Sobanukirwa uburyo itabi ryangiza ubwonko bw’umuntu

Buri munsi ku isi abantu benshi barapfa bazize ingaruka zo kunywa no gukoresha itabi. Kunywa itabi bitera indwara y’umutima, ibihaha, cancer y’ibihaha, umuhogo n’ibindi. By’umwihariko Itabi ryangiza ubwonko bw’umuntu.

Amakuru dukesha urubuga rwitwa healthline.com, umwalimu muri Kaminuza ya Bradley witwa Lori A. Russell-Chapin, akaba inzobere mu bijyanye n’ubujyanama ku Bantu bafite ibibazo by’ubwonko, yavuze ko mu itabihabamo uburozi bwitwa nicotine. Bene ubu burozi bwangiza imitsi ishinzwe kujyana amakuru ku bwonko, iyo imaze kwangirika niho ubwonko butangira gucika intege, uko umuntu akomeza kunywa itabi, bigeraho iyo mitsi igacika umuntu agapfa.

Hari ubundi bushakashatsi bwakozwe n’ibigo byita ku buzima, bwagaragaje ko biturutse ku cyo twita nicotine iba mu itabi, ubwonko burahinduka hanyuma umuntu akagaragaza ibimenyetso bikurikira: kwigunga, umubabaro ukabije cyane n’ibindi.
Abantu banywa itabi baba bafite ibyago byinshi byo kugira icyo mu cyongereza bita dementia. Ni uburyo ububiko (memory) bw’ubwonko, ubushobozi bwo gutekereza, ubushobozi bwo gufata ibyemezo, imyitwarire, ubumenyi bwo kuvuga byose byangirika bigatuma imyitwarire y’umuntu ihinduka ikaba mibi. Bene aba Bantu banywa itabi nibo benshi bagerwaho n’izi ngaruka.

Kunywa itabi bigabanya ingano (size y’ubwonko), uko umuntu amara igihe kirekire anywa itabi, niko ahura n’ingorane z’uko ubwonko bwe bugenda bugabanuka tugendeye ku ngano yabwo.

Kunywa itabi kandi bitera indwara ya cancer kuko mu itabi habamo uburozi bwinshi butandukanye. Bivugwa kandi ko kunywa itabi byatera canseri yo mu bihaha, mu muhogo, ndetse no mu bwonko.

Nimucyo rero twirinde itabi.Buri wese akwiye kwirinda ingaruka zamugeraho ziturutse ku itabi kuko tubonye ko ari umwanzi w’ubuzima burambye.

Source: healthline.com