Ni ibiki bikwiriye kuranga umuyobozi mwiza?

Ni gute wabasha kuba umuyobozi mwiza?
Nyuma y’ubushakashatsi bwakozwe byaragaragaye ko iki kibazo kibazwa na benshi ndetse ko benshi bifuza kumenya no gusobanukirwa imico imyitwarire cyangwa imimerere ikwiriye umuyobozi mwiza.

Agakiza.org twagukusanirije iby’ingenzi byagufasha kuba umuyobozi mwiza w’indakemwa kandi ubereye.

Umuyobozi w’umunyakuri, w’umuhanga kandi ufasha abandi kugera ku ntego, nkuko umu filozofe (Psychologist) ndetse n’impuguke mu miyoborere Ronald E.Riggio abivuga uyu niwe wa nyawe ariko hariho n’izindi ndangagaciro nyinshi zimwe muri zo tugiye kuzibabwira.

1. Kubanza kwimenya


Agomba kwisobanukirwa neza

Uku kwimenya kurajyana no gusobanukirwa neza neza imiterere yawe ukamenya aho imbaraga zawe ziri naho intege nke zawe ziri,
urugero: ngira umujinya ngatuka abo nyobora, ndakererwa, singira kwihangana …
ibi byose hamwe n’ibindi ugomba kubanza kubimenya mbere hanyuma wowe ubwawe ukanafata iya mbere ukabishakira ibisubizo
urugero: Niba ugira umujinya ugatukana noneho ubutaha nugira umujinya aho kugira ngo utukane ujye ugerageza guceceka cyangwa wimuke uve aho uri wenda uragaruka byahindutse urebe ko bitazatanga umusaruro n’ibindi n’ibindi. Sibyiza rero kugaragariza intege nke zawe mu maso y’abo uyobora byagutesha agaciro.

2. Kuba ikitegererezo


Ni ikitegererezo mubyo akora

Umuyobozi ukwiriye agomba kuba ikitegererezo mu byo avuga n’ibyo akora ntabe nka wawundi ngo mwumve ibyo mvuga ntimurebe ibyo nkora. Ibyiza ni ugukora neza kuruta kubivuga mbese agomba guhora ari wa wundi umuntu wese yifuza kumera nkawe.

3. Gukunda abo ayobora


Akunda abo ayobora

Udakunda abo uyobora byanakugora kubayoborana ubugwaneza, hari ubwo bizaba ngombwa ko ufata ibyemezo mbese wafata ibyemezo binoze kubantu udakunda hari ubwo wasanga ubakandamiza cyangwa ukabababaza kuko utabakunda, ariko niba koko ubakunda bizasaba ko rimwe na rimwe yishyira mu mwanya wabo hanyuma niba ari imyanzuro wabafatiye uvuge uti “arinjye?” Ibi bizatuma muba incuti bityo bakugirire ikizere kuko baziko utari umwanzi wabo nubwo ubayobora.

4. Kumva no kumenya kuvugana ineza


Kumenya gutega amatwi

Gutega amatwi abo ayobora ni intwaro ikomeye yo kwigarurira imitima yabo hanyuma rero yajya no kubasubiza ntabahutaze akabasubizanya ineza, urugero niba ari mukazi ntagire uyu muco wo kumva no kumenya kuvuga neza bizatuma hari amakosa amwe akorerwa mukazi niba hari uwayabonye yicecekere kuko azi neza ko bishobora ahubwo kumugiraho ingaruka.
Ikindi iyo utega amatwi ubasha no kumeya ibitagenda neza hanyuma mugafatanyiriza hamwe n’abo uyobora kubishakira umuti mbese ntibaguhima murumvikana.

5. Kugira imyitwarire mizima itarimo amanyanga

Umuyobozi ukwiriye yirinda amanyanga no kuriganga mbese akwiye kugerageza kwitwararika muri byose kugira ngo umunsi azahagarara atanga amabwiriza nawe atazagira abamunenga cyangwa bakaba bamusuzugura bitewe n’uko nawe ibyo asaba abandi atabyujuje. Reko umuyobozi mwiza agomba kugira imico itarimo amakorosi.

6. Kumenya gutera imbaraga abo ayobora murwego rwo gutanga umusaruro


Ntajya acika intege

Umuyobozi mwiza agomba kuba umunyembaraga agahora azitera nabo ayobora mbese atari umunebwe kandi adacika intege, akamenya kubatega amatwi akumva ibitekerezo byabo ayobora ntabisubize inyuma bituma bisanga bamwubaha kandi bakamwumvira mubyo abasaba gukora.

7. Gushimira abakoze neza no gutanga ibihembo mu gihe ari ngombwa


amenya gushimira abakoze neza

Kwita kubo ayobora byaba ngombwa abakoze neza akabashimira ndetse byashoboka akabashakira n’ibihembo, biri mu bifasha abakozi guhorana akanyamuneza ndetse no kumva ko bagomba gukomeza gukorana umurava.

8. Kugerageza ibishya

ahora ashakisha udushya

Hariho igihe bizaba ngombwa ko atanga imikoro (Devoirs) ku kintu runaka hanyuma bakazana ibyo bagezeho nabyo bifasha kugira ngo abo ayobora bahore bibona mu mwuka w’ibyo bakora ndetse babikunde, ikindi kandi sibyiza guhora mu bintu bimwe habaho abantu birambira, agerageza gushaka ibishya mbese agomba kuba umuyobozi uhorana udushya kdi twiza kuburyo buri wese ahorana amatsiko noneho y’icyo yazanye, bituma batamurambirwa kandi bagahora bashishikariye kumwumva no kumwumvira.

Nyuma y’ibi byose ariko umuyobozi mwiza agomba kuba akunda Imana kandi ayizera bituma ahora agirira neza abo ayobora atabahutaza kandi akabacira bugufi ntiyumve ko ari uw’igitangaza kabone nubwo abo ayobora ariko baba bamubona.

[email protected]