Nuko nuko mugaragu mwiza ukiranuka!( igice cya mbere)

Yesu ubwo yaciraga abigishwa umugani w’italanto, yavuze iby’abagaragu bahawe na shebuja italanto ngo bazigenze, babiri muri bo bazungukira izindi. Shebuja agarutse nyuma y’igihe kinini, yagororeye abo babiri ababwira ati, “Nuko nuko, mugaragu mwiza ukiranuka! Wakiranutse mu bike, nzakwegurira byinshi, injira mu munezero wa shobuja!” (Mat 25:21, 23). Buri mukristo yifuza kuzabwirwa aya magambo umunsi umwe ageze mu gihugu cyo mu ijuru.

Twakijijwe n’ubuntu kubwo kwizera (Abefes 2:8–9), ariko kandi twakijijwe ngo dukore imirimo myiza (Abefes 2:10). Yesu yavuze ko tugomba kwibikira ubutunzi bwacu mu ijuru aho inyenzi, ingesi n’abajura bitabugeraho (Mat 6:20), kandi uyu mugani w’italanto uratwereka ingororano zinyuranye ku bakiranukiye kumukorera muri iyi si.

KumvaYesu abwira umuntu ayamagambo ngo “ nuko nuko mugaragu mwiza ukiranuka”mbere ya byose ni igihamya ko uyu muntu yakijijwe. Utizera wese ntazabwirwa aya magambo, kuko “utizera ntibishoboka ko anezeza Imana” (Abaheb 11:6). Kandi twibuke koYesu Atari umukiza gusa; ahubwo ni n’umwami (Luk 6:46). Bityo dukorere Uwiteka tunezerewe! (Zab 100:2).

Dore bumwe mu buryo dushobora gukoreraUwiteka:

1. Kubwiriza ubutumwa bwiza. UmwamiYesu adusaba guhindura abandi abigishwa be, tubigisha kwitondera ibyo yavuze byose kandi twamamaza urupfu no kuzuka bye (Mat 28:18–20).

2. Gufasha abababaye. Mu nkuru ya Nyamutunzi na Lazaro muri Luka 16:19–31, Nyamutunzi yagiye gihenomu azize ko atafashije Lazaro ndetse akiringira ubutunzi bwe kuruta ibindi. Ntitukizirikane ubwacu ahubwo tuzirikane abandi cyane banababaye. 1 Yoh 3:17 agira ati, “Ariko se ufite ibintu byo mu isi, akareba ko mwene se akennye akamukingira imbabazi ze, urukundo ruzaguma muri we gute?”

3. Kubabarira abandi ibyo batugirira. Ibi ntaho bihuriye no kwiyunga, ahubwo bivuga ko umuntu areka inzika no kwitura kose kunabiyagiriwe. UmwamiYesu yaduhaye urugero rwo kubabarira aho Petero mu rwandiko rwe abivuga ati: “yaratutswe ntiyabasubiza,yarababajwe ntiyabakangisha, ahubwo aritanga yiha Idaca urwa kibera” (1 Pet 2:23).

4. Koresha umwanya wawe w’ubuyobozi mu gufasha abandi bato kuri wowe kandi umwanya uriho ugutere kwiyegurira Imana nkukoYesu Kristo yiyeguriye Se.
Ushobora kuba nka Kristo, kukoYesu yabaye umwami aba n’umugaragu ku bantu banyuranye. Bityo nkuko Pawulo abivuga“mwakirane ibibaremerera, kugirango abe ariko musohoza amategekoya Kristo” (Abagal 6:2).

Ntuzacikwe n’igice cya nyuma