Nigute twakwirinda gufata ibyemezo byaduta mu mitego?


Ubuzima tubayemo bwa buri munsi akenshi budusaba amahitamo, duhitamo igihe tubyukira, icyo turi bukore nyuma yo kubyuka ndetse nicyo dukora nyuma yo gukora icyo twakoze tukibyuka gutyo gutyo. Guhitamo birakomeza kugeza igihe umuntu asubiriye kuryama kandi nabyo burya ni amahitamo umuntu ashatse yabireka. Ninako rero bikomeza kugera ufashe ibindi byemezo cyangwa gahunda y’umunsi ukurikira.

Tumenyeko buri munsi dukora amahitamo arenga ibihumbi, mbese murumva tudakeneye inama kugirango turusheho kunoza neza ibyemezo cyangwa amahitamo dufatira ubuzima bwacu? Yego nibyo turabikeneye kandi bibiliya ishobora kubidufashamo, reka turebe icyo Bibiliya rero ibivugaho Bibiliya iraduha umurongo w’uzima ushobora kudufasha gukora amahitamo mazima adatera kwicuza umwanya ku wundi.

Ibyanditswe byera byose byahumetswe n’Imana kandi bigira umumaro wo kwigisha umuntu, no kumwemeza ibyaha bye no kumutunganya, no kumuhanira gukiranuka kugira ngo umuntu w’Imana abe ashyitse, afite ibimukwiriye byose ngo akore imirimo myiza yose. 2Timoteyo3:16-17

Birashoboka ko harubwo wumva ukeneye uwundi muntu wo kubigufasha mo ariko bibiliya itubwira ko kwitondera ibyo Imana idusaba no kugendera mu nzira itunganye biyobora no mugufata ibyemezo bimwe na bimwe dufata mu buzima.

Umusore azeza inzira ye ate? Azayejesha kuyitondera nk’uko ijambo ryawe ritegeka. Zaburi 119:9

Bibiliya itunganirijwe kuyobora umuntu wese uyisoma akumva yarangira akayitondera. Ibyanditswemo byose byandikijishijwe n’Imana ngo bizajye bidufasha mu buzima bwacu bwa buri munsi.

Nigute twakwirinda gufata ibyemezo byaduta mu mitego?

Kugirango ukomeze guhitamo neza buri gihe, hano hari ibintu bibiliya itubwira bishobora nanone kudufasha

1. Kuzirikana amategeko y’Imana

Mwana wanjye ntukibagirwe ibyigisho byanjye, Ahubwo umutima wawe ukomeze amategeko yanjye, Kuko bizakungurira imyaka myinshi y’ubugingo bwawe, Ukazarama ndetse ukagira n’amahoro. Imbabazi n’umurava bye kukuvaho, Ubyambare mu ijosi, Ubyandike ku nkingi z’umutima wawe. Ni bwo uzagira umugisha n’ubwenge nyakuri, Mu maso y’Imana n’abantu. Imigani 3:1-4

Iri bwiriza rirumvikana rwose. Buri gihe tuba tugoma kuzirikana Ibyo Imana ivuga mw’ijambo ryayo tukabigumana mu mutima no mu bwenge. Kubika amategeko y”Imana mu mutima ni ubutunzi bw’agaciro n’inyungu nyinshi k’ubikora, mbese ibyemezo dufata bigomba kuba bifite aho bihuriye n’ijambo ry’Imana.

2. Kwiragiza Imana buri gihe

Wiringire Uwiteka n’umutima wawe wose, We kwishingikiriza ku buhanga bwawe. Uhore umwemera mu migendere yawe yose, Na we azajya akuyobora inzira unyuramo. Imigani 3:5-6

Mugihe rero dufata imyanzuro cyangwa se ibyemezo dukwiriye kumenya ko Imana izi aho tuba inzira tunyuramo ndetse n’imigambi yacu rero tugomba kubanza kumenya neza ko biri mu mugambi w’Imana cyangwa ko bihuye n’ibyo Imana ishaka cyangwa nanone ko bihuye n’ijambo ry’Imana. Kubigenza gutyo nibyo byiza birinda kugwa mu mitego

2. Gutinya Imana

Uhore umwemera mu migendere yawe yose, Na we azajya akuyobora inzira unyuramo. Ntiwishime ubwenge bwawe, Ujye wubaha Uwiteka kandi uve mu byaha. Bizatera umubiri wawe kuba mutaraga, Ukagira imisokoro mu magufwa yawe. Imigani 3:6-8

Nkuko tubibonye gutinya uwiteka bidufasha no gukora ibyo ashaka tugakora ibikwiriye bidatera kwicuza.

Benedata ndabinginga ngo twemere Imana itubere umuyobozi idufashe mu byemezo n’imyanzuro dufata bya buri munsi buzima bwacu, kuko dukeneye ijambo ry’Imana ngo hato tutayoba ahubwo dukomeze kwitondera ibyo Imana idutegeka dukora n’ibyo ishaka ngo hato tutagwa mu moshya.

Imana ibahe umugisha.

[email protected]