorera babohotse. nitubikora dutyo, tuzaba dutanze umusanzu wacu mu guteza imbere umurimo w’Imana.