Ni gute wakuzuza umuhamagaro wawe mu kazi ukora?

Abakristo benshi bagerageza kuzuza imihamagaro bahawe n’Imana, bagatanga igihe n’amafaranga kugirango ubutumwa bukorwe mu nsengero ariko ntibamenye ko mu kazi kose bakora bagomba kubwiriza ubutumwa bwiza bwa Yesu Kristo.

Muri iyi nkuru turarebera hamwe uko ushobora kuzuza icyo wahamagariwe n’ Imana no mu gihe ufite indi mirimo ukora.
Abakristo benshi bakora amakosa akomeye yo kumva umuhamagaro wo kubwiriza ubutumwa bwiza ari ikintu gihabwa gusa abayobozi b’amatorero n’abavugabutumwa. Batekerezako iyo umuntu ahamagawe, igihe cye cyose kiba icyo kubwiriza ubutumwa, bakaba mu rusengero.

Abakristo bamwe bananirwa gukorera Imana aho bari hose bakumva gukorera Imana bivuze guhagarara imbere y’abantu cyangwa kuba ufite insengero nini ubwiriza, ariko bivuze ko ugomba gukorera Imana mu buryo bwose bushoboka atari kumara igihe mu rusengero wigisha.

“Ibyo mukora byose mubikore mubikuye ku mutima, nk’abakorera Shobuja mukuru badakorera abantu, muzi yuko muzagororerwa na we muhawe wa murage, kuko mukorera Shobuja mukuru Kristo.”(Abakolosayi 3:23-24)
Nshuti, nk’abakristo, umuhamagaro w’ibanze ni ugukurikira Imana. Tugomba guhinduka tugasa nka Kristo kuko ni cyo Imana idushakaho.

Aha hari uburyo bwagufasha kuzuza umuhamagaro wawe ugasa na Kristo mu kazi kose ukora.

1.Bwiriza ubutumwa bwiza abo mukorana

Mbere na mbere , bwiriza kandi usangize ubutumwa bwiza abo mukorera hamwe. Bashobora gutungurwa ariko ibyo ntacyo bitwaye, icyiza nuko bakumva ubwo butumwa bwiza bakagira amahirwe yo gukizwa.

2.Ba umukristo ukuze aho ukorera

Niba umukristo yitwa ko asa na Kristo, agomba kubanza gukura agasa nawe no mubo mukorana.
Aho ukorera hakwiye kuba ahantu heza ho gukurira no kwitoza ibyo Umwami Yesu yavuze , ukabasha no kwera imbuto z’Umwuka Wera( Abagalatiya5:22-23)

3.Zirikana ko ukwiye gukorera Imana aho uri hose

Menyako aho turi hose twahamagariwe gukorera Imana. Gukorera Imana ntibisobanuyeko umara igihe cyawe cyose ubwiriza ubutumwa ahubwo ni ukuba umucyo w’isi aho uri hose.

“Muri umucyo w’isi. Umudugudu wubatswe ku mpinga y’umusozi ntubasha kwihisha. Nta bakongeza itabaza ngo baritwikirize intonga, ahubwo barishyira ku gitereko cyaryo rikamurikira abari mu nzu bose. Abe ari ko umucyo wanyu ubonekera imbere y’abantu, kugira ngo babone imirimo yanyu myiza, bahereko bahimbaze So wo mu ijuru.”(Matayo5:14-16)

Imana idushoboze gukora icyo idushakaho mu izina rya Yesu!

[email protected]