UBUHAMYA 2: Gihozo Josiane yagiye kwa mu ganga ntamuherekeza , afite ibiceri 250, agezezeyo abona ukuboko kw’Imana

Nahetse akana gato narimfite, kari karabaye umuhondo nanjye narimfite inda nkuru. Abandi nshoreye mbona ntawuva aho ari mpita nerekeza mu isoko gusaba. Ndatangirango wampaye, impamvu ugira isoni ntamakuru ufite. Hari igihe amakuru akuzaho, isoni zigashira nta kintu kizikumarishije kandi atari ukuvuga ngo ni ukuzishira ahubwo gushira amanga zicyo uhagazemo. Ntangira gusabasaba , abo dusengana, abo turirimbana , abo duterana , niba hari ikintu kitaryoha ni ugusebera muri kavukire, ahantu wavukiye kandi ubwo ndasaba ahantu nigeze guparika imodoka, nje guhaha. Twaridufite imodoka iwacu i Gikondo, ariko igicuku kinishye burya cyari kinishye, ijoro iyo ryakubye ushaka ikintu cyakurengera ukacyibura ariko Imana ishimwe yashyizeho ihema ry’ibonaniro. Uhungiramo ukabona amahoro araje.

Ndagenda ndasaba , ndasaba, abantu barampa abandi baramvuga, ibi ngibi byo kuvugwa ukarakara ngo abantu bamvuze, ukarakara ukibyimbisha ukava mu murimo ! Nta makuru ufite . Umuntu akuvuga ibintu biribyo akakuvuga wumva, akakuvuga utagiye kure, akakuvuga aseka ukabura icyo usubiza, mvuze ngo akuvuga ibiribyo. Ureka biriya wivugisha ngo bavuzeko ubyibushye, n’ubundi se ntubyibushye ? Bavugako wananutse ubundi ntunanutse? Ngo njyewe barandeba byakubitiraho n’ubukene nibereyemo , ukabona babonye ubukene bwanjye , ubundi se ntukennye ? Bavugeko ukize se? Ibimenyetso bigaragaza abakire ntubizi? Urabifite se? Jya wihangana bakuvuge uko uri , nta muntu ukubeshyeye, ngo njye bahora bavugako ndi mugufi, ubundi se uri murermure ?

Icyo gihe baramvuze, bamvuga ibiribyo, ati “yaratawe” n’ibinyamakuru biratangaza, ati “noneho asigaye asaba” yasebeje chorale. Byageze ku rwego mva muri chorale bankura imbere, banjyana ku muronko w’inyuma kubera kwambara ibintu bitajyanye, kubera kwambara ikanga n’itisheti nabyo bitajyanye , nabyo by’umuntu usengera aho ,namutiye. Iminsi igenda inyigiza inyuma buhoro bitewe naho ngeze, igihe kiragera ndakubitika, mbona inzara yanze gushira mu rugo , Nasoromye dodo igihe kirekire ku muhanda, ndakubitika ariko kuko Imana yari yaravuze , buhoro buhoro igenda yinjizamo ibiryo. Hari igihe cyageze umudamu umwe ateka ibiryo ashoje ay’ibiri Imana imutegeka kubinzanira. Imana igenda inkuriramo ibirarane.

Nageze ku rwego rwo kubyara ntagira umwenda habe n’umupira , habe n’igipesu, nta gitenge narimfite. Ngera igihe cyo kubyara jya kwa muganga , nta muntu narimfite wamperekeje. Impamvu utwara uguherekeza ni uko uba ufite ibiguherekeza, ufite varize uri bumuhe, iyo udafite varize urijyana, ndijyana ku Muhima, mpageze muganga aransuzuma. Arambwira ngo waje witeguye ko uri bubagwe ? Ndamubwirango naje niteguye, mfite agashakoshi gato karimo igitenge nacyo cyabaye nk’urukwi kubera kumesa nta sabune karimo na bibiliya n’ibiceri 250, narinarayabitse ngo niyo nzitabaza. Narinararebye ubukene,ndavuga nta miteweli nagiraga, ndavuga ngo nzabyara bamfunge ariko maze kubyara , narinabajije icyayi cyo ku Muhima nsanga kigura 150 , irindazi ari 100 , ndavuga ngo nzatuma bamwe bakoropa maze kubyara banzanire icyayi n’irindazi, ubundi nondoke, nimara kondoka mpite nkubita umwana mu mugongo na cya gitenge cyanjye kimwe nceho nitahire.

Nuko gahunda nari narazibaze ariko ndashima Imana. Hari ibintu wari warabaze, ikaba izaza nk’Imana, igakora nk’Imana, ntabwo bizagenda nkuko wowe ubyibwira. Reka mbabwire ukuntu Imana yantabaye ndi ku Muhima, Imana iriho nubwo umuntu yakubwira ngo ntabwo ihari, jya umwima amatwi , jya umubwira ngo ceceka njye mfite ibimenyetso, uyu munsi nubwo itaje ariko ejo izaza. Ndi ku Muhima, mu ganga arambwira ngo rero, urahita ubagwa ntujye kure, nicara ku rubaraza hamwe umuntu aba ateganye na muganga. Mu minota nk’itanu nicaye, mbona hazamutse umudamu, umumama azamuka anzi ariko ntamuzi, narinarigeze ntanga ubuhamya mu babyeyi hariya Kimironko, mu Izindiro. Umudamu ambonye abona aranzi , arambwira ati “ntabwo ari wowe witwa Gihozo?” Nti yego, arambwira ati “ndagukundaaaa” nakubonye urimo uduha ubuhamya Kimironko, ambaza niba naje kubyara , kubera ko yaranzi mpita nihagaraho kugirango atandungurukira Imana, ndamubwira ati “ ntabwo naje kubyara” kuko naravuzengo nimubwirako naje kubyara arahita ambaza ivarise, ambaze uwamperekeje, ndavugango abarokore ndabazi atambaza amakuru menshi, mpita mvuga ngo ntabwo naje kubyara.

Ndashimira iyera ikuzanira umusamariye mwiza, uhwanye n’ikigero ushaka. Ibibazo ufite Imana iguhuze n’umusamariya mwiza. Arambwira ngo narabwirije rimwe arankunda, mu gihe turi kuganira muganga ahita aza. Aravuga ngo ninde witwa Gihozo ? Mpita mbwira wa mumama ngo bayi, arambwira ati, winsezera sha komeza unsuhuze, ndamubwira ngo bayi hari ibintu ngiyemo, ati, oya ariko, ubwo muganga niko ari guhamagara. Mbonye muganga agiye gusubirayo , ndavuga ati , ninjyewe. Arambwira ati, ca hano tugende. Mbatura agashakoshi , nsezera wa mu mama, nerekeza aho bagomba kujya kuntunganyiriza, igihe namanukaga ngenda, nabonye Imana. Tukigerayo, yararebye ambonana agashakoshi, ahita ambaza ati ese ugiye he ? Ndamubwira ngo nonese ntumbwiyeko muganga agiye kumbaga ? Nonese iyi sakoshi urayetetana uyajyana he ? Agiye kumubwira ko ntamurwaza, ahita anshikuza isakoshi, ahita yihuta no kwa wamugore aramubwira ngo , mwakire, muba muzi guherekeza mutazi icyabazanye, kandi umugore simuzi, nizina rye ntabwo ndizi, agasakoshi kanjye karimo 250 niyo narincungiyeho.

Iyo Imana igiye kugutabara, ifata ibyo warufite ikabihindura zero. Igatangiza ibyayo kugirango igaragaze ibyayo, niba hari ibintu ukibona ntibizamo, urarindira ibanze ibikubure itangize ibyayo. Nakuruye muganga kugirango mubwire ngo uwo mugore ntabwo muzi, ahita ahindukira arambwira ngo ceceka , ntamagambo yawe nshaka, ngo ubwo ni ubwoba ufite kuko ugiye kubagwa , ati “ihute tugende” umuganga yanga kunyumva. Utwenda narinazanye aratuzinga aratumushyira. Ndagenda barambaga igihe gito, narimbyaye umwana w’umukobwa. Ndashimira Imana yampaye umwana w’umukobwa, mbyara umwana w’ibiro 3kg na 600 g bishatse kuvuga ngo umwana w’uruhinja Imana niyo imukomeza mu nda y’umugore, ntabwo ari ibiryo wariye, si amashu wariye, ahubwo ni Imana nyiribiremwa.

Maze kumubyara, muganga arambaza ngo , ese ninde waguherekeje? Kugira ngo tubone imyenda yo kwambika umwana. Mu byukuri nta myenda narinazanye. Ndamubwira ngo rero njyewe umuntu umfitiye isakoshi ntabwo muzi.

Uwiteka abarinde tuzakomeza ubutaha twumva ubuhamya bwa Gihozo mu gice kizakurikira twumve uko aho imyenda yavuye yo kwambika umwana.