Nta kintu kibi kandi kibabaza nko kubona abantu bajya mu rusengero nkabajya muri Tagisi/ Rev Antoine RUTAYISIRE

Aya ni amwe mu magambo Rev Pastor Antoine yabwiye abakirisito bari baje gusenga, yagarutse ku mpamvu ishobora gutuma abantu bajya mu nzu y’Imana iko bagiye akaba ariko bagaruka.

Yagize ati “Ntakintu kibi, nta kintu kibabaza nko kubona bantu baza imbere y’Imana bakamera nk’abagiye muri tagisi(tax). Kera hari za tagisi wagendagamo ugasanga handitse ngo passage?(umugenzi) ntiwibagirwe umuzigo wawe. Ukagenda ukicaramo wahaguruka bakakwibutsa ngo passage ntusige umuzigo wawe.”

Yakomeje avugako atari uko byari bikwiriye kumera muri Yesu kuko ariho honyine abantu baturira imitwaro, yavuze ati “Muri Yesu rero si uko bikorwa we arakubwira ngo passage (umugenzi)ntusubiraneyo uwo muzigo wawe, turuhukira muri Yesu.”

Yavuzeko iyo kera Yesu yagendaga mu masinagogi n’ahandi , abantu babaga bamuhanze amaso bategerejeko agiye gukora ikintu gishya n’abafarisayo n’abanditsi n’abakuru b’amasinagogi babaga bamucunga bavuga ngo ubwo Yesu yaje aha ngaha, uraza kubona akijije umuntu.

Yavuze ko akumbihe ibihe byo kubona Yesu ahindura ibintu nkuko yakoraga kera, ati “Njyewe rero nkumbuye ibyo bihe. Kuki abantu baza barwaye bagataha barwaye, kuki baza baremerewe bagataha baremerewe, bakaza bacigatiye ibyaha bakabitahana , niwe wahindutse cyangwa ni twebwe ?”

Umva ijambo ry’Imana rirambuye